天丼てんや

营业中

休息中

排左一個鐘頭隊，諗住見日日咁多人排隊應該唔錯，點知一食係冇驚喜之餘而且仲有啲失望。我地二人叫左一個巨星，一個海老穴子，2個都係推介，上菜算快，等左幾分鐘就有，但天婦羅就唔係佢所講即叫即製，一食就知係一早已經炸好左就咁放上碗飯，唔熱又唔脆，淡而無味，連點個sauce 都冇。個飯底仲要係白飯，成餐飯都係冇味冇道乾爭爭，乾哽左成碗飯，真係好難食。我唔相信日本既舖頭會整到咁樣，冇啲誠意，收咁既價錢不如過對面食壽司好過，仲衰過出邊任食放題。今次俾你呃得一次入黎，就係一次咁大把。

同蕎麥麵怪出動🍜再戰天丼·🍤天婦羅素麵（湯麵）$78⋯麵好多😰湯頭不錯但麵質唔喜歡🥴好淋.天婦羅還好吧～結論係丼飯較推薦-🍤天婦羅蕎麥麵（$78）大食仔表示岩哂佢口味～蕎麥麵粉絲-🍳半熟蛋（$12）去到邊都要食蛋🤤

晚上經過“天丼”總是人龍長長的排在店外，每次見到人山人海總令我卻步，但其實個心好想飛快入店內品嚐聞名已久的美食天婦羅。星期六早上的起心肝早D起身，希望早些一開門營業沒太多人潮等候，果然11點半到店外沒太多人等了3分鐘就可進店內就坐，店內雖然地方細細，但也乾淨企理，店員落單時也禮貌笑容可恭 我和友人分別點了“蕎麥麵天婦羅”、“海老穴子天丼”， 蕎麥麵麵質爽滑配上醬油湯味道甚匹配，加上天婦羅大虎蝦、蟹柳、四季豆、蓮藕冷熱交感令人回味無窮，鮮甜的蝦配上四季豆、蓮藕的爽脆又是提升味蕾的感覺海老穴子天丼，天婦羅上淋上了味醬，淋上了汁的天婦羅有點淋了，影響了香脆度，但不失鮮味，大虎蝦鮮味大隻蟹柳嫩滑有彈性，香菇內軟外脆好味持別四季豆、蓮藕、南瓜也炸得香脆可口，反而穴子有點淡而無味味道一般，另飯量比較少，但天婦羅大大件加上少許飯已很飽肚 店員服務很好，雖然店外多人排隊，但沒催促顧客離開，反而經常幫客人加茶，值得一讚

晚飯時間經過青衣城，知道有一間新開嘅天婦羅專門店，而且聽講性價比好高，就心郁郁想去試吓～ 去到見到好多人排隊，就立即行咗去排隊先羊群心理嘅我覺得越多人排隊就應該越好食雖然鋪面唔係好大，但流動量都算快，我哋等左45分鐘左右就有位！入到去之後研究左個餐牌一陣，其實款式唔多，不過可以加前菜同炸物，每個餐都附送一碗麵豉湯見到牆上面寫住即叫即炸，而且我哋已經等到好肚餓，所以期待好高華味鳥天丼等左15分鐘左右終於到左啦！可惜唔太新鮮，只係暖暖地，而且炸粉冧咗😥，麵豉湯就略鹹朋友叫咗個海老穴子天丼，外型上好正，份量都好足呢個我都試咗少少，都係唔夠脆，應該都係預先炸定，有啲失望不過講真價錢都唔算貴，埋單每人都係$80左右，算係咁啦！今次食咗當係滿足左自己嘅好奇心

日本知名連鎖天婦羅丼飯店TENYA（天丼てんや）已進駐青衣城三個多月，決定去試一試。由於每次經過都見到大排長龍，為了避免排隊等候，於是於星期三18:00去到，即刻入坐免排隊。點了天婦羅蕎麥麵，落單後都要等五至十分鐘先上菜。有兩隻黑虎蝦、蟹柳、南瓜、蓮藕和四季豆，全部即叫即炸，上枱仍然熱辣香口。炸漿撲得適中，香脆熱辣。

