大阪日本料理 (已搬遷) 新店位置

上網見到有人話呢一間餐廳三文魚有蟲，又話唔乾淨食完又肚痾，講到咁差得過真係好好奇到底現實係咪真係差到咁。於是約埋朋友選擇到呢一度食個晚飯，但係因為之前OpenRice未有更新鋪頭嘅確實電話，於是上網搵到呢一間鋪頭嘅網站再訂位。（當然我寫食評嘅時候發現OpenRice已經更新左鋪頭最新資料）訂位嘅過程中，因為來來回回修改時間，本人覺得自己都非常之麻煩，但係接聽嘅姐姐同埋哥哥態度都非常好，好有禮貌。至於晚飯當日，約咗7:30鐘，入去嗰時已經全店滿座，已預約左嘅座位係梳化位，我哋四個女仔坐得非常舒服。另外，味道比我預期中好，選擇都算多。而份量絕對對得住個價錢，本來以為壽司48蚊5/6舊應該好細舊，點知嚟到無縮水，蟹子好爆滿火鍋加10蚊有泡菜，我係泡菜怪，點可以唔加，嚟到個盤泡菜足夠4個女仔，仲要味道好食，唔係酸到爆嘅泡菜總括嚟講，性價比高，乾淨，只係店舖人手不足，客量大，所以需要要等一陣先有職員落單，但眼前職員的確急急腳滿足客人嘅需要！我覺得作為一間小店，呢個價錢，呢個服務質素，呢個味道，遠遠勝過連鎖餐廳。值得支持！

成日幫襯呢間日本野，因為抵食夾大件！選擇多，質素又唔錯！細雜錦刺身，每樣兩件，$148。30幾蚊兩件三文魚籽壽司，每次都一定食😋食咗一件先記得影相😛仲有火炙左口魚壽司每次都必嗌，比火燒咗一燒，啲肥美嘅魚油出晒黎，超級好味🤤🤤不過今晚賣晒無得食😭😭仲嗌咗火炙油甘魚壽司，軟殻蟹反卷，兩個人$300埋單。性價比高，侍應又nice，呢間日本野已經成為咗我地嘅飯堂啦🎉

lee間餐廳d人講到好極端 所以咪見得閒咪自己親身去試下(因為佢門面唔吸引 所以一直都冇食過)三個人叫左三個餐share食 本來諗住實食得曬 點知份量多到飽到上心口如果女仔黎食叫小飯或者share食會好d以50幾-70幾既價錢黎講絕對係抵食牛肉鍋$58絕對係驚喜之作，係3樣野入面最好食既 d牛肉多到滿瀉咁，同埋冇任何羶味個湯底亦都比平時食開既日本餐廳好食，下次黎一定會再嗌照燒雞扒蛋飯 $52 (加左$20 有沙律,刺身同埋前菜)因為係即燒 所以都等左3-4個字 （第一次食照燒雞扒真係即燒 幾有誠意)雞扒夠滑 同埋唔乾 燒得啱啱好滑蛋加洋蔥加埋照燒汁一般都好好食 lee間都唔例外 想再食多幾碗魚生飯 $75魚生新鮮同埋份量好夠 最鐘意黃金魷魚 因為唔係間間既魚生飯都有茶碗蒸都好滑同好好味 冇蒸得過火 入面有一小舊鰻魚 真係估佢唔到環境方面 其他人話有衞生問題 但完全見唔到 成間舖雖然唔算新 但好乾淨 d座位又夠闊落幾好坐性價比高 食物質素中上 份量夠 絕對對得起佢既價錢 會再黎食過唯一一樣唔好就係麵豉湯有d淡 所以飲左兩啖就放棄左

今晚同屋企人去食晚餐, 菜式種類都幾多選擇, 味道唔錯, 重點係好抵食~刺身定食、鍋物、炸物、串燒、卷物叫齊, 都唔駛500蚊! 推介刺身定食~~~ 有刺身之外, 仲有麵豉湯, 蒸蛋, 同埋烏冬! 蒸蛋仲要好滑, 裡面仲有鰻魚, 帶子仔… 等等既海鮮~ 好食呀! 侍應服務好好, 我地分左幾次落單, 佢地都不厭其煩, 上菜速度都快~ 至於座位, 因為舖面比起其他日本料理店黎講, 算係闊落, 所以坐得幾舒服, 同埋係咁上菜都夠位擺得晒~ 整體黎講好好, 可以再去!

