天下茶屋 (置富第一城)

营业中

休息中

由於公司係石門，一直唔係石門食，就食第一城既 #牛奶冰室， 今日又黎到第一城， 最後決定去試新野🥰到達時12:30 已經有一條長龍排隊，中午一眼望入去大部分都係中小學生，見到佢既Menu價錢由$58-88不等，有咖哩飯、咖哩烏冬、魚生丼，外賣仲有便當叫😃.🔸咖喱豬扒飯 $62 熱飲免費🔸咖喱可以選擇甘口或者辛口，今次我揀咗辛口，我覺得有啲辣咗少少，但係整體嚟講都好好味，炸豬扒好夠份量，好大塊又夠熱辣辣，佢跟餐嘢飲有蜂蜜綠茶、茉莉花綠茶、以及其他茶飲，可以選擇少甜，我選擇咗茉莉花茶少甜，飲落唔似出邊外賣嘅綠茶，都係偏冇咁甜～唔錯！🔸溫泉蛋牛肉當 $65 包熱飲🔸一黎到男朋友已起緊筷，我完全影唔到相😂😂不過我都有食過，佢嘅份量都好多，牛肉都係日式牛肉丼飯咁，比吉家既甜啲，唔太膩口，不過我男朋友都食唔晒，所以個份量一定好足夠，佢呢個價錢、質素再包嘢飲，所以都好受學生歡迎😃👍🏻天下茶屋 (沙田)沙田銀城街1-2號置富第一城地下G59A, G60A, G60B號鋪整體黎講：推薦度4/5抵食度 4/5份量 4/5.

【沙田區】【天下茶屋】有好多讀者都唔知我住邊，其實我係住沙田嘅，不過我真係好少喺沙田食嘢，大家見我啲 post 都知，係咪好諷刺呢。而好多近年認識嘅朋友都覺得沙田好易迷路，其實可能我喺度長大，我又真係唔覺得，睇吓係邊個位啦。就好似之前有位女僕店負責人同我講，話沙田第一城交通好麻煩，我即刻打斷咗佢，哈哈。東邊可以行西沙路去西貢，西邊可以上城門隧道入荃灣，北邊係吐露港公路，南邊甚至「叫四飛」，視乎去邊，根本就係四通八達。就算係三十歲之後仲需要依賴公共交通工具嘅人例如我，都可以喺呢四個方向有巴士、地鐵直達，好少要轉多過兩次車。交通雖好，但食物就確實慘淡，可以話係冇啖好食。適逢新開咗呢間日式餐廳，我就嚟食吓佢睇吓點啦。第一次去叫咗個下午茶「特盛拼盤」，有「火炙芝士厚打漢堡」、「田園沙律」、「金菇燒牛肉卷」同埋「芝士玉子燒」，飲熱嘅「牛乳抹茶」夾埋 $65。味道上真心唔差，每件嘢都各有風格、特色，輕食算唔錯。第二次去我就食午餐「牛油烤雞野菜咖喱飯」，可以揀辣或者唔辣，我就揀咗唔辣嘅 本身 $56 再加 $19 轉嘅「黑松露蛋包飯」先係我想食嘅嘢，不過只係似一個黑松露炒蛋，冇乜好感，反而個咖喱唔錯

外賣炸雞咖哩飯，返到屋企，打開盒飯，發現唔同左，飯好似多左，咁滿嘅，心諗發達喇！咁Q肚餓又多左飯……正啦！望多兩眼，喂！雞呢？擺明煮同執嗰個都玩我啦，個外賣蓋透明嘅，點會睇唔到冇雞呀！又唔係初一、十五，唔好要我食齋啦！

勁後悔，一定唔會有下次！😢本來想去上層嗰間日本餐廳食，不過今晚想試吓新嘢於是入咗嚟，點知喺伏。😢首先坐得唔舒服，張二人枱細到死，枱面放埋餐具盒已經冇乜位剩。最大問題係啲嘢嘅食質素勁差，真心講，從未食過咁難食嘅日本嘢！😓我哋叫咗牛肉湯烏冬，份量少、賣相唔得仲要啲湯甜到似糖水。連鎖快餐店的湯麵都好食過佢哋。餃子喺我必定會叫嘅嘢食，望落去好似okay，咬落去餃子皮有啲又濕又淋嘅感覺，食落去更加係冇味嘅。😢個日武炒雜菜仲恐怖，似灼菜多啲，應該改名叫「日式烚菜」。好聽啲就係冇油健康烹調，正式講就係乜嘢叫炒到唔識。（睇吓張相就明晒）三文魚瀆雜菜沙律係今餐唯一最正常嘅嘢食，除咗啲黑糖醋甜咗少少。呢個係成餐叫做okay嘅嘢。最係牛油雜菌帆立貝，無論睇落去同食落去都係麻麻哋。同個炒雜菜一樣，冇乜油水，味道又淡。餐牌上面英文菜名有（stir fried) 表示係炒，但中文菜名冇表示係炒，同我食開嗰啲牛油焗帶子，差好遠，仲有呢度啲帆立貝好細粒。😢講到尾，雖然好似様樣嘢都唔係好貴，不過最後人均都要$105。重點係：好難食，連我partner好少話啲嘢難食，都覺得接受唔到。😢😢我覺得太難食，冇乜點食到，返到屋企

