天丼てんや

营业中

休息中

🚩青衣🍤天丼Tenya-新開嘅日本連鎖天婦羅專門店係青衣城開張, 完全為青衣呢個美食地獄增添一點生氣😭因為巧遇朋友, 所以免除咗45分鐘排隊過程, 然後入到餐廳都要等20分鐘, 因為佢嘅天婦羅係即叫即炸🤪不過佢出名價錢親民, 最平$49已經可以食到一個天婦羅丼!!-🚩天婦羅定食 $78天婦羅定食包括炸蝦2條, 1片南瓜, 1片蓮藕, 2條四季豆同1條蟹柳, 可以自選要飯/蕎麥面/湯麵/烏冬, 天婦羅即叫即炸, 熱辣辣脆卜卜, 炸粉啱啱好唔會過厚, 而且冇油液味. 平時我唔太鍾意食炸嘢都喜歡😚蕎麥面偏軟身,係我喜歡嘅硬度, 而且熱湯嘅蕎麥麵加咗胡椒同柚子, 令佢湯底更有味道, 令我諗起日本食嘅定食!!!-店員好親切, 成日撩客人傾計, 幾加分🤪食物係幾好, 但就唔值得等咁耐..所以我係會等佢過咗氣先再食😚始終青衣都真係冇乜嘢食🤦🏻‍♀️-🚩舔舔脷：7/10🚩價錢💰：7/10🚩回頭度：7.5/10

估唔到青衣都會開天丼呀,係日本係出名既天婦羅丼飯店,不過我係日本就未試過,見今日都得閒就諗住去排下隊,個位都算易搵,係B1樓,一落扶手電梯就見到啦,諗住6:30去到唔使排好耐啦,點知已經排左3,40人啦,咁好彩我都未肚餓姐.以為會好快到啦,點知我最後都7:45先入到去呀,我叫左個海老穴子天丼,凈係要湯就夠啦,一黎到,D天婦羅真係好多好足料,有黑虎蝦,穴子,本菇,蟹柳,南瓜,四季豆,紫菜!呢度有樣好既係天婦羅汁係放係枱上面,咁就唔驚覺得天婦羅乾而要問佢拎。穴子天婦羅真係好長又厚架,好足料呀,不過食到最後覺得好滯,下次會想試下其他天婦羅,但整體黎講都好食既,如果下次無咁多人會再食!

見平時大排長龍都不解釋見今日人唔算多，可能星期一掛，就一於排隊試下啦又唔算排得耐，爸爸負責排，我同小朋友去完洗手間返嚟已經差唔多入得，都算快係門口影定幾張相諗定食咩先入去坐低，職員會遞上麥茶，其實都幾好飲，我令願飲茶都好過加錢飲嘢天婦羅蕎麥麵定食呢個見餐牌話係推薦嘅天婦羅食材全部都好靚好足料蟹柳係一絲絲的，唔係麵粉頭蝦就唔駛講，正，虎蝦蔬菜配料都好好食略嫌蝦個粉漿厚咗少少，其他都ok嘅天婦羅烏冬定食同上面個set係一樣，只係蕎麥麵轉咗做烏冬，烏冬係日本讚岐烏冬，夠彈口我平時愛食烏冬都覺得蕎麥麵好食d，難怪餐牌都推薦蕎麥麵海老穴子天丼穴子超正職員超好咁問要唔要碗仔，可以將d天婦羅拎出嚟再食飯，好細心總括嚟講，係超值得排隊食嘅話就話打正旗號係日本開過嚟嘅香港第一間店，但價錢唔算貴值得一提就係職員服務真係好好，唔止一個半個，係全體員工都好有禮貌同笑容

聞名日本既平價天婦羅終於黎到香港👅真係期待左好耐🤩星期日夜晚8點人龍都去到店尾不過流轉量算快2個人等左大約20分鐘就輪lu😉整體食物性價比高😜1份1人量岩岩好，食完都唔覺邪惡呀😈！1. 🍤天婦羅蕎麥麵（冷）$78 （9/10）有炸蝦x2，四季豆x2，長蟹柳，南瓜，蓮藕炸蝦最出色，食到蝦肉彈牙，其餘天婦羅脆漿薄身，食物脆口有口感，有原味，唔油膩。冷麵鋪左涼竹席上，有蔥同wasabi，可放落soba汁入面攪勻，將麵條放落soba汁，好似沾麵食法，食落每條麵麵有汁，涼浸浸，麵質彈牙🤩食完麵仲可以飲返啖soba汁呀！2.海老穴子天丼$82 (8/10)🍱有黑虎蝦，穴子，本菇，蟹柳，南瓜，四季豆，紫菜最出色係穴子😋大條鬆脆，食到多多魚肉，炸炸到唔會話好厚實，反而係岩岩好，食到天婦羅脆之餘又有魚肉😋 飯應該係用日本米，扁身黏實，不過飯量就較少🥺另外，加左$12溫泉蛋，不過不失，d蛋液撈落飯簡直一流🤩

