大興餐廳 (第尾牛扒)

营业中

休息中

煙霧瀰漫=浪漫？（我唔知係咪）第尾=香港原味道應該沒有錯通常嚟開旺角都係食吓茶記，或者極速掃街，然後繼續shopping但自從去過一次第尾，番唔倒轉頭紅湯（羅宋湯）-表現出甜酸辣 ，喚醒味蕾（有豐富雜菜、牛骨肉、蕃茄、紅蘿蔔、青紅椒..）餐包仔-相信係嘉x牌，細細個軟軟的，bite size多D得嚟又有口感，令人食慾大振。壓軸主角係熱㷫㷫鐵扒牛扒。。。今晚有五成西冷，還有三成肉眼。西冷-焦香牛扒味較濃香，真五成熟，唔韌肉眼-口感豐厚，極啱鍾意大大啖咬落去嘅朋友，油脂感豐富當然，波浪薯條係童年回憶，++++分唔少餐飲叫咗…凍檸Tea & 熱齋啡 ，好味嘅今晚全場滿座，有老朋友，有大朋友，有小朋友，希望呢份回憶嘅味度，可以繼續傳承落去，為香港原味道加油！

職員勤力有禮，環境有氣粉，食物大份好食，會再次光顧，職員勤力有禮，環境有氣粉，食物大份好食，會再次光顧，職員勤力有禮，環境有氣粉，食物大份好食，會再次光顧，職員勤力有禮，環境有氣粉，食物大份好食，會再次光顧，

突然心血來潮好想飲羅宋湯, 第一時間就諗起第尾啦, 之前都嚟過好多次㗎啦 不過都唔係好記得個宋湯咩味了,見佢個午餐-肉眼扒餐$67蚊已經有羅宋湯同埋餐飲, 果然冇令我失望羅宋湯真係超好味好夠濃, 真係想連個碗都飲埋, 凍檸茶啲茶味又好夠茶味好正! 好啦到主角啦- 肉眼扒, 我叫五成上, 真係啱啱好唔會過熟又唔會過生, 啲味道都幾好又夠大份$67蚊又唔加一真係抵到爛。 美中不足係午餐冇個餐包囉如果有埋個餐包就perfect啊最鍾意呢啲懷舊扒房,會有好多細個童年嘅回憶, 食完好開心

同同事講開食過旺角花園餐廳，同事就推介左呢間類似既西餐廳🍽，咁岩又唔知食咩好就收工去試一試佢啦！​​星期五晚去到係樓下望左一望餐牌已經有幾枱人搶先上左去等位，佢所在既呢棟大廈好有懷舊既氣氛🎷，保留住昔日扒房既味道。7點左右到入面已經坐滿晒人，等左幾個字先入座，好彩地比左個卡位我地可以坐得舒服d。​​叫左鐵板西冷牛扒跟蒜茸汁($99)同鐵板雜扒跟黑椒汁($99)，兩款鐵板餐都係冇得揀配菜固定左係跟薯菜既🍟。餐湯試晒紅白兩款，兩款既味道都唔錯。西冷牛扒好大塊，完全冇咬唔開既筋位。雜扒都正常，有時雜扒跟既牛扒質素會差d，但呢到絕對冇呢個問題。​​跟餐叫左凍檸茶🍋，茶味好香唔苦澀，係最近飲過最好飲既凍檸茶。扒餐既份量好足，食完超級飽。​

𓂁 第 尾 牛 扒 𓂁𓋯有天討論起「鋸扒」這個話題屈指一算 原來已經有兩年多沒去過懷舊的扒房了 ~以前有去過第尾 也去過另一間始終覺得第尾比較好一點於是事隔多年終於去安安安可了 : )還是在那大廈一樓 裝潢還是一樣 XD唯一變的可能是人流吧 ...記得以前來 平日六點打後的時間已經滿座了現在我們吃完七點多都還沒滿座𓋪 鐵板西冷牛扒 (七成熟、黑椒汁) x 2𓋪 羅宋湯𓋪 忌廉湯𓎾 凍檸茶𓎾 凍奶茶 (少甜少冰)來這裡的人們應該不是來要求肉質 衛生 跟服務吧 (笑)只是來追求飽肚 性價比 和老香港的味道罷了還是老規矩 光速遞上餐包跟餐湯如果在點餐時一併點餐飲 餐飲也是光速飛來(以前普遍是吃到一半才給點飲料的XD)餐包還是一樣的微溫又軟軟的 ~餐湯還是一樣的在稀和濃稠的中間點 (?)🤣聽到遠方的吱吱作響 就知道鐵板牛扒要來了 ~這邊的牛扒出餐時已經幫你淋好汁了 (另類友善) 😂所以上桌的觀感很壯觀 有煙有聲又有味哈哈缺點就是你不能自由調節醬汁 (會很鹹) kkkk// 友善提醒：黑椒汁還會比較鹹 吃完會很口渴！！牛扒會伴薯菜 如果配飯/意粉要另外加點但女生的話基本一份牛扒都已經很足夠了(甚

