大盛日本料理

营业中

休息中

今天與兩位朋友到大盛試菜,竟有意外收穫!這裏的食物, 首先價錢唔貴, 而且款式也不少….普通(大路)的有, 連特別的都有(如黑蟹子壽司)…適合同家人,朋友,及想試新野的朋友….一行三人, 一共試了五款食物( 名就唔係好記得清楚)1.蟹子軟殼蟹壽司: 軟殼蟹很脆, 與壽司面上的紫菜碎很配合…. 壽司面上的蟹子多到”滿瀉”,很新鮮,爽口彈牙2.鰻魚壽司: 鰻魚很長的壽司, 合格3.三文魚子壽司:三文魚子很大很圓的一顆顆,很鮮味,口感有點似魚油丸4.海鮮火鍋: 湯很鮮, 不是味精湯. 很多配料:真的想到的海鮮都有: 吞拿魚, 蝦,青口,蜆,菜,豆腐…..啖啖料…. 5.蛋魚生飯:味道很好, 帶些芥辣味,魚生很足料,具多種魚生,亦很新絴不過, 要彈下就是這裏的服務….就真是有待改進…首先, 我地見到這裏的伙記竟然阻止即使訂了位,而唔齊人的客人入內!?跟進就是食野時, 想拿豉油溝WASHIBI, 竟然叫極都無人應….d伙計又好似見到你, 但又視而不見那種….個個都唔知望去邊….最後,最不滿就是埋單, 又麻煩又耐….友人用信用咭找數, 伙記說唔知邊張咭有優惠…..又唔知優惠詳情…亂說一通…又話信用

(12/5)今晚想食定母親節飯.媽媽話想食呢間,就打電話訂位,點知話最早八點半,當時六點幾都照訂先啦!八點二十五分左右去到位, 點知話無我地訂位紀錄,好在果個人都肯俾飛仔我地繼續等.未入去前填定張紙,入到去即交1.芝士蟹子($20) (無食）2.三文魚壽司(($15X4)=60(仲係好長，好肥美）3.油甘魚($32),無食4.炸三文魚皮($20),幾好味5.土佐豆腐（$30）炸得耐左少少6.大蝦天婦羅($38)6隻,6隻入面有一兩隻唔多新鮮7.炸軟殼蟹($25)一開四隻.都幾好味8.燒羊扒($30)無食9.海鮮拉麵($40), 有蜆,日本魚蛋,蟹柳,北寄貝,三文魚.個麵煮得幾彈牙,不錯4個人$295.食到飽晒服務唔係好又唔太差,忙的時候都有人加茶.也有漏單情況.最唔好要坐一個無乜燈的地方,想影相也唔可以啊

朋友生日選了這間日本餐廳，大約７點到達都唔係太多人，個場還有一半的座位．叫了一條活魚剌身和一個剌身拼盆都要成大約五百幾蚊，另外加$40就可以將個魚頭煲湯．還叫其他食品：包括蟹子沙律兩個，一個壽司拼盆，三個天婦羅，一個海膽炒飯，一個花之戀，兩個炸蝦壽司，一個串燒牛柳，一個芥苿牛肉粒．可能唔係太多人的關係，d嘢食都上得算係快，不過味道一般．有個好得意的現象，就係佢地會俾過另外一碟的豉油給我們，佢話係用來食魚生用，那樣放係枱上面的豉油唔通只可以用來食壽司．晏咗就開始多人，待應的態度就一般般，叫加水都要叫幾次先有人啋你．

早幾日去食晚飯，去到約七時零五分，見到現場不是太多客人，站在門口二分鐘才有人來帶位。這次一樣叫138蚊既二人餐，壽司和魚生都幾新鮮好食，蟹籽芒果沙律既芒果好甜，青瓜幾夾爽口好味。串燒有五串，都幾香口也不算油淋淋。雞肉炒飯只是一般好食。另外叫了一個燒雞泡魚魚乾，好香口好好好食，30蚊算係咁。唔知係太多客人，還是不夠人手，呢次招呼真係麻麻地。想叫個人加水和埋單叫了很多次才有人應，隔壁的一男一女想點菜等了十分鐘也沒有人理。有九折貴賓卡，即不用收加一，埋單168蚊。我們給了五百元紙幣找贖，找錢時除了紙幣還有些輔幣，當男友還剩下三個二元未拿時就出現"夾手黨"；那個女侍應好快手就"砰"一聲夾埋d錢走人，好似驚死我地唔俾tips。本來俾唔俾tips係客人話事，那三幾元tips亦係小事，但是出現"夾手黨"令客人覺得有些少被屈/搶，不太好受。

