大門橫丁串燒手打烏龍麵店 (厚福街)

营业中

休息中

今日想試下新餐廳，便入了這間未試過的餐廳試試~這裡選擇好多, 不過我見到旁邊的食客都是食烏冬，我便羊群心理地跟隨了。點了個比較清淡的選擇，即蕃茄湯配黑毛豬手打烏冬($60)，送一杯野飲，中午免加一。其實這個湯底還不錯，不過烏冬始終掛汁不太理想，所以食落來味道較淡，反而我朋友食那個鰹魚魚介湯我就覺得特別點，味道也濃一些。烏冬也不錯，口感幾好。至於黑毛豬就一般般啦, 就是普通豬肉的味道，份量也不多。不過我幾鐘意佢有配菜及栗米，食落均衡D，唔會一味得肉食。整體OK，味道OK，環境都可以，如果唔夠飽仲可以加少少錢食小食，唔太貴。不過最估唔到係呢間野原來幾受歡迎，我地走時見到出面要排隊呢～

呢間餐廳之前間唔中都會黎lunch 不過越食越差所以無黎一排了，最近再黎食結果都係差，或者仲差了。點了蕃茄湯雞柳，桂花蜜。午餐點完後等上菜，都等了30分鐘有多，太慢，同以前一樣，所以工作時間既一個午餐時間都未必夠時間食 蕃茄湯，感覺上完全無蕃茄味道，太淡太淡，就算有蕃茄係湯內都無咩蕃茄味道咁。而且色相係幾一般下。。。雞柳還可以，口感都可以，不過不失吧。不過鹹鹹地了。。。烏冬方面唔係特別好味，不過份量比較少，而且加埋其他配料，整個味道都有點鹹。桂花蜜，是有很少很少的桂花味不過好淡，有d似飲水。。。服務態度都係一般般，而且等食物太耐了。總結沒食一排再黎食，結果❌❌。

今天和朋友到附近逛街，突然很想吃烏冬，便在厚福街尋找美食，看見店面裝修不錯便走入去嘗試一下。原來是日本手打烏冬還有很多湯底選擇，我選擇了沙嗲燒鳥烏冬，朋友選擇蕃茄肥牛烏冬，原來每碗烏冬都會送上半隻糖心蛋，燒鳥的皮脆卜卜，好正。朋友的蕃茄湯底很濃，湯底原汁原味。還試了雞皮蝦仔，雖然很邪惡，但真的好好食，我覺得自己下次還會幫襯。下次可以試下其他湯底既烏冬，據說大門橫丁的串燒小食也不錯，期待下次再過黎試。

本身好鍾意食呢間既串燒同辛辣蕃茄湯拉麵..時不時都黎幫襯..但d位越來越迫..員工既服務態度越來越差..特別係肥個個唔知係咪經理既女人..黑口黑面趕客咁..野食幾好都無用啦..

大門橫丁 日式叉燒烏冬🍜我係呢間餐廳嘅常客而且成日都係會點蕃茄湯底🍅其實呢間嘅糖心蛋都好值得推介🥚呢間仲有串燒食架原隻汁燒魷魚🦑燒到恰好，好正呀真係😍😍真係必點串燒🤤

自從舊同事帶我食過一次之後，我就一直念念不忘🤤所以今晚決定同女朋友黎食🍴女朋友要左個冷烏冬，沙津菜既份量都多，食落都幾fresh，軟殼蟹咬落去果下有驚喜👍🏻我個人就冇乜新意嘅，次次黎都係叫呢一個吉列蠔烏冬，因為貪佢夠抵食，吉烈蠔有成五粒咁多啊，仲要每一粒都大大粒，炸得好香好脆，不過烏冬嘅份量就少咗啲，寧願佢少一兩粒吉列蠔，再多番啲烏冬仲好😂😂牛舌都燒得好好食呀，一咬就咬得開，一啲都唔韌👍🏻我哋都覺得呢個大葱唔好食嘅，可能係因為啲醬汁太多嘅關係啦，食落有啲膩。。。三文魚鰭就冇乜特別，普通水平😶反而燒雞皮真係有驚喜喎，連平時怕肥唔食雞皮嘅女朋友， 都同我爭住黎食。燒粟米係我嘅至愛，食咗咁多間串燒店嘅燒粟米，我敢講呢間係我食過最好食，粟米嘅選材應該都幾好，因為粒粒分明，唔會有渣之餘，平時食冇咁靚嘅粟米會食到攝晒牙啦，呢度嘅粟米就冇呢件事發生嘅👍🏻👍🏻最重要係佢嘅粟米真係超甜超甜呀！

