大紅袍火鍋料理

营业中

休息中

天氣開始涼，朋友飯局少不免打邊爐，今次呢間之前已經來過一次，今日同行6人，可以叫多幾款食材😋好多款醬料揀，打邊爐最講醬料👍👍👍湯底-金屋藏嬌，濃濃既湯同配料，有雞，花膠，夠滋補食材好新鮮👍👍👍😋

「大紅袍」開左好幾年，一直都係人氣火鍋店，今次同屋企人一齊黎試試呢到裝修好古色古香，而且座位好闊落，就算多人一齊坐都唔會覺得攰～～湯底叫左呢到招牌「金屋藏嬌」，裡面有半隻雞、花膠、竹笙同冬瓜等等，十分足料，而且建議打邊爐前先飲一啖湯，非常滋補，正！呢到牛骨髓($40)同萵筍（$35)都好新鮮抵食，一定要試！呢款松露蟹肉餃($98) 真係好大粒，好特別，佢裡面全部都係蟹肉成餐飯最令人有驚喜既係呢款澳洲手打和牛，雖然外表平平無奇，企響到咬爆哂肉汗，果陣牛味超濃，一定要試　～

好耐冇打邊爐啦！是晚同老公一齊放假，二人世界，好想食高質素火鍋，之前未試過大紅袍嫁，睇食評既時候，比佢種類繁多既湯底吸引住，一於試下啦！我好鐘意有酒味既湯底，所以今次試左呢個清酒蜆湯底先，入面有少少牛粒，姐姐先黎將湯底點火，火焰中炒香湯底入面既蜆同牛粒，清酒味湧晒出黎香噴噴，炒左一陣加湯，湯水濃牛，擺咩材料入去都咁好食！由於都只係兩個人，所以肉類只係點左花雕醉牛肉，海鮮點左桶蠔，桶蠔共有5粒，粒粒都咁肥美，鮮。其他菜類既野就冇咩特別，除左牛肉其他野都大大份，一班人來食當然扺食好多。我地兩公婆埋單大約$750，下次一定要約成班老公友黎食多啲野先得！

雖然打邊爐就最好有辣嘅湯底，但去得大紅袍，就當然要食招牌金屋藏嬌湯底! 佢其實係個有新鮮，用冬瓜盅方式，加埋竹笙、松草花、花膠等等嘅食材熬製而成。湯底一黎到先要飲返2碗濃郁鮮甜嘅雞湯，之後食埋雞肉! 超正!仲有本地手切肥牛，大推介，一見到咁靚就心心眼，新鮮又矜貴，軟滑好味，最重要係牛味濃郁，留喺 口腔久久不散，一試難忘! 除左打邊爐配料吸引，刺身亦都好值得一試，超新鮮，份量又多，一大班食叫一份都夠share，絕對不比日本餐廳差!食材較為上等，價值亦相對較高，但絕對值得，一大斑聚會可以叫到更多款式，值得推介

大紅袍火鍋料理曾經，大紅袍是香港最出色的麻辣火鍋如今，湯底竟然做到不麻也不辣先撇除麻與辣，湯底是連應有的基本調味也不夠即是湯底根本唔夠味食材方面，不能說是不新鮮，只是牛肉没牛味，羊肉没羊味是有一刻懷疑過，是不是身在大紅袍呢跟我之前吃過的大紅袍，完全是兩碼子的事墨魚丸和蝦丸，是彈牙的，但是，墨魚丸没有墨魚味，蝦丸没有蝦味蟹，是有點蟹味，同時亦有濃濃的腥味牛栢葉，是霉的，淥左2個鐘，到我埋單結帳時，已經縮到粒蝦米咁嘅大小，仍然是腍的唐生菜，看來是最正常的了

當晚4人來吃個豐富的火鍋！在等著鍋來之時，先來一大盤的加拿大象拔蚌刺身(時價。份量驚人，非常奢侈，又新鮮鮮甜，不斷吃都還有，不錯不錯)和一個極上牛肉刺身($168。冰的煙飄飄，特顯氣勢。夾起薄薄一片牛與些少洋蔥絲，再沾一沾洋蔥酸汁，一口而下，牛脂味挺香，不膩，尚算入口即溶，性價比高)。以前經常去尖沙咀分店都必點金屋藏嬌，今次就試試友人介紹的⋯來了！火焰清酒醉甲鍋($148，內有牛肉粒)，店員會在鍋內點起火，再煮數分鐘，火愈燒愈旺，香味四溢，再倒入湯。話說清酒的酒精濃度低，理應是燃點不起火的，所以鍋中應有其他的酒精成分，所以湯底的酒味很突出！頂級安格斯牛頸脊($238/例牌，有$298/大作選擇。肉味濃，美味)、蟹籽墨魚滑($82。份量不多，但勝在很爽口彈牙)、桂花蚌($108。份量十足)、花雕牛展($80/約12片，平均$6.6一片。肉味都算重，又彈牙，性價比高)、台灣新鮮鴨血($52/8塊，平均$6.5一塊。味道尚算重，很滑)、新鮮炸腐皮/炸響鈴($52/5件，平均$10.4一件。很薄脆)、黑柏葉($62。1-2分鐘即可吃了)、脆鯇片($48/9片，平均$5.3一片)和最後來個小食的