我是一旦愛上某間餐廳，就會隔三差五去拜會的，今天，又來了這一陣子的新歡。星期六的晚上，人十分多，都等了大概半小時。點了辣酒煮蜆、三文魚刺身、雜菜鍋。先來的辣酒煮蜆，沒有酒味，只是一味的辣，頗失望。唯這次的蜆比上次的肥美，但份量亦相對地少了。再來雜菜鍋，是正常的一味。份量足，有豆腐、菜、菇、腐皮等等，湯底頗濃。三文魚刺身就最差!首先是食到有沙!很難想像三文魚刺身會有沙!然後再食到有魚骨，師傅的刀架也太不濟了吧!另外，我想食些薑，但桌面上沒有，於是請waiter給我送上。哪知他說會在三文魚刺身會附送，也罷。可是等到三文魚刺身來了，竟是一片薑也沒有!這次經歷太差，下次要三思後行!

尋日同個friend去食,都唔錯呀~d三文魚/鰻魚壽司好好味,海鮮炒烏冬又正,不過其中一件唔知咩魚好聲,燒三文魚骨就一邊燒得靚,一邊唔夠脆,最後有兩粒芝麻雪米糍送.唔知係咪肚餓,整體覺得好好味.下次叫埋ben記同瓜記去再試過.

港島人來觀塘如入陌生的幻境，甫入局部地區性昏暗的港式居食屋內，點滴事物如侍應．客人比為一對二十、二人坐四人檯的話要有搭檯的心理準備，再加上餐碟下微濕的落單紙，感覺異常迷幻，又花了十分鐘時間令自己冷靜然後接受．．．半邊身來個生人霸死地，半邊身接友人來，連番折騰下總於安頓下來，點菜方面反而成了小問題，花之戀卷、清酒煮蜆、炒野菜、炸蝦餅、陶板薑汁牛肉，菜式預期的姍姍來遲（身旁的小妹妹追單而追得氣上心頭），見有空檔就打開一些小手信，看看「有溶沒溶」，托賴，這美味的閩南「果凍」在「周遊列國」後，仍「安好」，見友人吃得心花怒放，如釋重負，如買大少的all or nothing，押中了寶，獲得：死仔！的封號。曾一度瘋狂地迷上和民這居食屋，濃郁的照燒汁薄餅、可以玩上大半小時的燒魚翅，兒戲而帶稚氣，當年與不理、肥安達不理好壞喜哈地吃著玩著，樂透了：無知是福。或許要求高了，對於味道與口感竟有9分似蔥油餅的炸蝦餅，與友人吃得o責o責稱奇，歎「日式」炸蝦餅也可以如此煙韌軟熟，這口感，友人曰：木薯粉也，入口帶微黏的感覺，說是撈了木薯或薯粉，不無道理。然而，加了沙律醬來吃，心想，會否有點過分？辣塊媽媽的！好歹也交

哦..原來你講緊尖沙咀呀?因為你打評語o係"觀塘"店嘛..好似我為前都有講過,我都去過尖沙咀度食..我都同意D野食真係差少少..冇其他店咁好食..同d侍應態度唔太好..但我想講..其實你坐o個張bar檯前面係壽司bar lor..間間日本料理都有壽司bar..但係肯定o個個廚房一定唔會同壽司bar一齊架啦..其他勁多日本料理都係...咁可能尖沙咀d壽司師傅唔係太衛生喇

