大門橫丁串燒手打烏龍麵店 (厚福街)

营业中

休息中

叉燒地獄湯烏冬夠辣，好好味👍🏻👍🏻👍🏻叉燒比一蘭既厚，味道都唔錯野菜烏冬呢個烏冬唔辣既 湯頭都唔錯溏心蛋好好味食食下 發現條菜超大 仲大過個匙羹 一拎佢上黎 啲湯即刻降低左三分一😂😂總括黎講，對於收工都成12點既我，呢度都係一個宵夜既好地方。

我同朋友，一行兩人喺繁忙時間來食飯，被安排坐一張四人枱的卡位，侍應指明一定要打橫平排坐，但我哋話想面對面咁坐，佢哋就話唔得！我就話我又唔係霸哂你成張枱坐！佢講左一大論廢話，總之就係話唔得咁既意思！我覺得真係夠晒奇怪！（最後調左去第二張枱坐）食食吓飯，啲職員又話要喺個卡位底度攞野，我地已經要拎起晒我哋啲嘢，讓比佢地拎野，佢地都仲要黑面！坦白講，真係唔知邊度得罪d待應，雖然d烏冬都幾好食，但簡直係貼錢買難受的體驗⋯

晚上同朋友黎宵夜，見幾多人就入去試下。先唔好講個環境又擠逼又嘈雜。出野食非常慢，佢同我講有個爐壞左，等勁耐。等成半個鐘，終於有野食不過唔好食而且好貴。兩個人食左$290，完全唔值。雞皮露筍串完全冇味，燒菇又異非地鹹個韓式年糕一串得個兩舊細都乜咁仲好難食無一樣野好食跟住啲待應又唔酙水，我諗佢間鋪都做唔耐。你話我黑心我都係咁講。扮乜Q深夜食堂，咁嘅質素都學人開鋪，我好耐都未食過啲咁劣質嘅野。強烈建議各位未食過嘅朋友，唔駛黎試。

今日去厚福道分店食晏嗌咗個lunch set先嚟咗杯野飲 想叫個女侍應畀杯水點知佢一聽完拎轉身就大大聲「妖～」咗句之後我見佢好耐都未嚟 我哋再問多句佢再大大聲粗聲粗氣咁話 「等等啦好冇呀！！」我知繁忙時間好一腳踢 但態度都唔會係咁差呀 再等咗陣 我坐喺度望住佢竟然用個比客用過嘅杯將飲淨嘅水倒咗佢然後直接加水比嗰杯水我哋佢態度差到咁都廢事直接同佢理論野食又唔係特別好食 烏冬冇咬口 個汁又勁酸！！之後食完仲肚痛唔知係咪加咗料呢間野係我去過最差嘅餐廳！！👎🏻👎🏻👎🏻👎🏻

今日去咗尖沙咀shopping，行到中午又係食lunch嘅時候，於是走左去附近厚福街搵嘢食。妹妹提議去一間食烏冬和串燒嘅日本餐廳食，於是我哋就去咗嗰度醫肚。呢間餐廳唔單止鋪名「大門橫丁」好有日本feel，而且門口掛滿紅燈籠亦好覺得有東瀛味道！好彩我哋行快一步，剛好有最後一張卡位給我們坐下，之後啲客人就要在門口等位了。鋪頭裏邊佔有九成都係後生仔女，可想而知，烏冬串燒這類東灜食品係好受年青人歡迎。午市套餐包一個湯烏冬和一杯飲品，只需$52至＄60不等，另加$15至＄18就有一個小食，而且午市免加一，價錢尚算實惠。秘製豬軟骨手打烏冬 + 蜜糖綠茶 （$56-）湯烏冬係用一個小鐵鍋盛裝，別緻得嚟又確保熱量不易流失。湯底有得揀，可選番茄濃湯、沙嗲濃湯、豬骨濃湯、和鰹魚濃湯，亦有辣和不辣嘅選擇。我則選擇了鰹魚濃湯。湯底非常之濃郁，又夠惹味，給人好Rich嘅感覺，食落都幾正。手打烏冬比想像中冇咁煙靱，但都OK，烏冬份量睇落好似好少，但食落都夠。豬軟骨有三大嚿，醃得好入味，而且啲軟骨部份一啲都唔硬，好淋，好容易咬，連骨都吞埋！四季豆好爽脆，粟米粒粒份量唔算少，但沉晒底睇唔到！蜜糖綠茶一般，沒有什麼特別

黑椒湯底烏冬➕燒鳥燒鳥其實都係煎雞排雞排唔會煎得太乾，唔錯唔錯配料有🌽，青豆（？）除左udon之外都有好多串燒選擇 不過感覺性價比就😓😓叫左串雞軟骨 食落感覺好油膩應該唔會再encore呢度d燒烤🤔ps.八點幾黎到都仲係好多人 好有壓迫感

是日晚餐~原本諗住同朋友去食101肉燥飯，點知冇開到門，經過一輪掙扎都係選擇食日式烏冬，因多年前食過印象中ok極上牛肉手打烏冬-蕃茄湯底烏冬彈牙，牛肉份量多，配料有溏心蛋湯底ok唔會食完要飲勁多水整體不錯！

昨天在fb見到有介紹，今日就同朋友試下，我地試佐番茄湯底，番茄湯底都係似番茄熬出黎，正。 我選佐吉列豚肉烏冬，豬扒外脆內軟，皮也不算厚! 但略油膩。朋友選佐雞柳，略咸佐些。飲品方面蜂蜜綠茶係好飲既。不過以lunch set 略貴。

