大門橫丁串燒手打烏龍麵店 (厚福街)

营业中

休息中

前排同朋友要去紅館睇演唱會，但係又怕紅館附近餐廳多人難揾位，再加上重點係每次去紅館睇show都係食呢啲，所以今次就約左朋友去尖沙咀食，行過紅館都係十分鐘，但就完全解決左多人無位的問題。我地去左the one附近的厚福街，揀左大門橫丁，因為食開好好味，我揀左豬軟骨手打烏冬配蕃茄濃湯，豬軟骨超淋，超入味，加上蕃茄濃湯一樣味道濃郁，兩者配搭極奇配合，真係好味，加上手打烏冬又彈牙，我地選擇行遠啲都無錯。

一個人係尖沙咀遊走逛街，剛好肚餓走到厚福街。厚福街只係一條小街，但集中極多美食係呢度，有各式各樣既餐館，甜品及糖水鋪，真係美食集中地。今次黎到呢間大門橫町，日式既料理+串燒，中午時間黎到好多人架，午市仲要免收加一服務費。今次一個人少少地嗌左個鹽燒鯖魚定食🐟，鯖魚係眾多日本料理都經常出現，可能製作過程唔算太複雜，魚肉既鮮嫩又可以保存到。鯖魚份量唔算細，烤焗完出黎會有d 腥，所以要加返d 檸檬汁，或者加上佢地既醬汁，配菜有燒蕃茄🍅，蕃茄新鮮多汁，日本珍珠米偏淋，可能多水左d。

因為佢個🍅番茄濃湯同手打烏冬， 大門橫丁我真係大大話話食左都有20次， 次次都會飲晒d 湯💕。 因為真係好啱我口味✌🏻。由從前只得TST 店到而家有其他分店。我想講個Lunch set 真係好抵食， 仲有得自選湯底， 就算我次次都食雞柳都有8款唔同湯口味。 仲有，🍅蕃茄湯都有分左辛辣🌶🍅蕃茄同蕃茄濃湯， 我今個Lunch 用左$52 就食左個🍅蕃茄濃湯秘製🐔雞柳手打烏冬+杯熱蜂蜜🐝綠茶。⭐️⭐️⭐️⭐️⭐️

Lunch好抵食大門橫丁係旺角&尖沙咀都有分店.蕃茄湯底🍅叉燒手打烏冬呢個係店主最自豪嘅湯底 又幾正喎酸酸甜甜好開胃 厚切蕃茄真材實料烏冬就算用熱鍋上都唔會過淋 仲彈牙添叉燒味道咸左少少 但口感不錯 唔會似煲湯肉.汁燒牛定食🥩配白飯沙律個醬汁好惹味 但可能燒嘅關係 幾硬.午市加十幾蚊就有小食啦1️⃣炸蠔兩隻 幾鮮甜 即叫即炸2️⃣忌廉蟹肉餅 食唔出有蟹肉 味道以忌廉為主

揀呢度食飯當然有原因。手打烏冬出色，食物選擇又多，多款小食，串燒等。同朋友2個叫左好多野食，有烏冬，燒鯖魚，炸雞軟骨，炸墨魚嘴，蟹籽沙律，金菇牛肉卷，卷牛舌，燒雞翼，燒豚肉。樣樣都冇令人失望烏冬彈牙，炸物唔會炸到太乾好油，串燒又唔會燒到乾晒。叫咁多野食都唔會太貴，下次會再黎食

也不是第一次來此店，但沒想過在這條聞名的食街發生這種事情。進店立即被安排坐好，還立即有店員來給我們下單，點了兩份燒鳥烏龍面，一份露荀燒牛肉卷，一份燒牛舌。之後在旁邊同時間點餐的一對母女不用5分鐘就上菜了，他們點的是牛肉烏冬。可我們之後一等再等，快30分鐘還什麼都沒有菜上過。最後叫了剛才下單的店員查詢，問他可否跟進一下。這時最驚訝的事情發生了，他說：願意以3分鐘的時間為我們即做，你再說一次要吃什麼。我說：為什麼這樣？他說：剛才的店員根本沒有下單。我說：我們點的東西沒可能3分鐘做到吧。。。最後，我們什麼都沒有吃走了，還是旺角店的職員和服務質素無法比擬。