而家有好多各式各樣既火鍋店嘗試用唔同既創新火鍋湯底去吸引食客❗️而今次我就俾呢間火鍋店既金屋藏嬌湯底吸引左😂由於我地有12個人所以餐廳就俾左間房我地👍🏿不過有最底消費既$3800金屋藏嬌🐔($218)呢個湯底就係吸引我黎既原因🤤湯入面有冬瓜圈圍住原隻既雞,松草花,花膠同埋竹笙等等既配料,俾我地打曬卡之後,店員會將隻雞剪開方便我地食👍🏿放料落去之前,飲返啖湯,湯頭好鮮甜,有曬所有配料既精華🤤雞肉鮮嫩而且索曬D湯,好入味😋另外冬瓜都好甜酸菜豬肚鍋🐷($108)身為酸菜豬肚既忠粉又點可以唔點呢個湯底呀😂同出面果D比,佢既酸菜同豬肚相對地少,冇食得咁過癮🙈不過貴精不貴多,酸菜夠味,酸酸地,豬肚口感唔錯👍🏿湯頭都夠味再加少少胡椒既辣味提升左成個湯既味道😁胡椒味勁D會再好D火焰清酒醉甲鍋🍶🔥($148)呢個鍋係其他地方比較少見,為食妹都係第一次食😌鍋內本身有牛肉粒🐮,花甲,大蔥,店員首先會倒D清酒落去煮一煮入面既食材,之後再倒湯落去成為湯底😉湯頭有淡淡既清酒味,而且牛肉同花甲同個湯都好夾紫菜炸響鈴(6件)($48)🥠響鈴就食得多,有紫菜既就比較少見😏本身響鈴既脆再加埋紫菜既脆,簡直係脆上加脆😂而且紫

花花膠雞的湯底實在係太太太鮮美了吧，飲左整整三大碗，感覺仲可以黎多三碗 其他點了肥牛，魚生，還第一次食到珊瑚蚌，食材都非常新鮮，最後還有送雪條，食到超滿足，走不動路，強烈推薦哦

打算一大班人去食一間比較可以坐得耐少少的火鍋店，上網見到有推介就揀咗，之後就打電話book位，去到見到環境都唔錯，但就冇影相，好快就入座點餐，揀湯底揀咗一個花膠雞腳燉原隻雞湯$278，見湯底價錢應該唔會有伏，湯底一到店員就建議我地飲湯先，真係好似阿媽煲，好夠料。點咗一大堆菜，冇咩特別介紹就係菜，最緊要冇爛就食得，但菜的種類好多，值得一讚。黃喉好爽口，又新鮮！每人都可以食到兩三塊整體感覺都好好！食物新鮮、好食，亦都係一個好好食飯的地方。

位於荃灣川龍街嘅大紅袍火鍋係我同朋友最喜歡嘅火鍋店之一，佢哋嘅金屋藏叫湯底係我哋每次必叫，首先十分足料，雞有大半隻，雞下面係墊住一大片冬瓜，再配埋竹笙蟲草花等等配料熬出湯底，實在係鮮甜無比，每個都飲到停唔到口，飲完個湯食埋雞就再落清湯打邊爐，火配料都係嗰啲嘢啦，比一般火鍋料貴少少但質素有一定保證，呢度亦有啲貴價小小嘅時令海鮮俾你選擇，今次我地叫左條象拔蚌做刺身，海鮮呢啲真係一分錢一分貨🙈🙈個個都食得好滿足😋😋

好耐都未去過打邊爐咁今日就特登出咗去尖沙咀食大紅袍，咁個湯底就叫咗個金屋藏嬌入邊個湯好龍尾有花膠有雞所以我哋一開頭係飲咗個湯先然之後我哋就叫咗肥牛金菇 同蝦滑，因為得兩個人食嘅關係所以叫唔到好多餸但so far佢嘅質素依然keep得咁好環境又舒適坐得舒服所以我每次打邊爐都去呢間食呢度個湯底最好就係有花膠可以食好入味