日式肥牛鍋 肥牛勁多 夠哂兩個人食🤩🤯都只係58蚊三文魚頭鍋 正常 如果係灑少少味椒鹽上去 仲好食$54鍋物底部都有大量白菜同豆腐 淨食菜都飽😂軟殻蟹卷 三文魚腩壽司 海膽魚子壽司都新鮮 幾好食😊炸池魚仔 一般炸雞 表皮略硬 但肉質又幾嫩滑喎😋依家7點半前離座仲有85折😁😁整體黎講 CP值高 服務態度又好 食物份量大 味道不俗 一定會再回頭🤗

星期六同女朋友去左試下新野，叫左個set dinner 和三文魚刺身，服務態度一般，老闆唔多理，D嘢食上得慢。估唔到返到屋企仲肚痛同肚屙，屙左我一個夜晚冇訓過，以後都唔會去

昨晚同老公去試呢間朋友介紹的日本野，坐下來有杯茶， 可惜吾夠熱。 點了我們最喜歡的壽司， 點知感覺不太新鮮、飯又比較硬， 但唯一叫做價錢合理、 坐位都算寬敞、 想中伏就去試吓啦。

黎到yoho town 無位泊車，就去左鳳群街公園附近既咪錶停車場泊車，鳳群徑成條街都係餐廳，中西日韓泰式都有，阿女想食拉面，就撞左入大阪。炸豬扒烏冬，豬扒炸得夠乾身，不油不膩，塊豬扒就薄左D。烏冬大大碗有咬口，吾錯。京燒銀銀雪魚烏冬，銀雪魚好油香嫩滑。呢度D日式定食午餐，只係得個主食。野飲都要加錢。加$20就有2個前菜，3色刺身同豉湯。呢$20加得過，前菜既牛腩粒好鬆化，有牛味，蟹子粟米粒沙律最討小朋友歡心，三式刺身夠新鮮，當中甜蝦最好味。燒鯖魚飯，鯖魚煎得好香，魚鮫為勁多魚油，不過阿妹話鯹。牛肉拉面，牛肉邊位好肥，中間太瘦。拉麵都 okay 。天婦羅飯，炸得吾錯，有三隻炸蝦，不過D蝦太細，炸漿比例上厚，炸南瓜好甜。御飯面好多飯素，正!4大2小食左約$350,都算抵食。

朋友推介我試既街坊壽司鋪🤔🤔🤔因為等朋友收工就9點先去食🤣所以係唔洗排隊嫁😗🤞🏻平日夜晚9點幾都有幾台客見到樣樣野都想食🤣🤣壽司叫左 火炙左口魚裙邊（超級大推🤤）係魚油呀！！燒到d 魚油勁香！最後我地前前後後order 左4客（8舊😝）芥辣八爪魚壽司😌都好味！D 辣味直衝眼球，食到眼有淚光！爽😛特長三文魚腩壽司Um..係好長，不過😹 好普通咁law鰻魚壽司😍燒到熱辣辣！勁長身！唔鯹配埋醬油！好味呀！推介最後叫左2客😌（4舊）先收手帶子，新鮮，不過係細細笠既蟹子沙律 👍🏻有水準麻醬軟殼蟹沙律（細）炸粉比較多，唔太食到蟹殼既感覺3個人叫左$512蚊🤣🤣🤣飽飽！

Happy Friday同老公嘆下二人世界, 而且好耐無去呢間大阪日本料理餐廳食飯, 所以去呢度食飯!!  老公點了蟹子沙律, 三文魚壽司, 海膽壽司, 三文魚軟殼蟹反卷, 烤羊架, 燒蠔, 日式牛肉烏冬鍋!!蟹子沙律~ 味道沒有太大特別, 材料有蟹子, 青瓜絲, 菜, 蟹柳, 份量亦多, 二人一份沙律都已經足夠.  三文魚壽司~ 三文魚切得大件又長, 肥美潤澤!! 海膽壽司~ 海膽入口即溶, 味道鮮甜, 齒夾留香, 令人回味無窮!!三文魚軟殼蟹反卷~ 壽司外層由火炙燒烤的三文魚包裹, 裡面夾了脆卜卜的軟殼蟹, 爽口青瓜..等等材料, 味道是內層軟殼蟹香脆+外層三文魚魚香, 真係好好味 (值得推介)!!烤羊架~ 燒烤得岩岩好, 羊肉嫩口, 沒有羊"蘇"味, 配了燒汁,  令味道甜甜地又帶有香濃燒烤味, 非常好味!!燒蠔~ 新鮮生蠔, 蠔面上配有蔥花, 加上有好多蠔肉汁仍留在蠔殼內, 一併食非常鮮甜可口!!日式牛肉烏冬鍋~ 有隻生雞蛋放在鍋在, 吃前將生雞蛋與湯一起攪伴, 配了半生熟的肥牛, 加上烏冬非常彈牙, 非常好好味的鍋. 

