天下糧倉牛肉火鍋專門店

营业中

休息中

今日去咗旺角💁🏻‍♀️百寶利商業中心～天下糧倉牛肉火鍋專門店食🐮和牛放題！以為一般放題咁簡單😏其實都幾有質素，見到盤牛肉👏👏都好仔細，又分類又名牌😅😅！而湯底共有八款，我地點了鴛鴦湯底，🌶 四川紅麻辣鍋(麻辣越煮越惹味)和☘️芫茜皮蛋鍋(清熱又下火)！食完個牛肉拼盤，當然要重點encore啦，特別鐘意食~🐂安格斯牛肩胛(肥瘦適中)🐃 牛脷片(口感爽脆)~ 🐄金錢展(嫩滑而有點嚼頭)~🐂 封門柳(牛味濃)，今次重會大片D添😋😋！自助區方面有💁🏻‍♀️丸類、蔬菜、響鈴、粉麵，飲品和雪糕等等．．．．收費都係大約＄200左右，的確抵食👍🏻👍🏻！

唔係朋友推介都唔發現原來旺角有間《天下糧倉牛肉火鍋專門店》😅😅！有八款湯底選擇，當中四款是免費的，我地4個人🤔當然選擇鴛鴦湯底啦！芫茜皮蛋鍋和四川紅麻辣鍋，個鍋一放低就知足料👍🏻👍🏻！店員會先放一盤🐂牛肉拼盤，內裹有八款選擇，幫你分埋類有哂名😅夠晒清晰👏👏，鮮牛肉(肉質嫩滑)、金錢展、一級肥牛(脂肪比例適中)、封門柳(牛肉味濃)、牛板腱、安格斯牛肩胛、牛脷片(新鮮爽口)和美國黑毛和牛，試哂之後，寫明是和牛放題當然可以無限任點啦！另外自助冷藏櫃，已經有超過30種火鍋配料選擇，丸類、蔬菜、乜都有😊雪糕飲品亦都係任取，超抵食👏👏！收費都是每人大約＄220

早上經openrice 網上系統預約即日的訂座，中午時，餐廳也打電話來確認了，然後晚上到達時也沒有遲到。。。卻被告知滿座了，需要等候，要比預約時間遲30分鐘 才有位。。。所以只是評論，沒有食評完！

Yeah! 打邊爐正有靚牛既打邊爐就更正！ 首先揀左湯底先我地就揀左鴛鴦鍋芫茜皮蛋配豬骨粟米一個濃味一個就淡小小絕配！揀好左湯底就可以出去整醬料淨係麵都有4 款揀第一輪牛係一盤咁黎 俾齊各款牛你去試 睇下自己鍾意食牛既邊一part唔洗擔心之後續牛啲牛會無第一次黎咁靚 有圖有真相蔬菜類都唔小嫁應有盡有菇 菜 木耳 粟米 丸… 野飲都有好多野揀欣賞佢有無糖既野飲岩晒健康既朋友coco berry 香港自家製雪櫃 好好味 ！ 支持本地製作！ 奶茶味最好味食左2 杯都仲想繼續食要有一定既刻制能力先停到手同口😂

星期五晚放肆一下，認識一下新朋友，齊齊去任食邊爐😋話說本人係第一次黎呢間鋪，點都估唔到樓上有間食店，牛肉質素唔錯之餘價錢好抵食。門口攞放既宣傳架就已經係可供選擇嘅牛肉種類，坦白講，第一下係失望既😅好似冇咩選擇咁，一場黎到就入去試試佢啦！除咗指定數款任叫肉類, 其他食物都係收費項目。對於月尾既我哋，當然係叫任食牛肉場內有個雪櫃擺放咗一般常見蔬菜以及丸類食物。數量以及種類都唔多但補給快。鴛鴦底(秘製沙嗲鍋同豬骨粟米湯)前者一開始已經係比較咸，後者越食越咸。中間有加過幾次湯，不過最後2煲都係好咸。希望湯底可以改善一下。個鍋2邊揸手位係龍頭， 幾特別。第一輪叫咗幾款大熱既肉類，牛肉都唔錯，之後大家都只係叫牛同拎菜。環境ok，只係枱同枱之間比較窄，過道寛唔怕撞到人。以咁既價錢，食物同環境，可以再戰。

