大盛日本料理

营业中

休息中

我弟一次黎吃野佢海螺刺身好甜好新鮮(一定要食)三文魚壽司幾新鮮ok好食壽司反仲暖暖地刺身好新鮮呀魚上檯仲未死熟食麻麻地食物唔夠熱好似未煮熟咁味道一般有陣味咁待應服務差不過整體都算ok啦

壽司真係大件，炒飯都大碟。其實價錢同去壽司店差不多，但真係大碟d，一班朋友去share 都幾抵既!!!不過，真係好多人等位，訂了枱都需要等，星期六日更多，冇訂位真係有排等架!!!建議預早預位!!地方感覺不太乾淨，太多人流了!! 聽說午餐幾抵食，不過，我未食過!!

黎過呢度二次食晚飯。二次都覺得okay好食，唔係覺得咁差。環境不過不失，佢個廁所行好遠先有得去，女仔一個人去就唔係幾好。有一次叫138蚊既二人餐，壽司和魚生都幾新鮮好食，蟹籽芒果沙律既芒果好甜，炸天婦羅都幾脆口，食到最後一舊都冇林晒，牛肉炒烏冬幾香，不過炒野都預左好油膩。埋單連加一152蚊。第二次男朋友叫左個活魚刺身，一魚兩食（刺物和魚鍋）二食148蚊。今次揀左"細鱗"，條魚係即撈即劏，好生猛又鮮甜，個魚頭和魚尾上枱時仲郁黎郁去。食完刺身之後，條魚就拎左去整個鍋。過左15分鐘，個鍋返左黎，都幾大個有好多野食，魚湯鮮甜好味，魚肉好嫩滑（不過魚皮上有好多魚鱗，食唔到魚皮仲一口都係魚鱗，呢樣完全唔得），配菜有娃娃菜、粟米和芋絲，索左魚湯好甜。本來我地驚唔飽，叫左個豚肉炒飯，冇想像中那麼油膩，豚肉幾爽口又彈牙，都唔錯但已經好飽食唔晒。今次埋單連加一203蚊。

聽朋友介紹e間野既壽司好足料..所以今日去左試...入到去..待應們都很有禮..我們先order了數客特長的三文魚壽司..果然是足料,魚片約有一般壽司的三倍長,而且一客只要$17..算抵食..鰻魚都幾好食既..不過略嫌有點焦..總體來說不錯..

我平時去開佐敦個間，因為去過個間食過好多次都幾好，呢間貪方便所以只黎過兩次，真係一次比一次差>.<" 第一次黎呢間時水準都可接受，但第二次黎就唔掂，來來去去都係叫個D啫.......叫個蟹子沙律食落口又臭又苦，之後發現係D蟹子好臭，D鰻魚整得好燶，D飯又唔之做咩硬係覺得D 味怪怪地，好難食，食到想嘔咁濟...遺一讚的係D'荼'好飲過之前好心啦! 加得價就唔該整好D啦，就算唔係好好食呀都唔好咁難食呀!

媽媽說很好吃，於是生日陪媽媽去那裡慶祝，那時已覺得普通，壽司飯散開，稻庭烏冬ｄ烏冬唔凍。不過用成二百蚊食的活立魚刺身就可以，因為只需要切，唔駛煮。食左成八百幾，（７個人），唔值呢！第二次，又是媽媽要求去食午飯，壽司飯散開，魚肉全部梅到我覺得是昨晚賣不完所以午市賣埋佢。等了很久，雖然是午市繁忙時間，漏單也少不免，但最後喝到的麵鼓湯竟然是凍的。還要４０大元一個餐。總結一句:我寧吃麥記，都不吃垃圾。

第一次寫食評叫了一個便當和大蝦天婦羅先說食物質素那大蝦天婦羅硬到可以弄傷牙肉!便當賣相不討好, 炸燶了的豬扒加十分行貨的魚生和螺肉令我食得好唔開心埋單時waitress態度奇差, 單據都唔比我睇比完錢佢多謝都唔講, 轉身就走, 仲要口黑面黑兩個人食左117元(其中11元是強迫性的沙律錢, 入座後自動送上)如果要用117元食日本野, 有好多選擇, 一定唔會再去

30/7一行三人去食日本野，幸好日前電話訂位，無需等待6:45準時入坐環境：簡單，一點日本feel都沒有我們order以下食物1.豬軟骨拉麵：味道不錯，麵質幾好，不過湯底不夠熱，未夠perfect.2.2客8吋長三文魚壽司：普通3.一客8吋長鰻魚壽司：味道不錯，不過可能整好一段時間，魚身連暖的感覺也沒有，不好吃4.蟹粥：夠鮮味，每人可以食2大碗，原隻大蟹，口感不錯，又夠熱。不過如果趕時間千萬不要order.5.芝麻八爪魚：冷盤，好夠凍6.焗田園豆腐：豆腐很滑，味道尚可7.炸大蝦：唔好食，食完成隻，都食唔到仔蝦，下次加多點＄叫大蝦天婦羅仲開心。盛惠$239(HSBC credit card 10% off )抵讚：1)服務誠懇，意見接受，又願意改善（投訴食物不夠熱，待應立刻換）；2)送迷你雪米糍每人一粒。

