天下糧倉牛肉火鍋專門店

营业中

休息中

最近早晚天氣開始涼涼地好想去打邊爐，朋友知道後介紹左我去旺角新推出嘅任食和牛放題，佢話超抵食，懷著期待嘅心情去到商業大廈內嘅 '天下糧倉'.有8款牛肉 ＋ 9種湯底可以選擇，因為吾想個湯底蓋左啲美味和牛味道，於是選擇左最簡單嘅芫荽皮蛋湯底。補給倉: 除左調味料外重有出前一丁，烏冬，米粉，伊麵，嚮玲，山根，第一次見到有米粉，伊麵可以選擇，好有家的感覺飲品，菜，火鍋配料全部都系自助式，食幾多攞幾多吾會浪費芫荽皮蛋龍頭火鍋，好有氣勢主角出場啦，每款牛肉上面都有個牌子，知道自己食緊邊款，好細心最後吾少得嘅就梗係甜品啦，雪糕有3款，沖繩海鹽，港式奶茶，比利時焦糖餅。

睇左好多好評就衝上去食，點知覺得有d伏第一轉黎既牛都還好 第二轉已經個貌相好差同埋我見人地有牛柳粒個d 完全見唔到有得叫湯底得個咸字 麻辣唔辣唔香 得好多辣椒出面野食真係太少 得兩個人係舖面做野 所有都自己服侍自己 但竟然要加一 本人覺得加一都正常 只覺得佢無服務但收醬料錢？我未見過仼食要收醬料錢。所以無下次 都唔會介紹比朋友人頭$198 醬料$13 再加一

限聚令之下，好耐無出過街食飯，見近期限聚令放寛，終於可以同埋老婆，爸媽一齊去食返餐機會難得，當然要搵一D 抵食好食既試一試，意外地搵到一間標榜食和牛既火鍋放題，價錢亦非常抵，爸爸係牛魔王，就決定試一試位置係百寶利大廈，唔講真係唔知有火鍋食8點左右到，座無虛席了，好在有Book枱叫左湯底同埋第一轉牛之後，當然要調配下火鍋鍋料同埋周圍睇下有咩配料同埋飲品醬料種類算多，特別係有麻油，比較少見原包出前一丁同褔麵都好吸引配料好整齊放係雪櫃入面，好注重衛生菜同飲品都有唔少選擇行完一轉，湯底到了我同媽比較鍾意食辣，所以叫左四川紅麻辣湯底。一D都唔偷功減料，有大量唔同既辣椒，有一陣刺激既香味。之於爸爸唔食辣，所以點左個沙嗲鍋，味道亦非常香濃。重點既牛肉隨後都到啦，每款都有牌，知道自己食緊咩部位，方便之後再order,放題黎講，非常貼心除左鮮牛肉之外，其他都係薄切，輕輕焯幾秒就食得，唔會怕焯耐左變老既然係打邊爐，肥牛當然好重要啦黑毛和牛肥瘦比例均勻，唔會食落啖啖油，不錯！不過以下2款都強烈推介首推介，鮮牛肉，非常稔滑次推介，封門柳，牛味夠重，鐘意食牛就不能錯過啦當然其他部位既牛肉都非常高質啦Encorn

今晚提早慶祝中秋~一開頭諗吾到揀咩食，有位好心嘅侍應黎幫我地每樣剔左1份，每份係6片，可以試岩自己口味再落order想食其他野轉口味嘅話，出面仲有好多野食，例如:各款丸類，菜，麵食，生根，以及我至愛嘅響鈴等等另外仲幾款飲品~食到咁上下，係時候攞番個甜品降下溫，有雲呢拿同港式奶茶味嘅雪糕，奶茶比較少見，所以就試下下佢，茶味比奶味重，都幾特別價錢方面大約每人200零蚊，好味又抵食，下次可以再來“安可”

呢間餐廳喺旺角都好方便，已經去食過好幾次了，因為不到$200就可任食多款不同部位嘅牛，非常抵食～餐廳環豐地方不算大，但都整潔乾淨，門口位就可自行混醬，該有啲都齊嘅另外丸類及蔬菜都要自己出面攞，仲有多款汽水飲品先上潮汕牛骨湯底，入面好多大蔥及粟米，湯底都清甜帶有牛味第1次牛order可先選哂6款牛部位及一款豬先，排得好靚每款又會有牌仔知道食緊咩部位第2次我就揀咗牛肉味香濃嘅封門柳，有咬口又夠重牛味，而安格斯就偏嫩一點，M5澳洲和牛油脂多一點，嫩滑得嚟牛脂香豐富丸類正常貨，仲有蟹柳蔬菜及菇菌都好新鮮最後記得食埋雪糕，有成4款口味，奶茶味好出喔