認左第二，冇人敢認第一。呢句話的確係要有少少霸氣而又帶有少少謙虛既人才可以配得上。但，當大家在旺角 / 太子街頭的時候，好多人都會留意到一個更霸氣的名稱。這就是一間自稱《第尾牛扒》的港式豉油扒房《大興餐廳》了。有一天，太太另約了朋友，把兒子交給我時，我想起同阿仔去食鐵板牛，就在始創附近的我，立即想起了這兒，同阿仔試下老港式牛扒。《大興餐廳》是一間老式的香港扒房，一入到來，鐵板扒的吱吱聲響同肉汁的香味。單是在門口排隊，已經令我同阿仔非常之期待。雖然要等一會，但很快便安排好座位了。因為大家來這兒的目的都是食鐵板餐，所以當我們坐好次後，就來了兩個大麵包，讓我們配湯飲。傳統的港式湯，就是一紅一白的組合。白湯是一個忌廉粟米雞湯。這湯充滿了奶油的香味，沒有雞肉粒，卻有很多的粟米粒。顯然這是以清雞湯做湯底的忌廉粟米雞湯。紅湯就是羅宋湯，雜菜料不多，但給我的湯卻有大大舊的牛肉。這羅宋湯，香甜，香辣，仲有好香的牛肉味。是一個很出色的傳統港式牛肉湯。大部份的來者都是為了食牛扒而來，我們也不例外。所以我們點我其中一份就是鐵板牛柳。加上蒜蓉汁，一下子就把汁同牛肉的香味 '渣" 一聲地散發出來。食香港式的牛扒，

前一排同兩位朋友去旺角場睇波之前，就去左食呢間去過無數次，連手指腳指加埋都唔夠數既「第尾牛扒」！兩位朋友就第一次食，好彩水準都仲保持得到，色香味都俱全！價錢合理！牛扒都又夠哂大塊！仲有一樣能夠保持既就係職員既服務態度😅每次黎親都係會嫌你慢😂我朋友諗多兩諗都已經聽到阿叔叔從口中發出既「吱吱」聲，我同佢講唔好介意 我比佢地「吱」慣😝P.S. 好彩質素仲保持得到，如果唔係實比我兩個朋友插到飛起 兼 媽聲四起🤣

失望。我本身都覺得老牌扒房，食嘢質素會有保障，但超出預期🙄，侍應安排我坐低後，點了一份西冷牛扒餐，牛扒有好重的雪味，即使用了蒜蓉汁亦不能蓋上，而餐湯是涼涼的，而且員工態度較差。

琴日約你左朋友食午餐，佢介紹呢間大興餐廳，個款係食豉油西餐。12半去到都未坐滿，燈光暗暗，環境ok嘅。朋友叫左午餐，鑊仔牛柳飯，凍檸茶。我叫左西冷牛扒鐵板，凍檸茶，一紅一白湯我碗羅宋湯ok，夠熱，多什菜，辣辣地，酸甜味剛好。鑊仔牛柳飯評唔到，我冇食，朋友亦冇咩發表不過睇樣都合格。但我個鐵板西冷認真麻麻，塊扒食落有啲苦味，牛味欠奉，有啲咬口咁薯條正常，冇咩特別。杯凍檸茶好難飲，個茶膽cheap野同埋佢地上野上得好快，好似趕住咁。

