大門橫丁串燒手打烏龍麵店 (厚福街)

营业中

休息中

喺尖沙咀做完運動10點幾咁樣搵啲嘢食啦唔使食太肥今日見到呢間大唔穩定亦都唔使點等位咁就行咗入去啦然之後就同個朋友一齊買咗一碗烏冬 咁就帶咗個番茄湯底嘅牛肉烏冬其實個湯還可以嘅蕃茄味都OK囉不過個牛肉真係好一般 因為一食就食得出呢啲牛肉係冰鮮嘅肥油個感覺同普通係任食火鍋食嘅肥牛係一樣的然之後佢個溫泉蛋 暖暖地我得係最好味嘅呢個菜來點綴左呢個菜嘅特色啦最後就係佢唔知點解好多件有兩個番茄正生嘅蕃茄係你啱第一啖之後你都唔想再食第淡個種感覺

第二次光顧這店，這次是晚餐時間，被安排了坐在門口位置，嘗試要求坐其他位，反正我是一個人，應該易換位吧！可惜店員情願讓其他客人的袋放在座位上都不願替我作出調動，也罷，晚餐時間我能體諒一下。座位面積實在太小，連正常人坐下吃飯時，雙手手肘也會伸至隔壁座位，想像一排人客坐下後，骨牌效應下，最後的我只能佔用那本來就很小位置的三份二面積，這就是其中之一我為何要求轉位的原因。椅背後方是出入空間，放了擺放雨傘的水桶，結果有進來的客人踢倒了水桶，一地都係水，服務員趕緊抹地，我也差點受牽連。這種方便客人其實是反效果。再來店員收拾枱面的垃圾時，湯也彈到我的袋上，手腳快也不是可以弄髒別人東西的理由，我相信她不知道的，因為到我離開時她也沒有跟我道歉。坐我對面的那位先生一共點了湯烏冬、一份炸餅、一份餃子，經過食完烏冬再大約四次催促並要求取消訂單下才先來一份炸餅，然後已沒有然後，情況好像去飲宴一樣，食一樣就等下一樣，估計他比我早起碼十五分鐘光顧，但到我離店時他還在等餃子。最後我想講講我點的介魚湯底雞柳烏冬。三個字：特級咸！我見介魚上印上新的字眼便試試，結果成為犧牲品！介魚是咸味的湯我是知道的，但我不知道為何雞柳也那

同朋友係尖沙咀附近，想搵D野食，於是試下呢間。叫咗個黑椒煙鴨胸拉麵，但有被欺騙感情嘅感覺 :'(原來所謂黑椒煙鴨胸只係喺鴨胸上有1DD黑椒，少到幾乎食唔出，好過分 T^T其實某程度上係因為黑椒先嗌，本身仲以為會多D，所以上到黎都幾失望......拉麵係頹頹地既即食拉麵，以平平地既餐黎講，質素都係咁上下，可以接受。不過跟餐既桂花茶都幾好飲，有點點桂花在裡面，聞落有花香，好舒服，有心曠神怡既感覺，叫做加返D分。

今晚喺尖沙咀，想食餐好d嘅，行到厚福街，見到大門橫丁，即刻衝入去。7點鐘都未算多人，入去就有位坐。點咗兩個烏冬，一個炒牛肉手打烏冬，一個蕃茄濃湯雞肉义燒手打烏冬，一串鹽燒牛肋骨同埋榴連炸彈。兩碗手打烏冬都好滑，雞肉有4大舊同埋义燒都足料，最喜歡佢嘅溫泉蛋，好多多都唔夠大大碗食得飽，番茄湯底好味，淨係食個烏冬麵都夠晒。鹽燒牛肋骨都正，牛肉好香，有嚼口，咸味夠，人氣小食。最估唔到係個榴槤炸彈，外脆內軟，榴槤味夠晒，如果可以多d榴槤涵會更正，香味同甜味都足夠。

因為喺附近返工所以厚福街已經成為咗我嘅飯堂，今日同同事入咗嚟食 一人一個set lunch, 我叫咗燒牛肉溫泉蛋飯，份量好大一個人根本食唔曬，牛肉配菜都好多，配上埋燒汁簡直係一流 買單 都係59蚊 唔洗收加一仲有凍飲品