幫襯過好幾次，大盛既食物係就幾便宜，食物質素都可以接受啦。當然，你不能expect收這個價錢，會給你有太大驚喜。大盛是一間走平價路線的日本料理，所以能吸引到附近觀塘工業區上班一族來幫襯。尤其午市，真的客似雲來可是，也許客人不少，侍應少得實在不能招呼好每一檯食客有一次，我叫個沙律，吹過好多次仍然漏單。結果，埋單結賬時，那碟沙律最終也沒有出現呢！大盛的服務水平，實有改善必要

昨晚同男友食飯, 叫了:蟹籽沙律:有很多蟹子，但唔夠凍.三文魚壽司:味道一般, 但勝在夠大舊帶子壽司:新鮮, good大蝦天婦羅:一碟6隻, ok燒三文魚頭: 勁正, my favourite清酒煮蜆:唔得環境服務都一般, 但勝在抵食.

不要再去食！昨日食完今日我同我honey都肚痛...睇醫生話我地都腸胃炎！在此警戒各位好食之人不要再去，即使不肚痛亦不覺得好食！

因為我是坐bar table, 在我前面已經係做廚房, d人做緊乜, 唔單止我一個人睇到, 成個bar table d 人都睇到, 你自己可以試下去tst 果間睇一睇環境你就明白.在廚房的牆中間位置有條水喉, d kitchen staff 是用果條水喉黎"洗手", 你又可以試下睇有冇kitchen 帶手套.我仲有一樣野未講, 我睇到佢地用水喉水清洗三文魚魚生, 然後鋪在飯面, 你唔好唔信.* 因為我本身是廚房主任, 睇野會睇得好細心.

由於經常睇openrice去食野..但今次見到個好攪笑ge食評..所以忍不住要出聲..由於住九龍東..朋友好多都喺呢邊住..所以經常在區內食野..本人之前試過tst大盛..得到無禮對待..之後再試過新蒲崗大盛同觀塘大盛..覺得都ok..可能觀塘間舖大d..所以d侍應都唔係咁理到d客..但係我想問食家"nkshum"..點解d staff洗幾耐手同廚房d staff有無帶膠手套你都知ge??唔通你喺嗰度做過??所以佢所講ge有幾多係真..真係令人費解!!

我2個人去食, 入到門口居然沒有帶位, 自己入到去用佢話2人, 就叫我地等一陣, 我等左一陣, 見冇人理我, 自己坐低先.首先, A)一睇d碗洗唔乾淨, 快子上仲有上手食剩紫菜碎.B) 落ORDER時, 叫左2次都冇人理我, 要我揮手叫先有人理我.C) 落左6 碟野, 個WAITER好似有D不滿, 仲叫我等陣先, 而且沒有REPEAT ORDER.D) 自己送來那些垃圾支豆, 咁樣衰, 我一條都冇食過.E) 三文魚刺身上有D唔應該出現既野, 例如: 紫菜碎F) D STAFF 洗手由開水喉到洗完手, 整個過程不超過2 秒鐘, 乾唔乾淨心中有數G) KITCHEN STAFF 做野沒有帶PLASTIC GLOVE.H) D STAFF 要叫先識加水, 沒有誠意.I) D STAFF 遊下遊下咁, 得閒就自己吹水.J) 個經理成2個鐘都冇見過佢, 唔知去左邊.K) 後加了天婦羅一碟, 漏單, 不了了知.L) 賣單時發現收了前菜$10 , 又唔事先講.M) 找數後,個WAITER好似好急想收番本CASH FOLDER, 驚死唔比TIPS 佢地.N) 走既時候沒有多謝晒之類既說話等.太多了,

3月19日晚同一班朋友去官塘里間大盛食晚飯,Ｄ野食就好似店名咁大大件,但味道就真係麻麻地.好似蚧籽沙律咁唔夠凍,Ｄ蚧籽好"很".三文魚係就係好大件,但亳無魚味,秋刀魚瘦過街市十元五條果Ｄ........唯一ok既係燒雞泡魚干,不過乾身左Ｄ,食得落口下.眼見都好忙,但Ｄ侍應都仲試加茶,值得一讚,好過我上次去果間味千如果有朋友提意再去,我唔會反對,但我唔會主動提出再去,因我自己係一個比較塩尖麻煩既人是次消費九折後位位$150左右