呢間天丼想試左好耐，見佢無時無刻都大排長龍而放棄，今晚九點經過又未食飯，條隊得幾個人，機會黎啦飛雲！我地等左約十五分鐘入到去，落埋單已經九點半啦，牆壁上貼著告示「即叫即做要二十分鐘」。等等足二十分鐘卒之有野食啦！天婦羅喬麥冷麵（$78）冷麵鋪在竹蓆上，襯個soba汁同wasabi，食落涼浸浸。主角天婦羅脆漿好薄，口感偏腍，同一般出面食到的天婦羅唔同。有海老、野菜等等，$78有咁嘅水準，難怪日日大排長龍。巨星天丼（$78）巨星天丼可以試勻多款天婦羅：黑虎蝦、本菇、尤魚、帆立貝、蟹柳、四季豆、紫菜。可惜唔知係咪因爲臨收鋪關係，各式天婦羅都不熱、只是微暖，沒有驚為天人的感覺，有點失望！

人龍仍然長到嘔🥶日本天婦羅專門店果然利害～價錢好抵食，份量適中，但我爸一個人食左2碗😂😂😂·🐔華味鳥天丼（$68）華味雞肉；雞肉丸；蓮藕；四季豆🥰我其實唔鍾意天婦羅既😂但呢個雞肉竟然炸完都仍然keep到嫩滑👍🏻唔會好乾！但係丼飯既溫度要改善下～如果可以熱d會好好多！🍤巨星天丼（$78）大總匯💓蟹柳🦀，🦐老虎蝦，🦑魷魚，帆立貝🤪

青衣城地下翻新了好幾個月，商店陸續開幕，其中一家令人期待的，就是第一次打入香港、專門做天婦羅的日本過江龍－天丼 Tenya。 開業不久已忍不住要前往嚐新，平日晚上八時多來到等了個多小時才能入座，還不是取票制要在門外排隊，頗為不便。丼飯四十多塊起跳，可追加不同海鮮肉類素菜等，豐儉由人。 天婦羅蕎麥麵(冷) $78天婦羅包括兩隻黑虎蝦、蟹柳、南瓜、蓮藕和四季豆，雖然是即點即炸，但整體未算十分脆口；意想不到的是其蔬菜十分鮮甜，彈牙的蕎麥麵也正好沖淡油炸食物的膩感。 每人八十元左右便能落樓，商場價錢來說算相宜，不過食物就沒有令人留下深刻印象，不用排隊的話可以一試。

🥢青衣食日本過江龍人氣天丼🥢相信去過日本都不會陌生，喜歡吃天婦羅的朋友有福了！日本知名連鎖天婦羅丼飯店TENYA（天丼てんや）最平$49就食到天婦羅丼飯，每款丼飯都會送麵豉湯🥢天丼配麵豉湯 $49 加一服務費(黑虎蝦 魷魚 鱚魚 南瓜 四季豆）用上青森米配上日本醬油廠提供的醬汁🥢虎蝦炸得鬆軟可口，魷魚軟滑淋身，鱚魚是整條上無骨的，南瓜四季豆乾身炸漿少比較少，飯份量得很少，醬汁太多蓋過了飯本身香味，份量少下午茶食只覺得剛剛好🥢豆腐雪糕 配炸甜薯紅豆粒 $18 加一服務費清新豆腐口味，雪糕很硬，而且覺得跟炸甜薯不夾🥢等侯時間  平日下午茶時間等候大約17 分鐘，尚可接受，而且一人人來吃不需要打對面搭檯🥢服務店員都是目無表情的，在打正旗號日本過江龍餐廳是覺得有點落差，而且店舖已運行了差不多一個月還會出現落錯單送錯單，可見訓練不足🥢有位無著制服的香港女士， 應該是老闆娘，會跟客人傾計及帶位，但只限某檯投訴客人及老人家，無視其他其他食客及忙爆的員工，其他食客都想有咁嘅招待，員工忙到咁，應該去幫手，而不是同某兩檯客吹水，如果呢位香港女士是老闆，這種不專業實在有破

係日本有好多分店既天丼終於進軍香港 出名平靚正既天婦羅🍤 最平既丼只係$49 我地當然要食下啦 不過假日去食lunch要預等1個鐘左右😣本身好想食烏冬 不過爭紮左好耐都係覺得天婦羅配飯會好食d😂 我就試左巨星天丼 入面有黑虎蝦 本菇 魷魚 青森縣帆立貝 蟹柳 四季豆 紫菜 超豐富😍 黑虎蝦幾彈牙 本菇都好特別 幾好食 只係略嫌炸物唔夠熱🙈👦🏻就試左海老穴子天丼 最大既分別在於有一條幾大條既穴子 即是鰻魚既一個品種 食落肉質都幾滑 微微既鰻魚味 不過我都係鐘意食燒鰻魚多d😛另外加左$9要左一份前菜 一共有3款 本菇沙律 牛蒡 醃蘿蔔 全部酸酸甜甜好開胃 本菇同蘿蔔都好好食 不過牛蒡就太濃味 唔太識欣賞🙊