芝士炸雞飯（$65）連飲品平日中午呢到有唔少學生嚟食 都要排一陣隊先入到呢個飯都有五件炸雞，外脆裏面都算juicy有肉汁 最吸引嘅係飯上面有一層拉絲芝士 撈埋溫泉蛋食非常開胃 咖哩就不過不失~

來到沙田第一城，見到呢間天下茶屋裝修幾舒服，充滿綠色田園風，望落去空間感足，座位唔會好逼，餐牌食物款式都幾多選擇，加上想食日式野，所以就揀咗呢度食lunch。.食物：溫泉蛋生薑燒豚肉丼：豚肉份量適中，肉質夠淋亦入味，溫泉蛋係流心的，整體味道都唔錯。用APP落單可以自行選擇少蔥、少飯、少汁等，可以調節口味好方便飲品：另外加錢叫咗杯紅豆小丸牛乳抹茶(熱，少甜)：抹茶味好香滑，奶香味亦濃，飲到底見到紅豆同小丸子。雖然已叫少甜，但其實甜度都足夠，幾好飲亦大杯，不過就唔太鍾意堂食都用紙杯服務態度有禮，招呼有效率，整體感覺性價比都高，又坐得舒服，不錯！

我見我啲同事午餐，平時都會叫下呢間嘢外賣咁嗰日咁啱經過 見到原來佢有台式飲品賣🧋見未到晚餐時間 所以買咗一杯嚟試吓佢，除咗有原本普通嘅台式嘢飲 仲有少少好似fusion日本嘅嘢飲🇯🇵咁我叫咗呢杯寒天蜂蜜分子綠茶🍵🍯我以為佢啲蜜糖係當糖漿咁樣，撈埋落去飲落去發現又唔係好甜 冇乜蜜糖味 以為只係gimmick黎😟 點知食佢啲料嘅時候 發現除咗寒天 仲有一啲一粒粒嘅類似珍珠嘅物體 咬落去嘅時候會爆汁 入邊嘅汁就係濃厚嘅蜂蜜 非常有驚喜 因為嗌咗少甜嘅關係 所以杯綠茶唔係好甜 配合呢啲蜜糖波波 令到成杯嘢飲層次更上一層樓👍🏼🧋🧋🧋🧋🧋🧋🧋🧋🧋地理 6.5/10環境 8/10味道 8.5/10服務 7/10🧋🧋🧋🧋🧋🧋🧋🧋🧋

在第一城的天下茶屋，終於有機會來試試，日式的木系裝修，頗舒服，電子落單方便快捷，上菜速度也快。餐牌上的食物種類基本都很吸引，我們試了煎野菜豚肉餃子，有五隻，脆口又多肉，唐楊炸雞湯烏冬，四大件炸雞球，熱㷫㷫啖啖肉，烏冬剛剛好的咬感，好味道，小朋友勁鍾意！吉列豬扒咖喱飯，芝士好cheesey，裏面仲收埋咗隻溫泉蛋添，豬肉大大塊，飲品點了藍莓士多啤梨寒天乳酸，帶點士多啤梨果肉，菠蘿蘋果寒天乳酸，冇咁甜，兩杯都好新鮮。

今日逛City One走入這間「天下」吃頓午飯，見呢間食肆門面頗企理，光線够充足，人流都算多，但很容易就找到座位，環境舒適，感覺極佳。點了這味門司港燒芝士䐁肉飯配温泉蛋。味道聞落香氣四溢，食落豚肉軟熟肉質鲜美，芝士加温泉蛋其味新鮮，日式米飯煙煙韌韌，都幾大碗够哂飽肚。大家不妨試吓！香濃咖啡够質感，幾醒胃。

沙田第一城巧遇一間企理清新的日式料理店，店舖人流唔多，上堂前鬆一口氣，享受一個簡單嘅 set ！下午茶時間選擇唔多，我覺得烤雞拉麵配香桃綠茶也是不錯，飲品選擇少甜，員工勤力有禮，值得欣賞！