放工去到厚福街都差唔多十點，肚子餓就搵哥哥一齊去食串燒，傾傾計放鬆下。叫左炒牛肉溫泉撈手打烏冬、鷄泡魚乾、日式餃子、七味燒雞翼、軟殻蟹沙津、乾醬燒牛小排、乾醬燒鮮菇豬腩肉、燒茄子、鹽燒多春魚、溫泉蛋沙津。估唔到傾下傾下食左咁多野😂總括黎講，食物質素幾好，宵夜時段價錢會平D，幾掋食。

之前都黎過幾次 大門橫丁 食烏冬今日因朋友生日 簡單食個便飯店內環境睇落就有小小擠迫但因為入座時 店內顧客不多 安排左喺應該6人位的卡位就坐 所以坐得好闊落落單就自己寫落單紙 自家制鮮蕃茄湯紐西蘭大蜆手打烏冬 $ 108蜆肉有4隻 都大大隻 特上橫丁沙嗲湯手打烏冬 $ 78沙嗲湯底 配上軟淋嘅豬軟骨同牛肉 😋😋辛辣魚介湯吉列豚肉手打烏冬 $ 76吉列豚肉厚實 可以選擇其他湯底湯底配上烏冬都好味濃郁烏冬有口感 不會軟淋炸雞軟骨 $ 40辣汁燒魷魚筒 $ 69口感較韌鹽燒三文魚頭 $59應該即叫即燒 等候時間較長外脆內滑

Sogo大減價，買完一袋二袋😍😍，之後就發現原來就十一點啦🤣！好肚餓呀！！！(>﹏<)重有咩餐廳開呀！？就落左厚福街，見到串燒店，正o(≧v≦)o就去等位~\(≧▽≦)/~店仔細細，勁多人😅等左一陣有位啦！！！💗💗💗💗💗每人叫左一個烏冬，幾串串燒，飲下啤酒。。。讚👍(*¯︶¯*)滿足💗😍😋串燒好好味，估佢唔到(￣∇￣)茄子🍆，金菇肥牛，牛肉，魷魚🦑👍😝😀😄😉😋

食過咁多間烏冬呢間真係叫做平靚正 首先講濃湯烏冬以前佢得蕃茄濃湯烏冬最好而家多咗好多新口味 鍾意食辣嘅其實可以叫辣少少因為唔會好辣 會惹味啲 另外佢啲串燒真係好好食 肉夠滑 夠juicy 唔會好似有啲舖頭燒到乾爭爭特別推介 燒雞肉 燒豬頸肉 燒雞翼

一向知道大門橫丁的食物高性價比，晚上7時左右在厚福街覓食時見不用等侯就立刻入座了店內有不同湯底配搭烏冬或拉麵的選擇，只需在紙上勾上心頭好就可以，我則點了牛肉蕃茄烏冬驟眼看湯底顏色不是很深，本以為會不夠味道，但喝到湯時品嚐到蕃茄酸酸甜甜的味道，而且湯裡有不少蕃茄呢！除了我點的牛肉外，還包括了很多配料，例如半隻流心蛋，粟米等，頗豐富的烏冬應該是稻庭烏冬來的，吃起來滑滑的而彈牙晚餐來說在尖沙咀旺區加一後只需八十元左右，感覺超值

這裡是沒有下午茶時段的。14:50入去, 都是食午餐牌。一行4人, 因為大家都攰及肚餓, 入到厚福街, 都冇仔細研究每間舖, 就揀咗依間喇。席間嘅親朋意見: <直火燒咖哩吉列豬扒丼>都ok, 算合格。豬扒乾咗少少。咖哩ok, 份量ok.我嘅意見係: 貴、食唔飽、跟餐牌照片差好遠<日本黑蒜油九州豬骨濃湯日式叉燒手打烏冬>。份量太少, 一位成年男士, 唔夠飽。黑蒜油九州豬骨濃湯, 算唔錯。日式叉燒份量少, 細塊, 又切得太薄。<忌廉蟹肉餅> 抵食, 好味, 唔錯。餐飲多面, 係蜂蜜綠茶、柑桔蜜嗰啲嘢, 睇落好似有特色, 但係其實係好普通、又唔值錢嘅「冲飲」。