自從開業至今，日日人潮不絕，平日午後也經常有十多人。今日經過見寥寥可數，決定一試。等候大約十五分鐘終於可入座，初時店員安排搭枱，其後疑似店長前來安排分座。店內張貼告示，天婦羅即叫即煮，需時約二十分鐘。滿心期待，一嚐期待已久的定食。第一杯熱茶，淡如清水；員工落單又遺漏，心已涼已一截。幸好，第二杯熱茶，回復正常，有色有味。天婦羅不覺油膩，但就不爽脆，而且溫度不熱，很快已變凍涼。華味鳥（雞肉）軟綿綿，我覺得是雞胸，但口感非常好，配汁味道也不錯。四季豆也新鮮，可惜海鮮一點也不鮮甜。蝦，蟹肉，凡立貝一點也不美味，加上天婦羅汁也是平平無奇。食了第一口烏冬才發現不是白湯（雞湯），是醬油湯，味道有點咸。但因為大部份天婦羅也不可口，也不想浪費時間換回白湯。雖然烏冬有彈性，口感不錯；但我始終鐘情道庭烏冬。由點菜一刻已知道可能只光顧一次，所以點了定食又追加雞和凡立貝。飯前的原因是不想排長龍，飯後的原因是一點也不美味，除了雞肉（華美鳥），絕對沒有誘因一試再試。定食價錢有平有貴，可說大眾化，這可能是經常人潮不絕的原因吧！

Usually tempura is filled with a thick layer of frying powder, which covered the taste of the raw materials inside, for example shrimp, pumpkin, beans, etc. Tempura here is freshly fried, which requires customers to wait for 20 mins after ordered (stated in the menu). For me, the food arrived 10 minutes after ordered. Maybe because of this reason, I have queued for 30 minutes from 13:30, which probably not a peak hour for restaurant. What's more, one thing I appreciate the most is the culture of

平日同同事見到有新餐廳開張，所以就試一試喇。當然係要排隊等既，而且唔少人，暫時見只有walkin睇到餐廳主打天婦羅，我就試一試烏冬喇，同行朋友就食天婦羅井飯即制等左一陣，天婦羅真係脆卜卜好香，有南瓜，海老（蝦），綠色翠瓜等，湯底可以揀醬油或者濃湯食落覺得醬油太咸，個烏冬食唔曬，但係天婦羅真係好食有機會都會試下其他。

相信成日去日本嘅人都有幫襯食過天丼！當然如果唔係太多預算去天丼開餐都係唔錯嘅選擇有幸佢終於嚟香港開店重要喺青衣落户😚由於新店關係排長龍呢類指定動作一定唔少得！😙所以各位食家耐心等候吓喇。睇完餐牌後，我點了上天丼另追加雞排一塊！其待已久嘅上天丼已來！炸蝦🍤唔錯鬆脆、南瓜鮮甜、飯有飯味麵豉湯一般！至於追加雞塊juice!(有驚喜)總括嚟講以咁嘅價錢！重要要求咩質素吖！都已經唔錯！服務都尚算勤快👌

以前細個去日本最鐘意就係食天丼又平又好食但我已經有食10年冇去過日本了T_T難得天丼黎香港開鋪仲要價錢唔係貴喎不過就開得遠咗d天丼開11點既我同朋友為咗唔想排隊就1056到到青衣好彩前面都係得幾個 唔洗點等就可以一開鋪就入去食啦注意翻係有分兩場時間營業唔好到時候摸門釘啦呢到一定要叫天婦羅蝦飯啦由於我超級超級鐘意食天婦羅蝦飯所以我叫咗淺草海老天丼有三隻天婦羅蝦 紫菜同南瓜超級好食如果冇記錯我覺得同日本食都差唔多飯食得出係日本米黎㗎天婦羅蝦炸得啱啱好唔覺得太油同炸粉太多好好食朋友因爲唔太肚餓所以只係要咗天丼再另外加隻半熟日本蛋注意翻香港呢間天丼係會收翻10%服務費回頭度：10/10

自從係日本食過呢類天丼之後，一直都心郁郁想再食。前排見到有報導話香港開左呢間天丼，仲要價錢相當吸引又幾多款式就相約舊同學特登入青衣食！預先做定功課都知道呢到極多人排隊，所以6點半就黎到，但都竟然排左一個鐘隊舖頭既位唔算好多，不過坐得幾舒服既。有好多款天丼揀，又有得定食咁叫。叫完可以加錢要飲品同埋逐樣食材追加！我叫左個咩都有既巨星天丼追加左隻半熟日本蛋。朋友就叫左個蕎麥麵定食。食物10分鐘左右就上齊（佢有個告示話即炸20分鐘先上到），全部都係新鮮炸起！巨星天丼呢個咩都有，有蟹柳、老虎蝦、魷魚、帆立貝等等。樣樣都好味又鮮味，蟹柳非常之甜，炸粉唔厚，脆得黎帶點軟身。我再將半熟蛋打落去撈飯食，啲米好煙un，粒粒分明，超滿足朋友叫既呢個蕎麥麵定食，佢話面質好唔錯，面汁好食，總之都非常滿足！總括而言，咁既價錢咁既質素，我比90分啦！10分扣左係排太耐隊啦如果大家係唔介意排隊之人就值得黎試！或者可能食lunch同非繁忙時間會好啲既！