大興餐廳 (第尾牛扒)

营业中

休息中

有朋友做緊生酮飲食，突然話想去食扒，試過第尾話幾唔錯，所以就跟左去試下，基本上係好似茶餐廳咁，晚餐都有焗飯個啲，不過大部分人黎得都係食扒！先講前茶，餐包加湯，有得揀紅/白湯，我揀左白湯，好濃郁，味道唔錯，點埋個包落湯到都好笑👍扒餐我揀左肉眼，三成熟，汁方面有得揀黑椒/蒜蓉，塊扒份量都幾大，而且有返咁上下厚度，味道算可以，不過略嫌比較多根，有啲位切唔到又咬唔到，而且食落明顯有醃過下，不過計埋加一都係一百鬆啲，如果想食平價扒，絕對可以接受👍

難得今日早收工，出咗旺角行吓街，天氣開始凍，老公叫我唔好煮飯廢事我濕手濕腳，行吓行吓行到去第尾，不如直接上去鋸扒，反正好耐無食過老公鍾意食肉眼黑椒汁，我就鍾意食西冷蒜蓉汁，一人叫一份鐵板晚餐，為免食到最後太熟，所以都係order 3成熟好了先上餐包餐湯 一紅一白， 紅湯牛味濃，飲極唔厭到主菜 鐵板滋滋聲香噴噴， 薯菜墊底所以唔會好快熟透，肉眼嫩滑多汁，西冷肉紋清晰有咬口，雖然只係晚餐，但仍然保持到水準，值得回味再嘗， 如果有埋懷舊啫喱仔甜品就好了

今日約左frd去食飯 其中一個frd遲黎 咁我地嗌左先 我中意飲白湯所以嗌左白湯 唔知係幸運定不幸 因為白色起碼易睇到有污穢嘢 飲左幾啖之後 突然見到有隻black object 嗰下真係即時嗌左出黎 食左咁多年嘢 真係第一次見 仲污糟過第三世界 我再睇清楚啲confirm左然後影埋相 即時揾佢地算賬 不過佢地啲人唔係詐傻扮懵就好寸 想到今次獨一無二嘅食飯之旅 我決定寫篇文嚟慰藉下自己

📍 大興餐廳 (第尾牛扒)第尾牛扒，呢個名真係好搞笑😆，不過講起佢嘅扒我覺得佢係no.1🤤，雖然佢嘅格局好似花園餐廳，不過佢好味過花園餐廳同埋乾淨過花園餐廳😚我同男朋友一如既往地嗌嗰個神戶牛柳餐$135/1，包左餐包、餐湯、嘢飲、沙律👍🏻，其實都算幾抵食，我哋嗌左三成🙈牛柳上到枱嘅時候，超級香😍，切開當然仲係粉紅色❤️佢嘅羅宋湯真係數一數二好味😋，仲有好多湯渣勁多紅蘿蔔我最鍾意😋😋😋，除此之外佢嘅薯條都炸得脆卜卜😆勁爆好味🤤佢嘅牛柳非常嫩滑，大家有興趣都可以去試吓😍評分時間❣️ (最多五顆星，如不推薦會打交叉）食物質素⭐️⭐️⭐️⭐️環境⭐️⭐️服務質素⭐️⭐️價錢💸:埋單$297餐廳資料📋: 大興餐廳 (第尾牛扒)🕌地址: 太子西洋菜南街218-220號1樓☎️電話: 23803938 想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

這間餐廳已經之前食過幾次,員工服務平時都ok,但今日可能午餐時間太忙啦！員工有點煩躁，希望下次來唔好咁煩躁啦，今日唔叫鐵板了，每一次都係鐵板上,今日嘗試下唔要鐵板，要碟上因為怕太熟，首先叫羅宋湯同埋牛尾湯,第一次飲這間牛尾湯聽說很出名,飲落去都比較濃郁，幾好飲，可以一試,麵包熱辣辣好軟熟幾好味叫左兩個T骨牛扒餐,份量好多,有一塊大同細牛扒,總共有兩塊,牛扒超大塊都幾淋,對於我黎講好易入口,最後都有一杯餐飲,成個套餐都係百幾蚊

喺旺角行完街，就諗起附近有好多地道啲嘅牛扒屋，見到第尾牛扒個招牌，好想入去試吓。我成日喺論壇見到人哋講呢度係香港嘅平民地道扒房，不過呢間我就未食過。上到去果然好舊，我叫咗個肉眼扒餐、白湯、熱檸水，個餐來得好快，個餐包搽咗牛油都幾好味，粟米忌廉湯都好夠雞粉味，牛扒我叫咗五成熟配燒汁，個汁味道都唔錯，但薯菜得雜菜粒，好彩重有兩粒車厘茄，牛扒同我喺街市買嗰啲急凍平嘢差唔多，只係發大左！埋單$110。雖然對此冇乜期望，不過回想細時食嗰啲牛扒質素，真係比而家果啲好好多，起碼牛扒唔係發過，有牛肉嘅味道。而家以呢個價錢食牛扒只可以回味走嗰陣時見到重有人排隊等位！

