大盛日本料理

营业中

休息中

我2個人去食, 入到門口居然沒有帶位, 自己入到去用佢話2人, 就叫我地等一陣, 我等左一陣, 見冇人理我, 自己坐低先.首先, A)一睇d碗洗唔乾淨, 快子上仲有上手食剩紫菜碎.B) 落ORDER時, 叫左2次都冇人理我, 要我揮手叫先有人理我.C) 落左6 碟野, 個WAITER好似有D不滿, 仲叫我等陣先, 而且沒有REPEAT ORDER.D) 自己送來那些垃圾支豆, 咁樣衰, 我一條都冇食過.E) 三文魚刺身上有D唔應該出現既野, 例如: 紫菜碎F) D STAFF 洗手由開水喉到洗完手, 整個過程不超過2 秒鐘, 乾唔乾淨心中有數G) KITCHEN STAFF 做野沒有帶PLASTIC GLOVE.H) D STAFF 要叫先識加水, 沒有誠意.I) D STAFF 遊下遊下咁, 得閒就自己吹水.J) 個經理成2個鐘都冇見過佢, 唔知去左邊.K) 後加了天婦羅一碟, 漏單, 不了了知.L) 賣單時發現收了前菜$10 , 又唔事先講.M) 找數後,個WAITER好似好急想收番本CASH FOLDER, 驚死唔比TIPS 佢地.N) 走既時候沒有多謝晒之類既說話等.太多了,

3月19日晚同一班朋友去官塘里間大盛食晚飯,Ｄ野食就好似店名咁大大件,但味道就真係麻麻地.好似蚧籽沙律咁唔夠凍,Ｄ蚧籽好"很".三文魚係就係好大件,但亳無魚味,秋刀魚瘦過街市十元五條果Ｄ........唯一ok既係燒雞泡魚干,不過乾身左Ｄ,食得落口下.眼見都好忙,但Ｄ侍應都仲試加茶,值得一讚,好過我上次去果間味千如果有朋友提意再去,我唔會反對,但我唔會主動提出再去,因我自己係一個比較塩尖麻煩既人是次消費九折後位位$150左右

昨晚即興約男友食飯，本來是去pizza hut的，但kt的pizza hut服務真的……於是轉移來到大盛。早在tst分店食過一次，尚算不錯。這次的order是:蟹子沙拉($22):很大碟，有很多蟹子，不過這次好像沒有上次那麼好味。三文魚刺身($38):有8塊，非常厚切，男友至愛。叉燒烏冬($32):烏冬十分彈牙，很出色呀!想不到在這小店子都食到出色的烏冬。只食這三道菜就令原本很肚餓的我飽了。而且此分店不像tst分店要收$10小食費，waiter又定時加茶，服務不錯。只是環境比較舊，餐具都有些舊了。結帳時waiter給了vip卡我們，下次食就可以有九折了!

已經黎過觀塘大盛幾次,今次最激氣!今次嬲到我都食唔到佢地食物好唔好食,因為完全享受唔到呢餐飯!四宗罪：第一宗罪：睇完menu,叫野食,就係呢個女侍應落單,家姐點菜,我係對面聽佢點菜!點菜前家姐出示將九折咭,因為個menu寫明要點菜時出示,咁我地照做!個侍應竟然藐藐咀話--埋單先睇!好啦,我當個侍應個格係咁,咁有d人一向都係藐藐咀架啦!我當冇事發生!第二宗罪：隔一陣我地再點菜,家姐舉手叫侍應,又係呢個女仔,佢係我家姐後面行過黎,家姐睇唔到,佢就好晦氣咁話---係度呀!就係佢地一句,我同細妹即刻望住佢(望住佢係代表你呢d係乜野態度),佢先至好少少態度話--係度!係呢個時候,呢個冇禮貌侍應已經知道我地對佢不滿!!第三宗罪：我地要加茶,咁岩呢個冇禮貌侍應係附近加茶,咁梗係叫佢加啦!正常一個人,加茶時,見到杯茶/水得一半都會加啦!佢就好好笑,五杯茶只加兩杯,我心諗,你隻眼係咪有問題呀,加原呢兩杯茶後我先知佢對眼原來真係有問題架!點解?因為佢將呢兩杯茶斟到剛剛好滿,冇錯,係剛剛好滿,一杯茶斟到剛剛好,你叫人點拎起飲呢,只好烏個頭埋杯水度飲左一啖先可以拎起隻杯!佢斟到咁樣我相信只有兩個原因,一係就隻

