大鍋口海鮮火鍋店

营业中

休息中

任飲任食火鍋放題真係會食到會飽抱住個肚走🤣這家有好多款湯底提供,我們選佐最經典嘅沙嗲湯底,湯底很香濃,,也可以加$48換鴛鴦鍋底🫕每枱附送一碟靚肥牛,肥牛色澤紅潤,厚薄適中,肉質綿滑嫩口不韌,涮幾秒就可以食😋數拾款火鍋配料任點任食,食物都好新鮮不是冰很久那種,還有很多不同的海鮮....🫕海鮮類:、海蝦、白鱔片、脆骨腩,海蝦鮮甜彈牙、白鱔片、脆骨腩夠爽口🫕黑豚肉片油脂分佈均勻,肉味濃郁且肉質細緻。🫕黑松露水餃,好吃,好足料...🫕肉類: 肥牛肉、新鮮滑牛肉、牛柏葉等🫕炸物類: 炸魚皮、響鈴卷、山根、炸魚片角等等🫕手工配料: 手工孖寶丸、手工墨魚滑、炙燒芝士丸,芝士腸、手工黑松露餃......蔬菜類: 豆腐、山根、 鮮淮山、粟米、萵筍、通菜、菜苗等可以選擇自助飲品有汽水,韓國飲品,烏龍茶,及竹庶茅根水....🍦設有自助區雪糕機,雪糕都係任食架,雲呢拿、蜜瓜味雪糕又滑又甜,兩樣都好好味!真係不得不試嘅自制雪糕🍦👍👍我哋食佐2轉,好滿足😋餐廳明亮寬敞,價格相宜又多選擇,真係好啱一班朋友圍爐烚下烚下🫕吹下水💦

這間火鍋店感覺平民及舒服，最適合一班朋友聚會。我們平日晚上時間入座， $228一位，任食兩小時，如果想任飲啤酒及任食和牛，亦有另外的價錢選擇。湯底選擇了胡椒豬肚湯，開始的時候，湯底的味道不算很濃，但越煲越入味。而火鍋料方面，選擇非常多，不過牛肉需要另外收費。但打邊爐怎可以沒有肥牛呢？所以我們便點了一道肥牛，幸好沒有失望，肥牛的肉質是入口即溶。牛丸亦很juicy，一咬開便爆汁，想不到丸類也這麼高質。而最近在減肥的我，點了很多魚肉，很欣賞脆肉鯇魚片，小骨但啖啖肉。飲品方面，確實令我有驚喜，因為可以免費飲一渣渣鮮榨的竹蔗茅根😆。而且雪糕也可以任食，我們選了兩種味試，想不到那麼高質，因為平時火鍋店的雪糕很快便會用，但是這裏的雪藏功能很好。

今次係我第一次食呢間舖頭，價錢望落好似幾抵。入去坐嘅時候聽到隔離嗰台話佢哋食過依一間好好食，反而係同一座大廈其他嗰啲就冇咁出色。所以都有啲期待。佢可以食完雞煲再打邊爐！一餐兩味。 不過我今日已經食過雞，索性就直接打邊爐格面有盒紙巾，夠方便我哋揀咗個最保險嘅豬骨湯底，入邊有少少胡椒味&兩大舊豬骨上湯底嘅速度都好快下抵讚呢個價錢嚟講食物嘅種類都算係幾唔錯飲品都夠凍，同埋都有啲無糖嘅選擇牛都幾好，有牛味黑豚肉幾唔錯，淥完唔會柴，食左好多魚皮好脆，就咁食都好食蝦真心新鮮，係可以淥完之後尾個三截殼一次扯出黎！韭菜餃都值得食 皮簿餡多。味道調得唔錯整體來講食物質素好新鮮 每樣食物都比預期的好食 同埋一定要留肚食雪糕

大鍋口，想當年在荃灣時已經有幫襯過。抵食的火鍋放題。火鍋放題湯底大部份湯底是免費的。雞煲任食。食完可以再Refill。雞煲味道普通。但是可以接受的。有一碟靚的牛肉是送的。味道不錯。不會太靭。有牛味。呢張點菜單裏邊的，全部都是任叫。每碟份量不算多。不過是任叫冇乜所謂。最基本的有牛豬雞蔬菜海鮮丸類等等。款式算多。魚同蝦都爽口，鱔都好食飲品有罐裝飲品同竹蔗茅根。仲有自助軟雪糕，味道就好一般。總結:人均二百多元。以咁的價錢來說，食品質素算是很正常，已比我心中預期高。而且飲品任飲。