第一次係下午茶時段黎第尾牛扒食, 原來都唔少人, 價錢仲比平常餐牌抵食, 咁當然, 唔一定有平時想食既野啦, 但都好吸引既.防疫措施做得好好, 我地入座後, 就接二連三越黎越多人入座.哩度既羅宋湯真係數一數二咁好味, 濃得黎帶少少辣味, 配菜亦索晒所有湯既味道, 所以都會係食晒佢既.但紅荳冰就有少少失望, 仲以為會好似茶餐廳咁, 已經倒走D冰, 不過味道都係淡左少少, 同埋紅荳唔算淋, 無荳蓉既感覺, 所以撈唔埋成杯冰.黎到扒房, 梗係要叫塊扒食下啦, 鐵板午餐係牛仔扒, 每次上枱, 都煙霧彌漫係佢既特色, 牛仔肉入面全熟得黎, 咬落去淋, 再加上蒜蓉汁, 兩種味混和一齊, 真係絕配. 波浪薯條雖然硬左少少, 但仍然出色. 最尾係飽到, 食唔晒D三色豆添.另外係叫左芝士焗吞拿魚天使麵, 比塊扒係遲上枱, 應該係即叫即焗, 因為撈開, 入面真係熱到非常. 個汁好特別, 唔係芝士汁黎, 只係係汁上面舖左層芝士, 勉強解釋, 應該係吞拿魚D汁? 份量好多, 每一啖天使麵都可以食倒吞拿魚同汁, 但最有特色既係, 佢加左青椒入去, 唔知係因為想顏色豐富D, 定係同吞拿魚真係夾呢, 因為食落去,

第一次去！環境一般，價錢都可以，百零蚊都有好幾款扒選擇！不過以為個牛尾湯係皇牌野，諗住有驚喜！點知好失望，杰撻撻，味道一般！雜果賓治無乜味道！而且所有員工都無乜禮貌！又惡死

大興餐廳 (第尾牛扒)一個人既浪漫升級,一條友走去食鐵板牛扒呢間叫第尾牛扒,個名幾有趣,係金魚街附近係個種應該好舊式既豉油西餐日頭定夜晚有鐵板食,今日食鐵板什扒餐,包麵包,紅湯價錢又唔貴,咪試下佢, $99另收加一 即係$110鐵板有牛扒,豬扒,火腿,煙肉,腸仔,可選燒汁或黑椒汁肉既份量係多既,食落就普通,靠個汁救全家,飯另上,份量係抵食既要講返佢個紅湯,佢個湯夠辣又夠濃,飲完好暖胃,料又足,比起一般既好飲得多平均消費$100評分7/10太子西洋菜南街218-220號1樓

試下太子呢一間第尾牛扒餐廳,到餐廳要等位,咁多人排隊諗住有排等,點知好快就有枱,入到餐廳嘅感覺比我諗起中學時候放lunch要食快餐的感覺🤣一坐低侍應即問我哋吃什麼,剛落了單,好快就拎咗個湯同餐包過嚟👍🏻超快速,講真99蚊set dinner價錢無諗過塊牛扒會特別出眾,點知有驚喜,拎到過嚟牛扒仲大過我塊面🤣係典型嘅中式西餐,真係諗起以前🥲好懷舊~ps 侍應年齡都有番咁上下,非常之專業,值得尊重👍🏻💪🏻

每隔一段日子或每逢出旺角逛街，我和老婆大人總愛來這間牛扒餐廳懷舊一番。記憶中可能有廿年了，想當年，第尾牛扒在旺角有舖架！午餐真係大份夾好食，每次例必叫鐵板牛扒餐。今日來到太子店，三兩個老伙記仍未退休，依然穿著白裇衫打黑煲𧘹，不過近年已加入女侍應了。座位和環境裝修依然懷舊，加了幾分殘舊了。一坐低，侍應即時問你飲咩湯，熟客當然不用問攞餐牌，也不用好奇乜吾使先睇餐牌咩？我也純熟地叫「紅湯」，即係羅宋湯。湯依舊濃郁多料又帶少少辣味。當食客喝完湯，侍應便熟手地收碟，接下來便送上招牌「鐵板牛扒」，午餐不會問你幾成熟的，估計是7-8成熟啦！肉眼扒很嫰少筋，配合薯條雜菜蕃茄。當你細心留意承托鐵板的木盤，殘到不堪，或者「它」引證了20年的歲月啊！通常食評到此為止，但我想分享現在的第尾與10多20年前有乜分別。紅湯和牛扒質素保持，性價比仍高。可惜可能是將價就貨啦！以前午餐鋸扒，餐湯會跟餐包，好新鮮軟熟架！牛扒餐會問你跟飯或意粉或薯菜，依家就只跟薯菜。以前單尾還有雪糕一球或啫喱，最後才上餐飲，依家冇雪糕冇啫喱了。對我這類老街坊熟客來說，整個餐少了餐包和甜品，不單止吃少了，更重要是牛扒餐的全套感情嘛！如果你係

