大雞食堂

营业中

休息中

有時嚮銅鑼灣，想食返個快餐，就會諗起#大雞食堂 。雞扒質素一直保持得幾好，而且價錢合理。就算雖屬小店，但環境舒適，亦唔會唔趕人走。以QR code落單，方便計數。馬拉咖哩雞扒飯(正常)+$3 凍奶茶 厚厚雞扒，即叫即燒。煎得好香，雞扒燒烤技術純熟，既保持肉汁、皮脆肉嫩，又不覺油膩。馬拉咖哩唔算辣，鐘意食唔辣咖哩嘅你，可以試下呢個咖哩雞扒飯！#大雞食堂 #dachicanteen #雞扒 #珍珠奶茶 #下午茶必選 #香港美食 #香港探店 #香港雞扒飯 #100家探店計劃 #銅鑼灣美食

激死！！今朝早要開OT～！心情煩躁～🫣😓特別想食啲邪惡食物，滿足返自己嘅慾望😝，個腦即刻醒起撈丁♥️😝！！朋友話呢間蔥油雞扒撈丁好正，最愛撈丁嘅我又點可以錯過呢？！捉埋老細陪我試！大大碗撈丁一上枱……啲蔥油香到呢😍！！件雞扒都幾大件，好大陣燒焦香味～食落又彈牙又juicy～配埋蔥油，簡直冇得彈！！個叮麵煮得啱啱好，非常彈牙！🥰雖然我冇加錢轉出前一丁，但係我個人覺得已經夠好味～係兒時嘅味道！本來想試埋個慢煮燒豬頸肉，點知賣曬？！😓😢真係無緣～～唯有望住隔離枱食，等下次有機會再試啦！佢仲有其他飯類，譬如咖哩飯選擇～所以食乜嘢真係悉隨專便！🥰👍🏻

經過銅鑼灣同灣仔中間嘅摩理臣山道，有一間門口全黑，望唔到入面，好神秘嘅餐廳😎原來呢間型格嘅餐廳係一間雞扒專門店。見到廚房嘅烤爐密密燒雞扒，就知道一定要試吓招牌嘅蔥油雞扒，好邪惡。佢哋嘅全日特惠餐只需$56起，包埋熱飲，幾抵食🤑🤑🍗招牌蔥油燒雞扒撈丁 $65雞扒燒得好香🔥雞皮做到少少脆口又有少少炭火香嘅感覺。雞肉唔夠嫩滑，不過勝在啖啖肉😙一丁煮得剛好，條條分明又夠足夠嘅爽口感，唔會變成一坨坨。撈勻蔥油食夠香口😛🧋珍珠奶茶 +$9跟餐飲品+$9可以轉珍珠奶茶，超大杯😆奶茶屬於奶味比較香個種🥛珍珠大大粒，不過自己偏好口感可以再煙韌啲。推介指數（10分為滿分）：7分

🇭🇰 Causeway Bay 銅鑼灣｜Dachi CanteenIf you want proof of how good their grilled chicken 🐓 is, go pass by this restaurant and you can smell 👃 it from afar! The restaurant has some great internal environment and customers can choose to stay how long ⏱️ they wish! With so many great choices ✨ on the menu all day round, I made up my mind and ordered:🐓 Grilled Chicken Thigh w/ Green onion Sauce Noodles 🍜 The grilled chicken is the star 🌟 here! Their freshly grilled chicken 🐓 not only has a strong aura of

放假約咗朋友去銅鑼灣行街，行到肚餓就想食飯。不過銅鑼灣啲餐廳價錢都比較貴，想搵啲親民價錢嘅嘢食，就俾我發現咗依間雞扒專門店，價錢非常親民又性價比高！田園濃茄燒雞扒飯 $65燒雞扒外皮煎得香脆，雞肉肉質非常鮮嫩多汁。蕃茄汁非常濃郁，酸酸甜甜非常開胃，充滿蕃茄香味。白飯份量非常之多，男仔食嘅話都一定夠飽！如果可以有啲蔬菜做配料就更好！馬拉咖喱燒雞扒飯 $68咖喱汁味道香濃，配飯一齊食，非常惹味！咖喱唔算太辣，唔食得辣嘅朋友都可以試吓！雞扒同樣煎得非常香脆可口，肉質鮮嫩！檸檬茶檸檬茶茶味香濃，唔會太甜，甜度啱啱好奶茶茶味同奶味比例啱啱好，茶底香濃

