天下糧倉牛肉火鍋專門店

营业中

休息中

打邊爐最重要當然就係牛肉啦，唔通係個爐咩？！呢間位於旺角嘅天下糧倉牛肉火鍋專門店，價錢夠大眾化，仲係和牛放題任食添，啱晒我同A姐兩隻牛魔王啦！潮汕牛骨湯呢度有4款免費湯底同5款收費湯底，我哋就揀咗潮汕牛骨湯，湯底類似清湯腩，牛骨味香濃，但又非常清甜，濃郁嘅牛骨湯就同牛肉最夾啦！牛肉拼盤呢度嘅任食牛肉總共有八款，店員先會將所有牛肉奉上，包括SRF美國黑毛和牛、Prime牛板腱、安格斯牛、一級肥牛、鮮牛肉、封門柳、金錢展同牛脷片，試完邊款最啱自己再無限encore啦！最好味嘅個人推介當然首推SRF美國黑毛和牛，肥瘦適中，牛肉味濃郁；封門柳油花雖少，但肉味係最香；另一款推介就係牛板腱，牛味同樣香濃，有口感。就算之後再encore，質素都唔會差咗。整體八款牛肉都唔錯，但就略嫌相對較cheap嘅一級肥牛同鮮牛肉份量俾得太多。補給庫餐廳叫天下糧倉，所以自取食物嘅地方就叫補給庫，都幾切合主題！補給庫以蔬菜、丸類為主，仲有豬腩片、牛柏葉、鵝腸等，款式都唔少架。飲品、甜品飲品除咗汽水，仲有無糖茶選擇。而雪糕就係made in Hong Kong嘅CocoBerry，有四款味道：港式奶茶、焦糖、海鹽同菠蘿

好耐冇打邊爐，之前都同朋友食開呢間，今日同爸爸過黎食，而家和牛放題已經更新，有好多款唔同嘅牛肉，任君選擇。一黎餐廳會將全部牛都會各上一set俾客人，方便大家之後選擇，之後想食咩牛就take返係張紙度落單就得。餐廳位置闊落，唔會覺得擠迫，有配料區及自助餐吧，食物選擇繁多，而且全部放係雪櫃度，衛生乾淨，食得安心d！我地揀左鴛鴦鍋，鍋底分別係潮汕牛骨湯及四川紅麻辣鍋，有呢兩個鍋底助陣，真係令我胃口大開。總結：和牛放題價錢合理，而且牛肉有質素，擺盤亦好靚，出邊自治區d食物亦好豐富，雪糕飲品蔬菜肉食樣樣齊，真係好抵食！下次再encore！

難得放平日假，可以輕輕鬆鬆一番，朋友知我放假就約我去食和牛火鍋放題晚餐，話有多尐時間消化。朋友話捃到間上樓火鍋店任食和牛好似幾抵食，二百蚊有找就可以和牛吃到飽，而且係5點就已經可以開始我地咪咪摸摸最後5:30到達位於旺角名為「天下糧倉」嘅牛肉火鍋專門店一上到位於大廈5樓嘅天下糧倉，就見到和牛放題，唔使200蚊一位就可以任食又真係幾吸引喎！原來肉類更新咗，轉咗全牛宴叫得糧倉一定可以食到飽🤣入座時經過這個補給庫，好攪笑，好似古裝劇中嘅馬車車架原來馬車車架盛放著調味醬料、麵食等火鍋配料，井井有條麵食都有5-6款，仲要係全獨包裝，乾淨衞生另有雪櫃區，一個放有多款無酒精飲品（汽水、果汁、茶類）和7-8款蔬菜；另一個放著其他火鍋配料（丸類、 腸類、豆品菇菌等等）而主角和牛呢？就係填紙仔落單，湯底都係填紙落單；和牛雖是填紙，但也可無限任落（只最緊要食得落唔好浪費便是了！！）湯底都有好多選擇，因為目標係勁食和牛，所以揀鴛鴦鍋底落咗牛肉和湯底就出去揀其他配料，第一round揀咗大白菜、油麥菜、蓮藕、雲耳、萵筍、支竹（skip晒所以丸腸🤣）湯底好明顯就係鴛鴦鍋，鴛鴦鍋需另加$16，一邊沙嗲湯底一邊係潮汕牛