第一次午餐時間食大門橫丁，唔駛等位，但要搭枱，都冇乜所謂反正食完就走。👉🏼黑毛豬烏冬配豬骨湯底黑毛豬肉唔算好多，但味道不錯，烏冬偏淋但幾滑，略嫌份量太少，男仔食會唔夠飽。👉🏼豬軟骨烏冬配蕃茄湯底豬軟骨都唔少，肉都好入味好淋，烏冬一樣咁滑，但烏冬就冇蕃茄湯嘅味道，本身蕃茄湯味道唔錯，可能烏冬同蕃茄湯唔係一齊煮，所以唔入味。呢個份量ok，食完都飽。另外仲有餐飲，叫咗蜂蜜綠茶同埋桂花茶，蜂蜜綠茶太甜，桂花茶好香，甜度亦適中。埋單唔駛加一，整體都唔錯。

話說同女朋友行開尖沙咀，就話想食烏東，就立即諗起係厚福街既大門橫丁啦之前食過1次，覺得d烏東好好食，今次實行再反兜先 一坐入去，好有日式風味，但位同位之間都好近，有小小迫，而且大聲小小講野，會容易影響其他人。拎起餐牌睇，有一張主打麵食的，有叉燒、吉列豬排等等配料，湯底就可以選佢地獄番茄湯底、豬骨湯、黑蒜濃湯等等，有成8-10款湯底俾我地選擇，最後我地選左日式叉燒烏東配地獄番茄濃湯。仲點左清酒煮大硯、燒青魚、日式餃子。唔使好耐，野食就到，太肚餓，食左先講首先係地獄番茄濃湯烏東，上枱個陣，個湯底仲滾緊 一入口，勁香濃啖番茄湯唔太酸，去到喉嚨位d辣味先湧出黎，好過癮，d烏東形狀扁扁地，好滑身，夾了2條再加埋湯底一次一啖，超好食再黎清酒煮大硯，平時清酒煮硯，大都係花甲，但呢度係用大硯，都同烏東一樣，係用石頭碗裝住，上枱個陣仲滾緊，好香清酒味，試一試佢的湯 有陣清酒味又有小小雞湯味，而大硯就吸哂d精華，一黎係啖啖肉，二黎就吸哂d雞湯清酒味，超級夾之後日式餃子同魚都不過不失，總括黎講，下次要再食呢個大硯一試難忘。

假期同朋友睇戲行街,由朝玩到晚都冇咩點樣食過嘢,所以唔夠6點幾我哋已經好肚餓,立即周圍搵嘢食,我哋都係好鍾意食日本嘢嘅人,所以目標係日本餐廳,經過厚福街見到呢間,有串燒又有烏冬拉麵食真係好啱我哋,入到去已經見到好多人,因為位同位之間真係冇乜空間,每個人都坐得好迫,我同隔離枱既走廊可能只有2個手掌咁大嘅位置,我哋睇咗menu之後再喺張紙度寫低要啲乜就可以落單,我哋叫咗蕃茄濃湯手打烏冬,辛辣蕃茄湯豬軟骨烏冬同埋雞翼串燒,落單無耐我嘅番茄濃湯手打烏冬嚟到,湯底有好香濃番茄味,除咗叉燒,原來仲有雞肉,魚蛋,雞蛋同埋荷蘭豆,烏冬嘅質地好煙韌唔容易斷,咬落去好爽口,辛辣蕃茄豬軟骨烏冬湯底係有辣味嘅蕃茄湯,豬軟骨煮得軟身又入味,雞翼燒得唔算好惹味,味道比較淡,有啲位置燒得燶咗啲,我哋用咗好快嘅時間食完,因為真係坐得比較迫,好難可以坐得耐!