天園餃子 (已結業)

黃店。星期日晏晝一點左右黎到買外賣，見到裏面仲有啲位。之前都食過幾次，唔太鍾意個麵，所以今次淨係嗌左十隻白胡椒豬肉湯餃。38蚊，外賣再加兩蚊。價錢同份量都係正常水平。一樣係十隻，同百x雲集價錢岩岩好一樣，相比起來就百貨應百客，應該呢間水平會穩定啲。餃子之外有一舊蘿蔔加埋湯底，湯底算係幾鮮甜。不過如果做麵嘅湯底就淡左小小，都係我無嗌麵嘅其中一個原因。白胡椒餃子出面好少見，食過一次之後就無打算試餐牌上其他餃子了。胡椒味夠、豬肉爽，餃子略細隻，不過係好食的。如果唔係好肚餓個話係好嘅選擇。

以前喺牛頭角返工都未見有呢間舖，直到最近嚟返附近先發現轉咗間餃子店，繼至愛嘅米線後，餃子係我第二喜愛食嘅嘢，當然知道將會去牛頭角之後，緊係唔會放過試吓呢間餃子店嘅機會啦！基本上我同Honey食飯，我話食咩佢都話好，咁我就早一晚話定佢知我要食餃子，於是大家收工後就直接過嚟牛頭角。好彩嚟到時啱啱有人埋單，所以就唔使等位。睇完一輪餐牌後，決定點一款湯餃一款炸餃同一D小食，包括：- 西洋菜餃改酸辣湯- 炸黑椒雜菌xx（唔記得個全名）- 炸豆腐- 雞絲粉皮兩款餃子味道各有特色，西洋菜餃味道鮮甜，西洋菜亦好新鮮；而炸餃味道出面未食過，黑椒味濃而菇亦爽口，亦炸到好香脆。豆腐炸粉夠薄，豆腐夠嫩係唯一個雞絲粉皮無咩特別，可以唔使叫都得。兩個人食埋單都係$178

本人餃子控，食過好多間唔同嘅餃子，能夠喺觀塘食到33蚊十隻餃子，實在係非常抵食！嗌咗西洋菜豬肉餃子，味道係屋企煮嘅感覺，唔會太濃味，食得不過太忘形唔記得影相😂 

天園餃子除了餃子外，仲有飯、麵及各式小食，都幾多款式選擇。韭菜豬肉湯餃套餐配雞絲粉皮($54)餃子皮薄，菜肉比例剛剛好，湯底不是味精湯、清甜好飲。套餐配了雞絲粉皮，味道較清淡，如果醬汁濃味啲會更好。豬軟骨豬手飯 ($55)豬軟骨及豬手不是好軟腍果種，是有咬口的，我本人比較喜歡有咬口覺得剛剛好。廚師推介雞翼盛宴 ($65)雞翼有4款口味，有醉雞翼、鹵水雞翼、煎雞翼及炸雞翼，每款兩隻。醉雞翼較重藥膳味，鹵水雞翼正常，煎雞翼可以再煎得香啲，炸雞翼炸得香脆。一次過可試晒4款口味，不錯。良心街坊小店要加油！

一直都好鍾意食餃子，再加上女朋友對湯餃寵愛有加，成日都會不斷搵新既餃子店試，原來係返工既觀塘區都有餃子店。呢間餃子店原本有觀塘、土瓜灣兩間分店，最近仲係旺角通菜街開左新分店，主打唔同口味而且特別既餃子，例如蕃茄雞蛋素肉餃、紹菜豬肉餃等，餃子仲要係好似雲吞既包法，都有唔同麵食同小食，價錢親民，岩哂觀塘街坊。觀塘店其實都只係開左一年，不過我成日唔係隧道另一邊搵食，所以開左新店都唔知。店鋪係宜安街街市附近，係裕民坊個頭再上斜就到。晏就12點9黎到，都已經差唔多FULL哂，不過好彩唔駛等入到，到食完1點幾其實都見到有空位。店面唔算大，不過坐位唔迫，幾乾淨，裝飾除左有大量文宣，仲有壁畫同連儂牆，絕對夠哂黃金。睇Menu，湯餃同煎餃都分別有9款，有得揀5隻、10隻，除左單點仲有餃子套餐，仲有唔同既小食同麵飯好似鹽酥雞扒、椒鹽豆腐、椒鹽雞翼、肉燥飯等。-重量級雙拼餃子 💰54重量級餃子有10隻湯餃，餃子可以加錢揀雙拼，而且配一款小食，份量多幾抵食，湯方面可以加錢轉酸辣湯。-1️⃣ 蕃茄雞蛋素肉餃（👅: 8/10）呢度嘅餃子皮好似雲吞包法，非常之薄，而且好通透好滑，同傳統煙韌嘅餃子皮唔同，不過唔係嗰個人食