最近經常想食牛扒，高級地方一塊都動輒二三百蚊以上，所以今日黎有名的港式扒房-第尾牛扒。太子店的第尾跟花園很相近，要小心不要去錯。走上樓梯，一樓便是第尾，今日黎到七點左右，店內暫時不用排隊，輕鬆入去。店員姐姐駕輕就熟，很快便安排位置、拿熱水，並在旁走動等我地落單。叫左牛仔扒（黑椒汁） 7成熟、肉眼扒（黑椒汁）7成熟。一紅一白湯。送餐速度好快，除底口罩，整下搓手液，餐包已經到🥢 餐包唔熱、並不鬆軟、形象像磨菇幾可愛、味道無乜特別，唔太驚訝，我鍾意浸湯所以就浸返軟食。🥢羅宋湯好鍾意呢碗羅宋，蕃茄夠酸，食落夠辣，酸辣超開胃，忍唔住清到好乾淨。雜菜都好夠份量。🥢粟米忌廉湯唔算好鹹但係都會飲到忌廉同埋粟米味，粟米份量都唔少，口感唔算好creamy，但未至於稀水。🥢肉眼扒熟嘅程度剛剛好，咬落去都好鬆軟，肥瘦都均等，都有一定厚度，有少少根但唔算多，肉味就一定唔會好濃，被黑椒味搶晒，呢種口感正正就係港式牛扒。🥢牛仔扒友人最鍾意食瘦部位，牛仔扒較薄身，食落較乾身。亦無乜根位。🥢汁純粹係黑椒汁，無加額外配料。青豆粟米蘿蔔粒，相信好多人未必鍾意食，但我就好鍾意，當日嘅粟米烤得過咗火有啲焦，但配埋黑椒汁就好好味

煙霧瀰漫=浪漫？（我唔知係咪）第尾=香港原味道應該沒有錯通常嚟開旺角都係食吓茶記，或者極速掃街，然後繼續shopping但自從去過一次第尾，番唔倒轉頭紅湯（羅宋湯）-表現出甜酸辣 ，喚醒味蕾（有豐富雜菜、牛骨肉、蕃茄、紅蘿蔔、青紅椒..）餐包仔-相信係嘉x牌，細細個軟軟的，bite size多D得嚟又有口感，令人食慾大振。壓軸主角係熱㷫㷫鐵扒牛扒。。。今晚有五成西冷，還有三成肉眼。西冷-焦香牛扒味較濃香，真五成熟，唔韌肉眼-口感豐厚，極啱鍾意大大啖咬落去嘅朋友，油脂感豐富當然，波浪薯條係童年回憶，++++分唔少餐飲叫咗…凍檸Tea & 熱齋啡 ，好味嘅今晚全場滿座，有老朋友，有大朋友，有小朋友，希望呢份回憶嘅味度，可以繼續傳承落去，為香港原味道加油！

職員勤力有禮，環境有氣粉，食物大份好食，會再次光顧，職員勤力有禮，環境有氣粉，食物大份好食，會再次光顧，職員勤力有禮，環境有氣粉，食物大份好食，會再次光顧，職員勤力有禮，環境有氣粉，食物大份好食，會再次光顧，

突然心血來潮好想飲羅宋湯, 第一時間就諗起第尾啦, 之前都嚟過好多次㗎啦 不過都唔係好記得個宋湯咩味了,見佢個午餐-肉眼扒餐$67蚊已經有羅宋湯同埋餐飲, 果然冇令我失望羅宋湯真係超好味好夠濃, 真係想連個碗都飲埋, 凍檸茶啲茶味又好夠茶味好正! 好啦到主角啦- 肉眼扒, 我叫五成上, 真係啱啱好唔會過熟又唔會過生, 啲味道都幾好又夠大份$67蚊又唔加一真係抵到爛。 美中不足係午餐冇個餐包囉如果有埋個餐包就perfect啊最鍾意呢啲懷舊扒房,會有好多細個童年嘅回憶, 食完好開心