大阪日本料理 (已搬遷) 新店位置

我對上一次食係九月份，因為我朋友九月生日我地選擇咗黎哩間食，我個個朋友都話哩間好食過田中，雖然無田中咁大件，但勝在ｄ野好好食又經濟，但今次我地選舉咗平安夜黎食，超級失望！壽司細件到暈低，壽司飯一夾即散，剌身細件到縮咗水又無以前咁厚，賣相好肉酸，以前食剌身會有冰係碟到，而家連冰都慳番唔比，差！我地今次再叫返牛肉鍋、海鮮鍋！差差差！點解我地再叫返哩兩個鍋？係因為上次個鍋一上枱，我地成班嘩嘩聲，因為賣相靚同真係好好食，牛肉鍋好大鍋好多，海鮮鍋整得好靚！但今次兩個鍋份量小過以前好多？一望落去以經縮咗水，我地今次大家都有嘩一聲，係為縮咗水以嘩！一口牛，小得可憐得九粒！唔得！什錦炒飯，賣相一般啦！但都未放落口就聞到好「燶」既味！都唔知點炒？差差差差天婦羅，都係一樣縮咗成個碼，件件都細細件！唉！特大鰻魚同特大三文魚要比十個差佢無以前咁長咁大！不如唔好叫特大啦！定食個白飯，細到死，去到碗既水平線！連我都唔夠食不過我最後先知點解哩間ｄ野食野變咗咁多，因為個老闆娘都唔係以前個一個，原來哩間轉咗手！唔怪得ｄ野食變曬啦！不過佢都係叫大阪都係用返個張餐牌，真係奇怪？？不過都無咩所謂，我地都決定唔會再黎食！

因為大部分都係好評，琴日下午2點幾去左呢間日本餐廳食飯，點知得來的感覺是劣評，詳述如下：(1) 御X大便當: 一般，但粒泡芺好好味(2) 汁燒鰻魚便當: 人生第一次食鰻魚係好似食香口膠咁，又分極都分唔開條魚，’’乾爭爭’’ 。(3) 跟餐三文魚剌身: 厚身但沒鮮味(4) 特長三文魚壽司: 以為係厚切， 點知好’ 晶瑩通透’ ，又不新鮮(5) 蟹籽SALAD: 幾多料，如果多d沙律汁就更好(6) 芝士焗蠔: 見$10一只就叫左，幾重芝士味，但蓋過蠔味以上均屬個人意見，相信不會encore！

見到冇喊面, 咪走去試吓. 不過,我覺得唔係特別抵食, 又唔係特別好食. 一般啦. 一試無妨, 但係就唔會再試. 入到元朗梗係要食大大嚿壽司先爽, 如果唔係, 使咪走到入唻噤遠 ?!但服務- 一如其他食評話都可算唔錯, 可能人少關係, 午飯時間, 連我地在內, 只有三枱.

朋友介紹,所以去試下~講真呢間野好食過出面好多日本野雖然呢間日本店唔起眼,細細間,但入到去感到好舒服,好有禮貌,適合一家人/一大班朋友一齊去食,因為場內氣紛好好,但要靜靜地就唔岩啦,可能會覺得嘈,最後欣賞係侍應見到我食剩咁多野,好好咁問我使唔使打包,全程都好滿意今日叫左1)燒鯖魚~好大條,個面小小脆,好低食$28 +10轉定食(有湯有飯)2)燒帶子串燒~咁多樣最唔好食既一樣,燒得太耐,淡而冇味$32/4隻3)三文魚刺身~呢個要介紹勁好食,唔會太薄,啖啖肉,好正 $16/4片4)超長鰻魚壽司~好多鰻魚汁,好味過元X好多 $11/件5)星鰻魚天婦羅卷~入面特別在唔係包住D瓜,係包住D蛋,咬落去甜甜地幾得意6)千島吉列生蠔卷~有紫菜同蟹子2種口味,好味又多 壽司1件$5~$9特長1件$11今晚總共食左$315 又食又拎

平時係元朗食極都係果幾間日本0野...有朋友介紹話呢間唔錯於是就幾個人一齊去試下啦~~原本去既時候只係念住應該都係普普通通LA~~點知食落又幾唔錯用料新鮮,食物質素甘唔錯,甘又真係抵食!我最喜歡既就係特大鰻魚壽司,芝士焗蠔,蟹籽SALAD,豬軟骨棒棒煱~~值得一試~我地幾個食到好滿足甘走都係每人$70倒~真係好抵!!下次會再黎!!

我都去過呢間野食晚飯果次一班人去野食好快就到d shushi用料好新鮮上次食果個杧果shushi....d 杧果好甜好新鮮....一d都唔酸....係即叫即整而且陷料好足呀! 裡面用左三文魚同乾瑤柱做陷...好好味呀!我都有食過個日式餃子....呢個超好味...趁熱食真係超正呀!! 食夜晚仲要食日本菜.....每人埋單唔使$70....真係超抵..又好味下次入元朗一定要再食過至得呀!

我都有去過呢間野食過呀!! 真係好好味喎! d shushi 好新鮮呀!! 同埋用料好足呀!食過一個杧果shushi...裡面既陷料好足! 有三文魚又有乾瑤柱...好好味!上次一班人食晚飯...每人埋單唔使$70好抵呀!下次入元朗要再食過先得

一行六人去元朗慶祝聖誕,見到新開ge日本料理餐廳,環境幾好,所以一試~~叫左好多野:中華沙律- 好多蟹籽,夠凍,好開胃~~特大鰻魚- 好好味, 本人係鰻魚fans!炸蝦壽司- 好脆, 又有好多蟹籽~~金菇肥牛卷- 一黎就聞到好香,差d唔記得影相!仲有芝士焗蠔, 豬軟骨棒棒煱, 南瓜蕃薯天婦羅, 三文魚壽司, 吞拿魚卷, 芒果三文魚卷,炒休菌, 玉子壽司, 雪糕泡芺...總括黎講d野食真係幾好味, 而且價錢幾平, 食左咁多野每人都係$6x !員工都十分友善, 成日幫我地加水~~下次入元朗一定會再幫襯~~

早排同班friend一齊去食飯，行過鳳琴街體育館果頭，見到呢間大阪新開張，所以就入去試下。入到去發現間餐廳雖然唔係好大，但坐得幾舒服，佢地既茶D味道幾特別、幾好飲，同其他日本餐廳既茶有D唔同。經過佢地waitress既介紹，我地就食左特大饅魚壽司、特大三文魚壽司、蟹籽沙律、吉列炸蝦等。但我最鐘意食既就係特大饅魚壽司，碟壽司一上黎既時候，已經聞到好香，條饅魚仲要好長tim，味道亦都唔錯，所以最尾我忍唔住叫左個外賣番去俾阿媽食。到最後埋單果陣，我地五個人都係食左唔夠三百蚊，share番每人$60有找，真係抵食，入面既人仲要好好人tim，下次我實會再去過。