天下糧倉牛肉火鍋專門店

营业中

休息中

前排就同朋友嚟呢度食牛肉放題，食完我哋兩個都覺得好滿意，下次打算再約多啲朋友一齊再食！！！呢度嘅自助飲品款式都好特別，有好多都係較少見過嘅😍😍😍而且亦都有好多配菜可以喺出面自助區到選擇，啲蔬菜都好新鮮，配合埋湯底嘅味道，超級正湯底方面我哋就揀咗一邊辣湯，一邊就係芫荽皮蛋湯，兩邊湯底都同樣好濃郁，配合埋蔬菜一流，而且個爐成條龍咁，超有特色，打卡超正！！！一開始職員就會為我地上一盤牛肉同豬肉，全部超新鮮，而且份量超多，絕對唔會有根，全部都好濃牛味，油脂分佈亦岩岩好，超正

訂咗位去到，好似未開門咁，之後推門入去先知佢開咗，5點幾去到無咩人，座係枱話師傅未返，叫我地等，等咗十幾分鐘，就上個湯底比你，但無肉，我同朋友加$17要個麻辣湯底、同佢個潮汕牛骨湯底，個湯底麻辣唔辣成鍋花椒，個潮汕牛骨湯似清湯，只能去吧枱夾啲菜同肉丸食吓，但個櫃啲食材好似前日食剩咁，仲有啲怪味，同朋友拎咗啲飲品、夾咗少少丸同菜食，等到6點20分先開始上肉，上一碟肉，之後再落碟肉等成十幾二十分鐘先來，啲肉還算不錯，雪糕都可以，但人手得一個人，啲櫃食材之後先上，剛到時個啲應該係琴日食剩，比成$26x食餐咁嘅火鍋真係無下次。建議：如果食材未準備好，唔好比人咁早訂咗，來到叫人係到等真係好無引，一係你就遲啲開準備好先開門，比成$270食你真係好唔值！!

打邊爐我最鍾意食肥牛，朋友就帶左我去一間可以食盡靚牛嘅餐廳，推薦佢地嘅和牛任食套餐。一次過可以食盡7種唔同嘅牛肉，我最鍾意嘅係封門柳同安格斯牛肩胛，油花分佈均勻無筋，肉質比較淋，牛味重。而牛板鍵同金錢𦟌就比較爽口，肉質比較緊致。仲有和牛，初初會驚好韌，但一d都唔韌，仲入口即溶，啖啖都係牛油香。除左唔同牛肉外，仲有其他食物同飲品都係任食任飲，種類繁多，絕對回本。湯底方面我比較推薦牛骨湯，因為可以食到牛肉嘅原味。

今日同我個牛魔王朋友嚟到旺角，當然要搵返佢喜歡嘅食物大擦一餐啦，呢間係上樓嘅牛肉火鍋專門店，佢有個兩小時嘅究極和牛放題，總共有六款牛肉🥩🥩, 一款豬肉可以兩小時任食，放題餐跟一個潮汕牛骨湯底，另外仲有數款免費嘅湯底可以選擇, 我同朋友忠於牛嘅味道所以就要返潮牛骨湯底啦😍😍湯底嚟到已經有陣陣濃濃嘅牛骨湯嘅味道，放題肉類分別有澳洲M五和牛肩小排，封門柳，安格斯牛肩胛，Prime牛板腱, 金錢𦟌, 一級肥牛同黑毛豬, 第一 round 就梗係每款都要試下啦, 當中最鍾意嘅係封門柳同牛板腱, 肉味香濃肉汁豐富，呢個價錢有呢一個質素，非常滿意😋😋除咗牛肉放題之外, 呢度嘅菜類同各式丸類都係自助嘅, 仲有唔同嘅公仔麵，烏冬等, 而飲品, 雪糕, 雪條當然都係任飲任食啦, 以呢個價錢來講我哋都覺得係超值🥳🥳

坐底等咗9個字先上湯底，牛等多3個字又未黎。醬料又唔refill，可能人手不足其他丸菜refill又慢，單點menu又無坐位逼，長型其實做唔到任食可以做返單點做好啲其實要二百去comment真係好難寫，唯有copy多次，因為真係好想留負評坐底等咗9個字先上湯底，牛等多3個字又未黎。醬料又唔refill，可能人手不足其他丸菜refill又慢，單點menu又無坐位逼，長型其實做唔到任食可以做返單點做好啲

昨晚預約好七時正，我們四人上到店舖入座後，一位疑似負責人問我們要單點定放題，我們問放題價格，她說假期附加費，醬油費等⋯合共大概250.原本看網上食評好好即本一試，懷疑成晚食了什肉，地方簡陋，沒有裝修，望入廚房極為冷清，完全不似一間食店，蔬菜供應極小，雪柜陳設感覺很不乾淨，完全去了一間鄉鎮的舊屋，成晚唔知食乜，完全唔似食肆，同招牌名稱極大落差，伏 伏 伏