一向知呢頭多美食，今日特意來此一食吧與一班舊同事，都鐘意去日本，睇日劇，但日本GAME，咁緊係要食下日本野啦行下行下，就黎到呢間, 上網睇下，食評都唔錯喎先要左個呢個，炒牛肉溫泉蛋撈手打烏冬 價錢唔係好記得, 好似七十幾蚊味道超好味，牛肉好軟腍，烏冬又軟又彈牙串燒牛舌，超好食呀，encore左次肉質彈牙軟腍，牛味好新鮮一串得三粒當然唔夠啦, 就再叫左啦唔經唔覺，原來叫左咁多野添，不過最緊要食得開心無得計的

其實我已經食過呢間n咁多次，而次次食都覺好食！keep到水準餐廳環境舒適，服務員態度好落單系統方便今次叫左個天婦羅蕃茄湯烏冬想食得開胃d一定要揀蕃茄湯底。呢間野既蕃茄湯底好濃郁好正！另外，佢地隻半熟蛋又係超好食！天婦羅炸得好脆，蝦淡淡肉唔似得有d天婦羅咬落去空心。其他配料都幾好食。睇得出廚師好比心機整。至於要改善既地方，我覺得烏冬可以再彈牙d，同埋份量多d總括黎講，我會繼續支持小店！希望小店繼續整好食既烏冬

我地一點鐘入座，叫左一個吉列豬扒烏冬同一個牛舌飯。點餐時員工有提醒我們牛舌飯需等15-20分鐘。15分鐘後我的烏冬到了，但是吉列豬扒在15分鐘後我催單才到，烏冬都凍了。我同事的牛舌飯到我們埋單都仲未有！！打工仔一日得一個鐘食飯，最後一粒飯都食唔到⋯坐我地隔離既兩個男仔，一樣都係叫一個烏冬一個飯，食烏冬果個食完好耐另一個先有得食，期間佢地都好不滿。雖然員工最後有say sorry，但係真係一肚氣囉。其實做唔切飯，淨做烏冬都得架啫⋯

又係到r爆頭時間，同朋友見面，兩丁友岀到黎都唔知食咩好。行到厚福街搵下嘢食。見依到以手打烏冬作招徠，又有咁多人食就入去試下啦。不過都等左十幾分鐘。係岀睇好食咩。點知入到去只有午市餐牌。不過係平好多嘅。叫左天婦羅炸蠔特濃蕃茄湯底同埋豬軟骨沙嗲湯底。另外小食有忌廉蟹餅同溫泉蛋沙律。小食方面可以慳返，唔洗一定食。烏冬份量唔算多，男人幾啖食得曬。而湯底亦冇佢講嘅濃。不過麵質係幾特別同好食嘅。天婦羅炸蠔有三粒，不過不失。豬軟骨好入味同沙嗲湯好配。整體，可以一試，價錢同味道算合理。

厚福街係好多嘢食㗎所以可以每次黎都試新餐廳今次就嚟咗試手打烏冬呢度都幾多位嘅黎左幾次都唔使點等就入得呢度最好嘅嘢就在於選擇多因為除咗可以揀唔同嘅配料之外仲可以自己選擇湯底湯底又有成差唔多10個我地嗌左日式叉燒配鰹魚介湯底同埋一個吉列炸蠔烏冬配番茄濃湯真係要讚一讚呢個堅魚湯底啊因為個湯夠晒濃有一啲都唔肥膩食過幾次就算配唔同嘅拉麵配料都一樣咁好味至於個吉列炸蠔烏冬首先個番茄湯底做得唔錯幾濃嘅蕃茄味但係如果配炸蠔就唔係好夾喇所以如果叫炸蠔就唔好揀蕃茄湯底喇

識飲識食嘅朋友相信都好清楚，厚福街呢頭真係好多美食，呢日黎呢頭，當然唔想空手而回黎到呢間見幾吸引咁，又睇過下openrice食評見都OK，咁就黎食下啦，都好耐無食日式烏冬。不得不讚Menu真係影得好靚，好多款都令人睇見都好想食而且部份菜色列明店長推介，有助我呢D選擇困難症嘅人擇完呢個好好味咁嘅：和風炒牛肉溫泉蛋撈手打鳥冬再擇埋呢個都係睇落個有色香味，又有店長推介嘅：胡麻軟殼蟹沙律手打烏冬和風炒牛肉溫泉蛋撈手打鳥冬$74真係圖片與真實相符架，份量十足，當然好難話擺返張圖EXACTLY咁靚啦ANYWAY食落真係堅好味，烏冬彈牙，牛肉軟腍，份量又夠，食得痛快店長推介胡麻軟殼蟹沙律手打烏冬$79同樣係誠意之作，軟殼蟹炸得爽脆，食到卜卜脆，配上胡麻調味恰到好處食完仲想再食今次起呢條美食街，又尋到寶!

