大鍋口海鮮火鍋店

营业中

休息中

呢間餐廳喺佐敦出名抵食，今日終於約到朋友過嚟！今次朋友同我就叫咗麻辣雞煲！雞嘅份量好多！而且一啲都唔鞋！啲雞切得幾大嚿之餘，仲冇碎骨！雖然呢度嘅麻辣雞係無限添加！但係當然要留返個肚去打邊爐啦！我哋之後叫咗椰子滑雞湯底打邊爐手切肥牛好好彩嘅係雪花肥牛唔會肥都食唔到！感覺上肉類質地比其他任食嘅店舖更為高質！黑松露水餃唔係好多地方有得食！啲皮都幾薄！海鮮方面就有大海蝦！大海蝦超級新鮮同彈牙！打邊爐又點少得食丸呢？四寶丸都幾好食，唔會剩係得粉！飲品除咗自家製嘅竹蔗茅根水之外，都好多選擇仲有雪糕機！加埋啲芒果爆爆珠好正呢！呢度啲座位都幾闊落，仲有窗門位！兩個鐘頭飲食時間好鬆動！🤟🏻🤟🏻因為上菜好快！可以同朋友嚟吹吓水又唔怕太嘈聽唔到朋友講咩！