今天好姐妹生日，她是位牛魔王來的，非常喜歡吃牛肉，所以今天我們就帶她去吃主打牛的火鍋，近近地找了這間天下糧倉牛肉火鍋專門店，以任飲任吃的火鍋店來說，價錢很合理，一入店已經聞到很香火鍋湯味，感覺很不錯。在火鍋來到前，我們先到調料枱上調配醬料，基本醬料都很齊全，也有我喜歡的香醋。重點是除了出前一丁和烏冬外，竟然有福字米和麵，很少火鍋店有這些選擇。火鍋湯底來了，點了我們最愛的重慶麻辣湯底和蕃茄湯底。不過紙上寫著重慶翡翠綠麻辣湯底，初時都不明白什麼翡翠綠麻辣，來到發現原來真的有點綠綠地色，重點是夠味也夠辣，又不會好似一般重慶火鍋有一大層油，不會怕肥，很好！出面的配料櫃也是很齊全，一般的丸類，芋絲和蔬菜類都齊備，我們平時吃火鍋都比較喜歡吃菇類，蘿蔔和芋絲，所以都吃了很多很滿足。重點來了，這店主打吃牛，所以都比一般多幾款不同部位的牛肉。一上來會有張小note 指示是那一款肉，很貼心呢！店都是依人頭分配量，但每塊肉都很大片，分量很足，肉和脂肪的比例很好，顏色都好美，感覺很新鮮。就算不是牛肉，那款黑毛豬都非常出色，不會老，有肉味，大大片的，也吸收了湯底的味，非常好吃。我們當相喜歡M5和牛肩小排和安格斯

疫情慢慢緩和，所以我當然馬上把握時間去食番多d火鍋，好掛住火鍋的味道！今天來到這間吃牛肉的專門店試一下它的放題。原本餐廳設有單點，但是因為疫情關係他們只有放題形式，但是也很夠吃湯底我們選擇了基本的牛骨湯底，因為想主力試一下牛肉的味道。但是我看見別人點的麻辣鍋也很正宗，很多辣椒而且也很香，下次可以試一下。火鍋醬料區有很多，醬油是甜醬油，配上沙茶醬鹹甜鹹甜的很好配牛肉。而且麵類也有出前一丁，福麵，米粉和烏冬，適合不同人士的口味。飲料選擇也很多，有韓國的milkis和梨汁和蜂蜜柚子茶，另外也有一些茶，當然少不了汽水配火鍋。🍽牛肉拼盤 - 澳洲M5和牛肩小排+封門柳+安格斯牛肩胛+Prime牛板腱+金錢展+一級肥牛+黑毛豬主角的牛肉每一個種類有6片，而且是任食所以大家可以選擇喜歡的幾個部位在叫。我最喜歡的是比較重牛味的封門柳和牛板腱，脂肪不多比較多牛肉的部分，同時不會很鞋，質感很好。我一喜歡金錢展，口感上比較爽口，而且牛肉味也重。如果喜歡吃多一點脂肪的就會喜歡肩小排和牛肩胛，肥瘦比例也很適中，而且質量也很好，完全不會很多血水或很重雪味。🍽火鍋配料火鍋配料也不少，有很多丸類：海膽丸、芝士鱈魚豆腐

打邊爐真係一年365日都想食，今次去咗試呢間和牛放題，性價比都好高，啖啖肉食得好物足。湯底揀咗豬骨同牛骨兩款，兩款望落去都清清哋，但食落都夠味，店員都好主動加湯。一開始會每隻肉都上一份，食完可再每樣嗌。牛肉嘅種類都唔少，而且有幾隻我都未食過，個人覺得封門柳同牛板鍵都好好食。另外，仲有蔬菜同丸可以自己夾，居然仲有萵荀！而且放題居然會有出前一丁同福字麵，真係唔錯。最後罐裝嘢飲種類都好多，大家記得留肚食雪糕，因為雪糕比我期望中更出色，我試咗港式奶茶味，奶茶味非常濃郁，仲有港式奶茶嘅Aftertaste，唔會好甜，好食過雀巢。

同朋友慶生最好就係食任食既放題，包保食得盡慶！今次試呢間天下糧倉牛肉火鍋新出既和牛放題，任食2粒鐘都只係＄176起，仲有野飲任飲，真係抵到笑。我地叫左重慶翡翠綠麻辣同埋超濃蕃茄鴛鴦鍋，第一次試綠色既麻辣湯原來味道一樣咁麻咁辣，但感覺冇紅油咁油咁唔健康，而蕃茄湯就真係超濃，滿滿蕃茄香！入正題喇，我地差唔多試完咁多款肉，本人最愛係澳洲M5和牛肩小排，封門柳，安格斯牛肩胛同埋黑毛豬，肉質真心出色，食肉獸一定要喪食食返夠本！醬料選擇都ok多，火鍋配料還好，不過應有則有，基本上平時食開既野都有晒！叫埋啤酒3個人埋單都只係＄750左右，抵到笑！下次要試下其他湯底先得！