作為雞愛好者 聽到銅鑼灣新開左間專食雞扒嘅餐廳要即刻過黎試下 係銅鑼灣禮頓中心個面一路向灣仔方向行過去會比較快同易揾路入面座位唔多 12點鬆啲去都要等下位餐牌唔算好多款式揀 雞扒飯 撈面 咖喱定蕃茄湯 我今次就揀左雞扒撈面 首先面唔會過咸 雞扒係幾入味 上下都煎到金黃色好脆口 又唔會overcook令雞肉鞋身 會再黎食！

今日去左銅鑼灣食lunch，見到呢間主打生燒雞扒既店鋪，行緊過去個陣已經聞到陣雞扒味! 入面位置雖然唔多，但內裡裝修感覺好似一間溫馨小店。既然佢出名係雞扒就一定要試下! 蔥油雞扒撈丁雞扒燒得好靚，每塊既雞皮都係有D焦香，肉質好juicy，咬落一D都唔乾。撈丁面質岩岩好，唔會太淋，仲有D咬口! 蔥油好香口，撈勻曬每條面都吸曬蔥油，好滿足。珍珠奶茶呢到除左港式餐飲，仲有珍珠奶茶架，而且係客製，甜度冰度自己簡! 珍珠好煙韌，茶底都好濃。馬拉咖哩雞扒飯咖哩唔會太辣，椰香味好重，配埋雞扒啖啖肉，送飯一流。百香果綠消暑解渴!

我今日約同好友去銅鑼灣時代廣場shopping ，好友推薦《大雞食堂》午膳，近近地就不防一試，我地穿越鵝頭橋過去位於摩理臣山道10號地舖的大雞食堂進發，小店型式經營，食客頗多。我點左個 招牌葱油燒雞扒飯 $65，餐飲係百香果綠茶$11（跟餐）；好友點左個 馬拉咖喱牛肋條飯 $72 ，餐飲係台式珍珠鮮奶茶 $9（跟餐）。招牌葱油燒雞扒飯賣相不錯，雞扒燒得金黃香脆，雞肉嫩滑好味，廚師將葱油放在碟邊，好細心呀！咖喱牛肋條炆得軟腍入味，送飯一流，咖喱不太辣又好味；珍珠奶茶好好味，珍珠有咬囗，百香果綠茶好清爽。

店面小小但環境舒適 食物賣相同味道都好吸引 ⠀▸ 招牌蔥油雞扒撈丁 HKD$65 (全日特惠餐包熱飲) ⠀雞扒同撈丁雖然係好普通嘅嘢 但呢間嘅雞扒真係燒得啱啱好！有好香嘅炭燒味 肉質鮮嫩多汁 冇雪味 而且雞皮微脆 又大大件好厚肉 食起嚟真係超級香～ ⸜(*˙ᵕ˙*)⸝ ⠀撈丁嘅蔥油好香 份量俾得好足夠 啱啱好可以撈晒成個麵⠀食到尾會覺得有少少乾 但係本身揀燒雞扒+撈丁呢個配搭都預咗會偏乾身⠀下次會想試埋有汁嘅咖喱燒雞扒飯！⟡

新開張🤩🤩CP值勁高親民價錢！裝潢偏日式木系嘅簡約風格老闆超著重質量，全炭燒生雞扒✨全部即叫即整，食好西都預左要等㗎啦！招牌蔥油雞扒撈丁🍜雞扒超大塊！外皮勁脆，中間好嫩滑仲有啖啖炭燒嘅味，勁正係香港地真係好難搵到間炭燒生雞扒！出前一丁軟硬度適中，撈埋蔥油勁香～台式珍珠鮮奶茶🧋採用紅茶底，聞落勁香唔建議揀無糖～唔係會冇咩味咁📍 大雞食堂 (銅鑼灣)銅鑼灣摩理臣山道10號地舖#銅鑼灣美食 #銅鑼灣茶記 #親民價錢 #蔥油雞扒 #珍奶控 #台式飲品