平日夜晚喺觀塘搵嘢食，想食清淡啲就揀咗呢度食水餃。兩個人想試多啲款，就兩個都叫咗雙拼，試齊韮菜，芹菜，冬菇同胡椒豬肉餃，另外套餐加咗個口水雞捲同菜心。先嚟咗個口水雞捲，係冇骨，味道夠唔太辣，就算套餐包半份份量都唔少，有四五件，相當抵食！跟住到水餃，每款都好好食，我見好多人都鍾意食胡椒嗰款，但對我嚟講太辣，下次都係揀返其他款，其他菜款水餃我都好鍾意，特別係芹菜好香。兩個餐加多個豆腐都只係百一蚊，超級抵食，會再嚟。

呢間餃子舖好有特色，無論係水餃定小食，同坊間嘅餐廳都好唔一樣，而且餐廳燈光鮮明，非常乾淨，係牛頭角少見嘅餐廳，令人食得好舒服。見到佢有好多唔同嘅特色水餃，所以就試吓胡椒香菇豬肉水餃，坊間少見。一入口就已經好香胡椒味，香菇用上雞脾菇，彈牙有咬口，而水餃皮都好薄。麻辣雞捲好好食，香麻辛辣而不嗆，而且係凍食，夏天食最啱。雞捲用上雞脾肉，好嫩滑，配上麻辣醬真係好夾。雖然套餐係半份，但份量都有五大舊，絕不欺塲。

抵食餃子套餐 必食香煎大大塊雞扒！﹣﹣﹣﹣﹣﹣﹣﹣﹣﹣﹣﹣﹣﹣﹣﹣作為一個餃fans都留意咗呢間餃子店好耐，自告奮勇去買外賣，係裕民坊仲要上斜路先到，攰死。建議apm至海濱個邊返工嘅人都係嗌外賣算🤣● 重量級餃子套餐10隻韭菜豬肉餃 + 椒鹽茄子 $48餃子係雲吞個種包法，真係細細粒容易食，皮滑餡靚，韭味好濃配返個湯清清地就剛好～套餐可以配唔同款嘅小食，唔使嗌麵可以凈食餸，椒鹽茄子外脆內juicy，炸皮好似天婦羅咁薄薄一層，加埋惹味椒鹽，十分正！○ 輕量級餃子套餐5隻紹菜豬肉餃 + 香煎大大塊雞扒 $45我嗌咗5隻先發現。。。應該唔夠我食，嗌10隻都一定食得晒😬 好彩有塊大大雞扒搭夠，我影到成舊叉燒咁🥢煎雞扒非常出色，外皮脆到好似食燒肉咁咬開有聲，中間厚肉而且有肉汁！好少見紹菜餃就試試佢，紹菜同豬肉餡係特別清甜，冇韭咁重口味但都好食😙● 蔥油雞扒蛋飯 $42嗌飯仲抵食，係附近可以日日食個種，不過我下次都係會試返餃，試晒啲餃為止🤪﹣﹣﹣﹣﹣﹣﹣﹣﹣﹣﹣﹣﹣﹣﹣﹣天園餃子觀塘宜安街19號地舖