今日要去尖沙咀拎野，中午飯時段既餐廳實在太多人喇，唔想同人迫，因此行陣街先去食野，厚福街既餐廳比較集中，見過左高峰期就行入去睇下有咩啱食，行到最尾見到間食烏冬拉麵又唔太貴既餐廳，於是就揀左呢間，叫左個蕃茄湯底既叉燒烏冬，另加溏心蛋，飲品就叫左巨峰提子乳酸，好鍾意個種濃濃既湯，入面有鮮蕃茄，叉燒細塊左d，不過味道唔錯,烏冬係我鍾意既真打烏冬，埋單73蚊，下次去尖沙咀都會再去食。

星期六晚嚟到厚福街搵野食，呢間好似比較少人排，食MENU覺得價錢同菜色都OK就決定食呢間，等左10分鐘左右就有位。呢間真係不得不提佢嘅用餐環境實在係非常唔理想！雖然明白想做多D生意，但都唔應該係一個你會同隔離手肘貼手肘嘅距離！張台真係每人叫人叫一碗面就差不多盡嘅SIZE，實在係食得十分唔舒適。睇MENU絕對唔係FOR你去食正宗日本野，比較似係有日式風味嘅港式野炒牛肉溫泉蛋撈手打烏冬半熟嘅蛋汁混合埋炒到好香口嘅洋蔥，加埋厚薄岩岩好嘅牛肉，一啖食落又脆又有"趙"口，口感非常豐富，味道惹味。不愧係推介菜之一，好食~橫丁沙嗲湯手打鳥冬(牛肉配豬軟骨)個沙嗲湯夠晒濃味，豬軟骨煮得夠"諗"夠入味，整體不錯，但唔會好特別七味豬頸肉一上菜以為佢上錯，呢件點睇都唔似豬頸肉..食落果然唔似，脆脆地反而有D似雞軟骨...仲有D OVERCOOK，有D硬，唔推薦香蔥牛肉卷無論係肉定係蔥都燒得非常香口，非常好味，唯一缺點就係唔夠喉！其實呢間食物質素係OK嘅，不過用餐環境真係唔良好，絕對建議唔好係PEAK HOUR去！因為地方細，人手又唔夠，真係會食到炆炆地。

首先一入門口 叫我同老公坐張勁細台。我大肚7個月 點攝入去？我話可吾可以坐個到？（卡位）佢話吾得。坐中間同人搭台啦。無話可說。坐低左。一望過左邊 有對小情侶都系坐卡位。 一邊擺袋一邊一齊坐。幾鬆動。點解我吾得？已經好嬲我仲要彎腰將自己手袋放入櫈底既污漕籃內。否則就攬住食。迫到死。我同老公揀完就想落單。佢叫我地自己寫。👌🏻無問題。落完單 十分鐘野食到啦。無驚喜既野食。無影相。吉列豬排無味。吾嫩口。好老，吉列黎做咩。靠沙律醬。烏冬份量少。雞排薄。腥。同埋吾熟。兩份肉都吾熟。吾想煩，煮野食既基本態度都無。換左都無意思。我地林尾埋單同佢講吾熟。佢答左我句，早啲講可以同你換呀嘛🙂去吾去自己考慮

今晚2個人去食，我哋2個之前都分別去過1次。叫左每人1碗烏冬，2串串燒及牛油焗金菇。首先，無哂卡位，要搭4人檯，檯與檯之間完全無距離; 有個長髮女職員態度好差; 最離譜係$45叫金菇，分量同去超市買一包一樣!!!完全吾值呢個價錢。