今日第三次終於食到，平日2：30唔駛排隊，即時入坐，order 巨星天丼，天婦羅面鋪滿汁，第一口我係食飯，酱汁香甜度適中，最驚喜係飯，我本身並非飯桶，但係食丼最重要飯， 軟硬適中，有飯香，再加上醬汁😋😋😋，不過我覺得天婦羅有點兒太乾，如果可以另上天婦羅汁🍤🍤會比較好，豆角有點乾，海老🦐🦐結實新鮮， 反而🦑🦑魷魚就炸得非常之好，一句講曬，以$78呢個價錢,真係物超所值，加埋一都係$85👍👍👍

這家天婦羅店一直很火，每次來都大排長龍，起碼要排上一個小時🙈🙈。今天經過終於不用排隊，立即進來試試😄😄環境不錯，食物質素一流，店員態度也很好👍🏼我叫了一個華味鳥天丼，朋友叫了一份天婦羅蕎麥面定食。賣相很好，天婦羅🍤炸得脆脆的，米飯也很香，還有一隻溫泉蛋🥚! 味道很配合😋飯餐贈送面豉湯，味道也不錯份量不算太多，減肥人士也不用擔心太胖。總的來說是很不錯的一家天婦羅店👍🏼👍🏼👍🏼

首先，食物係ok的！問題係座位同座位之間超窄，加上有一個員工vixxxn態度很差，不斷推窄你張枱，好似命令你咁，重有如果你是一個人去的話，你要有心理準備同人撘枱，佢唔會問你座呢到好唔好，令你覺得不被專重！還有佢地要收10%服務費！！！

話說一月果陣去東京旅行 朋友帶左我去試天丼 真係好好食 返到香港先發現原來佢係青衣開左分店 所以襯假期就專程入去試下 去到排左大約15分鐘到就入得 我叫左巨星天丼而朋友就叫左海老穴子天丼  先講巨星天丼有炸蝦 本菇 帶子 魷魚 蟹柳 四季豆同柴菜 一黎到同日本一樣啲天婦羅堆滿左成個碗 天丼嘅天婦羅唔係標榜脆身 但食落一樣香口 配埋佢哋特製嘅醬汁 真係想食多幾碗飯   而朋友既海老穴子天丼 就咁睇都見到條穴子好大 真係一個抵食之選   總括嚟講同一本有八九成相似 依價錢黎到香港都唔算太貴 算係性價比幾高  

青衣城一期地庫新開日本天婦羅開業已兩月，每日午餐晚餐時間總有十幾廿人排隊，今日放工去到已經9點幾，可惜亦要等位20分鐘才可入座。平時很少食天婦羅，無乜心水，故點了推介的華味鳥天丼，巨星天丼。 華味鳥天丼加了半熟日本旦，滑旦加特製醬汁撈飯十分好味，炸華味鳥肉質一般; 巨星天丼只貴十蚊，卻有多樣炸物，有炸虎蝦，本菇，魷魚等, 雖然我不特別喜愛炸物，但天丼炸物很香口，入口無油膩感，炸物不乾身，保持到食品本來口感! 價格不貴，難怪總見咁多人排隊入座呢！

已經晚上八點幾先排隊，都排左九個字，但咁樣排法再加上佢人頭費要成一百蚊，都食唔到日本天婦羅既感覺，係五成都無，所以有小許失望。嗌左一份海老穴子天丼，天婦羅無得另上，上來時已經落曬醬油，所以好快d天掃羅已經唔脆.....另一份揀左天婦羅定食配冷烏冬，會比較推薦呢款，因為食到最後一舊天婦羅都還脆。天婦羅既炸粉唔算厚，但絕對唔係日本個種好薄、會溶既感覺，另外蝦本身亦唔夠鮮味，只有穴子有d驚喜。感覺同係香港高級小小既居酒屋既天婦羅差唔多，除非唔使排隊，否則都唔會encore了。