嚟到附近又要食快飯，首選「天園」多人又未坐滿，啱啱好有得食兩個人嗌咗兩個餐加一個小食套餐可以揀5隻或10隻，好細心先嚟小食：麻辣口水雞雞肉無雪味，有咬口，不過無咩調味，只可以靠口水雞汁增添色彩麻辣雲耳海蜇爽口彈牙（海蜇係咪用彈牙嚟形容架😆）麻辣汁入曬味👍🏻👍🏻另加一個椒鹽脆豆腐椒鹽豆腐係世界又一偉大發明，好難抗拒呢度嘅豆腐都整得好好，外脆內軟，仲熱辣辣韭菜豬肉炸餃炸完入嚟仲有肉汁，一d都唔乾噌噌椰菜甘筍豬肉餃烚得剛好，仍然有肉汁，無生或硬嘅皮，即係唔係雪藏好耐嘅貨雖然d餃望落細細粒，但粒粒都好飽滿、脹卜卜

1️⃣ 番茄雞蛋素肉餃-輕量級餐 $42 (7/10)🔹 5隻餃子配1款小食第一次聽蕃茄蛋餃子，咁新奇嘅嘢Pooh緊係要試伏🤪 估唔到又幾好食😍 食落真係有少少蕃茄蛋嘅感覺🤤 成個組合好有驚喜💛 雖然係素肉餃，但都幾juicy🥟 黎天園一定要試呢款💕2️⃣ 白胡椒雜菌豬肉餃-輕量級餐 $44 (6/10)🔹 5隻餃子配1款小食佢地嘅湯餃片薄，包法都有啲似雲吞🥸 食得出雜菌份量唔少，好香菌味🍄 不過白胡椒味唔夠，有少少失望🥺3️⃣ 黑椒洋蔥芝士牛肉餃 $36@5 (6/10)哩款得煎嘅，洋蔥同牛肉味都好夠😆 不過黑椒味唔算出，芝士份量亦算多🥺 煎餃同平時嘅唔係好同，唔會好脆😗 感覺湯餃表現好多🙈4️⃣ 香煎雞扒撈麵 $48 (7/10)本身諗住淨係食餃子🥟 點知朋友見到隔離枱個雞扒好靚，忍唔住叫埋🤣 雞扒好靚仔，雞皮好脆唔熱氣😚 雞肉幾厚又juicy 👍🏻 撈麵有少少肉碎，味道唔錯🤤 重點係份量好多❗️唔食餃子嘅叫哩個都好正💕5️⃣ 麻辣口水雞捲(半份) 跟餐 (6.5/10)幾有驚喜，第一次咁樣食口水雞😮 原來有得咁樣用雞捲方式😳 雞肉比較實但完全唔鞋🐔 第一啖咬落食唔到辣

原來天園開左黎觀塘一段時間!!!! 所以立即去試下先!!! 入到去坐低，已經有人招呼，好有禮貌!!! **你可以揀用 GOOGLE FORM 或寫紙仔去填寫個人資料!!!** 黎得呢到當然要食餃子啦!!! 本身想食白胡椒豬肉餃，但賣晒了~>.< 下次要再試先得!!! 所以就試左西洋菜豬肉餃(5隻)加口水雞捲($42)、藥膳醉雞翼(4隻)($32)!!! 西洋菜豬肉餃好足料，豬肉都幾大粒，食到個肉質!!! 口水雞捲大推!!!!! 無骨口水雞好正!! 啖啖肉!!! 個口水雞醬都好正 ❤ 藥膳醉雞翼，好重藥膳同酒味!! 又大隻~~~~加分!!! 一定一定會再來幫襯!!!食素既朋友都可以黎食!!!有幾款素餃你揀 ❤💛天園餃子💛 地址: 觀塘宜安街19號地舖 電話: 25033288