當天晚上很夜才收工，走了很多地方都不知道還可以吃什麼，經過後復街看見大運話溜冰還未收店，便進去享用。知道這間店評分都很好，他們的互動做得不錯，便點了一個冷的撈烏冬，來到的時候樣子非常之漂亮，互動上還有一隻溫泉蛋，把它攪拌後整體味道都提升了。很驚訝地他們這裏有我最喜歡吃的棉花糖小香蕉，點了一份宵夜，但來到的時候酒量我有點驚訝，因為他們把棉花糖一開四薄薄的鋪在香蕉面上，香蕉也很細，看起來就不值這個價錢了，味道還可以希望他們可以調整價錢或者改善份量。

今日突然凍翻又落雨但係約左朋友4點鐘左右行下尖沙咀行下行下就有啲肚餓wo......之後記得厚福街有好多好嘢食呀haha就去厚福街搵間醫醫肚.... 大約6點45分左右就揀左入呢間啦 本身就無咩人幾靜點知食下食下就好多人 多人到排哂隊tim我就揀左石鍋烏冬 朋友就揀左撈烏冬食涷涷地個時食到個熱辣辣既烏冬都幾溫暖架 食極都仲熱 都幾好唔怕食得慢btw 其實都想食串燒同小食 不過個烏冬份量都好夠好彩無嗌 無嘥嘢咋!!!建議就多d人黎同早d黎我咁早去 2個人張枱真係好細想趕我地快d食哂就走咁p.s. 太餓已經唔記得左要相機食先haha....

呢幾日天氣凍凍地，同媽咪落街食野，第一時間就諗起呢間烏冬店。雖然佢都有串燒，但係我都係鍾情於佢嘅烏冬😃😃之前次次都係食蕃茄湯底，今次就試吓佢哋嘅魚介湯底啦🤪 咁我就揀咗佢嘅牛肉，因為聽個friend講話幾好食。事實上都唔錯啊🤩咁我媽咪就揀咗蕃茄辣湯底豬軟骨，不過就冇影到相嘅😆唔夠7分鐘，兩碗熱辣辣嘅烏冬就出現咗係我哋眼前，個賣相好吸引，個糖心蛋個熟嘅程度啱啱好，我嗰個魚街湯底好惹味，又唔會太鹹，一百分！😃啲牛肉都好林，媽咪試過都話好食！

喺大門橫丁其實食過幾次野咁多次感覺都好好所以定時定候會返嚟再食本來以為食飯時間夜晚叫嘢食會等得耐啲所以叫早到嘅朋友嗌左先點知過咗5分鐘就上咗菜啦所以我一嚟到就有嘢食啦真係好🎉因為其實都趕時間所以唔可以坐低慢慢食於是就咁嗌咗兩個烏冬就算數但係其實佢Menu上面都好多選擇除咗烏冬仲有小食仲有啊各種烏冬都有唔同嘅湯底揀真係黎幾多次都可以食唔同嘅嘢最鍾意呢一樣野👍🏻👍🏻👍🏻👍🏻因為之前其實食過其他湯底始終覺得魚介湯底係冇得彈啊個湯夠晒濃同啲烏冬夾埋一齊非常之夾原因係烏冬其實冇乜味加埋個魚介湯調一調味🤤咁我就叫咗豬軟骨啦朋友呢就叫咗牛肉我覺得佢啲烏冬軟硬度十分之適中因為其實我好怕啲烏冬太稔食落口一劈劈但係呢個唔會再加上佢啲豬軟骨煮得夠淋一放入口就會識得自己溶化🤩不得了😛其實我覺得佢份量係有啲大嘅因為除咗烏冬之外配料都夠晒多半隻蛋日本魚蛋仲要有荷蘭豆加埋啲豬軟骨夠晒大嚿其實食完好飽😗所以我覺得自己唔嗌小食係明智嘅選擇😂非常之推介大門橫丁啊

每次經過都好想食因爲太多人既關係，所以我選擇左比較少人先去食😂令我一試難忘🤩叫咗個辛辣沙嗲牛肉烏冬，真心好好食，湯底好濃郁但烏冬有啲少，整體來講我好滿意👍豚肉烏冬都不錯！