大門橫丁串燒手打烏龍麵店 (厚福街)

营业中

休息中

好耐都冇食過呢間餐廳啦! 今日行街經過要試試餐廳既水準有冇改變。例牌叫左蕃茄雞柳手打烏冬，配熱蜂蜜綠茶。烏冬依然滑滑，蕃茄湯底濃郁，雞柳比例都算多，食完感覺熱辣辣。不過整體份量唔多，只適合女士食量。蜂蜜綠茶太甜，甜到飲左兩啖就投降。

每當想食烏冬或串燒都會諗到大門橫丁，因為佢好食又抵食今次既食物都係保持到水準，無令我失望既！燒鳥－雞扒係每次必點，我既最愛。從相片可以睇到雞扒燒到啱啱好，雞皮既油脂溶曬，變得又脆又薄，雞肉又多汁又嫩。手打烏冬夠嚼勁，牛肉又鬆化，掂！豬軟骨夠火喉，湯底濃郁，配埋溏心蛋錦上添花魷魚軟腍，醬汁係甜甜地既日式燒汁。年糕煙煙韌韌，唔錯。雞泡魚乾係下酒良伴～露荀鮮嫩，牛肉既牛汁滲埋入去～好食

和朋友二人叫左炸豬扒烏冬同埋燒鳥蕃茄湯烏冬，有點過鹹，食完之後非常口乾，真係一般，唯獨烏冬ok彈牙。豬扒炸皮有D厚而且豬扒肉唔夠鬆軟，麻麻地。炸墨魚咀ok好食。未必會再去呢一間

呢日同朋友趕時間，喺尖沙咀搵食要快嘅又唔食魚蛋粉？我地入左厚福街搵食。星期日，好多人，不過剛好有位即時入座已經9點，可見店內仍然好多食客趕時間嘅我地，見到門口嘅烏冬餐可以自選湯底，即時入去試下我叫左呢款，即係炸豬扒烏冬好夠熱，足份量，唔多多餘嘅油份咬開豬扒，炸皮算薄，無皮情況，合格。豬扒無骨，咬落質地不軟不硬，ok一向鍾意食辣嘅我叫左地獄湯湯底味唔算濃，辣度亦是淺嘗級，不過呢方面口味好個人嘅至於烏冬方面，我認為同以喺大型超市買到嘅急凍手打烏冬係無分別不過配埋其他配菜、價錢亦不貴，算係不過不失朋友叫左另一款，我無食到不作評論總括嚟講，今次吃烏冬整體沒有什麼特別和出色之處，但平民化就有它的生存空間

約咗朋友食飯, 嚟厚福街揾食, 貪佢多餐廳.行到街尾, 餐廳門口有人拉客. 問咗佢冇限時離座, 於是就揀e間.睇睇餐牌, 好多選擇: 面, 串燒, 小食...面類揀完餸, 可以選擇自己中意的湯底, 仲可以揀手打烏冬/拉面.我叫咗朋友點的, 佢話ok.湯色睇落去好濃郁, 一飲就愛上了, 滿滿的沙爹味充滿口腔, 重口味之選雖然果名叫辛辣, 但食落只有少少辣香, 只有突顯沙爹的好, 冇搶咗佢的美味.手打烏冬軟硬適中, 爽口彈牙, 每條都要配湯食燒鳥=燒雞肉, 自動同面分開上.上面層皮燒到好脆, 與肉中間唔多肥膏, 可以照食唔怕唔健康.餐廳應該燒完先落鹽, 食落有d鹹香, 好惹味.美中不足, 未溶雪夠, 雞肉好大陣雪味.結果我分開食皮, 雞肉浸沙爹湯食!