天氣熱都想食啲簡單清淡？嘢，今日係附近就特登去咗牛頭角搵到呢間好出名既天園餃子💛見到套餐有分輕量級（5只）同重量級（10只）作為愛餃之人又係lunch就一定選重量級啦🤣揀咗韭菜豬肉餃同芹菜木耳豬肉餃雙拼（加2蚊），跟餐小食口水雞卷，芫荽黨見到有茜又加咗5只炸香茜豬肉餃😍用保溫袋裝住拎返屋企都係溫熱既，裝炸餃個餐盒有個窿可以跑散熱氣keep到個餃脆卜卜👍湯和餃分層擺，雖然餃會痴住少少但倒落去個湯度都可以輕輕分開，個皮都唔會爛👍餃子就唔算好大隻，已經好肚餓既我可以一口一個🤣芹菜木耳豬幾清新，咬到個芹菜粒仲有ASMR😆韭菜豬好濃韭菜味，食得出個料好新鮮，炸茜餃個樣更似餛飩？茜味都夠同埋唔會覺得油，可能10隻既話就會覺得有啲油，5隻就啱啱好😋三款餃子餡料菜肉比同調味我都好滿意，同埋皮都夠薄煮既程度都幾啱👍搭配既豬骨湯入邊有一塊好似關東煮咁厚度既蘿蔔，個湯都好清爽好好飲～口水雞卷好味！雞肉夠嫩滑，麻辣汁夠香夠麻又唔會太辣，係我鍾意既味道😋芹菜木耳豬肉餃 7.5/9韭菜豬肉餃 7.5/9炸香茜豬肉餃 7.5/9口水雞卷 7.5/9OVERALL 7.5/9店內都係黃到發光，最近又開咗旺角分店，希望

而家好多地方食餃子，通常啲皮都好厚！呢間真係做到皮薄餡靚！一班後生仔，個個都好有禮貌，好有誠意！值得支持！繼續努力啊！雞絲粉皮，份量唔係好大，不過有少少麻辣，唔錯椒鹽雞翼！好香脆！做到家鄉雞嘅味道～～餃子若果想雙拼，只需加兩蚊，又可以食到唔同味，唔錯！個人認為西芹豬肉最好食！呢個價錢真係都幾抵！自家製茅根竹蔗，好在唔甜，食到熱辣辣！是需要一杯凍飲的！唯一需要改善嘅係，冷氣唔係好夠，特別係依家天氣咁熱～～

到左晚餐時間但又唔覺肚餓，不過唔食又怕夜啲餓，真係好矛盾呀，所以決定食啲唔太飽肚嘅嘢，餃子就係一個好選擇！喺觀塘唔算太多地方有餃子店，喺openrice搵到呢間評價幾好又未食過，一於去試下！walk-in 唔洗等位就入得，座位之間唔算太逼都舒服嘅。我地點左兩個重量級餃子套餐，啲餃子全部都皮薄饀多仲要50幾蚊係包一個小食，真係好抵食！！最重要係好味韮黃冬菇豬肉餃10隻+小食（雲耳海蜇）$54雲耳同埋海蜇都好爽口，酸酸辣辣好開胃西洋菜素餃10隻+小食（椒鹽茄子）$50個湯係濃濃嘅菇味，啱晒鍾意食菇嘅朋友椒鹽茄子本身諗住會好油，但又唔會喎

星期五8點收工，懷疑人生既時候黎食個晚餐吧🥟💛香茜🐷肉餃麵($40)莞茜真係上天創造既美食🤩個人都幾鐘意食餃子清清地無咁油膩！麵底係上海麵+5隻茜🥟，size唔算好大隻，岀奇地莞茜味都算幾重！感覺上唔係包佐擺係度好耐個啲，幾爽口，而且都好多🐷肉餡皮薄餡靚！麵底味道就正正常常但份量超多超大碗😂食極都有😂下次要再試佢其他餃子💛平民性價比高自家製竹庶茅根($8)佢咁既，菜+竹庶茅根/豆漿就$16，無得就咁叫是但一樣。枝野都幾好飲唔會太甜，仲係細枝裝飲唔曬我仲拎佐返屋企🤣店員都好有禮貌男朋友陪我食無叫野食都無黑面同催我地走👍🏻又有成塊牆💛係觀塘食野又多一個選擇為食指數: 4/5性價比指數: 4/5推介指數: 4/5