當日早上接近11點.又到此處想發掘茶記.食早餐,無奈每間茶記也滿座.找到11點半也沒有合適的茶記.差不多想買外賣飯盒回家時.經過呢間日式食店.竟然相當冷清.得一枱客.就入內一試,我進食了半小時.其間只多了2位客人.橙汁:餐牌是寫果汁先生.但味道似藥水般.埋單時我看到一樽樽大陸橙汁.唉.牛肉烏冬鍋41元:牛肉用洋葱爆香.除了肉質比較韌外.味道沒有問題,.也香口.也有淡薄的牛味.蛋是全熟,但凍的,入口好乾.難食.湯底亦熱辣辣.也鮮甜,喝後亦不口喝.雖則開粉也收貨,至於烏冬只要沒有異味.夠彈牙,我就接受.三文魚壽司2件16元.三文魚沒有問題.有淡淡魚油香味,無雪味.亦乾身,但飯粒硬硬的.一夾完全散開,仲有股怪味.太差了只是誤打誤撞去呢間店.雖則57元可以食日本食物.都沒有下次.

每日有兩款午餐特價外賣($20), 選了什錦魚生飯 (送飲品)魚生飯裡勁大碗,材料十足,三文魚,吞拿魚,蛋,薑...全部SASHIMI都好新鮮... 不過有些三文魚肉質較硬, 好難嚼薑好好食!!!!!!!!另外飯唔夠醋味, 多D醋會好吃D 蛋也不太入味... 雖然係咁, 都收貨啦~魚生飯平時賣好貴, 呢度只係賣$20, 仲要用足料!! 好抵食!!!!!

還記得去年的農曆年，兩口子懞然不知小生命已經來臨，由年初一開始到處又食又玩，不亦樂乎；今個新年，寶寶已經正式成為家中一分子，爸媽既沒有時間，也不想在那麼冷的天到處去，結果大部分時間都留家。　直到初四，媽媽要到醫院覆診，之後才與婆婆及寶寶落樓吃午餐。樓下商場還未裝修好，沒選擇下又去了鳳攸街搵食，其中這間Osaka門口有不少人在排隊，原來這店外賣飯盒連罐裝汽水才$20，十分超值，店內卻沒多少人幫襯，反差很大! 見它環境也算舒適，就進去一試，並在十多款午餐中點出兩款心水來，正好兩款都是$45。最快上檯是拉麵午餐的三文魚手卷，削是對這手卷最好形容詞，三文魚只薄薄一片，紫菜也霉霉的不太新鮮，媽媽完全不敢試，交給婆婆處理，據知味道真的很一般。然後主角的吉列蝦拉麵也來了；別看蝦隻體型碩大，其實大部分都是炸粉，當中蝦肉還不夠三成，頗搵笨! 至於拉麵本身，味道又是淡淡的毫不吸引，不好吃!!另一份午餐是我揀的石窩牛肉飯，鍋中牛肉十分平庸，卻勝在加了不少菜絲，健康之餘也帶來清新食感，再配上一隻生蛋的組合本來不俗，很可惜白飯不夠軟熟可口，大大拖垮了整體水準，更慘是熱度非常不夠，真不知這石窩要來做啥?? 轉個頭

上午去完工展會開幕禮，真係服晒佢，一個開幕禮，15分鐘可以完事，好野！不過因為係工展行左成兩個鐘，因此，返到元朗同朋友食飯，已經成2點，真係唔好意思。是日黎到元朗鳳攸南街，成條街都係小餐廳，多國菜色一應俱全，由於友人話要食石頭鍋飯，所以黎到大阪。今日天氣特別凍呀，其實應該食熱野，不過冇計，見到隔離枱食壽司，我就好想食喇....點左個魚生飯，好足料呀，$38免加一，仲有三部超大電視，睇緊「請摘星星給我」，一睇就睇左成個鐘才慢慢離開

見出面成日有午餐特價外賣,買嚟試吓, 佢哋每日有兩款特價,例如大阪粒粒魚生飯,吉列咖喱豬扒飯,肥牛飯, 我幫老公買咗魚生飯,加埋飲品,只係$20,超抵!魚生飯裡超多料,有三文魚生,吞拿魚生,蛋,青瓜,勁正! 而我另外叫咗鰻魚雞串大碗飯,飯就好大碗,但好硬,而鰻魚好薄,要$35, 所以相比之下好唔抵, 不過,外賣大阪粒粒魚生飯點都要一讚!!