大盛日本料理

营业中

休息中

三文魚壽司還是保持著標準﹐不過﹐吉列豬排飯的味道淡﹐豬排也林﹐真的不太好食﹐一直碰場的原因都是覺得價錢ok﹐三文魚壽司也好食﹐現在﹐要再考慮....

尋晚, 30/10, 同朋友黎食, 見食評講到要排哂隊, 當然已經預先bk 位, 去到7點半, 唔算多人..但d 燈光好暗, 暗到睇唔到份menu =.= 我地叫左4 樣野: 1) 三文魚壽司$15/份三文魚係好長, 唔錯, 味道好, 不過舊飯就麻麻了,好似雪左再拎翻出黎果隻味... =.= 2) 三文魚刺身$38/份有8 件, 8 件都大大件, 幾肥美!!3) 鰻魚炒烏冬$45收呢個價, 嫌佢有少少細碟...4) 海鮮火鍋呢個真係唔掂... 影張相就影到好多野食,但上檯,大部份都係洋蔥,蝦都唔多隻,金菇又無,對呢個火鍋幾失望..下次應該唔會再叫呢個了... 佢d 魚生係唔錯既,但講到服務,真係叫差!!我地叫鰻魚炒烏冬,佢比左碟唔知咩炒飯我地,我地叫佢換,佢d 態度好似嫌我地煩,一手拎起碟野,望都唔望下,成個晦氣個樣擺o係塊面到... 到埋單, $194, 放左$200比佢,我地係個位到等佢找錢, 等左好耐,佢都無打算找, 我地繼續坐係到等,之後有個伙計放定d新既碗碟筷子係張檯到,擺明吹我地走,我再同另一個伙計講, "好似未找錢喎", 又黎一副晦氣既樣,一元貼士我都無給..

呢間食物都唔錯,但店內某些服務員態度奇差!!本人上星期三打去訂星期五晚8點九位.當晚我的家人(4大3細)先在8時正到達攞位,侍應只係比張八人枱我地,當我去到的時候,我就問侍應我訂九位點解會比張八人枱我,因為一人要坐喺走廊位,好唔放便,我才會去問侍應.我見個侍應唔多理,我就叫左着套裝的一位曲頭髮的女主管嚟問下,佢一嚟到就話"小姐cool-down先",但我由頭到尾我都無勞氣過,cool乜嘢down???跟住個主管就話同我的家人講左"可以坐房,minimum charge係$130位,係你地d家人唔知驚乜唔入去坐,間房仲留左喺到鮁 ,你地可以入去鮁 !!"(態度語氣好差..).咁我就同佢講,我訂房時無同我講過有房亦無講過Minimum charge 係幾多..佢就話不嬲都係$130minimum charge鮁 啦,係你地唔知,唔關佢事!! (眼見我地3個小朋友,點會可以食到每人$130呀????)食晚飯,我未試過見過一個咁差的服務,咁我米走去收銀處問下想投訴可以搵邊位, 點知個頭髮的女主管即刻走過嚟就話"我就係啦,想投訴,投訴我啦!"(佢個口面'妙咀妙舌',不知所謂),我就講"咁你叫乜名

近住工業區果面，六點幾去到都幾多位，聽朋友話呢度賣點係長壽司，所以叫o左幾種黎食，長就真係幾長，不過就長過頭，要料同飯分開黎食，好似都唔係食緊壽司咁，不過講味道整體都相當不錯，係吞拿魚有小小後悔叫o左，唔係腩又唔好食，另外仲叫o左炒豬頸肉烏冬同埋霜燒牛肉，仲有炸豆腐，連埋加一都係二百六十蚊，我覺得都算抵，仲有vip咭下次黎可以唔駛比加一。呢度隔一條街仲要係AMP以為佢唔會好好生意，點知我地食到八點幾走果陣已經好多人排緊隊，呢度仲要唔細，又估唔倒咁好生意，下次黎都係要同今次一樣早小小先得喇。

有時行經這間食店,都想入去試一試。昨天終於有機會入去,但卻令人失望。點了三文制身魚一客,炸蝦婦羅, 青芥炒牛柳粒,海膽炒飯。可惜食物的味道一般。環境很嘈吵,好像午巿時身在茶樓一般,很不舒服但我想一提的是,本來我點的是鰻魚炒飯,但來了海膽炒飯,跟待應說,她兇巴巴的登著我,說的確是我點的!!!!以上種種原因,回食指數等於零。

