大雞食堂

营业中

休息中

咁一開始就等位都正常 食餐飯嘅時候正正常常 個雞扒麵味道正常 但係就極度油 咁食完就埋單啦 純粹企喺嗰度等緊埋單 冇出過聲 眼神上就望住一個疑似老闆嘅人 點知佢好大聲好冇禮貌咁喝我 擺低張單啦！ 我催都冇催過佢又唔係特別好食 又油 又冇禮貌永無下次 直頭超出咗冇禮貌

《邪惡蔥油撈丁😎》———————————————-#大雞食堂 🐣-早排經開灣仔想食個tea，去咗呢間主打蔥油嘅小店，餐廳嘅環境簡單舒適，服務員都好有禮貌～-🐔招牌蔥油雞扒撈丁雞扒外脆內嫩，味道鮮美☀️撈丁搭配上特製嘅蔥油醬，夠哂惹味，重點係份量十足，絕對抵食，性價比十足☺️-🐽 蔥油燒慢煮豬頸肉飯豬頸肉煮得非常入味，肉質嫩滑，搭配上香濃嘅蔥油，真係無法抗拒🤩飯粒亦係粒粒分明，口感一流，十分好食🤤-⭐ 參考價錢︰招牌蔥油雞扒撈丁：$65蔥油燒慢煮豬頸肉飯：$70🍌 抵deal 指數：7/10

呢間位於摩利臣山道既大雞食堂，專做雞扒，價錢合理，店舖不大，但乾淨企理，燈光比較有情調。午餐時份到店，已有幾枱客，找了個角落位坐下，手機落單，即刻掃碼望一望個餐牌，既然係雞扒専門店，今日又想食d有计既飯，於是就點咗呢個馬拉咖喱雞扒飯。等咕一陣個飯就嚟到，試一啖雞扒，有肉汁，唔太乾，好香兼有烤過既味道，好食，呢隻咖喱雖然不是太啱我口味，但都算唔錯，撈飯食一流。整體算滿意。口味：🥚🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚

📍大雞食堂 (銅鑼灣)銅鑼灣摩理臣山道10號地舖💥招牌蔥油燒雞扒飯💥馬拉咖喱燒雞扒飯今次去咗食大雞食堂叫咗兩個雞扒飯雞扒大大件煎到外皮香脆同時雞肉Juicy配搭上蔥油或者咖喱都好夾個人覺得個咖喱味道好出色送飯一流大雞食堂 (銅鑼灣)銅鑼灣摩理臣山道10號地舖

呢個禮拜嚟到銅鑼灣區，前一天已諗住要早啲出門口食早餐，點開OpenRice發現想食的早餐店類別原來係「港式/日本菜」，有少少surprise me😁，晨早流流有日本菜食😳～它就是《大雞食堂》！〈大雞〉位於摩里臣山道近南洋酒店，早上7:30已開門供應早餐至11:30，店舖不大座位不多，小妹雙眼掃視過大約可接收25位食客。裝修設計貼近日本和屋，以灰色、泥黃色、木色及灰藍色做主打，再有開放式廚房，非常似日式拉麵店之類～燈光亦偏黃光，有溫馨小店Fu🫶🏻呢度主要係食雞，所以小妹一心只想點招牌雞扒試吓，點單完先發現原來仲有大大碗麵餐，鍾意早餐食公仔麵嘅朋友就唔好錯過啦🤭！小妹所點的早餐是：🐔招牌照燒雞扒炒蛋丹麥多士餐🍞（親子丹麥多士餐）～丹麥多士（唔夠酥）～炒蛋（幾滑）、～招牌照燒雞扒（皮脆肉嫩、照燒、有炭烤香味）不過食到尾多雞油～好彩有炒蛋中和番如果換轉平時，小妹應該會較少機會出現在這裏，一係就搭巴士經過見到但唔會㩒鐘落車，所以每一次出街做嘢都好珍惜可以喺附近尋找美食😆

喜歡食脆卜卜煎雞扒嘅你😆一定要試吓～銅鑼灣鬧市中以雞扒聞名嘅大雞食堂成功俘虜唔少附近上班族同學生嘅胃😌必試之選🙌🏻招牌蔥油雞扒撈丁金黃色嘅雞扒鋪滿成碗撈丁雞皮煎得極度香脆，咬下去會發出「咔嚓」聲但雞肉保持嫩滑多汁，啖啖肉😋特製蔥油係靈魂所在，同出前一丁拌勻好惹味！✨馬拉咖喱雞扒飯咖喱帶馬來西亞風格，椰香濃郁中帶點微辣雞扒保持脆皮水準，浸泡係咖喱汁中保持外皮脆度😝咖喱汁份量多，足夠拌完整碗珍珠米飯小店雖然裝潢簡單，但食物質素絕對不馬虎🏅特別欣賞老闆對雞扒嘅堅持每塊都即叫即煎，保證外脆內嫩如果你都係脆皮控，值得一試🤤