30/7一行三人去食日本野，幸好日前電話訂位，無需等待6:45準時入坐環境：簡單，一點日本feel都沒有我們order以下食物1.豬軟骨拉麵：味道不錯，麵質幾好，不過湯底不夠熱，未夠perfect.2.2客8吋長三文魚壽司：普通3.一客8吋長鰻魚壽司：味道不錯，不過可能整好一段時間，魚身連暖的感覺也沒有，不好吃4.蟹粥：夠鮮味，每人可以食2大碗，原隻大蟹，口感不錯，又夠熱。不過如果趕時間千萬不要order.5.芝麻八爪魚：冷盤，好夠凍6.焗田園豆腐：豆腐很滑，味道尚可7.炸大蝦：唔好食，食完成隻，都食唔到仔蝦，下次加多點＄叫大蝦天婦羅仲開心。盛惠$239(HSBC credit card 10% off )抵讚：1)服務誠懇，意見接受，又願意改善（投訴食物不夠熱，待應立刻換）；2)送迷你雪米糍每人一粒。

27/7，我同男朋友仔要去趕住睇軟硬concert，唸住快快食完野就去，於是決定去依間，之前男朋友自己食過新蒲崗個間，佢覺得都okMenu:什錦魚生飯($65)+海膽刺身($45)+甜蝦刺身($29)+清酒煮蜆+泡菜牛肉火鍋生既野唔算太新鮮，但魚生飯勝在有很多種類，有三種魚，二種貝類，不過甜蝦刺身就失望左，因為citysuper 個D重好D熱既野係極之多份量嫁，泡菜牛肉火鍋起碼有成二十塊，而蜆都有成三十隻見到隔離枱叫左蟹子salad,蟹子多到好似雪糕咁，男朋友仔話柚子雪糕好好味，但太飽啦.......食唔到呀...

今日出糧大日子，同同事中午食好到大盛試日本餐。價錢抵$35套餐，炸豬扒烏冬麵+魚生小食+1罐氣水。炸猪扒好大塊又脆，但烏冬麵質一般好普通。我見同事食雜錦魚生飯同佢交換件三文魚食，三文魚大塊又厚肉。可惜影唔到比大家睇，因佢見到碗野好開心加上好肚餓，哈哈！

朋友想去試試; 於是先後共去左3次幫襯.2006/7/7 -- 晚市食評之前已寫2006/7/9 -- lunch; 衣!套餐好平喎!2人點左:set lunch : 8件壽司(自選;有十數款俾你揀),蚧子沙律,日式前菜,汽水或麵豉湯-- $40咋,午市仲免加一呢.壽司質數一般,唔太好又唔太差啦,但咁既價錢係超值囉.portion會俾正價的細D.日式活蚧粥: 蚧是新鮮的,粥冇蚧味;粥裡的津白菜是苦的...冇下次. $682006/7/7 -- 晚市20:30都依然好鬼多人,等左一陣先有位,2人都係搭'木台'點左:三文魚刺身$39/8件(幾新鮮, 份量都足, 滿意)蚧子沙律$22 (一樣好多好多蚧子啦, i love it!)蒜味螺肉$18 (唔掂, 個汁太勁, 用茶沖下先食得幾舊)大蝦天富羅$38/6只(我冇食, 個friend話一般)大盛辣牛肉卷$45 (食唔到辣,牛肉冇乜味,冇下次)加州卷$28 (ok)八爪魚壽司$18 (長長的八爪魚刺身,好抵食,也算新鮮)個場太人,人手唔多夠,叫好耐先有人應;另外,旁邊果'木台'埋單竟然找錯錢(找少左1佰定2佰)...不過,整體來講,在官塘區冇

經朋友推介,尋晚去左幫襯叫左:三文魚壽司$34 4件油甘魚壽司$28 2件白肉豚壽司$30 2件鰻魚壽司$17 2件帶子壽司$20 2件加州反卷$28 8件吉列炸蠔好25 5件***蟹子沙律$22 1大碟明太子雞翼$25 兩只個人認為得蟹子沙律係大碟夾抵食, 算幾新鮮, 有好多好多蟹子... 但其餘都是一般, 個人唔太喜歡'加長版'的魚生切法,口感麻麻.下次唔會特登去幫襯二人埋單未加一$230

一個人去拎位, 輪籌輪到先話齊人先可以入!!!!仲有唔知做咩d 侍應食左豬油咁, 做野好慢...行過想佢地叫菜十個(真係有十個侍應架!!!)八個都睇唔到...針茶更加不在下話...有次同朋友慶祝生日, 拎個蛋糕入去仲要收人錢先准食....落左單, 一客壽司要成廿分鐘先有...又成日落錯單, 又送錯菜, 都就黎食完都仲可以不斷有送錯的...不過d 野真係ok抵食...

係附近返工, 前日同男朋友係度食lunch....環境同一般工廠食堂冇大分別叫左2個set lunch, 叫左一個銀雪飯同肉碎拉麵d 野食, 唔夠熱...可能我地早左去...d 野未準備好啦...跟餐有三文魚壽司同前菜, 三文魚壽司好柴皮,前菜未解凍....服務方面, 未食完就會收野.....佢地係唔會先問過你, 見你放低, 係度飲野就當你食完, 就一手收左佢....不過算啦...垃圾般既質素, 食唔食都罷啦....食完之後個晚即肚痛....