天丼てんや

营业中

休息中

父親節去左青衣城天丼，5点9去到去到已好多人排隊，大约都等左3o分鐘。排隊期間就已睇定門囗個廣告牌(会不停轉顯示所有餐牌)，真係心大心细款款都好吸引。最後老公叫左天婦羅喬麥麵定食加左隻温泉蛋；我就叫左個巨星天丼，附送埋麵豉湯，儍豬豬🐷的我吾知原來有钣仲追加個冷烏冬。好在老公帮手食啲，而我本身都好肚餓，最终吾駛3O分鐘食晒。其實啲食物上得好快，而且大多数人客食完都好快走。仲有好多款式都想試，所以一定要去幫襯。

經常去日本一定會知道這間有30年歷史天婦羅連鎖店在日本都是價廉物美，現在終於登陸香港首間分店在青衣城開幕，由開幕到現在都是長期排隊店當日小妹自己一個所以就好快可以入座啦天婦羅丼嘅選擇比較多配搭， 今次就試了巨星天丼-貪心一族可以試下因為有不同天婦羅！ 包括黑虎蝦，帆立貝，魷魚 本菇，四季豆，紫菜，蟹柳！ 一次過滿足你唔同的願望味道的確同日本很接近，以價錢來説香港已經算唔錯 ~ 當然日本再平啦haha 下次再試一試其他麵食類

喺青衣城食lunch，第一次去食呢間新開一排嘅天婦羅店，平時 lunch time 都要排隊，比較多人。海老穴子丼：賣想好吸引，碗上滿滿不同嘅天婦羅，有豆豆， 矮瓜，雜菌，配上唔厚（都唔薄架）嘅天婦羅脆漿。但，海老同穴子呢兩個主角就失色咗啲，可能炸起一段時間，已經濕濕淋淋，穴子太淡，冇乜味。飯嘅分量亦不足夠，我好快就肚餓🤦🏻‍♀️ 如果可以跟飯有蘿蔔蓉就好啦👉🏻👈🏻以85蚊（未加一）黎講，性價比普通啦。同事話蕎麥麵好食，我下次試完再同大家分享。

宣傳得好勁嘅排隊店，見佢六點先開門，諗住五點九先去排，點知已經要排到七點（可能新開無耐先係咁？）猶疑過排唔排好，最後都係排咗...畢竟勁多宣傳都係話日本淺草黎嘅抵食嘢睇咗一輪menu,覺得排咁耐都係食啲平嘢好似好唔抵（雖然整體都未算貴），最後揀咗下面兩樣無記錯應該係穴子，連埋佢啲汁係堅好味嘅，加埋日本米，即時覺得抵番呢個乜都有啲，其實同上面果個一樣咁好食，有日本食嘅味道，唔知係咪除咗食材之外仲落咗第二啲功夫，令佢過到黎都唔失真

今日嚟咗呢一間好出名嘅鋪頭，佢嘅天婦羅勁吸引🤩🤩梗係要試吓啦❤️我叫咗巨星天丼，有蟹柳、大蝦、蘑菇等，全部都炸得好香脆，好可口，夠晒鬆化。最重要係唔油膩啊！亦都唔會話食完好口渴。😘我最鍾意大蝦，好香脆鮮甜，我覺得係用新鮮貨嘅！佢嘅蟹柳都唔錯😋飯主要嘅調味係豉油，唔會好鹹，味道啱啱好，份量都OK，啲餸都夠送黎食。同埋我幾鍾意佢個麵豉湯喎❤️佢$78咋，我覺得幾抵食呀，加上味道真係唔錯，可以再嚟多次！

喺青衣城想食晏晝，到到都要排隊，唯獨是係呢間唔使，初初抱住一個求其試吓嘅心態入去，都預咗冇人排隊應該都冇乜好嘢，但係結果竟然係喜出望外喎！一入到去間鋪頭細細間，啲員工都即刻嚟幫手帶位，呢間野就主打天婦羅，基本上個餐牌全部野都係天婦羅乜乜乜咁但係最後我同我朋友都嫌太熱氣，所以最後就叫咗個鰻魚飯，最估唔到嘅呢度啲鰻魚飯都非常唔錯，真係原條鰻魚上，燒得幾好唔需要太多汁，但係又好入味啲飯就普普通通都係日本米。反而個麵豉湯真係幾好飲，睇得出係有用心整出來。推介！

