大興餐廳 (第尾牛扒)

营业中

休息中

呢間餐廳每次都要好早去,如果唔係就會排隊排到落樓梯...所以今次我都係5點鬆D到!!味道就唔係話真係好好!!但係食果種係兒時回憶以前仲係小朋友果陣要生日先會食到鐵板餐!!咁我同肥妹仔都係食左個一樣既餐,鐵板帶子鑊仔柳, 味道都唔錯, 熱辣辣!!我果份五成熟, 塊扒軟淋淋, 入口溶化,不過就無乜牛味, 不過都係以料之內帶子就好似烚完擺上去...整體黎講, 間唔中一試都係可以!!

相約朋友到太子附近吃午飯，第一時間當然想到傳統港式扒房「第尾牛扒」！還記得晚餐吃鐵板要大概百多元，但午餐吃鐵板就非常便宜。一看餐牌，果然沒有想錯，是日午餐有四款選擇，還有鐵板牛仔扒選擇🤤朋友叫了一個粟米焗豬扒火腿飯：非常高質，焗飯用炒飯底，粒粒分明，有炒飯香，粟米汁味道適中，配搭非常好。我叫了一個鐵板牛仔扒：保持非常高的水準，由水吧出餐，已經聽到熟悉的渣渣聲，已經淋好黑椒汁的鐵板牛仔扒，非常有鑊氣，味道非常足夠，肉質很嫩，配搭少少薯條，以及雜豆，有懷舊風味超級大滿足

食到又病 又頭暈頭痛又嘔🤢🤢🤢😷請原諒我要po一po先。肺炎一好少少，去咗身邊人介紹嘅第尾牛扒..本來好鐘意食，因為第一次我食冇想像中咁差，牛扒咁臨，羅生宋湯咁入味，辣度啱啱好，價錢唔錯，態度唔算差，可以再諗下次去再食，到餐廳嗌左個西冷牛扒，$99印象中..牛扒兩個人食全部有根！薯條唔脆，豆粒粟米粒部份少少燶晒，唔緊要，仲食得！個羅宋湯比第一次辣咗好多！差咗好多？最嚴重一樣嘢到我琴日食完之後大約一陣間，半個鐘頭係旺角新之城出現嚴重頭痛，頭暈，已經頂唔順，搭巴士返屋企已經想嘔，忍住忍住，唔想出面有人會介意同呢個肺炎時期😭直至返到屋企沖完涼嘔咗，唔會po相啦，為免大家反胃我到而家一樣有頭暈眼花嘔就都想...

在旺角逛街，晚餐突然想吃鐵板据扒，於是上網找到了第尾牛扒。點完餐後，過了十秒便送上餐包和餐湯。（沒有誇張，真是十秒）餐包溫暖，我點了羅宋湯，用料十足，而且味道濃郁，絕不是淡而無味的羅宋湯。忌廉湯我覺得較普通。鐵板肉眼牛扒我叫了五成熟，蒜蓉汁。牛扒來到時已經預先淋上醬汁，少了在面前「咋」一聲的效果。牛扒底下墊住薯條，蕃茄和我最討厭的三色豆。而主角肉眼牛扒，熟度適中，肉質軟腍，尚算有口感，但肉味稍為遜色。不過$99+1有餐包餐湯牛扒連飲品來說，要求也不能太高。侍應方面有分下單和送餐。鄰桌在餐到後問送餐侍應：請問可唔可以落埋飲品？送餐侍應：唔可以，因為我冇時間啦～侍應語氣帶點幽默風趣，令氣氛場面都變得滑稽又搞笑，而同時馬上有下單侍應為鄰桌下單。我想，這大概就是港式据扒餐廳的另類「風味」吧！

只講服務不講質素，服務影響一切。態度極之差，呼呼喝喝。無論以前有幾好食都好，依家出現一個服務生令到我唔會再黎，一句達埋黎：縮開隻手！唔理個位服務員係老細也好打工仔也好，佢都冇佢為飲食服務業最基本嘅守則。如果比“第尾”招牌吸引黎食野既人，建議你地去番隔離鋪食"花X餐X"，食第尾就好似比錢買難受。如果唔介紹食飯食到好似欠左啲服務員既可以黎試下。好啦，總括而言服務真係非法建議大家黎試或者再幫襯！！！！非常之差！