■ 大門蕃茄湯手打烏冬 雞柳拼叉燒 $78？蕃茄湯底好香好濃😋！！手打烏冬冇得輸啊不過份量都係唔多雞柳同叉燒就一般 唔知點解甜甜地 好怪■ 沙嗲湯吉列豬扒手打烏冬 $78？沙嗲湯底又係偏甜 吉列豬扒正常 好食嘅😋■ 吉列流心蛋豬柳 $32-36？/4塊味道普普通通咁啦 但真係做到流心👍🏻■ 汁燒八爪鬚 $28？個汁咸咗啲 唔係都燒得幾好味■ 鹽燒多春魚 $18？/2條鍾意食多春魚嘅可以試/💬 OVERALL 服務呢、睇落以為好好，但實情麻麻地😅 嗌咗成枱都係嘢 連主食都放唔落 成件事勁逼勁逼勁逼！！！都算 因為自己冇特別要求坐卡位 跟住 有個店員傳菜見放唔落 直接將佢手上個碟個串嘢放係枱面其中一碟小食到 黑人問號？？？？問聲O唔OK都得嘛？汁燒同炸物撈埋咗啊 跟住 換烏冬鍋 有寫10點前落單 原來10點前要埋單？本身幾點埋單都冇咩所謂 但係我食緊嘢啊媽咪 本身環境咁那逼都燥燥地 重點係 過多陣 店員成個鍋拎嚟俾我 點解要咁心急啊😵 人地都係食完先拎張單到門口取喎 又或者可以hold住先等我食完先拎？成餐飯好煩 又聽住隔離枱落錯單 又係到嘈等咗好耐未有嘢食又剩 食到我好唔舒服¯\_(ツ)

今日星期五， 又到happy Friday 既日子， lunch 時間同同事行遠少少，行黎厚福街有烏冬；丼飯；咖哩飯等見呢到烏冬湯底有咁多選擇，我地2人都簡了湯烏冬辛辣番茄濃湯雞柳手打烏冬（$53）湯方面都濃番茄味， 但個人黎講就唔覺得辣😅番茄濃湯吉列豚肉手打烏冬（$56）豚肉炸得好脆， 只是個人覺得炸粉再少d就更好

昨晚同友人即興約食飯，佢話想食烏冬，就決定食呢間，佢之前都食過幾次，而我就第一次食呢間。我地差不多9點先去到，店內仍然好多人，去到都要拎飛入枱。不過因為我地兩個人，好快就到我地喇。我地兩人一人叫左一個烏冬，加一串牛舌。另叫左一隻asahi 同一罐忌廉。叫左餐後大約15分鐘上到菜，覺得都ok。而且雖然比較忙，服務員都好有禮同用心。我只影左自己有食過既食物，因友人太肚餓一來餐就食得好快趣😂😂第一個黎既係吉列蠔，係跟我既烏冬既。一份有5隻，份量覺得算多，平時跟餐都預應該有3隻左右，食晒5隻都有少少漏🤤而吉列蠔外脆內裡仍保持足夠水份，蠔肉鮮甜，覺得幾唔錯！再黎串燒牛舌，份量正常，唔un,食落都嫩同香。呢度既烏冬湯底選擇都算多，記憶中超過5種，愛辣的我就揀左辛辣魚介湯。每個湯烏冬都有半隻溏心蛋、鳴門卷同蜜糖豆做配菜。溏心蛋放左落湯，仍然好流心，少少咸味咁😃湯底方面，平時食開好辣既我覺得唔算辣，湯底味道較重，魚介味唔算出。但烏冬較粗身同係彈牙既，雖然我掛住食蠔，放左佢一陣先食，但都無浸到淋晒，唔錯。我地係完全食晒，都好飽下，整體感覺幾ok,會再食。

同男朋友經過，見到好似好好食里，但入後發現係伏黎，never come again首先係牛肉烏冬，牛肉少到不得了，而且好un 好似食緊香口膠咁😅連平日好喜歡食肉嘅男朋友都唔想食同埋個豬骨湯，好油囉我食蕃茄湯配叉燒同雞肉雞肉又係好奇怪 一啲都唔嫩唯一可取嘅係叉燒唔錯喎 呢個可以一試除左烏冬，仲有嗌左雞泡魚乾同餃子未試過餃子係淋嘅，擺到明煎左好耐，整返熱就算好難食囉未試過有餃子咁難食🤦🏻‍♀️燒魚乾呢個好少少，幾好味，總括黎講，都唔會再食🤷🏻‍♀️