很早很早已留意到大紅袍這間火鍋店由於 同行者有BB關係係訂枱時已經要註明有冇BB椅估唔到來到現場見到嘅係紅色高身嬰兒椅就係呢一點都足以令我book mark定下次再嚟！我哋帶咗 沙嗲拼蕃茄牛腩湯底，不得了牛腩湯底先甜到不得了！淨係食湯底嘅牛腩已經好夠淋，而且煮得入味，作為湯底的材料也很好吃！配埋佢哋個烏冬，我哋仲有叫鬼馬鮮蝦油炸鬼: 爽滑嘅蝦膠上邊有大量蟹籽，油炸鬼浸完湯底後食起上嚟都好入味！紫菜炸響鈴:有別於坊間嘅咋響鈴，加咗一層紫菜卷起上來同層腐皮好夾，個人喜好浸一浸就即刻食，咁就唔會淋晒！食得出係餐廳嘅手工菜。我哋仲叫咗個牛魔王拼盤：牛樓粒同肥牛食落好香牛味，不同口感。手打四寶丸：分別有牛丸、蝦丸、墨魚丸、豬肉丸，手打果然係唔同啲，鮮味十足。仲有佢哋嘅新鮮包嘅水餃同雲吞！四個大人一個BB，埋單$1300，雖然比普通嘅火鍋店貴少少，但係的確令人食過返尋味！

環境很不錯 音樂還有點像酒吧一樣 最好前訂座 鍋底選擇還是蠻多的， 有一個花膠的一隻雞，感覺真的燉了很久的老火湯，超級好喝，還加上有很多花膠特登推介鬼馬蝦膠 是混合了油條 蝦 和蟹籽一起進鍋煮一分鐘這樣就好了 很特別也很好吃另外有一個是黑松露的餃子 超級好吃 而且沒吃過黑松露的雲吞很有意思~環境各方面都挺好的 很好吃~ 推薦

大紅炮有幾間分店 但荃灣呢間就較少人去我星期三晚上打邊爐 都未見full! 首先叫左個湯底 當然要叫金屋藏嬌啦 必食！推介！而喺等湯底嘅過程中 仲叫左啲小食 我最鐘意食鴨舌好惹味！好香口！一定要試！等左大約10分鐘後金屋藏嬌就到喇！真心話 依個湯底真係好正 係打邊爐之前你仲可以食咗隻雞 飲咗啖湯先係好鮮甜嘅雞湯 一啲都唔油 好補架！絕對無介紹錯！其他材料都好新鮮 最推介係個手切肥牛 好有牛味 叫完一碟 好想叫多第二碟！朋友就最喜歡個魚 話好鮮甜！大家可以一試總括而言 佢絕對係有水準嘅火鍋店

前一陣子跟友人試了荃灣另一間火鍋店，剛好提到了這間大紅袍，聽說質素都不錯就前來試試！先說說門面裝修，電梯口一打開就是水吧位，明明是其他位置都是很中式的感覺但一進店就是水吧賣外國啤酒的位置有點奇怪！有點不太搭的感覺！坐下來覺得位置有點迫促，和隔壁桌很接近，4人桌不算太大！是次火鍋本來想試花膠雞湯底不過價錢也滿貴的，最後選了較便宜的椰子雞鍋鍋底大概有半隻雞在內，還有些粟米椰子肉等等，嘗了一口湯，味道不算太濃，椰子味也不夠突出！算是比較普通！不過雞肉嫩滑，總括來說還算不錯！火鍋配料方面，牛肉豬肉自然不能少，牛肉看上去不算太大碟但其實中間有點疊起來，算起來也滿多的！肉味也算濃，算是不錯，鱔片不算太新鮮，吃起來不是太爽脆，細骨也滿多的！另外豬肉也比較普通，不算特別值得推薦。除了牛肉豬肉外，我們都是牛舌愛好者，見到菜單分別有薄切牛舌片和厚切牛舌粒都分別叫來試試。先說說牛舌片，口感滿爽脆，不過驚喜道不及厚切牛舌粒！牛舌粒大部分都是比較牛舌芯的位置，這個位置都是爽脆又不會太難咀嚼，油花也夠多，非常值得一試！我們還點了比較吸湯頭的配料類包括凍豆腐，響鈴和一些丸類餃類！這間店的響鈴可選有紫菜和普通響鈴！第