今次嚟到呢間網上面見到有好多好評嘅火鍋店，見到收費都只係$200唔使，就可以食到唔同牛肉種類，仲有和牛食添，真係好抵！店員一開始會端上一盤唔同種類，一共八款嘅牛肉，包括美國黑毛和牛、牛板腱、安格斯牛肩胛， 一級肥牛、鮮牛肉、封門柳、金錢展、牛脷片。我同朋友最鍾意食嘅當然係黑毛黃牛啦，入口即溶真係，食極唔厭。我哋今次揀咗秘製沙嗲鍋做湯底，沙嗲味好濃，同出邊食嘅唔同，見到隔離好多台都係叫咗潮汕牛骨湯，我諗下次再嚟都會試吓呢一個招牌湯底。呢間火鍋店嘅配料係喺出邊自助拎嘅，種類同出邊嘅火鍋店都差唔多，識落都算新鮮，飲品方面都有好多唔同嘅選擇，大多數都係韓國飲品同埋台灣飲品，而麵食方面都有好多唔同嘅選擇，包括銀針粉、烏冬、出前一丁、福字麵同埋米粉等等，真係唔餓啲都試唔哂咁多款！至於雪糕方面呢間火鍋店提供左一個香港品牌嘅雪糕,當日有四種唔同嘅味道,我就揀咗系出邊較少機會食到嘅沖繩海鹽味,鹹鹹甜甜咁都真係幾特別!$200唔使就試到咁多嘢食同牛肉，真係物超所值!

-🔸究極和牛放題 $198/位-今晚同好朋友去旺角覓食，見好耐冇打過邊爐，就嚟咗依間任飲任食嘅和牛放題打邊爐。餐廳地方闊落，張枱亦夠晒大，放到好多配料，唔會食得好狼狽。湯底揀咗鴛鴦湯底（+$16），分別係我至愛嘅芫荽皮蛋湯底，同埋一上枱就聞到好香好濃郁嘅祕製沙嗲鍋湯底，用嚟淥牛肉食真係一流啊！醬料調味區、其他火鍋配料、烏冬麵食、飲品雪糕等等採取自助形式，款式都係應有盡有，特別要推介祕製油碟真係好惹味喎！食到捧住個肚仔走，大滿足啊！

😋終於到我放假啦 今日帶大家去食我最鐘意既打邊爐💖我係牛魔王，今日黎到旺角食天下糧倉😋已經第三次黎食啦🥰。今次湯底係揀重慶翡翠綠麻辣湯底同埋芫荽皮蛋湯✅ 首先講咗麻辣湯底先，佢嘅麻非常之香，而且一啲都唔油膩，湯底好麻，正呀，而另外芫荽皮蛋湯好清，芫荽味好出💖。佢地既牛非常出色，高質既牛肉放題但價錢非常平民😘牛肉方面，餐廳有8款，有美國黑毛和牛，安格斯牛、牛板腱、一級肥牛、鮮牛肉、封門柳、金錢展、牛脷。我最鐘意食既係鮮牛肉，個樣平平無其，但味道好出色，又重牛味之餘，口感非常嫩滑，食到停吾到口🥰🥰，另外我好鐘意食佢地既黑毛和牛，肥瘦適中👍🏻👍🏻。係咁不停encore 既火鍋餐廳✅💖價錢合理得黎非常高質😋。

