天下茶屋 (置富第一城)

营业中

休息中

來到沙田第一城，見到呢間天下茶屋裝修幾舒服，充滿綠色田園風，望落去空間感足，座位唔會好逼，餐牌食物款式都幾多選擇，加上想食日式野，所以就揀咗呢度食lunch。.食物：溫泉蛋生薑燒豚肉丼：豚肉份量適中，肉質夠淋亦入味，溫泉蛋係流心的，整體味道都唔錯。用APP落單可以自行選擇少蔥、少飯、少汁等，可以調節口味好方便飲品：另外加錢叫咗杯紅豆小丸牛乳抹茶(熱，少甜)：抹茶味好香滑，奶香味亦濃，飲到底見到紅豆同小丸子。雖然已叫少甜，但其實甜度都足夠，幾好飲亦大杯，不過就唔太鍾意堂食都用紙杯服務態度有禮，招呼有效率，整體感覺性價比都高，又坐得舒服，不錯！