假期上去食下午茶餐，唔需等位，還有多張卡位可任坐，已多次嚟食，但今次上到嚟食，伙記的招呼服務，明顯有改善到，變得有禮貌咗，有耐性咗，唔似以往下下像趕客走，不在呼簡單點了個芝士焗肉醬意粉+紅豆冰 $43, 但未計加一，落單約7分鐘後，已很快送嚟意粉和紅豆冰，可能下午時段不太旺關系，意粉熱辣辣，金黃芝士食落口感香脆滑身，蕃茄和肉汁味都濃郁，焗意粉時間亦剛好，因好怕意粉焗到太燶太乾身，抽乾肉汁，但意粉份量一小碟，看價錢收$43都不過不失了紅豆冰，紅豆不夠起沙，豆較少，應冰多關系，或落奶少，使整體味道不夠甜，帶有些淡，都不打緊，因自己不喜歡食太甜這份下午茶餐，看價錢上已再沒什麼要求了，還有卡位坐很舒服，多空間感

好多年無黎第尾，一上到黎就超多人，好彩唔洗排隊🙈嗌左一白一紅，羅宋湯ok好飲，入面有幾舊細牛肉幾好食。忌廉湯一般唔夠濃郁，以為入面會有幾舊細雞肉，點知只係得粟米粒，小失望🤧紐西蘭肉眼 $136 ★★★★★黎到重頭戲🤤嗌左5成熟啱啱好～塊扒幾大塊，夠曬淋，切個陣一d都唔洗力就切到。尼間係上菜前已經淋左黑椒汁，但我個人比較中意自己淋🙈薯條就不過不失啦，有d燶左服務態度就麻麻啦🤧都未講完order就走咗人☹️好彩最後都無落錯單就算啦尼個價錢黎講我覺得都抵食，下次會再黎試其他！

果日咁岩尼旺角做嘢就係依區搵下有咩食，搵搵下就見到有依間第尾餐廳，咁就膽粗粗去試下，一入到去就覺得個環境好有舊式，果到保留左舊式扒房嘅設計。講返野食咁我去到果時就係下午茶時間，咁去到扒房無理由唔鋸扒，我就叫左下午茶k餐，就係是日扒配薯菜，果日就係西冷尼，咁塊扒就一啲都唔韌而且仲幾重牛味，只係果黑椒汁有啲咸。整體份量都足夠，有餐湯、主菜同埋餐飲，食晒飲晒都幾飽，而我飲紅湯仲可以叫多菜多肉。只係到埋單果時有少少失望，因為佢冇單俾我，只係靠收銀入機計數點知佢入錯單，搞到計錯我數，不過最後都計返啱

平民牛扒等位等咗一陣, 雖然 態度唔係 好好但係可以接受, 係好街坊果種feel. 叫咗份肉眼扒, 另外個份朋友叫唔記得係咩, 只記得係menu 内比較貴around $140有蝦有帶子有扒。 兩個餐都係五成熟, 黑椒汁配薯條加茄汁食真係絕配! 牛扒唔好expect好好食有肉味, 因為其實啲黑椒汁遮晒d 味, 其實唔係好食到塊扒嘅真正味道, 不過呢啲就係港式鋸扒嘅特色! 兩個餐+10%食咗$300。 有最地道嘅羅宋湯加餐包cp值高, 整體味道唔錯 食得開心又滿意

步出殘舊的升降機，一進店內冇店員帶位，只有收錢亞姐指指下叫我座最後窗位附近，一d禮貌都冇。全程2位企堂好似冇帶靈魂返工，落單沒精打彩，唔想做的那樣。好啦，牛扒飯到，賣相肉酸，d肉左搭右搭砌成一碟但心諗牛扒專門店差極有個普，但原來錯哂，件扒un到飛起，又煎到柴皮底，肉冇肉味過哂火位點食呀，五十幾蚊午餐食碟垃圾？ 食完汁送飯後想埋單仲離普，等極冇人，見其他食客也不耐煩親自出去埋單，我唯有也跟同行事，呢間餐廳是否等執笠？ 一定永遠冇下次！

星期五晚上來到第尾扒房 ，在疫情嚴峻下，也出現人龍， 看來香港人很喜歡鋸扒喎等待十五分鐘就入座了， 入座後常常聽到鐵板的滋滋聲得很興奮, 以前學生，拍拖的回憶都回來了。先食個餐包， 餐包變細了。點了西冷牛扒5成熟配蒜蓉汁 （$99）滋滋聲， 不過一下子就沒了，所以牛扒有點過生，蒜蓉汁很香，西冷軟腍。鐵板帶子鑊仔牛 7成熟配黑椒汁（$109）三粒帶子，牛肉軟滑，黑椒。有餐飲，加一服務費，吃完還有很多人在排隊，就趕快結帳，2口子 $227吃飽飽，帶著滿滿回憶回家囉。