今日老公難得陪我食午餐！雖然真係等左好耐！午餐變左似下午茶甘！等到成3點先有得我食！真係餓到想暈！原本打算去黃埔食！點知我又醒起呢間野！因為肥Facebook 佢推出左更多燒物之如！如開店到清晨2-3點！以前食佢都覺好好味！隔好耐都無再食！一於試下佢！原本想叫燒鯖魚定食！點知無！為有叫佢個招牌沙嗲肥牛手打烏冬真係好好食！水準依舊！肥牛都好好食！肥牛都幾多！好食沙嗲手打烏冬炸豬扒 個炸豬扒我都試左一舊！好脆！炸得好靚唔太油！無咩肥！正

I didn't like this Udon at all when I visited a few times last year. When I visited recently, I felt the soup has changed and the quality was higher than last year.I ordered a spicy tomato soup Udon, with pork chop. The tomato soup was thick, little spicy, and rich of tomato taste. Egg looks terrible, not good, not recommended to add.Pork chop was fat enough, good taste!

這天和男友逛到了尖沙嘴, 6點半左右, 肚子又餓了, 急忙找餐廳醫肚, 尖沙嘴的厚福街真的有很多餐廳選擇, 各款菜式都有, 我們便找了這簡大門橫丁,我記得這間在旺角山東街也有分店,記得總是好多人排,好幾年前與朋友吃過,味道是不錯的, 而且當時店裡也不算多人, 沒多想便進去了.店員為我們安排座位後, 便開始看餐牌,感覺有一點貴, 不過味道搭夠的話, 貴一點我也可以接受的.我叫了沙嗲湯底手打烏冬, 裡面有牛跟豬. 烏冬很彈牙, 有口感. 不過我覺得湯底太濃了.男友點了吉列豬扒湯拉麵, 它又說這個太淡了.整體來說, 真的好一般啊… 感覺以前好吃一點的, 而且也不值這價錢.

今日朋友黎探我班，我同佢都係烏冬精，平時食開呢間唔錯 ，於是就帶左佢黎呢到食 每次黎到我都係叫吉烈豬扒+蕃茄湯底 呢到炸物全部都係即炸，送上枱係熱辣辣 脆卜卜，沾埋千島醬真係好好食啊。而朋友就叫左燒鳥+蕃茄湯底，我原本都唔知咩叫燒鳥，朋友問完職員先知道原來係雞扒 朋友話超好食，叫我試一舊。我本身就慢慢地雞既，不過朋友叫到就試下啦，一咬落去塊皮勁脆，好似薯片咁，上面沾有七味粉同燒汁。嘩! 對比之下，仲好食過我個吉列豬排啊，下次我再黎我一定會叫燒鳥 價錢亦都公道，5X-6X有埋野飲仲要係日式料理 ，尖沙咀區黎講差不多啦!!

同班fd去完一年一度麒x啤酒園試完啤酒，大家都有d肚餓就轉場食嘢去到厚福街有好多好嘢選擇大家都想食烏冬就揀左呢間『大門橫丁』，入到去見到坐滿晒，大约40-50人，好彩等左陣就有位坐低即刻睇吓有乜食，見menu都有好多選擇，我選左特上横丁沙爹湯手打烏冬(牛肉和豬軟骨)，朋友就選左特上横丁沙爹湯手打烏冬(雞肉)，炸墨魚咀，汁燒魷魚筒，坐左一陣熱辣辣既烏冬就送上特上横丁沙爹湯手打烏冬(牛肉和豬軟骨)，先試個湯，好香濃好杰既沙爹味，烏冬咬落好煙靭彈牙，沾滿沙爹汁既烏冬好滑，一索整條滑入口腔，糖心蛋好正，好嫩滑creamy,牛肉厚薄適中，豬軟骨啖啖肉，好林滑鬆化炸墨魚咀，入口鬆脆，煙韌彈牙汁燒魷魚筒，醬汁味道可口，魷魚大細適中，一口一啖，嫩滑彈牙最後總消費$421

夜媽媽同男朋友過黎食既日本宵夜餐入到黎係宵夜時段 燒烤有優惠?價錢唔平 但味道一般唔難食一串普通雞軟骨都13蚊一串 但食落似炸多過燒其他就不過不失啦 唔係難食 但呢個味道就唔係好值呢個價錢(可能我覺得啦)其中既黑椒蜂蜜燒雞翼甜得黎都帶小小黑椒香味 可以一試就係因為宵夜 淨係嗌左個軟殼蟹沙律烏冬 無叫其他拉麵澱粉質太多 哈 會怕肥出期地烏冬幾好食 個軟殼蟹上台都係好脆呢個可以再食 我應該會黎再食過烏冬同雞翼 其他就...再算啦

可能尖沙咀真係租金太貴，呢度一個飯餐配飲品都＄60起跳。今日返完教會一行六人就黎咗呢度食lunch。佢本身嘅六人卡位座位都非常狹窄，最後坐了普通位先多少少位。因為唔太肚餓，所以同朋友share一個叉燒雞肉蕃茄湯烏冬配熱柑桔蜜。分量真係剛剛足夠一個人食，湯底尚可接受唔太鹹而且有番茄香味，可惜雞肉雖然大嚿又多，不過有雪藏味道，烏冬都唔係特別'煙銀'，叉燒反而幾出色，糖心蛋都唔錯。柑桔蜜好好飲，鹹甜配搭非常解渴！今日客人不多，但我朋友點了芝士烏冬配炸雞，炸雞上咗15分鐘，烏冬都未到，有點失望呢個價錢同環境應該可以有更好選擇啊！