數數手指，最近真係一星期最少打一次邊爐😂天下糧倉性價比高，價錢平，又多牛肉種類，啱哂我呢啲牛魔王呀！外面嘅自助醬料區，除咗各款醬料外，仲有生根、響鈴同麵，連銀針粉都有。 飲品同樣自助，選擇都唔少，連我最鐘意嘅荔枝烏龍茶都有；各式丸/腸/蔬菜都乾淨整齊咁一盆盆放好雪櫃內；另外仲有雪糕櫃，有多款味道可以揀。湯底有九款，我地揀左潮汕牛骨湯同超濃蕃茄湯雙拼。牛骨湯比較清，同時充滿牛骨香；蕃茄湯就酸酸甜甜非常開胃。八款牛肉任食，當中包括SRF美國黑毛和牛、Prime牛板腱、安格斯牛、一級肥牛、鮮牛肉、封門柳、金錢展同牛脷片。我地每款牛肉都有點，一次過試哂八款口味。牛肉盤話咁快就送到，八款肉放於一個木盤內，好啱打咭；肉質色澤亮麗，解凍程度亦剛剛好，唔會過冰或者有血水滲漏嘅情況；而且每款牛肉上面都有個膠牌仔，顯示翻係邊款肉，咁你就唔會唔知自己食緊咩喇，亦方便encore自己鐘意嗰款。個人最鐘意就係黑毛和牛，肉質細嫩肥瘦合適；封門柳同樣深得我歡喜，牛味出眾，肉質結實；牛板腱我都鐘意, 大大塊食落啖啖肉。最後食返杯雪糕作結尾😋

如果喜歡食牛肉嘅朋友，可以去旺角天下糧倉牛肉火鍋專門店，呢度可以食盡8款不同牛部位嘅牛肉，仲係放題火鍋添，平日晚市$233/位連茶芥加一，性價比高。坐低先揀湯底，之後店員會送上一盤牛肉比客人試，賣相相當吸引，每款牛肉上面都有個牌仔顯示牛的部位，非常細心，好讓客人品嚐到不同牛部位的味道，試完所有牛肉可以清楚知到自己喜歡吃哪個部位。我個人最喜愛吃美國黑毛和牛、安格斯牛肩胛和牛脷片，所以oder左好幾轉。黑毛和牛👉肉汁濃郁，嫩滑油花均勻口感，入口即化😋牛肩胛👉軟嫩的口感，牛肉味道豐富😋牛脷片👉獨一無二的質地，薄切爽爽的😋除了牛肉任食之外，還設有醬料區，其他火鍋配料，例如：麵類、丸類、菇類、蔬菜、山根與和響鈴等等，另飲品和雪糕都是任飲任食。

今日朋友生日同咗佢去旺角百寶利大廈嘅天下糧倉牛肉火鍋店度食飯餐廳去到八點就全場爆滿十分受歡迎 全因價錢唔貴 仲可以任食美國和牛超抵 牆上寫住天下糧倉嘅燈牌幾有特色好霸氣揀咗個豬骨湯底冇乜特別 不過可以食到牛肉嘅真味有成八款牛肉可以任點任食鮮牛肉 金錢展 一級肥牛 牛舌 封門柳 牛板腱 美國安格斯牛肩胛 SRF美國黑毛和牛金錢展比較瘦健身人士啱食 牛肉味濃郁牛舌 厚薄適中 夠曬彈牙封門柳 肉質淋滑而且牛肉味超濃牛板腱 比較肥美美國安格斯牛肩胛 肥瘦適中而且肉味濃郁SRF美國黑毛和牛 有買開送嘅都知係貴價貨 油花分佈超平均 感覺上入口即溶另外 丸類 蔬菜 公仔麵 飲品等等都係自取

呢間個名好特別😂朋友生日揀左打邊爐9款唔同嘅湯底入邊我哋揀咗⋯聽個名好特別既⋯重慶翡翠綠麻辣鍋見到個鍋真係綠綠地色㗎 好味🤤超濃蕃茄鍋 又好似冇心目中嘅咁濃味😅龍頭棍就爭唔到啦🤣🤣🤣龍頭鍋都可以食下既牛肉好味指數 🙋🏻‍♀️排名絕對分先後🙋🏻‍♀️安格斯牛肩胛SRF美國黑毛和牛Prime牛板腱封門柳金錢展牛脷片肥牛鮮牛肉除左牛肉其他食物選擇唔算好多 都系丸類、蔬菜唯獨豬腩片比較厚切 好有咬口 記憶點大啲🤪///

