大阪王將 (已結業)

周末晚上經過旺角，想吃的，已有人潮在店外，經過這裡，見人不多，便試試。點了餛飩麵豉湯底烏冬，餛飩像一般中式店舖的，鮮蝦配上肉，皮不太厚，味道可以。湯底倒有驚喜，麵豉湯底很濃，但不厚重肥膩，配上有點質感的烏冬，好味！價錢與服務尚好，下次想吃麵豉湯烏冬都會再來。

下午茶時間去到，不過大阪王將冇供應下午茶，咁唯有叫lunch set啦，我同我bf一日一個set!!!佢既係：拉麵+餃子3隻+蛋花湯＋汽水 我既係：天津飯+餃子3隻+蛋花湯＋汽水 我冇試到拉麵＆餃子，但我bf話拉麵都ok，不過不失，餃子就麻麻我個天津飯老實說真係唔多ok，一黎到見到賣相好似幾靚，但仔細睇就唔係，蛋同飯配合得唔係咁好，個飯好多汁，好水，但d汁冇味，簡單d黎講就係食緊煎蛋配白飯，我食左一半都已經唔係好想食!!!蛋花湯都冇咩特，比較淡，唔咸，不過食得清既我就係buy佢唔咸，唔會好味精!!!

普普通通去食晏,平時行開旺角都想試,卒之都有機會試啦!!我叫左豬排set lunch,有豬排丼,餃子，例湯。豬排有d硬，碗湯冇乜味,餃子唔錯.另外炸雞便當都ok,可以試下!不過盡量唔好叫拉麵，因為麵不成麵.

新年時這店派利是,裡面的是贈送6隻餃子的劵,看到就快到期,所以就決定今天來吃,7點幾來到,店內都滿了8成,男友要了6隻王將餃子定食,我就想試試拉麵,就叫了北海道味噌叉燒拉麵套餐,等了5min餃子先到,6隻貼在一起的餃子,有半蒸半煎的效果,但為什麼要倒放我就不知道了枱上有貼上餃子的食用方法試了一下方法還是加辣椒油的味道最突出,只加少少就令到味道提升一級,又唔會好辣,餃子味道不錯,皮薄餡靚,內裡是豬肉,不過就很容易夾破外皮,男友的定食接著到,除了6隻餃子,還有細碗炒飯,沙律和可樂,沙律很多款材料但太酸不太好吃,炒飯很普通,配料真的切得很細粒,連夾都有難度,師父好刀功,過多3min我的拉麵都到了,不過我還在吃炒飯,等到吃完時,拉麵上已經出現一層外膜,試一口湯底,湯底比平時吃到的杰身一點,感覺有點油膩,味噌味很濃,但又不像味噌湯的味道,叉燒很鬆散又很肥,像吃豬腩肉,麵質幼身很淋,沒嚼勁,比對面的味吉拉麵差不過這餐很得很飽,餃子算是當中最好吃的了,下次有機會再試別的!!

之前買的團購30元餐，我點左味噌湯、拉麵、同餃子！味噌湯：都是平常貨品，味道還可！拉麵：湯啖而無味，麵的質地太淋，總括來說不好吃！餃子：皮真的是薄，味道不錯！以30元來說食這個是不錯的！正價便不太值得！

因為男友買了團購票,只需$30就可以食到一個原價$60的餐,都唔錯呀!第一次,地方就腳。套餐包括6隻餃子﹑一個飯或拉麵,同埋一杯飲品或麵豉湯。唔知點解我地仲有一個沙律。估唔到星期一中午都幾旺,雖然唔洗等位,但食左半小時之後已經有人搭枱。呢度特別推薦係餃子,佢同味千拉麵的餃子有D似,所以唔會特別驚喜,但算店中好味之選。而天津飯賣相都幾好,而且好好味!*****唯一值得留意係呢間餐廳的拉麵係幼身兼湯底又淡又冇味,唔建議食!!!!今日叫咗個細拉麵,不合格。價錢來說,原價$60就覺得貴咗少少,寧願食味千拉麵。$30團購都唔錯,好抵添!!!

大阪王將走中華料理風格, 在海外和日本當然吃香, 但在香港似乎有點不倫不類餃子在眾多食物中較出色, 煎得香味但味道麻麻脆麵比中式炒麵或兩面黃遜色, 原因是與配料分離, 太乾身也是一大問題, 炸雞的口感和味道不太理想, 配麵的汁也怪怪的論價錢和環境則不俗整體而言, 味道真的麻麻, 但若未嚐過日本中華料理則可以一試, 尤其是餃子, 脆麵則不建議嚐試

天津飯無左天津蛋花湯，變左面豉湯；成件事唔同哂。人地本來用蛋花湯係因為天津飯味比較淡，而配個湯略咸係要平𧗾番個飯；而且蛋花味同個飯呼応番。另外，湯拉麺加既蛋變成普通全熟蛋，同別家差太遠了。唔會再來了，去番apm好過

好奈冇黎轉在新menu所以試D新野, 叫左個九洲豬骨拉面, 都幾好食, 湯底好濃, 值得一試, 價錢都唔算貴, 比係日本食既平. 仲有, D叉燒都好好食. 最緊要既係要試D餃子!!! 真係超好食!!!! 二十蚊6隻!!! 超抵食!!! 而加仲有係門口做餃子試食, 真係好有日本FEEL XD

今天一試家樂地庫這餃子店, 時間是七時許, 竟然不用等位... 有點意外, 皆因大時大節, 這情況少見很快便點了個一半餃子套餐及甜辣蝦, 看看如何:餃子身為招牌菜, 真令人失望, 雖然味道不錯, 但實在煎得不夠香, 不夠脆, 皮薄可一讚, 餡量適中, 跟餐的麵豉湯不可接受, 像水一般, 差點兒連豆腐及海藻也省, 有點兒少得過分... 令外跟餐的炒飯一般, 炒得不夠香是炒飯的幣處另外甜辣蝦絕無相中般賣相吸引, 炸得不香不脆, 一放一口已很腍很軟, 真可惜, 汁不夠好, 真是不需要試的一個菜....服務可以, 有改善空間!