今晚收工後, 朋友提議想吃火鍋, 便去了佐敦附近的這一間火銅任食放提店.見到食物款式非常多.好多選擇.首先餐廳會提供雞煲.雞煲好香口, 雞件多, 有少少辣, 好惹味.吃完雞煲後, 就開始吃火鍋了.因為我不太吃辣, 但我朋友很喜歡吃辣.而我是不太吃辣的, 所以我們選了鴛鴦火鍋湯 ($48), 一邊是椰子滑雞湯底, 而另一邊則選了四川麻辣湯底.椰子滑雞湯底好香濃, 好好飲. 入面又有雞塊食, 唔錯. 牛肉:  非常鮮味, 牛的質素好高.好滑, 肉味都重. 打邊爐最重要的果然是牛, 而呢間火鍋店的牛我覺得係的確係好食的.墨魚滑, 蝦滑: 如果說肥牛是主角的話, 那配角我一定會選墨魚滑和蝦滑. 這裡的墨魚滑和蝦滑都非常彈牙, 很有咬口, 不錯.黑豚肉片: 黑豚肉片都幾香滑, 肉質幾好.炸魚皮:脆脆地好有咬口.粟米和蘿蔔: 好鮮甜好好食.灸燒芝心丸: 入面好多芝士流心, 吃的時候要小心, 入面d芝士會多到爆出來.蟹粉包心丸: 蟹粉都幾鮮甜, 不錯.唐生菜& 娃娃菜: 打邊爐我總習慣叫點菜. 這兩款菜我覺得是不錯的選擇.

好耐都無食大窩口任食兩小時火鍋雞煲放題，材料同質素仍然維持。佐敦店整體面積幾大，早啲六點半嚟都有位。飲品選擇以罐裝飲品為主，亦有唔少茶類同汽水選擇。湯底係川芎夭麻魚頭湯湯底，一大個大頭魚魚頭同配菜作為湯底。味道唔會過於濃郁，魚味好香，清清地，融入火鍋食材，互相出味，啱哂我地口味清淡又食湯底人士。火鍋會送一份薄切牛肉，賣相唔錯。牛肉味較突出 大小、口感適中 一整碟亦好足夠。另外滑牛肉亦好嫩滑，口感有彈性，有咬口得嚟又唔會太韌。墨魚同蝦滑亦彈牙，唔會好淋同有腥味。自家製韮菜餃嘅外皮順滑，內餡軟熟。麻辣鴨血麻辣味好香好惹味，口感爽口，味道一流。最後整返杯雲尼拿軟雪糕，toppings只有四種選擇 選擇唔算豐富，不過就過下口癮。

今日男友表示超肚餓，我又咁啱火鍋癮起，於是就響OpenRice search到呢間餐廳，又近男朋友收工之餘我去都近，位置一流，所以二話不說決定試吓~ 我哋閑日六點幾七點一上到去已經有唔少人響門口等緊，可見呢間餐廳真係好受歡迎我哋食到八點幾臨走嘅時候已經全場滿座咁滯~ 一入到去我哋當然先叫鍋底，估唔到而家有任食雞煲送，所以我地開始打邊爐之前都食飽咗一半啦~ 二百幾蚊又有雞煲又有火鍋真係抵到爛~ 火鍋湯底方面我哋叫咗椰子雞同埋麻辣，本身以為價錢咁平，湯底味道都應該好一般，估唔到湯底比想像中香濃有驚喜餐廳仲送咗一碟打卡同味道都一流嘅牛肉俾我地，之後我哋自己任叫嘅牛肉質素都唔錯，所以餐廳性價比真係超高，岩哂一大班人聚餐

朋友返香港一齊食飯，決定食中學好中意去既大鍋口，宜家好似得返一間。本身都驚大耐無食會跌watt,但野食都新鮮，埋單500幾兩個人。食到雞煲打邊爐，野飲都任飲。一上台放既牛肉，肉質唔鞋，肉同油贈比例平均。一上台我地叫咗個雞煲，原來食完可以轉埋pot直落打邊爐🍲雞件都滑，肉質唔差，重點個雞煲幾惹味。打邊爐海鮮肉都有色水，重點有出面好有少既鵝腸。鵝腸好爽脆！個串串蝦都肉質新鮮彈牙，好有蝦味，出奇地好味🤤另外滑牛都出奇地出色，落咗湯之後都唔會散開。食落肉質既香仲有，忍唔住encore。仲飲咗竹蔗茅根，打邊爐可以下下火。原來仲有雪糕自己吱，牛奶味幾濃。Overall叫咗醉雞個湯底雖然唔算好濃酒味個種，但200幾價錢，任食食材新鮮，野飲任飲，同埋有雪糕食，大家都食得好盡興～

