大雞食堂

营业中

休息中

忽然想食吓頹飯喺OpenRice見到呢一間望落啲食物好似唔錯，所以就決定過去食。餐廳唔大，星期日嘅lunch hour去到去有九成 full, 而我哋被安排坐喺收銀旁邊嘅一張二人枱。座位位置極不舒服。 首先，座位後邊就係收銀機，埋單嘅人會企喺你旁邊俾錢，我哋唯有自己拉後少少張枱遠離收銀機。 第二，完全冇任何空間俾你放個人物品，食嘢嘅時候要攬住自己個袋同埋件冬天褸，當下其實有起身走人嘅衝動，不過見一場嚟到就諗住快快脆脆食完就算。 而事實上中途真係有兩個男人入嚟坐低，但冇落order就走咗。我哋兩個人叫咗一碗蔥油雞扒撈丁同埋蕃茄雞扒飯，味道其實都正常嘅，撈丁嘅麵煮得淋咗少少，蕃茄汁就似一般罐頭嘅味道，至於塊雞扒比想像中好，有少少焦香味，但唔算好特別。由於坐得真係好唔舒服，所以我哋用極速食完呢一餐飯，而食完呢餐飯之後我哋感覺中咗味精毒，飲咗成日水都解唔到渴😥。

位於銅鑼灣❣︎大雞食堂❣︎最出名就係招牌雞扒🐔皮脆多汁😋我今日中午去食全場full晒🫢鍾意食雞扒又要快靚正嘅就要來試下啦。❣︎招牌照燒雞扒通粉❣︎茶餐$42有通粉，米粉同公仔麵揀，通粉大大碗😋雞扒香脆肉嫩，醃製得相當夠味，唔需要沾任何醬汁已經好好味，套餐跟嘅熱咖啡超夠熱👍🏻唔係間間餐廳都做到。❣︎全日早餐❣︎茶餐$76呢個早餐相當豐富😍睇見都會好開心，轉燒雞扒+$8，有煎雙蛋，茄汁焗豆，聖女小蕃茄，炸薯餅，丹麥多士，全部食物都熱辣辣架，即叫即做又夠足料。

今日喺銅鑼灣有啲野做，之後一個人去食個lunch。由於我覺得食黎食去都係嗰啲餐廳有啲悶，所以行遠左去試吓呢一間雞扒好出名嘅餐廳～入到去覺得座位都算闊落，侍應同客人有傾有講，唔會食食下喺度趕人走；我落左單唔係好耐啲嘢食已經到咗，真係幾有效率蔥油燒雞扒飯雞扒真係燒得恰到好處，表面層皮脆得黎又唔厚，入面雞肉亦好juicy，完全唔會令人覺得過熟/靭。佢哋都俾咗好多蔥油，撈埋啲飯一齊食真係好正。配上嘅汁調味岩岩好，食完一d都無覺得口渴或者太鹹熱奶茶杯熱奶茶茶底好濃郁，奶味適中，入口都幾順滑，完全啱晒我口味

今日嗌咗個馬來西亞咖喱雞扒飯 呢間專食雞扒嘅食堂 雞扒可以揀蕃茄 蔥油 或者馬來西亞咖喱 上次試咗蔥油雞扒 所以今次就試吓馬來西亞咖喱一如既往所有雞扒都煎得非常香脆 連我呢個平時唔食雞皮嘅人都忍唔住食埋份量可以揀少飯 正常 或者多飯個人覺得如果再有少少蔬菜喺旁邊做伴碟更加好每個飯更加配一杯餐飲 如果揀凍飲就要加$3 或者可以加錢試吓佢嘅台式珍珠奶茶

依間餐廳係午餐時間經常排長龍！店鋪不大，座位有限。招牌有生煎雞扒，很多人都點蔥油撈丁、飯和咖喱，還有幾款大碗飯全日同價。✨招牌雞扒蔥油撈丁生煎雞扒大塊厚實，皮脆肉嫩，果然是招牌菜！撈丁的醬汁是自家製的，不只是單靠蔥油，青蔥切得很大粒，有咬口，蔥香味濃厚，帶點辛辣感。整體味道鹹香十足，但不會太鹹或油膩，搭配雞扒的雞油和雞汁，真心好吃！✨馬拉咖喱雞扒飯咖喱濃稠且香氣四溢，椰香味濃烈，辣度適中，非常惹味。雞扒一樣大塊，沾上咖喱後依然保持脆皮的口感。