對於屋邨商場小店其實要求不太高，但呢間天下茶屋倒是有點驚喜，至少性價比都OK值得去食。吉列豬扒咖哩飯似乎是此店名物，因為都見幾多人點咖哩類食物，咖哩是匠種日式甜咖哩，夠開胃好味，吉列豬扒份量都算多，起碼一定不是薄切，肉質軟嫩鬆化，配咖哩汁一齊食簡直絕配！至於溫泉蛋烤汁牛肉丼，其醬汁都幾香幾惹味，所以令牛肉片每一片都好入味，再加上濃稠蛋黃醬配飯一齊食，好味到好快就食晒成碗飯了。

好鍾意食焗飯，呢間有外賣特價，不過堂食唔駛煩，都係照舊留係餐廳食埋先返歸~燒咖哩芝士吉列豬扒飯因為呢排唔想食咁辣，所以我揀左甘口，真係唔辣，咁就岩晒D唔食辣既朋友仔啦，係甜甜的那種日本咖哩，而且最surprise係個豬扒放左係面都係兩邊脆口嘅！因為我個人好鍾意食芝士同吉豬，所以呢個配搭唔錯，個汁可以再多D既，不過呢個飯食食下就變左食左好多！燒咖哩芝士牛油烤雞扒咖哩飯呢個飯岩老公食，佢鍾意食雞，surprise係D雞都好嫩口，佢就揀左辛口，都唔係想像中咁辣，係苦苦地帶點甜個種辣，juicy雞唔錯~一樣多芝士，正！小食：煎野菜豚肉餃子 (5入)呢個唔會好重味精，熱上，都幾好食，佢入面D餡料好入味~整體唔錯，下次可以試下佢D野飲！不過可以的話可以試下轉意粉個D會多D選擇~堂食雖然無咁多野送，但係就唔駛收加一~

今日天氣勁正，一早同仔女一齊踩單車由大圍到沙市再到第一城，路程唔長，曬下太陽做下運動，真係amazing，下午茶時間食個Tea也是常識吧～ 找了一間有外置坐位的餐廳醫下肚先～呢間叫天下茶屋，店內外很整潔，坐位有分店內及店外，因COV問題，我們也要求坐店外～食物選擇很多，真的花多眼亂，不過下午茶時間一定簡Tea time menu, 遲啲再試其他嘢啦～立即用網上落單，叫左個假日套餐先～先黎左個飲品，十秒內KO左佢… 笑死之後就嚟個餐睇落係OK嘅, 不過試吓先知龍與鳳～首先，個沙律係新鮮嘅，個酸醋汁好fresh好開胃，另外個金菇肥牛係收貨嘅，另外個豬扒係重點，外脆內好Juicy, 唔乾好大筷好抵食，好厚切，一共有六大筷，好滿足～ 不過我只係食咗中間嗰筷，個沙律醬小朋友仲要encall添～ 個烏冬因為係在10秒內已經被”KO”左，所以係無影到相囉～整體而言，係性價比高，無論係食物質素、餐廳環境、服務態度也在中上，特別一提係…. 我之前真係係沙田區找不到價廉物美嘅日本餐廳，但今次我哋找到了～ 下次一定會再嚟食其他特色嘢下次見！

第一城日式烏冬！呢間餐廳都幾多人排隊等外賣，之前喺深水埗分店食過lunch，燒咖喱飯系列都唔錯，今次會嘗試下佢個烏冬，湯底嘅選擇幾特別。醬油豬軟骨湯烏冬$66- 我揀咗櫻花蝦明太子薯蓉忌廉湯，就咁飲過湯都幾重薯仔味道，蓋過咗明太子味，食到最後因為薯蓉好飽肚，都幾濟。豬軟骨偏鹹，質素普普通通啦，都係咖喱飯系列好味啲。燒咖哩芝士唐揚炸雞飯$65- 滿滿嘅半融芝士，加上爆汁嘅流心蛋，送咖喱飯食一流！唐揚炸雞肉質乾咗少少。抹茶豆腐飲$20- 叫咗走甜走冰，抹茶都係比較淡，豆腐好似融入唔到杯飲品入邊，變咗水還水、渣還渣。

1. 三文魚漬。牛油果。天下當有三文魚牛油果同蔬菜，感覺好健康。柚子醬油配搭清新。2. 吉列豬扒烏冬吉列豬扒即叫即炸，而且唔會太厚炸粉。另外，烏冬湯底有幾款選擇，我試左黑松露湯底，唔流，不錯。