好食嘅嘢絕對會再返轉頭，今日又再次嚟到旺角百寶利商業中心嘅天下糧倉牛肉火鍋專門店打邊爐😎。依間最令我印象深刻嘅係，佢唔單止有好高質素嘅牛肉食😆，而且仲係用放題嘅形式，價錢平民之餘，又可以食到靚牛肉，絕對係同一班朋友過嚟吹水食嘢嘅好地方😝。。除咗牛肉靚之外，火鍋嘅湯底亦都有好多選擇，作為辣控嘅我當然要揀個辣辣火鍋🤪。我揀咗鴛鴦鍋，清湯嗰邊選擇皮蛋芫荽湯，芫荽控絕對必點，芫荽味好濃，無論烚菜定係烚肉都very good👍🏻。而另一個鍋底揀咗重慶翡翠綠麻辣鍋，花椒同辣椒嘅味非常濃郁，好有重慶風味，d肉烚過味道已經非常之夠，可以話唔需要另外再點調味料😍。。而牛肉方面，餐廳八款，分別係SRF美國黑毛和牛、Prime牛板腱、安格斯牛肩胛、一級肥牛、鮮牛肉、封門柳、金錢展、牛脷片。我特別推薦食黑毛和牛同鮮牛肉，口感非常之嫩，牛味濃郁。😋。

去到旺角食物選擇好多，但嚟嚟去去都係cafe、日本放題、燒肉或者連鎖餐廳🥺今次終於搵到間平民價任食和牛火鍋😍😍😍湯底揀咗潮汕牛骨湯🍲始終覺得用清湯食高質牛肉係最好不過👍🏻湯底唔會蓋過牛肉味之餘仲可以食到牛肉鮮味😋$198究極和牛放題🐮🐮以上八款牛肉都屬於任食😍😍😍每款都超重牛肉味🤤厚薄適中，滾水輕輕淥一淥就食得👍🏻睇番舊menu見到SRF美國黑毛和牛，牛脷片同鮮牛肉都係新加😚個人覺得安格斯牛肩胛同牛脷最重牛味😋！！呢度仲有鵝腸任食！！🤤鵝腸淥起爽口帶有微微鵝羶味☺️好食👍🏻另外仲有豬大腸🐷蓮藕，反而丸類款式唔算太多😋基本丸類都有☺️可以專心食肉肉🤤「補給庫」仲提供不同款麵食，冰櫃仲有稻庭烏冬😋麵質超爽口彈牙💯呢度除咗多款飲品款式，雪糕味道真係好有驚喜！😋圖中咁多款都試哂😋味道有特式👍🏻總括而言，牛肉有質素😋價錢合理💰旺角地段$200有任食邊爐真係好抵👍🏻飽到上心口🐷

今晩放工去左打邊爐，見到有間和牛放題好抵食，$200都唔駛，一於是入去試下先。餐廳位於旺角西洋菜南街百寶利商業中心5樓, 入到黎，侍應話原來肉類更新咗，正！呢度以紙仔形式落單，一於八款牛先點一轉，啱嘅之後再翻點。牛肉盤話咁快就送到，八款肉放在一個木盤內，每款牛肉上面都放有個膠牌仔，標明係邊款肉，咁就知返自己食緊咩喇！睇落肉質鮮色，解凍亦剛好，打邊爐啱啱好！下面呢幾款牛都唔錯：鮮牛肉： 厚身，牛味濃牛肩胛好新鮮，唔會太肥，肉質鮮嫩SRF美國黑毛和牛：肉質細嫩、肥瘦比例剛好封門柳：肉質結實，牛味濃郁牛板腱：食落啖啖肉除左牛外，雪櫃區有多款飲品如汽水、果汁、茶類供應，蔬菜數款。另一個雪櫃放著其他火鍋配料如丸類、 腸類、豆品菇菌類等等最後還有任食雪糕，實在太飽，只試了菠蘿椰子和港式奶茶2款，菠蘿椰子好清新，唔會太甜，而港式奶茶茶味香濃，奶香。今晚大滿足，食到捧住個肚走。