我地係食7點幾 最後埋單每人係要250幾果日佢話無m5牛叫第二輪肉 我地等左半個幾中期間有催佢 態度都唔係咁好 因為第一輪同第二輪等嘅時間都好耐都已經唔想再叫第二輪所以整體覺得唔太值

好耐冇同朋友聚會，又係時候約大家打邊爐，睇到社交網站好吸引嘅牛肉相，就決定嚟天下糧倉大快朵頤一頓！重慶翡翠綠麻辣 +$17我同朋友都鍾意食辣，所以毫不猶豫揀咗麻辣湯底，果然有料到，食到我哋出晒汗！經典沙爹湯沙嗲湯好濃郁，亦係好選擇。🥩究極和牛放題（任食以下肉類）▪️澳洲M5和牛肩小排▪️封門柳▪️安格斯牛肩胛▪️Prime牛板腱▪️金錢𦟌▪️一級肥牛▪️黑毛豬咁大盤牛肉，我哋幾個女仔食，幾乎食唔晒，分量充足又高質素，完全喜出望外！雪櫃入面有其他配料，全部自取，任食。雪糕都好吸引，有多款口味：港式奶茶、沖繩海鹽、玄米茶，唔係度度都食到。以任食火鍋來講，性價比幾高，有下次！

在Eatigo訂位提供的a la carte折扣, 來到食肆才知道她主要是做任食放題, 任食就當然沒有折扣了. 先要説她的收費, 星期五晚$196每位任食, 醬料費再加一, 這也正常, 但麻辣湯底加完錢, 鴛鴦湯底再加錢, 而且一共要加三十多塊, 比其他任食牛肉火鍋的餐廳, 收費就顯得有點高昂了. 另外一任食追求回本, 但這裏每一次order肉類要等待接近30分鐘, 以平均兩小時的進餐時間, 結果只能上三至四次肉類. 這個速度不知是有心還是無意, 但結果是吃的肉類少了, 就顯得不太實惠.牛肉選擇的部位, 我覺得比其他任食日式牛肉火鍋的精緻: 封門柳和牛板腱, 也就是牛的橫膈膜肌肉和里肌, 肉味都尚算濃郁, 特別喜歡前者雖然沒有太多脂肪, 但涮完後口感依然嫩滑彈牙. 另外安格斯牛的肩胛肉, 比前兩者脂肪感更豐盈, 無論在口感和味道也有一個對比. 雪味不多, 代表廚房不只是將牛肉從雪櫃拿出來就立即切割. 至於澳洲M5和牛就不太吸引, 切成分塊狀對和牛來說是多此一舉, 很容易涮到外邊過熟內裏卻過生, 火喉難控制, 而且牛肉嘅質素比起我平時吃的M5還是差大一截, 所以就算了吧. 特別想說的是任

今晚好想打邊爐食牛!!!!想食勁多牛!!!所以一早已經揀定任食牛既餐廳，而且我地有要求地，想食優質牛。想試天下糧倉既究極和牛放題好耐!!鋪內格局簡潔，入門右邊已有十多盤醬料任你選，行前有成個飲品雪櫃給你選飲料，再行前有兩個櫃是菜類及丸類，隔離再有一個雪糕櫃。我跟老公都想食麻辣+豬骨湯 (加$16+$17)牛我地揀左澳洲M5、封門柳、安格斯牛肩胛及Prime牛板腱強調推介--澳洲M5、封門柳及安格斯牛肩胛!!澳洲M5和牛粒爽彈，咬下去好juicy。封門柳薄切，牛味十足，而且就算煮耐左，都不韌。安格斯牛肩胛大大塊，對於牛魔王黎講勁開心! 我捲了炸蒜、生蒜蘸一蘸麻辣豉油，很享受!最後我拿了一杯港式奶茶雪糕作結尾，很完滿。

自從疫症後，好耐無去過打邊爐啦！聽到朋友話有餐廳任食和牛，我都忍唔住去一試。呢間叫天下糧倉，提供2小時和牛打邊爐。對於鐘意食牛，而且係有質素既牛，真係勁大賣點。首先少不免自選湯底，我就揀鴛鴦鍋，沙嗲湯底加皮蛋芫茜湯底。一清一濃，避免蓋過食物既鮮味，又可以交替口味，盡量食多d丫嘛。店家採取半自助形式。除左牛肉類外，其他丸類，蔬菜，面等，都係自取，鐘意食幾多就自己拎。至肉類，店家係你落單後，會分門別類甘同您上菜。呢個抵讚，因為你自己知道食緊咩部位之餘，又避免落肉時變成大雜燴。肉類幾新鮮，肉色算鮮紅可見，油脂分佈平均。例如佢地既肥牛不會油脂多過肉。食落不易膩。而且不同部位既肉各有特色。牛板腱，以嫩滑見稱，口感細緻。封門柳，牛味甚濃，入口軟腍。牛肩胛，較重油脂香，肉質較結實帶牛香。而金錢𦟌更肉質帶爽脆。一次打邊爐，可以令人食得更有級數，而不是淨識叫肥牛一味。而係每個部分都特色滿分！