今日約咗三五知己去天下糧倉度食牛肉火鍋放題。可以任食以下嘅肉類:澳洲m5和牛肩小排、封門柳、安格斯牛肩胛、牛板腱、金錢展、一級肥牛同黑毛豬。我哋今次叫咗粟米豬骨湯同埋經典沙嗲湯，因為我哋都幾貪心所以揀咗鴛鴦鍋，沙嗲湯底味道非常之濃，好惹味，粟米豬骨湯清淡得黎係食得出真材實料，兩個湯底各有值得欣賞嘅地方，一濃一清，證明我地冇揀錯!!肉類嘅質素非常之高!!! 我哋覺得呢個價錢可以無限任食咁高質嘅肉類係非常之抵!!用同等嘅價錢去外面一啲連鎖嘅火鍋店有時都食唔到呢種高質!在場都見到有好多男仔嚟食，以呢個價錢可以任點任食真係非常之抵!醬料嘅選擇唔少，仲有火鍋必備的烏冬、公仔麵、福字麵等等，其實我哋淨係食肉已經好滿足好夠飽XDDD蔬菜方面當然唔少得打邊爐必備嘅油麥菜、娃娃菜、金菇、冬菇等，仲有腸仔、墨丸、牛丸等等啦，配菜質素都唔會馬虎!肥牛入口嫩滑，就算係一級肥牛都係肥而不膩，非常之好食!爭啲忍唔住想食多幾舊!! 澳洲M5和牛肩小排幾有咬口，肉質鮮嫩多汁，金錢𦟌好爽口，雖然煮熟會縮左水細粒左但我就係鍾意佢既咬勁XDD因為實在全盤都好高質好好食我哋就決定ENCORE!餐廳環境都坐得幾舒適，好適合幾個

#天下糧倉牛肉火鍋專門店 是我第二次光顧，當然是火鍋的牛肉好掂加一個價錢任食和牛，簡直離晒譜😀😀 旺角區又近大家返屋企，餐廳環境都好衛生，一定要介紹返💗💗🔹每位差不多$200 和牛放題，牛肉種類有很多，我比較貪吃，一次order. 晒不同種類比較，點知送上枱時，勁震撼，份量多到得人驚，我根本沒有機會 re order ，老闆太豪氣👍👍👍牛肉有6款: M5 澳洲和牛肩小排、安格斯牛肩胛、金錢展、封門柳、牛板腱、一級肥牛 ，更有一款黑毛豬。全都任食✌️我覺得安格斯牛和M5和牛都非常之棒棒啊！其他的都唔差，牛板腱勁有嚼口，牛肉味重！金錢展好新鮮，再加上可以到自助蔬菜，火鍋配料區取食物，必定夠飽😊😊湯底都有幾款，我點了麻辣加沙嗲，最後煮個沙嗲湯牛福麵，勁正的配搭😋😋😋😋天下糧倉牛肉火鍋專門店旺角西洋菜南街1A-1K號百寶利商業中心5樓501-506號舖

很想念這家和牛和青麻辣湯底，加上性價比很高的關係，又來吃多一次了！這次依舊點了鴛鴦湯底，有青麻辣和牛肉湯，這兩個湯底都是Lucas最愛的！補給庫（醬料區）有不同的醬料選擇！我選了沙茶 （這個配牛肉好吃）頭一篇我們點了牛的不同部位來試試，不論賣相和味道都保持一貫水準，果然不會令我失望呢！除了牛肉外，自助區域會有不少時令蔬菜及午餐肉/ 魚丸等選擇。飲品也是任飲的，所以我覺得在這裏吃火鍋性價比真的是十分高的！

上星期行行下旺角，三條友唔知食咩好，街頭望上去見到呢間天下糧倉，就膽粗粗入去試下啦，坐低一望，有6款唔同牛既部位任食，除此之外，麻辣湯底除咗辣、仲有椒麻味，愛辣既你一定喜歡。仲有其他不同既丸、菜、飲品、雪糕等等，不過果拍太飽食唔到雪糕，食牛已食飽了🤤還有兒時最愛既福字麵同米粉任君選擇，任飲任食黎講都叫做多款，另外佢既台灣貢丸都好好味，食左好多🤣🤣🤣如果你本身鍾意食牛而又想試多啲款式、部位，咁可以一試呀！