2個人叫左一個飯一個冷烏冬等位大概15分鐘，而且staff全部都好有禮貌。冷烏冬係好好味嘅稻庭扁烏冬，好好味！天婦羅有蓮藕、蝦、蟹柳、茄子等。飯嗰個天婦羅就有埋炸紫菜、帶子、魷魚等，好少可見有炸紫菜食！好似一包包個d零食好新奇所以下次會加錢食。天婦羅粉好鬆化，入口又吾會油，蔬菜個d都好新鮮，個蓮藕同茄子都係甜嫁！特別推介冷烏冬！加埋芥辣落個汁度，醬汁又好夠凍，烏冬軟硬適中，真係好好味！份量亦都足夠一個人，至於飯方便飯嘅汁都幾好味，但個人比較喜歡烏冬。

只要食過早乙女哲哉親手做嘅天婦羅，世間上所有天婦羅都變得味同嚼蠟這不是說天丼不好吃，味道與口感都相當平衡，尤其那隻溫泉蛋可以說得上是畫龍點睛⋯⋯天婦羅炸完之後，亦唔覺有好油膩嘅感覺尤其放上在飯面，飯亦没有沾上很多油粉漿是略厚，但亦已經比市面上絕大部分的天婦羅的粉漿薄可是，味蕾與記憶，是剪不斷的⋯⋯我還在懷念早乙女さん藝術品一樣的天掃羅，好想再去一次是山居可以一吃的，如果唔洗排隊 ，如果有天丼汁就更好

平時見青衣城咁多人食都好有興趣想知做咩事咁出名終於等到今日本來諗住兩點去排隊應該好快有得食點知都要等咗，起碼20分鐘同老公一人嗌一個丼我食咗天婦羅定食蕎麥冷麵本人係好鍾意食蕎麥麵，平時都會自己煮果然多人排隊係冇令人失望!首先個set嘅外觀都好靚仔 ，配料十足!鰹魚醬都好夠濃，蕎麥麵口感都好彈牙!至於，重頭戲天婦羅!!!!!真係好好味同埋都幾豐富!至於老公果個，佢就突然食評家上身係咁稱讚佢啲海鮮真係好新鮮，咬落都幾juicy!其實我都好鍾意佢個菇同豆!蟹柳都好正!!!係好有肉地，唔係粉嗰隻😍整體而言，可以encore!!!

說起「天丼」，相信不少到過日本的朋友也知道,是一家東京相當有名的天婦羅連鎖食店，主要是以價廉物美的天婦羅飯作招徠，最普通的甚至只需4百多日幣﹝折合約30-35港元﹞，連香港人的認識的杜如風小姐也曾在其節目內介紹過！那這次來到的是香港人引入的第一家分店，位置於青衣城一期最低層，環境不錯，因為是香港人喜歡的食店之一，此店真可用客似雲來形容，午餐及晚餐時段都是長長的人龍。我們晚市到來排隊過了50分鐘終於能入座，餐廳內部位置不多價格，座位只能說是一般，但始終食物才是最重要，我們選了巨星天丼及海老穴子天丼，因為是進口的食店，更是第一家分店，價格當然跟日本不一樣；至於味道則是非常接近日本，聽說這裡的員工是特別去日本實習，很有日本人對食物的堅持，不用飛去東京也能品嚐到當地的味道，真的非常不錯，建議喜歡食天婦羅料理的朋友一定要來試試。

長期排長龍的過江龍！在排隊時睇定餐牌，價錢唔算貴，選擇多，分別有天婦羅丼飯、天婦羅定食，定食可配飯或麵（而麵類有分冷麵及湯麵）另外還有幾款小食甜品可追加雖然所有天婦羅都係即炸的，但所需時都唔算耐，可以先品嚐下杯日本茶巨星天丼$78，配上多種海鮮 天婦羅素湯麵 $78，略嫌湯底唔夠味

佛誕假期，又咁岩地鐵做半價優惠，所以去到青衣城搵食。之前去日本既時候，食過一次已經即刻愛上。而家佢進註左香港，梗係要黎朝聖啦。之前見到網上d 人話最少要排一個鍾先有位。當日我地好好彩，11:30去到，完全唔洗排隊。入去坐低後仲見到隔離台有一對日本人情侶黎食。我地今次叫左巨星天丼同埋天婦羅烏冬定食。賣相超級吸引。味道就好似係日本食咁，超級有回憶。埋單唔洗二百蚊，性價比高。極力推介。我地十二點半離開，就見到排長龍啦。所以大家有興趣試，記得要早d 黎。