在旺角覓食, 發覺大阪王將價錢ok, 據聞餃子不錯, 正好試試, 入座後打開openrice看看有什麼好吃, 卻驚見多過, 難道中伏了? 因為想留肚吃甜品, 就兩個人share以下食物:王將定食($58): 包括6隻餃子、1碗拉麵、1碗飯、1個沙律、1個湯拉麵的麵質是一般中下價拉麵的貨色, 湯底雖然是味精但味道ok, 材料有頗多粟米、有叉燒、有筍, 都幾豐富, 沙律份量較少, 沙律汁是酸酸的, 尚算新鮮, 麵豉湯有豆腐、紫菜, 又夠熱, 都不錯, 炒飯有些碎碎的材料, 有肉、葱、蛋、紅蘿蔔等, 日式炒飯feel餃子是皮薄的, 餡料頗juicy, 好味天津飯($38): 賣相好吸引, 個汁甜甜地撈飯好好味, 蛋又滑, 裡面的雖然只是白飯, 但都好無咁熱氣嘛兩個人食$100左右已經有咁多野食, 可以食到好飽, 我地仲食唔晒, take-away左少少飯添, 呢餐好抵啊!

本來想在同一商場吃日式火鍋，可惜晚上十時已停止入單，唯有在附近的大阪王將吃簡單的一頓晚飯。我們點了兩個定食，一個是天津飯定食($58)，另一個是咖哩牛肉烏冬定食($62)。除了有主食，還配沙律、麵豉湯或汽水和一客六件的餃子。我們吃了～沙律：份量不多，醬汁太酸。麵豉湯：不夠熱，味道尚可。天津飯：賣相不俗，蛋很滑，蟹肉不多，芡汁味道不錯，很適合拌飯。咖哩牛肉烏冬：第一眼看到覺得是廚師忘了用咖哩湯底，唯有在上桌前淋些咖哩汁到烏冬上，賣相有待改善。幸好味道方面仍屬正常，鳥冬比較扁，質感算彈牙，咖哩味較淡，牛肉肉質一般，不算韌或嚡，卻沒有牛味。紫菜餃子：沒有很強烈的紫菜味，味道與王將餃子差不多，但餃子皮薄，煎得很香脆，好。咖哩餃子：單看賣相其實分不清餃子是甚麼味，但這款餃子入口已有咖哩味，好味道！王將餃子：定食加$12，可以多配一客六件的王將餃子，皮薄餡足，肉餡有水份。整體而言，大阪王將的餃子味道不錯，其他食物亦不算差，可以偶一為之。

幾年前試過City Super果間"大阪王將"覺得OK又抵食.朋友又喜歡食係大阪王將急凍餃子返屋企煎,,佢知旺角開左分店一直都話想試,所以某日放工就去左呢間食 我地7點幾去食,晚飯時間要等位不過等左幾張only~好快就可以入座同朋友order左冇耐就有得食,上菜時間黎講算快.我地要左兩SET:1)拉面+炒飯+湯+王將餃子個王將餃子影到朦左tim>,<""拉面湯底淡味左d...2)天津飯+沙津+湯+咖哩餃子未食過天津飯,就叫左個試下,比想像中普通。自己可以整到~係個汁要諗諗點整=3=面鼓湯都OK,至於咖哩餃子冇咩咖哩香味~相比之下,覺得王將餃子好味D 其實個set幾抵食...因為真係好大份~~哈哈下次路經想食餃子會再黎食^^!!

與友人食晚飯, 來到附近見到開咗大阪王將, 諗住都應該ok既 (因試過apm個間).....點知叫咗兩份晚餐, 有麵有飯有餃子有麵豉湯, 除咗餃子之外其他野都唔夠熱, 都算la談不上好吃;不過招牌餃子就好唔掂lor, 又咸又油, 完全食唔落........

二人一齊去旺角行街，行到咁上下，要醫肚。去咗家樂basement，揀咗大阪王將。叫咗兩個餐share食，一個餃子拉麵炒飯餐，一個炸雞脆麵餐。餃子拉麵炒飯餐有6隻餃，一碗細炒飯同一碗細拉麵。炸雞脆麵餐就有一碟脆麵，加6隻餃。先講d餃，好好味，煎得香脆，每隻仲連埋一齊。個皮好薄，個餡多菜少肉，我鍾意。炒飯都不錯，米粒煙韌；拉麵就較淋身，湯底似用豬肉精調出來，較肥也不香。炸雞脆麵，兩者皆炸到乾爭爭，炸雞簡直炸到硬晒。個麵亦都好乾好脆，話倒埋個汁去食，個汁好似忌廉湯咁，不過勁杰，倒落去嘅時候呈一pat pat狀。都好難同d麵撈勻。極不推介這個麵。服務也不好，店員唔係面無表情，就係面黑。