這間餐廳不知道為什麼給我一種很型的感覺 😎 枱凳不多惠顧的人卻不少，現場幾乎爆滿之外，還有很多外賣單 👍🏻🔸招牌蔥油雞扒飯 $65有很香的焦香味，雞肉鮮嫩多汁，搭配特製的蔥油，一口吃下去香氣四溢 😍 米飯吸收了醬汁的精華，再淋上豉油，每一口都滋味十足 🤤🔸馬拉咖哩吉列豬扒飯 $70豬扒炸得外酥內嫩，咖哩香濃而不膩，帶有微微的辛辣感，非常開胃 🥰 搭配米飯，讓人一口接一口，停不下來！初初覺得店員有點兇惡，之後發現原來很有愛的 🫶🏻

重要嘅事係要講三次雞扒冇味撈丁唔夠鹹咖喱好稀奶茶唔好飲雞扒冇味撈丁唔夠鹹咖喱好稀奶茶唔好飲雞扒冇味撈丁唔夠鹹咖喱好稀奶茶唔好飲唔信你自己試吓！唯一啲飯係珍珠米完！

尋日我同朋友喺5:30嘅時候去咗銅鑼灣嘅大雞🐥食堂我要左招牌蔥油燒雞扒撈丁我覺得最獨特嘅就係佢烤焗得好好，一上枱就聞到烤焗雞扒味。雞扒雞扒外焦裏嫩，肉質鮮嫩多汁。蔥油配合烤焗更加獨特。我要了撈丁，我覺佢出前一丁炒得好好味😋我的朋友就叫了下午茶照燒雞扒麵照燒雞扒同我叫嘅一模一樣，她都是超級鐘意照燒的味道。她要咗湯出前一丁麵。仲有呢餐廳裝修得靚，坐得好舒服。Yesterday, my friend and I went to the Big Chicken 🐥 Restaurant in Causeway Bay at 5:30.I ordered the signature scallion oil grilled chicken chop with instant noodles. What I found most unique was how well it was grilled; as soon as it arrived at the table, I could smell the aroma of the grilled chicken chop. The chicken

去海灣仔食晏，經過電車路見呢個招牌大大個，明確係食雞嘅，就入去試吓。可能係晏晝兩點多嘅關係，唔使排隊就可入坐，餐廳入邊亦冇乜人。佢咁大隻字寫住大雞，梗係叫雞扒食啦，我哋一個叫做咖喱雞扒飯，另一個叫咗葱油雞扒飯，雞扒果然煎得好香脆，入邊好Juicy，佢嘅咖喱係馬來咖喱，唔係好辣，啱晒我唔食得，而葱油雞扒飯，佢加咗少少豉油喺個飯度特別好味，葱油亦做得出色，佢冇一般燒臘舖比嘅葱油咁咸，岩晒我唔想食咁咸的，雞扒都係好好味嘅雞扒。食完真係會掛住，會返轉頭食果種。

呢間餐廳主要係賣雞扒飯，我地叫左一碟招牌既蔥油雞扒飯，雞扒外皮煎到香脆，而且個蔥油好香，混合同豉油飯一齊食好岩。雞肉嫩滑切好一片片好易食，豉油佢可以再落多少少，如果可以再加多粒煎蛋應該會更正，不過佢都唔錯既，塊雞扒都算厚肉。另一碟叫左咖哩脆炸豬扒飯，咖哩汁配炸豬扒真係好正，豬扒炸到外皮脆卜卜仲要塊豬扒唔係好肥，同埋都幾大塊，粉漿唔厚身岩岩好。咖哩汁都可以多反少少就更好。飲品叫左珍珠奶茶，珍珠好軟糯好有咬口，呢度座位有限