雖然宜家疫情好嚴重，短期內都未必可以再出街食晚飯。但係之前食過喱間勁高CP值既天下糧倉牛肉火鍋專門店都係好想推介下>^<因為媽媽係潮洲人（即係牛肉火鍋出產地HAHA）, 對牛肉邊爐勁有要求，又周不時就會想食，所以今日就帶佢黎到旺角百寶利商業大廈既喱間火鍋店啦！一入到去就見到格局唔係好似連鎖店咁, 店內環境雖然唔大，但係台同台之間都有一定距離，唔會痴埋一齊坐～叫左和牛火鍋放題，價錢只係二百幾，一開始仲以為係自己睇錯左XD 飲品配料雪糕等都係任拎架!火鍋湯底推介潮汕牛骨湯底, 因為怕油又想吃到牛肉原味，牛骨湯底就最好不過～湯底都算好足料，有足足 3舊栗米，飲落亦有濃濃的牛骨香味，配上高質和牛簡直係享受。另一重點：店家絕對無欺場，開始時落單看到點餐紙上有大約 7-8種肉類，每份 6 件，就每樣點了一份，結果真的勁大碟上菜XD 嚇親媽媽 上菜時每款肉上都有個小牌提醒係邊一類肉，方便客人再叫。 媽媽就話最好食是 M5澳洲和牛，入口即溶～我個人就比較喜歡封門柳，好嫩好滑，大家一定要試下！作為潮洲人，媽媽仲大讚配料區既沙嗲醬唔同一般香港既沙嗲醬，應該係來自潮洲的正宗沙嗲醬，特別香濃。

平時一個月都會和朋友食1~2次牛_那類肥牛放題，佢突然話找到一間樓上店好抵食而且款式多。地點來說，是我們常去的旺角，就在兆萬隔離，但真的想不到這座大廈裡面是有火鍋放題店。門口的裝修都很有特色，配合糧倉的名稱有點稻草的裝飾。是用明火Gas爐來打邊爐的，這個爐火力很足夠，我們打足2個鐘都不需要換氣，也沒有看到其他檯要換Gas，可以安心盡情地吃。窗台可以擺袋，有些得意的牛牛擺設。湯鍋有很霸氣的龍頭。點了牛肉後可以走一圈拿下飲品和醬料：就像那些_陣一樣，蔬菜和丸腸類雖然不多但可以自助取來吃。還有餐後甜品雪糕。原包出前一丁就放在醬料旁，童叟無欺啊。雖然吃完後會知道根本不需要吃麵，但可能有些人一定要有些五穀類才覺完整，也能滿足他們需要。這是第一轉的牛，很鮮艷的顏色，而且標明了部位，我們急不及待地開吃了！這是肥牛，雖然肥的部分有點多，但吃下口特別香醇，脂肪並不是滑汕汕的，而是略帶爽脆，油香在口內擴散，要用一個詞來形容的話，邪惡便是最貼切啊。這個是不是很像牛展呢？無錯就是牛展的部分，筋肉相間很有口感。黑毛豬也很爽脆，還有豬肉獨有的甜味，索了香濃玉米味的豬骨濃湯，和牛肉非常不同的鮮味。食完一盤可以叫另一

究極和牛放題黎到旺角今次探索百寶利商業中心平時上黎都只係買衫買鞋今次上山挑戰究極和牛放題雖然係牛肉放題 但啲牛非常高質仲有唔同湯底可以選擇🍲揀咗蕃茄同沙嗲口味.黑毛豬🐷極推👍🏻👍🏻👍🏻併盤入面唯一唔係牛既食物口感又軟又滑 肉味濃郁 脂肪又唔多比起牛肉有過之而無不及 Encore~.安格斯牛肩胛🥓夠哂腍 淥幾秒之後起筷睇樣都見到油脂較多香氣十足 又夠滑 不會韌.和牛牛粒🐮當晚缺貨 代替澳洲M5和牛肩小排*原本以為牛肉粒 仲驚淥耐左會變鞋食落口出奇地嫩滑😍和牛牛脂喺口中爆發出黎 推薦.Prime牛板腱/封門柳🐄即係肩里肌/橫隔膜肌呢兩款偏瘦 肉質結實 肉味較出淥熟後牛肉紋理亦突出.其他火鍋配料都是自助式的有基本的蔬菜和丸類最後大家記得留肚食雪糕因為雪糕比我期望中更出色用左本地雪糕品牌cococherry最推既係玄米茶口味🍵每一啖都好似食緊茶粉入口咁濃郁