係附近做嘢見到個燒雞扒幾吸引過嚟試吓 滿心期待叫咗個蔥油雞扒撈丁 嚟到試完覺得真係好差好差明明招牌係賣雞扒但唔明點解可以整到塊雞扒咁難食 可以燒到入面冇晒汁 仲要咁冇味咁淡 食到一半就放棄唔想食 雖然話幾十蚊啫但係都唔係嚟食垃圾架 都算 仲要食完肚痾 唔知係因為個嘢食定係佢杯凍飲出事 (呢個係我嗰日嘅第一餐)當日仲見到員工兩條友喺度一齊插隻手指入耳喺度撩耳仔 望到問晒號？？？ 好心你兩個負責出餐可唔可以有返啲衛生意識 💩

慢煮蔥油燒豬頸肉飯｜肉質犯規級Juicy！** 真心冇諗過豬頸肉可以咁！軟！熟！💥 慢煮真係冇得輸～每塊厚切到透光，咬落去「彈牙得嚟又鬆化」，啲肉汁多到漏！重點係師傅手炒嘅黃金蔥油，香到癲又唔油喉，撈飯食到一粒米都冇剩！旁邊嘅溏心蛋流心效果💯，仲有啲脆脆炸蒜片，口感層次爆燈🔥 **🐔招牌蔥油雞扒飯｜脆邊控必嗌！** 雞扒黨尖叫吧！塊雞扒大過我塊面👏 外皮煎到金黃脆卜卜，咬落「咔嚓」聲自帶ASMR！肉質嫩滑到懷疑緊係咪雞胸嚟㗎？秘製蔥油瀑布咁淋上去，鹹香帶微甜，仲有啲炸到脆香嘅紅蔥頭，撈飯真係邪惡到震啊！ **🧋凍奶茶x珍奶｜茶膽控大滿足** ‧ **經典凍奶茶**：茶膽超！級！厚！🍵 飲落絲滑冇澀味，奶香同茶味五五波，甜度剛好吊到茶香出嚟，食完重口味嘢啜返啖～爽！ ‧ **台式珍珠鮮奶茶**：黑糖掛壁靚到唔捨得搞渾💫 珍珠咬落QQ得嚟有黑糖香，鮮奶夠醇唔水汪汪，飲完成杯都唔膩口～ **📍 食後感** 呢度嘅蔥油真係靈魂所在✨ 香得嚟唔會搶戲，將啲肉嘅鮮味吊到出神入化～ 慢煮豬頸肉嗰種軟嫩真係驚艷級，雞扒脆邊仲要keep到肉汁！奶茶茶底夠班，飲完唔會口寡寡。下次試埋佢個蔥

位於銅鑼灣的大雞食堂，從時代廣場走過來只需5-10分鐘。每次在銅鑼灣不知道吃什麼的時候，我都會來這裡，真的是一個很棒的食堂！店內的裝修以日式木系為主，簡約又舒適，讓人覺得很放鬆。雖然座位不算太多，但每次去都是坐滿人，人氣超高！🥢餐牌主要以雞排為主，我已經試過大部分的款式，最愛的是：- 咖喱雞排飯：雞排的炭燒味超香，米飯使用的是日本珍珠米，真的很用心！🍚雞扒上桌時已經切成小件，皮烤得脆脆的，咬下去能吃到濃濃的炭火香味，雞扒嫩滑又多汁，簡直是人間美味！📍銅鑼灣摩理臣山道10號地舖如果你在銅鑼灣附近，千萬不要錯過這間超值的食堂，快來試試吧！#銅鑼灣 #hkig #香港 #hk #fashion #china #food #foodporn #instafood #yummy #foodstagram #foodphotography #delicious #foodblogger #foodgasm #foodlover #instagood #tasty #love #dinner #eat #healthyfood #foodpics #dessert #yum #lunch

呢間幫襯咗一段時間，我住康城，係由中環放工特登行好遠去買返屋企同家人食，有次仲同老細好好傾。奈何，班員工睬你都傻。因為鍾意多汁撈飯，但好多次外賣都唔夠汁(落單已講多汁)，所以之後加$1要求汁另上。今日攞外賣時發覺汁無另上，入去同師傅講，師傅態度差，話太多單漏咗做唔到，亦堅持唔肯補番。其實呢間次次都好好生意，我哋都算熟客，自己漏咗都唔肯做番俾你，仲要話多單搵藉口。一個鐘之後返到屋企，果然係完全唔夠汁，個檸茶仲離譜，完全冇少冰，淡到好似水咁(因為住得遠，冇少冰，啲冰融晒，個檸茶就溝淡晒)，真係好嬲囉！香港依家經濟環境咁差，好多食肆都做唔住，但呢間就串啦，有生意但態度差，其實你補番個汁俾我咪OK，點解咁都拒絕呢？同埋當初如果佢夠多汁，我根本唔需要汁另上再額外加$1。