今日想同大家分享下我最近試過嘅全日特惠餐，真係好抵食！招牌蔥油燒雞扒飯 $65生燒雞扒外脆內嫩，好juicy，蔥油香氣四溢，配上白飯，簡直係完美搭配！每一啖都令人食指大動，特別係果啲蔥油，真係好味到唔想停口。蔥油燒慢煮豬頸肉撈丁 $70豬頸肉煮得剛剛好，肉質軟滑，唔會太油膩，食得出用酒醃過，好香口，配埋香噴噴嘅蔥油，味道更加升華。撈丁嘅米飯吸收咗豬肉嘅精華，食落去真係好滿足！全日特惠餐仲跟熱飲，凍飲加3蚊，熱檸水同凍檸茶都係水準以上，好好飲，為依餐美食畫上完美句號。總括來講，呢個全日特惠餐真係性價比高，無論係味道定係份量，都值得一試！環境又舒適 ，可以慢慢坐唔趕人走，一於下次再嚟！評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺@ dachicanteen大雞食堂銅鑼灣摩理臣山道10號地舖📍銅鑼灣港鐵站A出口7分鐘路程#healingbobo #foodie #hkfoodie #foodiehk #香港 #美食 #銅鑼灣 #CWB #雞扒 #珍珠奶茶 #下午茶必選 #香港美食 #香港探店 #100家探店計劃 #銅鑼灣美食#dachicanteen #

今日我嚟到銅鑼灣嘅大雞食堂，今時今日專門做燒雞扒一味既餐廳真係好少見，佢哋就係咁樣專精做出咗極高質既風味同口感，仲有勁親民嘅價錢同埋完美嘅味道，超抵食今次試咗佢幾樣嘢，首先就係佢哋嘅招牌蔥油燒雞扒飯。一睇就知啲雞扒煎得外脆內嫩，蔥油嘅香氣全部融入咗雞肉入面，好食到無野講🥹跟住就係馬拉咖哩燒雞扒飯。咖哩醬用咗好多種香料，味道好濃，有一種淡淡嘅椰香同埋一點辣味，真係好開胃。雞扒照樣烤得外脆內軟，加埋咖哩醬，真係食到停唔到口。最後，當然唔少得嘅就係珍珠奶茶。奶茶味道好濃，甜度啱啱好，唔錯👍🏻

💜 招牌蔥油雞扒撈丁蔥油好香，一上碟就聞到香噴噴嘅蔥香，唔會有油溢味，雞扒都算大塊，分到四塊，而且外面係乾脆嘅狀態，有啲似日式燒鳥嘅嗰款皮，唔會油淋淋，入面啲肉質都幾多汁。🧡 難得見到有燒雞扒刈包當然要試吓啦，原來刈包係有啲類似饅頭咁，都幾軟熟，夾上餐廳超出名嘅雞扒勁正，又夠厚身，味道十分唔錯，建議大家要食得快啲，如果唔係雞扒汁就流入包，影響質感。✅ 份量超大✅ 性價比高✅ 環境乾淨✅ 坐得舒服✅ 唔趕人走✅ 員工友善

終於有機會到訪呢間隱世燒雞扒小店，地點位於銅鑼灣同灣仔之間，地方唔算大，但裝修modern簡約，坐得舒服。餐牌有十多款全日特惠餐選擇，入面包咗熱飲，凍飲+$3，亦有珍珠奶茶及百香果紅茶選擇。據聞「蔥油燒雞扒飯」、「蔥油燒雞扒撈丁」、「咖喱雞扒飯」係小店嘅鎮店之寶，今次點咗其中兩款試吓先。蔥油燒雞扒飯（$65）- 不愧為雞扒專門店，雞扒表面燒得非常香脆，帶微微焦香，雞肉入口好嫩滑，果然非常高質好味。蔥油燒雞扒撈丁（$65）- 雞扒質素一樣咁高，無論係雞扒飯或者撈丁，餐廳亦有提供蔥油，撈埋麵或者飯一齊食，味道特別正。飲品分別點咗凍奶茶及凍檸檬茶，奶茶茶味夠晒濃，入口亦香滑，下次要試吓佢嘅珍珠奶茶。除咗堂食，餐廳亦有提供外賣，食物質素好高，價錢亦相當合理，要推介俾鍾意食雞扒嘅朋友。

銅鑼灣呢間新開冇耐既小店吸引左我既眼光。店舖環境舒服，座位都闊落。野飲方面比較簡約，清甜解渴已足夠。餐點選擇也有不少，主打雞扒。於是就叫左雞扒飯啦，一於試試先。個個雞扒大大塊，外表香脆又多肉汁​，超級超級邪惡呀。肉質都好嫩滑，飯粒亦相水分明同有咬口。成個飯都好足料呀，蔥油勁香，令人回味無窮。食完之後真係一個令人滿足既味道呀，有幾款下次都想試下。下次路過呢邊再試下其他先，佢個份量真係幾足料，而且環境真係夠哂舒服呀。