平日晚市時間，起碼要排一個鐘以上先有機會食到， 下午茶時間等咗十分鐘左右就可以入座！ 喺排隊嘅時候，我哋已經睇咗餐牌，已經決定咗要食乜，所以一坐低已經可以即刻叫嘢食！ 以外嘅地方係下單之後大概5至10分鐘已經有食物上枱，速度比我想像中快？話曬都係炸物，仲以為要相對長嘅時間！呢度蕎麥麵嘅湯底相對比較清淡，比較似喺日本食到嘅嗰種，而且麵亦都有淡淡嘅麥味，唔錯！咁當然要講返主角天婦羅， 佢個炸漿算係薄身， 而且唔算太油， 可能因為係人氣店，所有食材嘅感覺都好新鮮， 但份量對於男士嚟講就可能唔太足夠， 兩個男士嚟食，應該需要叫三個餐先足夠。

今日放假得閒少少就去排天丼，平時呢間野11點就有人排隊架，真係好誇張﹗天丼係由日本傳入黎，第一間舖開左喺青衣城。今日我地就好神心排隊，同埋遲左少少食(約左2點食)，所以都唔算排左好耐﹗咁夠道竟呢間野係咪真係咁值得排呢，我的答案是YES!餐牌所見，入面所有食物都係天婦羅，唔似啲日式居酒屋有小食的，不過你ORDER左個飯或SET之後，可以追加少少餸的(當然都係炸物啦﹗)我叫左一個推薦的海老穴子天丼，同追加雞件。佢真係炸得好香好脆呀﹗你知啦，平時在香港食的炸物都係上到枱肥淋淋軟PAT PAT的，除非你真係洗好多錢去啲超貴的日式舖頭姐，但我又唔拾得喎。天丼就真係俾到我呢位平民五星級美味﹗炸物上桌時好新鮮架﹗我覺得海老係幾彈牙，啲菜的炸物好新鮮﹗我超LIKE佢地個紫菜炸物，佢真係好有紫菜的香味，我係第一次食架咋﹗再追加的雞件都係出名野，佢真係好神奇咁啲肉仲係好滑架﹗不過呢我就真係失策，個穴子(鰻魚一種)我最遲食，所以凍左有少少腥味，不過個WAITRESS姐姐其實上桌時以叫我快食，我自己又唔聽話...算啦。佢個份量真係好大件，我一個女仔食四份三已經好飽啦，真係無偷工減料的。朋友叫的是櫻花蝦赤魚，佢

日本嘅天丼終於黎到香港啦，其實上次去日本都想食，但由於太多野想食，最後都冇食到，緣慳一面，今次黎到終於有得食 🤤 星期六黎食等左 15 分鐘左右就有位，叫左佢地其一嘅招牌 #海老穴子天丼 $82，聽講好似係日本食差唔多平一半，但係冇辦法，係香港食要幫人交埋租 😂😂 而同行嘅豬隊友就叫左碗烏冬食，心諗真係傻豬，試左一啖果然真係好一般 😂 而我碗丼黎到真係 wow 一聲，滿滿一碗嘅炸物，本身自己都好中意食天婦羅，見到咁大兜天婦羅好治癒 😍 呢碗丼入面有黑虎蝦、鰻魚、本菇、蟹柳、南瓜、四季豆、紫菜，其實都算有驚喜，因為炸鰻魚我都係第一次食，感覺係特別幾好味，另外條黑虎蝦肉都幾正，不過唯一嘅失敗點係雖然啲炸皮都算薄，但係啲皮有一半淋一半脆，應該就唔關炸嘅時間或者翻炸嘅問題，係啲炸物上面嘅醬汁搞到一啲淋一啲脆，我唔知係佢地本身嘅特色定係咩，但我認為個汁分開上會好啲，啲謝哂皮真係扣哂分 🤡 但係係香港黎講食到咁嘅天婦羅其實都算抵食，而且又係日本過江名丼，我認為可以試一次就夠 😛-天丼青衣青衣城地下 G02 號舖