圖片絕對唔係只供參考😂簡直一模一樣👍🏻雖然排隊排咗30分鐘！係值得嘅👍🏻👍🏻價廉物美！抵食夾大件👍🏻👍🏻難得無加一收費服務😂好新鮮!味道👍🏻👍🏻紫菜香脆！炸蝦唔會好多粉無雪藏味！飯好香！唯一差既係面豉湯好咸服務好好👍🏻👍🏻服務員不斷主動添茶上菜好快！即叫即炸！熱辣辣👍🏻👍🏻環境非常乾淨👍🏻👍🏻但只係座位太少小貼士人齊先可以入座😂可免費加大飯既份量😂

開張到依家都依然勁排長龍，點都要試下，又有同事抵得諗早啲去排隊，我地依啲有食唔食罪大惡極嘅，緊係去試下佢係龍定鳳啦！依日本開到香港，仲頭一月係日本師傅料理，真係有啲期待！為咗唔辜負排左咁耐隊嘅同事，一於叫個貴嘅巨星天丼再加華味鳥，華味鳥即係雞，首先講天丼，因為炸物，除左蝦，我都邊隻係邊隻，所有天婦羅放係熱飯上面再淋上秘製豉油，天婦羅係會有點淋，但依然啲地方脆，整體黎講都好味，但可能期望太高，出黎結果反而無咩特別。我會話唔駛排，都係一個唔錯選擇。如果怕天婦羅淋，可以試下定食配冷麵或烏龍，天婦羅就會分開上，我擇烏龍，加上少少柚子係烏冬面，非常清新，烏冬軟實適中，推介。

環境:岩岩開既天婦羅專門店, 位於青衣城最底一層, mr. Steak 對面. 由於係岩岩新開名氣大同餐廳唔算多位, 夜晚食都要等大約半個鐘. 員工服務都不錯, 而餐廳設計同日本食店一樣, 環境簡單乾淨, 光線十足.食物:天丼招牌菜是天婦羅, 所以每個餐都是天婦羅, 喜歡天婦羅既朋友一定會愛上天丼, 因為好像香港也不是太多天婦羅專門店.天丼天婦羅種類多, 除了炸蝦, 還有炸穴子, 炸帆立貝, 炸魷魚, 炸雞... 主食方面可以揀飯, 撈烏冬或蕎麥麵. 今次我試左佢個巨星天丼, 入面有炸紫菜, 炸蝦, 炸魷魚, 炸帆立貝, 炸四季豆, 炸菇, 炸蟹柳全部各一個. 全部天婦羅都好好味, 我自己就推介炸帆立貝和炸魷魚要試. 第一次試天婦羅帆立貝, 本來都冇期望, 但食過真係覺得都幾好食, 雖然係炸, 但帆立貝都仲係好嫩滑同鮮甜. 炸紫菜都唔錯, 整體而言同日本食到既天婦羅差唔多, 係日本正宗既天婦羅味道.價錢:雖然是日本過江龍, 但價錢相當親民, 每個餐大約$50-$80, 最平$49都有. 呢個巨星天丼都係$75, 以質素來說呢個價錢相當抵食.

青衣城新開張的日本天婦羅店,店舖位置雖然隱蔽,但還未到晚飯時間都吸引左一大班食客排隊準備入座。.店舖雖小，但相當有效率從點餐到發送食物過程只需5分鐘，店舖還有日本師傅在場監督。而且食材均由日本直接進口，令消費者對食物質素都相當放心。.點左餐牌上推薦的華味鳥天丼，華味鳥即為日本九州養殖場所養的雞隻，美味自然又健康。.雞肉 外脆內滑 份量十足雞肉丸 肉丸較結實 有口感👍🏻蔬菜類就以天婦羅最得我歡心，非常爽脆且新鮮。四季豆 👍🏻👍🏻差不多每個天丼都有的四季豆 薄薄炸粉與四季豆十分配合日本半熟溫泉蛋，蛋黃較橙，配豉油一起進食👍🏻.整體而言，天丼的炸物比一般炸物唔同，不會太油膩，食完覺得有剛剛好，不多也不少😄