大阪日本料理 (已搬遷) 新店位置

黎到yoho town 無位泊車，就去左鳳群街公園附近既咪錶停車場泊車，鳳群徑成條街都係餐廳，中西日韓泰式都有，阿女想食拉面，就撞左入大阪。炸豬扒烏冬，豬扒炸得夠乾身，不油不膩，塊豬扒就薄左D。烏冬大大碗有咬口，吾錯。京燒銀銀雪魚烏冬，銀雪魚好油香嫩滑。呢度D日式定食午餐，只係得個主食。野飲都要加錢。加$20就有2個前菜，3色刺身同豉湯。呢$20加得過，前菜既牛腩粒好鬆化，有牛味，蟹子粟米粒沙律最討小朋友歡心，三式刺身夠新鮮，當中甜蝦最好味。燒鯖魚飯，鯖魚煎得好香，魚鮫為勁多魚油，不過阿妹話鯹。牛肉拉面，牛肉邊位好肥，中間太瘦。拉麵都 okay 。天婦羅飯，炸得吾錯，有三隻炸蝦，不過D蝦太細，炸漿比例上厚，炸南瓜好甜。御飯面好多飯素，正!4大2小食左約$350,都算抵食。