銅鑼灣出名既雞扒飯，小店feel坐位都唔多，環境乾淨算舒服👍🏻招牌蔥油雞扒飯 + 凍檸茶 ($65 + $3)雞扒微脆，肉正常唔滑唔鞋，個人口味希望調味多小小，飯同汁正正常常，可能果日肚餓，$65黎講份量有啲細未必會再幫襯😂

有時候唔知想食啲乜嘢，突然間好想食雞扒，搵到呢一間於是就試吓，又幾驚喜喎😍坐底完全無乜點諗就叫招牌蔥油燒雞扒撈丁，一上到，好香，雞扒已經切好件，個皮超脆 🤩有陣炭香味，肉又嫩又juicy 🥳 蔥油撈丁本身無得輸，我欣賞個汁調得啱啱好，唔會過咸👍🏻 奶茶茶底偏澀，奶可以多少少會可能會啱我啲🫣店舖唔大，印象可以坐到二十幾、三十幾人。環境坐得尚可，我坐近廚房油煙就大小小。下次有機會試馬拉咖喱燒雞扒先😗

今日要去鵝頸街市附近買野, 買完途經見到呢間餐廳, 入去醫下肚, 餐廳幾乎全滿, 食客不斷進進出出, 都幾多人💫馬拉咖哩雞扒飯咖喱醬濃郁而帶有微微的辛香, 與米飯完美結合, 雞扒外皮金黃酥脆, 好有光澤, 內裡鮮嫩多汁, 帶有淡淡的鹹香, 與濃稠嘅咖喱醬配合得天衣無縫, 每一啖都充滿層次感🤤呢碟飯一d都唔頹, 而且係越食越開胃, 好滋味, 好味道內心係唔想咁快食完嘅感覺😆😂🥤凍檸茶 - 茶底濃郁, 有微微澀味, 同檸檬酸香剛好👍雖然位置偏離左Times Square少少, 但黎開銅鑼灣真係好值得去食, 價錢親民又好食, 店員好有禮貌🫶🏻今次係食lunch, 2點半有下午茶, 下次經開會再去試埋佢嘅珍珠奶茶😍

今日發現咗一間小店，叫做大雞食堂，聽個名都覺得有啲親民嘅感覺，一入到去發現呢度啲音樂好正，這間成個人都開心曬，室內裝修都係行型格路線，講返啲嘢食先馬拉咖哩牛肋條飯馬拉咖哩牛肋條飯(正常), 熱檸水$72.0以為呢度剩係得雞食，原來仲有馬來咖喱，咖喱唔辣啱曬香港人口味，牛肉煮得好腍，唔會嚡口，好送飯招牌蔥油雞扒撈丁招牌蔥油雞扒撈丁, 台式珍珠鮮奶茶 (凍)(正常, 少甜)$74.0呢個係最吸引眼球嘅，見到招牌蔥油就知道夠曬香濃惹味，果然名不虛傳，冇令我失望，撈丁本身已經濃郁惹味，配搭埋蔥油簡直係錦上添花，雞扒又大份，啲皮仲脆嘅，問咗店員原來佢哋唔係煎雞扒係燒雞扒，真係用心製作順帶一提，餐飲又得加錢換珍珠奶茶，估唔到呢度除咗嘢食好味之外奶茶都唔錯，大家記得加購啦呢度簡直可以堪稱係一個食堂，成日嚟食都唔會厭，住附近嘅朋友仔有福啦

餐廳面積小小但環境舒適，重點是不會趕人離座，逛到累了可以吃點輕食小休一下。供應港式美食，大部份菜式都是用雞扒來做主打，每一份餐點沒有太多的花巧，但勝在用心製作，價錢更是超抵！招牌蔥油雞扒撈丁雞扒上枱已經切件，皮烤至脆卜卜，吃得到炭火香味，雞扒嫩滑濕潤爆汁麵條Ｑ彈配上香鹹的蔥油，吃來口感很好。馬拉咖哩雞扒飯咖哩香氣撲鼻而來，醬汁濃郁，不會太辣，但卻很惹味而且份量好足料，配上白飯味道一流。台式珍珠鮮奶茶珍珠口感Q彈，淡淡甜味， 奶茶味道反而更似港式奶茶，但勝在入口順滑。百香果紅茶兼具酸甜和熱帶風情的美味，加入百果香粒增添口感。