其實已經是六月尾時替朋友慶祝生日時食的了.呢間鋪出名都係大大件壽司. 不過那兒的座位比較迫.而且好多人.好彩我地有book 好能太多野做.服務都係一般.我地要炸蝦壽司.佢比錯甜蝦壽司. 話俾佢聽.佢居然問我地可否要佢(要唔係問題.要照計俾錢係問題law)而且一生一熟.我地冇人食.所以堅持要換. 你落錯單.都冇理由要客人夾硬要ga ma其他食物都幾好味.不過我覺得好似尖沙咀店好味d

好友生日兼就快做新娘子, 所以出來一聚.這裡很多客人, 所以侍應時常想趕我們離開.叫了:三文魚壽司, 三文魚生很長, 都有光澤, 尚可入口. 海膽墨魚壽司飽滿甜美, 幾好.甜蝦剌身就比偏細隻, 普通鮮甜.花之戀三文魚生厚厚大大, 滿足吃三文魚的慾望.牛油果軟殼蟹卷比較油.天婦羅蝦太油, 漿過厚.三文魚生飯將整片紫菜放在飯面, 粗製濫造, 比較求其.雞肉炒烏冬分量小, 烏冬質素差, 很港式茶餐廳feel.淸酒煮蜆, 蜆算大隻, 無沙, 但蜆肉和湯底都不太鮮甜.鹽燒雞翼, 我無食到, 看落似okay.銀鱈魚飯又很港式, 杰杰的醬汁, 實而不滑的鱈魚, 很不濟.

又去食la...今次book左位...一去到,多人到呢...排到出晒門口...好在book左位...不過都要等...同埋仲多人到要搭枱...唔鍾意...>.<...其實食物都依然唔錯...三文魚刺身仍然新鮮,不過今次個size好似細左...><...有個唔知咩牛肉(係刺身類gei...唔記得個名la...),好似半生熟牛肉咁,都幾好味...^^地獄炒蜆好夠味,不過佢用左大蜆(似花蛤多d),有沙而且好似無之前用細蜆咁好食,但都ok gei...帶子/腐皮/鰻魚壽司,3個都ok...不過食完個帶子即刻諗起皮前個珍寶帶子,好耐無食過la...呢度o既帶子size雖然唔細,但始終唔夠人地咁大咁吸引,但$20黎計都算抵食...海鮮火鍋好足料,有大螺,大蜆,帶子,3種魚肉(只知其中一種係三文魚),仲有八爪魚,青口,豆腐,菜,金菇同竹笙...大致應該係咁上下...都唔錯,幾好味...^^仲有個雜錦天婦羅,有3隻蝦+茄子,南瓜,蕃薯,芋頭各一+2件獅子狗...全部好係啱啱炸起好熱辣辣好正...^^本身仲叫左個金龍卷...不過我地食到咁上下已經飽左,見果時都未黎,就同wa

一行９人去食晚飯，叫左好多野食，包括兩條魚做刺身，一窩蟹粥等等，非常飽，埋單只係$1100!野食新鮮，尤其係刺身，蟹粥，中華冷麵…好好味，ｄ壽司更誇張，飯好少但刺身好大塊唔好既係，好多人，一定要ｂｏｏｋ，坐位好逼，除非你人多仲要ｂｏｏｋ到房就好ｄ

好油的食物~!!!我記得係冬天同男朋友行完apm行去呢度食.佢d 炒鳥東真係.......好油哎仲有d雞軟骨都好咸.仲要坐去呢d咁既廚房位.攪到我唔想食了!!!

同女朋友7:30pm去到見門口都有十幾二十人以為要等點知兩個唔洗等一去到就有得坐坐位非常狹窄不過有得坐唔洗等就唔好咁多爹吞拿魚刺身- 味道一般,可以不試海膽炒飯- 海膽不多,味道還可以燒銀鱈魚- 份量只有一塊半,好似比人食過咁一般壽司都ok.. 不過玉子壽司好凍埋單$274肉痛

上次去，食到一身大汗，唔係因為壞冷氣，因為近馬路那邊是死位，我女朋友有暈既感覺，最底死是出左去後，覺得32度既街好舒服。以平價招來，食物都仲可以，但唔可以話抵。味道亦唔見得有咩特別。但出菜非常慢，隔離有人等了唔知咩，等了一個鐘。我就等左半個鐘，都等唔到幾碟壽司。叫佢一係即出，一係cut單，佢都寧願cut單唔賺你錢，可以生意太多。總結，食物一般，環境差，服務差，地點差。永不再去，去隔離Jusco買好過。