大雞食堂堂食先試到最新鮮上枱熱辣辣嘅嘅雞扒🥳最出名既雞排真係食極都唔會厭。♥ 招牌蔥油燒雞扒飯 $65主角出場，呢度嘅雞扒真係好香嫩多汁，熱辣辣上枱配上滿滿既蔥花，白飯加埋豉油汁撈埋蔥花一齊食好香。雞扒係厚身咖仲要好嫩好多肉汁，送飯食好快就食哂😋😋♥ 招牌蔥油燒雞扒撈丁 $65同事就中意食撈丁，一樣有滿滿嘅蔥花，雞排雞油味好香但係唔會太油，配埋蔥花同出前一丁一啖一啖甘食食，雞扒外皮燒得好香脆，一啖咬落去啲肉汁流出嚟好正嗌咗杯珍珠奶茶解渴，珍珠軟彈，奶茶不膩岩岩好！

今日同男朋友出銅鑼灣買野，順便去左佢想去食好耐嘅餐廳😎見呢間嘅好評都幾多，一直好期待嚟呢到食😍地方淺窄但麻雀雖小五臟俱全，喺門口已經聞到好香燒雞味✨我地用QR code落單，等左五至十分鐘已經有野食😋一嚟到見到出曬煙，熱辣辣好吸引✨叫左個田園濃茄雞扒飯（$65），套餐包熱飲🤓雞扒好入味，鮮嫩多汁，雞皮燒到脆卜卜，啲飯都粒粒分明，茄汁餸飯一流，高質呀🥹男朋友叫左招牌蔥油雞扒撈丁（$65），蔥油撈丁勁香，略嫌蔥油加雞扒加公仔麵三樣加埋太濃味，食落都幾鹹🥺比錢嘅時候先知冇加一，銅鑼灣嚟講真係好抵食🥰有機會經過可以encore😋

假期的午後，我約了好友到位於鵝頸橋附近的一間專賣燒雞扒的小店——大雞食堂。這間餐廳以其日式簡潔的裝潢，開放式的廚房設計讓我們能夠親眼目睹廚師現烤香口的雞扒。即便是星期六的午餐時段，店內依然坐滿不少食客，環境舒適，也沒有追交枱的感覺。招牌蔥油雞扒撈丁 $65招牌菜式生燒雞扒表面烤至微焦，內部卻保持著豐富的肉汁。撈丁可轉日版出夢一丁，麪底加上蔥油的調味，整體口感香口無比😄蔥油燒慢煮豬頸肉撈丁 $70慢煮豬頸肉肉質軟嫩，而且烹調得宜台式珍珠鮮奶茶 +$9茶底由餐廳自制，紅茶的香濃，搭配Q彈的珍珠🎈大雞食堂🎈銅鑼灣摩理臣山道10號地舖

見到有人介紹灣仔呢間蔥油雞扒撈丁，冒住爆血管嘅生命危險去試試。點了招牌蔥油雞扒撈丁套餐，HK$65 包飲品，真係抵 👍🏻👍🏻雞扒嫩滑，但個皮冇想像中咁脆，不過炭燒味勁香濃。蔥油撈丁超邪惡👿，但好味。如果蔥油可以用碟仔另上，因應個人喜好自己加，咁就perfect 啦。𝓣𝓲𝓹𝓼 💎:店舖不大，午餐時段可能要排隊。如果可以就早少少或遲少少去。🏷️ 𝘚𝘶𝘪𝘵𝘢𝘣𝘭𝘦 𝘧𝘰𝘳 𝘘𝘶𝘪𝘤𝘬 𝘭𝘶𝘯𝘤𝘩, 𝘤𝘢𝘴𝘶𝘢𝘭 𝘭𝘶𝘯𝘤𝘩 𝘸𝘪𝘵𝘩 𝘤𝘰𝘭𝘭𝘦𝘢𝘨𝘶𝘦𝘴 / 𝘧𝘳𝘪𝘦𝘯𝘥𝘴—————-

由於返工喺銅鑼灣，所以四出搵好食嘅嘢😂今日同朋友去咗呢間交界，灣仔銅鑼灣交界嘅大雞食堂🐔本身以為只係個名黎但原來你真係食雞扒🐔😂今次試咗佢蔥油撈公仔麵🍜蔥油味勁香，但係唔算油膩馬來西亞咖喱雞扒飯🍛椰香味好濃👍🏻重點係雞扒層皮脆卜卜，肉質仲係好滑好Juicy 🤤另外仲可以加錢轉珍珠奶茶～雞扒配珍珠奶茶,正到呢😆😆環境唔算特別大，但係環境舒適啱晒一班上班人事輕輕鬆鬆食返餐😂😂👍🏻👍🏻