-大鍋口海鮮火鍋店-@佐敦.超級抵食的任食火鍋店。餐廳面積很大，座位好寬落，坐得好舒服。除左基本的價錢外，仲可以加錢升級和牛任食和啤酒任飲。.一坐低，店員便會將調味料送來，同時大概講一下如何落單及飲品位置。.免費湯底有超過10款選擇，我哋選擇咗胡椒豬肚湯。湯底的配料都蠻多，有滿滿的豬肚，咬落好軟嫩，一點也不韌。湯底超濃郁胡椒味，帶點辣很是開胃。.食品款式好多，值得一讚係哩度上菜同收碟的速度好快，而且每個配料份量唔會太多，讓我們可以選擇更多款式的配料。.先來一點手切肥牛，肉質不錯，輕輕淥10秒已經食得。滑牛肉也可以一試，牛味比較濃。.牛筋腩都很值得一試，牛筋超大件，好軟身，啖啖骨膠原口感。.個人很喜歡白鱔片和脆鯇魚雲，點了2次。白鱔片好爽口，而魚雲都新鮮，滿滿超滑溜魚皮。.雞子好飽滿，一點都唔腥。.另一推介是各式手打丸/滑，用了新鮮，咬落大牙。還有一般很少看到的雞軟骨滑，彈牙雞丸，加上爽口的雞軟骨口感，非常好食。.蔬菜的款式都好多。.飲品選擇很多，連竹蔗茅根水都有。.還有自助雪糕機，可惜我們都食得太飽，再也食不下了。.

每枱必叫的雞煲，是以啖啖肉的鮮雞入饌，配以店主自家製的麻辣醬烹煮，並用上芫茜、紫洋蔥、蒜頭、蔥、辣椒等香料炒至香味撲鼻，濃稠醬汁帶點麻香、少微辣，每件雞件亦都嫩滑濃香，辣度更可選大中小辣；歎完雞煲，可加入熬製了多小時的豬骨湯來打邊爐，又是另一番風味！某啲食材自己夾，普通急凍鋪賣嘅丸類，牛柏葉，水魷，豬腸，牛肚都有。另外豆製品，蕃茄蘿蔔粟米，菜都有幾款選擇，全部都有得食。如果唔夠飽，有出前一丁烏冬自己落單。其他肉類，例如肥牛，牛腱，滑雞，羊片，同埋其他海鮮，就係用紙自己tick，其中比較有驚喜嘅係:白鱔片，脆鯇魚骨腩，有魚油香😋呢個價錢有，仲有蝦😂羊肉片，響聆，黑豚肉，肥牛肉，水餃，雲吞，韭菜餃，午餐肉，豆腐…仲有我朋友鐘意既雞件。食物方面，肉既話我自己覺得普普通通，但海鮮反而我又覺得唔差喎！可能見到呢個價錢，點知又比我想像中多嘢食喎！

佐敦呢度原來有間好抵食既雞煲火鍋放題就係莊士倫敦廣場既12樓 （其實就係地鐵站D出口既對面馬路) 好方便😆👍🏻係樓下被價錢牌吸引我上去， 基本上價錢係成人$238（假期），兩個人去食係523for2ppl 🫶🏻 聽講老人家滿65歲好似仲會有折🙃地方夠大，好岩一大班人聚會 (Fd/family🙈)接近七點半 好多位都坐滿，所以想食可以打電話book 定枱😆坐低之後會先上雞煲 食完就會問你簡咩湯底！食雞煲嗰陣，我好快已經填咗張紙叫咗個豬潤！原來雞煲炒豬潤都幾好食！好香！火鍋方面，我最後揀咗單鍋， 胡椒豬湯底！湯底濃郁，仲有得贈送牛肉😆 跟住你就可以自己揀配料，款式多，一定岩你食！飲品同甜品都係自助，佢除左有普通汽水茶之外，仲有得拎成樽竹蔗茅根，正！😜甜品就係普通雪糕，打完邊爐食就滿足晒🤫

好耐都無去過港式火鍋店今次就同朋友黎到大鍋口回味下港式火鍋店唔似日式咁 用牛肉級數黎分價錢呢度係用時段黎分 不不過 香港人對牛肉質素要求愈黎愈高 呢度都有得揀和牛放題一坐底 枱面已有齊晒撈豉油用嘅蔥蒜辣椒唔駛行出行入湯底有12款 仲可以揀食埋雞煲 由最簡單嘅沙嗲湯/麻辣湯底 去到 川弓天麻魚頭湯/鯊魚骨猴頭菇湯 都有比起日式湯 我更愛港式湯有少少湯料煲都出晒味今次就叫左椰子雞煲有幾件雞件 湯底都飲到椰子水味配料有肉/海鮮/菜/丸 過百款選擇豬牛羊雞 唔同部位 甚至乎手打丸/滑 都有菜同菇都有十幾款選擇呢度主要都係寫紙仔落單而上菜速度都好快 無漏單情況出現先講下和牛定食擺盤勁靚 仲要有埋乾冰噴煙和牛花紋靚 咬落好淋亦有啖啖嘅肉味一碟有10塊以上再黎就係火鍋配料魚皮夠脆無油益味鱔片切得夠薄 唔會食到骨雞軟骨滑 咬到一粒粒嘅碎軟骨 口感幾得意墨魚滑有墨魚粒 真材實料手打鯪魚肉丸 加左少少果皮 食落無咁寡 有少少陳皮魚旦咁嘅味蝦滑 彈牙有蝦味肥牛 估唔到任食嘅質素 都幾好 油花幾靚 唔似普通得肥膏嘅肥牛 咬落都淋有肉味海蝦 都算大隻 蝦肉唔霉 自家製韭菜餃 好豐富嘅韭菜 比例大概8份菜2份豬肉