唔通我真係咪好彩??去左咁多次都無black list過呢間野...so far我都無遇過大家口中咁惡劣o既情況...唔過$200唔收卡呢樣野我地不嬲都知...係有d唔方便,不過人地定左咁o既rule就要follow...所以大家記得帶定cash...上次我就係見到咁啱隔離枱帶唔夠cash要過隔離街襟錢...至於service,其實我又唔覺咁差wor...係唔夠人手就真係事實...但d人都ok吖...臨尾比漏左雪米糍,個女仔都同我地講左幾次唔好意思...態度幾好架...今次d食物都幾好...不過個辣酒煮蜆得好少,但之前黎叫過一個係好大碟好抵食架...後尾諗返先記得上次叫果個唔係呢個...原來係自己叫錯左...仲有個牛肉鍋又係好大好抵食...個鍋個湯都幾鮮甜,好似吉野家d牛肉飯個汁咁...超多牛肉...係估佢唔到咁多...初初我地諗住佢個鍋咁大個都係四十幾蚊,下面果d實係菜黎架啦,點知一"筆",下面果d又係牛肉...真係好多好多...其餘o既刺身同壽司都ok...^^總括黎講我都仲係幾鐘意黎呢度食^^

有位好同事遲工歸隱, 一行十九幾人一齊食午飯歡送, 但點都估唔到弗人千揀萬揀, 揀著一間師傅話明短期內都唔再幫襯既食店得架, 係冇計既情況底下, 師傅唯有懷住一夥唔多願意既心去呢度食野啦!由於人太多既關係, 師傅一坐底心入面即時哼起首潮州音樂, 自己顧自己! 好拿拿聲睇下仲有咩好食先, 由於時間緊逼同為免令自己再次失望, 所以就叫一個簡單d定食, 咖喱牛肋骨定食!咖喱牛助骨定食有薯仔沙律, 咖喱牛肋骨一碟, 白飯一碗同埋汽水一罐! 薯仔沙律係一舊仔薯蓉, 而薯蓉上就有好少好少既蟹籽, 味道一般唯一可取就係夠凍; 咖喱牛肋骨一碟有五舊, 咖喱唔香唔辣, 不過就好深色下, 用黎送飯都可以; 牛肋骨本身都幾韌下, 肉身幾鞋, 入口既感覺好似牛腩咁, 唔通牛肋骨等如牛腩? 算師傅我無知喇, 總言之感覺好差; 今次白飯仲要縮埋水添! 總括而言野食都係唔得, 幾廿蚊一餐呢區大把有得揀啦, 使唔使黎到呢度呀? 其實要師傅我係三日內黎左兩次, 係一件冇咩可能既事, 仲要係一間咁差既食店, 呢個機會真係唔係成日有架, 不過我師傅發誓有排都唔會再去呀!

友人成日都話呢度d野好味, 於是乎今日咪第一次黎呢度試下啦, 點知……兩個人入到去竟然企左成十秒到都冇人招呼, 一眼望埋去唔係好多人, 點解會冇人招味架, 呢度已經扣左唔少分喇!坐底睇下食咩啦, 都幾多選擇, 於是叫左一個壽司餐, 一個餃子湯鍋定食再加多一客炸餃子!壽司餐有麵豉湯, 蟹子沙律, 壽司八款, 同埋汽水, 八款壽司就要左北寄貝兩件, 吞拿魚沙律, 熟蝦, 鰻魚, 三文魚, 煙鴨胸同埋腐皮; 餃子湯鍋定食就有白飯一大碗, 餃子湯鍋有四件餃子, 菜, 豆腐同埋金菇; 炸餃子就有五件!先講麵豉湯, 飲左一啖已經唔想再飲喇, 師傅覺得極之難飲; 蟹子沙律就等左好耐都唔黎, 直到最尾先黎, 又係難食非常, 一放入口就已經吐番出黎, 有咩理由d沙律係唔凍得架? 壽司反而可以接受, 飯團酸酸地, 飯就唔係好大舊, 件肉反而幾大件, 味道唔差, 可以啦; 餃子湯鍋得四件餃子, 少得可憐, 但係餃子尚算美味; 豆腐好滑湯底甜美; 碗飯就好大碗喇, 食唔晒呀, 有相為証架; 炸餃子就炸得比較硬, 浸番落個湯度食仲好味!總括黎講呢度野食真係一般, 並唔係咩出色食店, 而且服務又好唔得啦,