旺角$176起和牛火鍋放題，CP值極高😎牛控必到！淨係牛肉同湯底需要畫紙仔，其他都係自助形式，9款湯底入面，原本聞到隔離枱麻辣鍋好香，但朋友唔食辣，最後揀咗個清清地潮汕牛骨湯，都唔錯👍🏻牛肉有8款，有美國黑毛和牛、Prime牛板腱、安格斯牛肩胛、鮮牛肉、封門柳、金錢展、牛脷片、肥牛、每份order 8片，推介黑毛和牛重牛味、牛脷片爽口😋醬料區有多款選擇，推介秘制油碟，唔駛自己溝，點一點牛肉份外惹味😋仲有出前一丁、福麵、福米、烏冬，正☺️雪櫃區有蔬菜類、丸類、飲品、雪糕，最正係飲品有幾款無糖茶揀，啱晒唔好甜飲嘅我😁最後歎返杯沖繩海鹽雪糕🍦又為一餐劃上完美句號😋

又到聚舊時間，好姊妹約打邊爐☺️嚟到旺角樓上店天下糧倉😋聽侍應姐姐講，原來餐廳menu最近更新咗，肉類轉咗和牛任食🤩正😎湯底有九款，我哋揀咗潮汕牛骨湯主角牛肉有八款，當然每樣都點啲試下先～通常點完啲肉上枱都唔知邊款打邊款，餐廳最貼心嘅係每款牛都有個牌仔話返我哋知係邊款肉，方便encore心水款🥰其中最愛封門柳，牛味夠濃，有咬口😚朋友最愛黑毛和牛，肥瘦適中👍🏻另外出面有架古代車仔「補給站」幾盞鬼🤣有醬料、響鈴、生根、麵食等供應雪櫃區有丸類、腸仔、蟹柳等等，飲品、甜品麵係自助😆總括來說，呢個質素，二百零蚊一個人價錢合理👍🏻

打邊爐最重要當然就係牛肉啦，唔通係個爐咩？！呢間位於旺角嘅天下糧倉牛肉火鍋專門店，價錢夠大眾化，仲係和牛放題任食添，啱晒我同A姐兩隻牛魔王啦！潮汕牛骨湯呢度有4款免費湯底同5款收費湯底，我哋就揀咗潮汕牛骨湯，湯底類似清湯腩，牛骨味香濃，但又非常清甜，濃郁嘅牛骨湯就同牛肉最夾啦！牛肉拼盤呢度嘅任食牛肉總共有八款，店員先會將所有牛肉奉上，包括SRF美國黑毛和牛、Prime牛板腱、安格斯牛、一級肥牛、鮮牛肉、封門柳、金錢展同牛脷片，試完邊款最啱自己再無限encore啦！最好味嘅個人推介當然首推SRF美國黑毛和牛，肥瘦適中，牛肉味濃郁；封門柳油花雖少，但肉味係最香；另一款推介就係牛板腱，牛味同樣香濃，有口感。就算之後再encore，質素都唔會差咗。整體八款牛肉都唔錯，但就略嫌相對較cheap嘅一級肥牛同鮮牛肉份量俾得太多。補給庫餐廳叫天下糧倉，所以自取食物嘅地方就叫補給庫，都幾切合主題！補給庫以蔬菜、丸類為主，仲有豬腩片、牛柏葉、鵝腸等，款式都唔少架。飲品、甜品飲品除咗汽水，仲有無糖茶選擇。而雪糕就係made in Hong Kong嘅CocoBerry，有四款味道：港式奶茶、焦糖、海鹽同菠蘿

好耐冇打邊爐，之前都同朋友食開呢間，今日同爸爸過黎食，而家和牛放題已經更新，有好多款唔同嘅牛肉，任君選擇。一黎餐廳會將全部牛都會各上一set俾客人，方便大家之後選擇，之後想食咩牛就take返係張紙度落單就得。餐廳位置闊落，唔會覺得擠迫，有配料區及自助餐吧，食物選擇繁多，而且全部放係雪櫃度，衛生乾淨，食得安心d！我地揀左鴛鴦鍋，鍋底分別係潮汕牛骨湯及四川紅麻辣鍋，有呢兩個鍋底助陣，真係令我胃口大開。總結：和牛放題價錢合理，而且牛肉有質素，擺盤亦好靚，出邊自治區d食物亦好豐富，雪糕飲品蔬菜肉食樣樣齊，真係好抵食！下次再encore！