呢間火鍋店開係百寶利實在唔起眼，如果唔係朋友推薦都唔會搵到上嚟😋上到去大多數都係book咗位🤓依間原本係單點美食，後來轉型做放題形式，但牛肉豬肉質素依然超高🤩感覺好抵食好正😭💕湯底係會配潮汕牛骨湯，清甜唔會重口味，完全帶出牛肉鮮味😍另外可以鴛鴦湯底，揀咗粟米豬骨湯，呢款就比較惹味濃郁😋其他火鍋丸類蔬菜🥬都會放喺雪櫃保持新鮮，基本款式都有，好多墨魚粒嘅墨魚丸🦑仲有平時少見嘅芝士魚餅🧀Refill次數頻密，可以慢慢食😌重點係任食嘅牛肉同黑毛豬，一睇一食就知真係好新鮮，尤其黑毛豬，食咗超多😍第一次食咁多豬😂好好味！豬味濃食落又爽口！第二最愛係安格斯牛肩胛，脂肪分布均勻，油脂好香🤤其他部位都好正，牛肉味較濃，口感較爽，只係我個人鍾意入口即溶😁每樣試吓，啱食再叫🤩反正係任食，揀好心頭號🥩持久作戰🤩🤩其實仲有好多口味嘅雪糕，不過食咗太多肉🤣已經食唔落甜品

第一次行入百寶利，真係比佢嚇一嚇，有好多不同餐廳，商店，GAME ROOM。真係可以話咩都有齊。而今次係為咗打邊爐而入既。有一間和牛放題 -- 天下糧倉牛肉火鍋專門店，地方乾淨闊落，仲有 VIP房可以BK添。而且放題只需$176，任食2個鐘，好抵食。餐廳裝修都好符合佢個名，好有中國風。佢既醬汁部叫「補給庫」，真係好搞笑。而調配選擇都好多約有10款咁多！我最鐘意喺芫茜，炸蒜，蒜蓉，加生抽。下火得黎又香。「補給庫」都有烏冬公仔麵等等既乾糧而其他配料就放係雪櫃，雖然種類唔算多，但基本嘢都齊既！金菇、冬菇、生菜、響玲、墨魚丸、牛丸、魚蛋等等....當時我只會夾菜，留返個肚食牛飲品都係放係雪櫃任拎，竟然有無糖既茶，真係抵，另外都有雪糕，可以慢慢揀慢慢食湯底方面:選擇都幾多有 潮汕牛骨湯，超濃番茄湯， 麻辣湯，沙嗲湯，豬骨湯同皮蛋芫茜湯我就要左潮汕牛骨湯配上蘿蔔粟米，好清甜再加多$16變鴛鴦底 - 經典沙爹湯 味道濃，而且好香，不過就好邪惡。重點黎啦!!!! 和牛放題 !!!!!!一個大大既托盤黎啦!!包括有Prime 牛板腱，金錢𦟌，封門柳，安格斯牛肩胛同黑毛豬。而有2款就售罄左。ORDER紙就

前排因為疫情關係好耐冇同朋友見面，終於可以約出嚟飯聚，梗係要打邊爐先夠熱鬧～知道天下糧倉有任食牛肉火鍋，我哋成班牛魔王即刻雙眼發光Menu簡潔清晰，任食以下肉類：澳洲M5和牛肩小排封門柳安格斯牛肩胛Prime牛板腱金錢𦟌一級肥牛黑毛豬（雖說主打牛仔，但還是有豬肉吃，不錯👍🏻）蔬菜、丸類同埋飲品可以自己出去拎，都係應有盡有～湯底方面，重慶翡翠綠麻辣湯非常惹味，辣得有層次👍🏻怕辣嘅可以揀沙嗲湯底，都好滋味～值得一提的是雪糕，有比較少見嘅味道，好特別👏🏻整體來講係性價比超高的火鍋店，值得推薦！