打親邊爐重點就係食牛，所以今次揀咗旺角天下糧倉， 呢度嘅和牛放題價錢非常合理，$198任食任飲兩小時。 地點又方便就喺旺角百寶利商業大廈5樓， 一出𨋢就見到。坐低就點返個湯底先呢度有我哋最愛嘅芫茜皮蛋鍋，我呢個芫茜控必點， 外面有個補給庫其實就係醬料區， 除左右出前一丁福字麵之外仲見到有銀針粉、山根及響鈴。主角出場啦一開始每款牛都試下， 同之前個menu有啲唔同，今次多咗牛脷片及美國黑毛和牛， 餐廳非常細心每款牛肉上面都會註明，食完邊款啱自己心水可以再點， 今次有八款牛肉分別係安格斯牛肩胛、封門柳、牛板腱、SRF美國黑毛和牛、金錢展、一級肥牛、牛脷片及鮮牛肉，選擇多羅羅， 每款牛肉各有特色，肉質鮮嫩，牛味十足。外面仲有自助區， 有飲品同其他火鍋配料，選擇都好多， 欣賞佢有好多款無糖嘅茶類飲品及韓國飲品， 當然唔少得有雪糕喇， 餐廳提供嘅係香港製造嘅可可貝妮雪糕， 有四款口味分別係沖繩海鹽港式奶茶菠蘿椰子同埋焦糖脆餅個人覺得菠蘿椰子味道最好，夠曬清新。

放工經過見到幾抵食的和牛放題，甘岩又好耐冇打過邊爐，於是同朋友一起試一試！店舖得一位員工，所以接的客都唔太多，環境幾清靜，難得一次出街打邊爐可以同朋友慢慢吹一吹水!店舖主打任食8款不同部位的和牛，不同的部位口感都唔一樣，絕對值得一試，鐘意食牛的大家唔好錯過！一級肥牛：肥牛油脂好豐富，望落去好肥，但其實唔係！封門柳：呢個部位食落感覺比較乾身，相對其他亦較甜！美國黑毛和牛：雖然切得薄薄一片，但入口充滿牛的味道，貌相亦非常吸引！鮮牛肉：鮮牛肉晶盈剔透，入口好滑溜，但牛味不太出！牛板腱：牛板腱入口比較鬆軟，牛味相對亦較高！安格斯牛肩胛：牛肩胛比較有咬口，肉質比較實淨！金錢𦟌：金錢𦟌切到好細一塊，但味道一d都唔差，相對亦較甜！湯底選左潮汕牛骨湯底，湯底十分清甜，配有大蔥，粟米同蘿蔔！其他配菜可在凍櫃自己夾，有唔同的丸類、菇類、蔬菜、午餐肉五花腩木耳蟹柳等等，超多選擇！旁邊配有10款醬料供大家自由調較自己想要的醬料，亦有不同麵類比大家隨便拿，絕對令大家肚皮滿載而歸！飲品同雪糕係任飲任食，值得一試荔枝烏龍茶同海鹽味雪糕！

聽講旺角有間價錢合理食物質素高嘅和牛放題邊爐 今日走去一探究竟 真係無令我失望🥳一入到去有種古色古香嘅感覺 地方唔算非常大 但坐喺度感覺好舒服怕燥底嘅我哋揀咗芫茜皮蛋鍋 鍋底已經有驚喜 芫茜係我見過最多嘅一次 而且大大嚿皮蛋 我都夾咗幾嚿嚟食🤣入正題我哋攞出menu tick牛肉食 總共有八種牛 每款一tick已經有八塊 想到枱一大盤 肉嘅顏色好鮮豔 一睇就知夠新鮮 而且好大盤 食一轉已經投降🙈 呢間有平日好少見嘅封門柳食 肉質彈牙 果然名不虛傳另外和牛 牛板腱 牛肩胛 呢三款我都食到停唔到口 如果唔係因為我胃口唔夠大 我就肯定要再encore😩😋呢度除咗可以狂食牛 喺外面嘅雪櫃同埋餐車都可以攞到正常邊爐嘅料 加加埋埋食到我非常飽特別一提係佢有香港製造嘅cocoberry雪糕 總共有四個味 真係好正 港式奶茶味真係要試一試 味道濃沃 真係想食多幾杯🤪🤪

< 🐮天下糧倉牛肉火鍋專門店 >📍旺角前幾日同男朋友去旺角行街😛 行到咁上下見到百寶利入面有間和牛火鍋放題一於試下😋🍲究極和牛放題 $198 (五六日+$13 醬料$13)湯底總共有10款 4款唔使加錢 我地就揀咗沙嗲湯底😛 有8款牛肉可以任食😋 有封門柳、SRF 美國黑毛和牛、一級肥牛、金錢展、牛脷片、安格斯牛肩胛、鮮牛肉同Prime牛板腱😆揀好湯底之後 店員就送上8款牛嘅拼盤 可以試晒咁多款😆 個人比較推薦黑毛和牛同埋封門柳😋食落肉味都比較濃 黑毛和牛油花夠多 唔錯👍🏻 牛舌打邊爐唔會過韌 入口大大一片 幾爽口另外出面仲有唔同嘅配料可以自己夾 款式好多有我至愛嘅響鈴 索晒沙嗲湯底好正🤣最後仲食咗雪糕🍦有三款味揀 個人最鍾意沖繩海鹽🥰