餐廳：大興餐廳 (第尾牛扒) (太子)地區：旺角地址：太子西洋菜南街218-220號1樓日期：17/6/2020時間：18:45人數：4人等位：唔洗價錢：大約$100/位今日約左幾個舊同事食飯，以往都係打邊爐、放題、韓燒等等，因為疫情關係，唔太敢食放題/打邊爐果啲，所以就上OpenRice 搵下有咩好嘢食，見到呢間大興餐廳啲野食幾吸引，所以就簡左呢間收工去食晚餐。我地嗌左4個鐵板扒餐（2份雜扒、2份西冷牛扒），會各包餐包餐湯同餐飲（正常港式扒套餐），餐包同餐湯（白湯）係一般無話特別好食唔好食，但係佢個扒真係不得了，我自己果份係黑椒雜扒餐，一上餐見到勁大份勁香，有雞扒、豬扒、牛扒、煙肉、腸仔、薯條，肉嘅味道中規中矩，但我覺得佢個黑椒汁夠多夠濃，搭配啲扒真係好好食，仲要食到好飽，大份夾抵食，一個餐先$93-100左右，cp值非常高，不過見佢出面個招牌寫”品牌咖喱 老式焗飯” 下次有機會再試試！推推！👍🏻👍🏻👍🏻👍🏻

🧸今日樹熊約好左熊妹去旺角睇啲野，買完野🛍就緊係醫肚喇。📌樹熊好耐無据過扒🥩，熊妹一唸就唸到位於太子西洋菜南街成日經過但無食過的《第尾牛扒》。📌餐廳源遠流長，歷史悠久，隨著時代變遷，一格格卡位🛋，仍然原用著綠色格仔枱布，再配合柔和燈光💡，可見怖局依然充滿懷舊風味。📌晚餐🅰️至ℹ️餐，一份主食：据扒或者飯食，包餐包餐湯同餐飲，價錢$87-$107，免加一，都幾抵食。牛油餐包餐包就係普通餐包，微軟，加一盒盒裝牛油🧈，溶溶地滲出淡淡牛油味。餐湯-羅宋湯樹熊同熊妹都揀左紅湯-羅宋湯，因為樹熊忌奶，熊妹又鐘意食雜菜。嘩，好驚喜喎！蕃茄湯味濃，絕對唔係水稀稀的，雜菜料好足，一塊塊椰菜、紅蘿蔔、西芹、青椒大大件，啖啖都食到，最特別係味道偏辣少少，放左紅辣椒🌶️一齊煮，變得酸酸味味又帶點辣味，鐵板肉眼牛扒，$99📌樹熊一心想据扒，肉眼就最🈴適不過喇。要左7️⃣成熟，大路食法。都幾大一塊，有大半吋的厚度，7成肉質幾嫩，無血水，顏色依然粉嫩，怕生可以烘多一陣先食。配菜有雜豆、蕃茄片同薯條，其實食完塊扒，連大食樹熊都唔係好食得落呢堆執飽肚野。鐵板什扒，$99📌熊妹見樹熊揀左牛，無謂又揀牛變成得牛食，所以揀什扒，咩都有

睇到其他食評都有話呢間餐廳衛生 態度差 衛生就唔清楚 因當天去只覺好暗 舊式西餐廳 而服務可以話係無服務 叫我地入黎自己搵位 之後睇左陣就叫左2份肉眼鐵板 因睇過食評 好似都係話扒好食 而且自己都好耐無据扒了 短頭髮果位阿姨落單既 只問我地要咩汁 有黑椒同蒜蓉 揀左黑椒 2個白湯就走了 無問我地幾成熟 亦未講飲咩 以為係後叫 白湯係普通茶記既忌廉湯 之後上鐵板吱吱聲好夠熱 扒都好大塊 熟度都ok唔太生似7成 薯條硬硬地 都可以接受 之後口渴又叫了二杯凍檸茶 其中一杯小甜冰 阿姐上都有提點話邊杯係小甜冰 埋單係出去櫃枱埋既 $67x2=$134 凍飲無加錢 亦免加一 其實無收加一 無服務係可以接受 而且扒真係好好食又大塊 牛扒淋身 咁既價錢絕對值得一試

平時行過路過，都一直想試下呢間第尾牛扒，但每次上去都因為比較多人排隊而放棄食呢間，今日早收工，就諗住同女朋友一齊去試下，六點鐘多小小，上到去唔係太多人，入到去探完熱 到我坐底，啲樓面都好似啞左咁，雖然係無乜人，好多位姐，我問多句坐邊都唔答人。坐底見到本mean同張晚餐餐牌，就問下同一個名既西冷牛扒有咩分別，到底係份量多啲定係牛肉靚啲，問左第三次呀姐先好唔耐煩咁答我，結果我叫左mean貴小小但聲稱肉靚啲既西冷牛扒，三成熟跟牛尾湯同雜果賓治。牛尾湯: 無乜特別 都唔算難飲。餐包: 正常。雜果賓治: 正常。西冷牛扒: 三成熟牛扒 都做到三成熟，但太多根同無乜肉味，只有脂肪位置比較有油香味，肉既位置 如果我合埋眼食，會感受到快餐式西冷既味道，黑椒汁第一啖入口唔錯，配上炸定既薯條，佢個黑椒汁比起出面係Ok的，可惜愈食愈咸，可能第一啖肚餓。服務質素:可見員工係度做野係非常之唔開心，又唔係特別多客特別忙，點解個樣可以黑到咁，對每枱客人都係咁差既態度，呢間餐廳唔止要改善食物質素，最主要員工質素都要改善，我剛剛食完 咀都未抹，個呀姐就黎收走佢，仲用我枱面張全新紙巾黎抹枱，唔係咁趕時間掛。