今日因打風，多左日假，但就悶左1日係屋企。朋友提議去佐敦食呢間高質打邊爐。佢話湯底靚，食材又新鮮，最啱一打完風就出街搵野食。坐底朋友就去攞左支竹蔗水飲。真係超清爽，個人即刻冇咁熱。我地簡左椰子滑雞湯底，黎到真係好白好靚湯底，仲要好香椰子味，而且都幾多雞件，哈，可以當多個餸tim，而且個湯都幾好飲。雪花園牛好靚，擺盤靚不特止，仲要好大塊，淥完又唔會縮得好細，肥肉適中，真係好靚。每樣餸都唔會一次上太多，唔怕人嘥野，食過好食再叫。脆肉鯇同手切鮮牛都好正。魚夠爽脆，鮮牛又嫩滑，真係一啲筋都冇，好香肉味。而羊肉都好新鮮好有羊味。而最正連菜都係新鮮既鮮甜，仲洗得好乾淨，真係好難得。唔怪之朋友介紹一定要黎食。仲話好彩今日打風先唔洗訂位，平時係要訂先有得食，因太多人。所以今日真係食得好開心。

今晚約朋友食火鍋，旨在大家好耐無見約出來聚聚，所以沒有揀出名又貴的餐廳，反而來到佐敦呢間比較平民少少的大鍋口海鮮火鍋店，任飲任食埋單加一都只是兩百幾蚊一個人，真係抵食嘅。想食再好一點的，都有海鮮加和牛，或者升級極黑和牛加安格斯極品肥牛任食俾大家揀。餐廳而積其實都幾大，檯與檯之間位置寬闊，我和朋友二人就坐卡座，職員見我們坐低就已經將調味盤拎過來，簡單告知自取飲料位置及介紹了點餐程序之類，服務都算快又貼心。其實湯底方面有好多選擇，因為已經常常食麻辣鍋，所以今次想揀清清地的椰子滑雞湯底，椰子味不算太濃，不過湯頭入口係清甜的，雞件都算大件。肉類方面手，手切肥牛、黑豚肉片、羊肉片和醉雞件當然一定要叫，手切肥牛一碟都算大碟，放入滾湯中輕輕一灼，入口有牛味，肉質鮮嫩；黑豚肉脂肪分佈均衡，羊肉片就有少少羊羶味不過可以接受。由於是按人數安排食材，可能每樣都填1，鍾意食才再下次落單。魚類種類非常多，有脆鯇魚腩、魚片、白鱔片、魚雲等都好食，可能因為的比較鍾意食魚。手打滑同丸類亦唔錯，不過最好味的我覺得是雞骨丸，好彈口，還有黑松露水餃，既大粒咬落又爽口。其他配料類響鈴、油炸鬼、鵝腸、豬潤及菜類等都正正常常，總

突然間好口痕，想打邊爐，咁同一朋友傾開大家都有咁嘅打算，於是就一拍即合，跟手就來到莊士敦廣場12樓嘅大窩口海鮮火鍋打邊爐，對唔住成日噏錯咗，係"大鍋口" 唔係"大窩口" 全名係“大鍋口海鮮火鍋店”。有多種湯底可揀，我哋揀咗比較少有嘅“川芎天麻魚頭湯底“，內有川芎，天麻，薑片仲有半邊魚頭 。順帶一提，呢度9點前入座每位228，任食任飲2小時，假期，假前每位加10蚊，好合理。一嚟到就送一碟牛肉，跟住就剔纸仔揀咗海鮮類嘅生猛海蝦，白鱔片，脆鯇魚腩，脆鯇魚片，墨魚滑，帆立貝，九肚魚，水魷魚，吊桶仔，全部都好新鮮，尤其海蝦，吊桶仔，之後嗌多咗幾轉。食肉獸嘅朋友就嗌呢爽滑豬肚，爽脆豬潤，鵝腸，豬頸肉，羊肉片，黑豚肉片，當中羊肉片幾有羊味，唔錯；跟住再嗌埋大家都重鍾嘅木耳， 炙燒芝心丸，麻辣鴨血，韓國年糕，茶樹菇，鮮淮山，唐生菜，油麥菜和一口魚腐，吃到飽飽返歸。