大胃朋友約吃火鍋上OPENRICE找找有什麼任食的推介見到這間的評價很不錯 價錢又超划算就叫朋友訂位啦平日7點來到 已經有8成滿果然是人氣放題火鍋店店員叫我們先點鍋底 第一輪不用選肉類因為會上一盤拼盤 裡面各款牛肉部位都有選了牛骨鍋  味道淡淡的 吃起來沒負擔之後下菜煮也不會太油每款肉都給了幾片特別推薦封門柳因為每隻牛只有一條大約1KG的封門柳平時去牛肉台買也要預訂這裡竟然可以任吃 我們吃了四輪 真是值回票價牛舌打邊爐是也比較少見的吃起來口感爽口牛肩胛油花均勻 入口即化吃火鍋最愛娃娃菜 吸了牛肉湯汁更甜更好吃大食朋友真的不負眾望吃了一大堆牛還可以吃得下一堆丸類自助區擺放整齊 選擇不少還有各式飲品和雪糕自取性價比好高

西洋菜南街入面真係勁多野食今次食呢間係睇到朋友食過都讚好嘅任食火鍋200食到2個鐘 仲可以試勻唔同嘅牛肉好吸引呀牛肉就係畫紙仔 其他野食就係出面雪櫃拎嘅成10款丸類 蔬菜都唔少好特別 呢度連銀針粉都有平時好少食 本身諗住最後要食番個但俾啲牛打爆左個胃食唔落😂湯底揀左豬骨粟米湯清清地 可以食到牛嘅原味牛肉一開始就會上齊咁多款每隻上面都有個牌介紹番可以食完再揀encore邊款牛其實隻隻都好食其中安格斯牛肩胛同美國黑毛和牛最正食左5轉 所以先食唔落銀針粉😂淥10秒 好滑好好食 牛味都幾重最後食左個菠蘿椰子雪糕完美ending200蚊呢個質素真係冇得輸

近排天氣突然轉涼，最啱就係打邊爐。咁啱搵到呢間性價比高嘅餐廳，$198就食到和牛邊爐放題，緊係要試一試。湯底有唔少選擇，但偏愛濃味湯底，所以叫咗秘制沙嗲鍋。有咁多款牛，我地緊係每款都點黎食啦。😆餐廳好貼心咁係每款牛上面放塊膠片，介紹牛嘅部位，等大家容易分辨，食完鐘意就再點過！我最鐘意食安格斯牛肩胛，牛味突出，滿佈油花，食落有口感。👍🏻而男朋友就鐘意鮮牛肉，灼完肉質重非常嫩滑，係沙嗲湯鍋灼，香濃又惹味，重好食過茶記嘅沙嗲牛，哈哈！🤣打邊爐又點會只得牛，餐廳有個自助雪櫃，提供唔同丸類、豬肉片、菜同菇比大家揀。😎餐廳重有個補給庫，個設計非常有趣，好有古代感覺，其實係提供唔同醬料同麵類，啱哂鐘意混醬嘅人。😁最後緊係要食埋甜品先走啦。😋

今次呢間以牛為主嘅放題火鍋，2小時仼食，$198，都幾抵食！好欣賞佢上菜嘅時候，會有個牌介紹邊種牛，好過其他餐廳幾碟一齊上，分吾清楚自己食左咩牛🤓以下幾款係按我喜歡程度排序:1.牛板健最有牛味，入口好滑，油花吾多！被喻為最完美稀有位置。2.安格斯牛肩胛最大塊，手掌✋大！一聽到安格斯就知係質素保證3.封門柳肉味都係好濃，而且多左份鮮甜！4.美國黑毛和牛肥瘦最為均衡，入口即溶。5.鮮牛肉鮮嫩而且非常之滑，似係沙嗲牛肉個隻，不過滑好多，一啲都唔鞋。6.金錢𦟌碌完縮左水，不過正因為咁，變左一口牛，口感幾獨特👌🏻🤪7.牛脷片比較爽口，有咀嚼感。8.一級肥牛喜歡肥啲，可以點這個！仲有20幾款配料，自助醬油區，好豐富♥️最後由cocoberry雪糕作結尾，竟然有奶茶、比利時焦糖餅等多款口味✌🏻👍🏻