今晚有事慶祝，但又唔想去花X餐廳，知道隔離有一間扒房未食過，價錢又好似平少少於是試一試。其實都唔使等好耐，不過你想坐卡位就要等一等，條隊都算去得快。環境算ok，燈光較黑暗。自已點了鐵板西冷牛扒，朋友就點了鐵板帶子鑊仔牛柳。先來了一個湯和餐包，湯都算足料。其他港式牛扒好興喺你面前淋汁上面，貪佢咋咋聲嗰種視覺享受。呢度你唔同侍應講分上，佢就幫你淋埋先出餐。黑椒汁慢慢滲入牛扒內，經高溫烤後，牛扒會更為焦香，每啖都有濃郁的牛香味，加上薯條香口，難怪那麼人排隊。整體嚟講咁樣嘅價錢畀對返嘅食物，值得再嚟。

今日嚟呢度食午餐,佢嘅鐵板真係平、靚、正,大大件好吸引。鐵板牛仔扒牛扒上枱時黑椒汁會另外上等你自己淋上去,熱辣辣,咋咋聲,仲香噴噴牛扒油脂分佈均勻,肉質鮮嫩伴碟嘅薯條炸得金黃,外脆內軟,拼在一起食真的好美味。

🤢 因為有朋友介紹，所以同男朋友去試吓首先服務態度一開始已經好差，後來睇食評至知原來呢度嘅服務態度一向都好差🤢 侍應攞凍檸水凍檸茶黎嘅時候隻手掂晒落去口杯，係呢個肺炎嘅嚴峻時期，真係見到都唔開胃🤢成間餐廳都好暗，總係覺得好似好污糟咁所以不期然望下個地下點知真係比我見到一隻識行識走嘅小強🤢我即刻叫咗其中一個男侍應嚟，佢幫我踩死左佢，之後就諗住走。我問可唔可以起碼幫我掃走佢，佢就叫咗另一個女侍應嚟，我同個女侍應講話有曱甴幫我掃走佢，個中年女士影仲大大聲串我話: "邊度有曱甴呀！" 之後佢好求其攞咗支地拖掃一掃，推咗隻曱甴入去入面🤢最後我全餐就同隻曱甴一齊食飯，雖然係細細隻，但係都代表左嗰度環境有幾污糟我特登用相機影低左隻曱甴，費時佢哋又話我屈佢🤢牛扒係唔太差嘅，但係我以後都唔會再嚟囉如果你哋想同曱甴一齊食飯就去試吓啦

第3次黎食，以為會有改善，服務態度越來越差，員工非常無禮貌，有一個員工行過黎擺低個扒，問邊位既？我話呢位既，自己聽唔到之後啤住人！望落去，好多員工都係做左好多年，但服務態度依然不變，個個都好似得罪佢地咁！好遺憾，食物質素越來越差，3成熟都好似7成咁飲品又沖定擺係到，黎到啲冰溶晒，淡晒！呼籲勿叫凍檸茶，好難飲！服務質素一次比一次低，不會再黎！

正處於極度負面情緒既環境下，好想出街行吓。一出街就被鏟到上天花板，點好呢🤔😏只有一個藉口， 就係去食飯🤫出街食飯咁鄟戈選擇， 揀咩好呢？又要慳錢，又想浪漫🌹吓⋯⋯中西日韓泰意⋯⋯🙄諗到頭都暈🤯🤨:有得俾你去街都仲要咁煩，唔好咁貪心得唔得呀？😔：唉！咁我哋去鋸扒啦！一人一個餐： 湯既選擇都幾另類：紅湯/牛湯餐包（兒時回憶返晒黎）超巨型既扒： 好大食既我都食唔晒呀😂最正係 - 唔會比啲汁浸到啲薯條淋晒 （🙅🏼‍♀️不一樣🍟）

第尾牛扒係好岀名的舖頭，位置係太子站一岀就到，所以都好方便！👍🏻晚市都要等位，但一行4人等卡位都唔耐。帶子西冷牛扒🐮質素唔錯！份量足，五成熟拿揑得唔錯～焗芝士龍利柳飯🐟超失望。首先明明係焗飯，但又變左碟頭飯的樣上。🤦🏻‍♀️然後以為有炒飯底，點知只係白飯......仲要係唔夠汁！龍利柳本身又冇咩味。結果成個飯都唔好食😩所以餐廳扒的質素應該okay, 不過其他就真係不了。😔總消費：一個餐約$120環境：★ ★ ★ ☆ ☆食物：★ ★ ★ ☆ ☆服務：★ ★ ★ ☆ ☆性價比：★ ★ ★ ☆ ☆