天園餃子 (已結業)

呢間餃子舖好有特色，無論係水餃定小食，同坊間嘅餐廳都好唔一樣，而且餐廳燈光鮮明，非常乾淨，係牛頭角少見嘅餐廳，令人食得好舒服。見到佢有好多唔同嘅特色水餃，所以就試吓胡椒香菇豬肉水餃，坊間少見。一入口就已經好香胡椒味，香菇用上雞脾菇，彈牙有咬口，而水餃皮都好薄。麻辣雞捲好好食，香麻辛辣而不嗆，而且係凍食，夏天食最啱。雞捲用上雞脾肉，好嫩滑，配上麻辣醬真係好夾。雖然套餐係半份，但份量都有五大舊，絕不欺塲。