本身係觀塘返工, 都想食日本野, APM的元氣近排又食過. 就再黎這間啦. 眾所週知, 此裏的壽司和其他野都係大大份/件的.我們所叫的食物如下A) 壽司類1) 三文魚x4($15): 都係正. 成隻手掌咁長. 肥美, 正.2) 帶子x2($20) : 都係正. 厚厚的.3) 鰻魚x2($18) : 都唔錯的. 亦是好鬼長.4) 甜蝦x3($20) : 不過不失, 但好細隻5) 加州卷x1($3x) : 都係不過不失6) 另有: 象牙x(1)($18), 北其貝x(1)($18)不過,D飯係無醋味的和夾上會散的.這是不足之處.(B) 前菜1) 中華沙律和螺肉: $18一碟,大碟都飛起.有元氣3倍份量. 好食又抵食2) 蟹子沙律($28) : 又大碟, 又多蟹子.另外, 叫了大蝦天婦羅($38)一碟6隻/蒜香雞軟骨/豚肉炒烏冬.所以最好4人來食, 兩人食真係食唔到好多野. 侍應加水非常密. 夜晚8點前去,都不用等位. 8點後就full 左.但如果佢的飯係有返醋味和夾上後不會散的話, 我會多去. 這點對於我來說, 都好重要. 這是壽司的精髓所在.

一行二人黎大盛食飯,叫了三文魚壽司---比一般壽司店係大少少,但係覺得佢越切越薄蟹籽沙律---好多蟹籽,鍾意食蟹籽的人要叫黎試下奄列魚生飯--今次個魚生飯好似偷工減料左d喎,冇乜魚生.........劍魚壽司---okay,算唔錯!!三文魚頭碢---個喎都幾好味,但係待應放低個碢後,我地一望,個碢可能滾過頭,同之前相比重d湯少過之前幾次黎食!燒牛肉骨(個名咁上下,唔係好記得,總之就$20)---d燒汁幾惹味!!二人食咗一百九十蚊

9 Jan, 07開始一連串o既補祝活動已經唔記得左第幾次黎li度食la…lunch同dinner都食過…今次一行5人叫左勁多野…蟹子沙律…因為本身唔食沙律醬o既關係, 所以無食到…海鮮鍋…一般la…無乜特別大大壽司…有帶子, 鰻魚, 三文魚x3, 蟹子, 甜蝦…etc….已經唔記得la…講新鮮, 其實一般la…唔係好肥美果d…但勝在佢\夠長…食得好滿足…^^軟殼蟹卷…都係一般la…not bad…芝心卷(something like that la…)有舊小芝士…但食唔出law…無乜cheese味…唔知咩煮蜆…好普通…而且個人無乜興趣…天婦羅…都係唔大興趣, 所以無掂過…雞肉炒飯…可以話係最唔應該叫o既…唔係話難食, 但會prefer食多幾舊sushi都唔會食炒飯law…結果都仲食淨半碟飯…其他果d就差唔多清晒…總括黎講其實係ok抵食gei…

如果講佢o既食物﹐我真係覺得唔錯o架﹐不過D Service就認真麻麻o勒。早幾晚同朋友去食飯慶祝生日﹐總共10人﹐咁一去到就俾個蛋糕佢﹐已經開宗明義話收$80切餅費﹐我地明白有D餐廳的確係咁﹐所以亦沒有多問。但到我地食飽飽要拎蛋糕o既時候﹐佢竟然原個連盒拆都無拆咁俾我地﹐咁我覺得你收咩我$80﹐咁唱完歌﹐叫佢切蛋糕﹐佢地個樣極唔願意亦嫌我地麻煩﹐我覺得﹐你唔收我$80咁我地咪自己攪掂囉。最後我地想映一張合照﹐拎在部相機出黎之後﹐所有Waiter & Waitress每次經過我地張枱都扮晒忙咁行快兩部﹐之後仲唔敢行過來添~~全程食飯﹐次次都要叫先識加茶﹐又只加得一兩杯﹐其他的人是否代表可以唔駛飲??不過食物確係幾好﹐成六吋長o既三文魚壽司(當然指D魚)﹐好好味﹐辣酒煮蠔亦都好好味。不過如果佢地D伙計可以寬容小小、熱心小小﹐相信食客並都開心D﹐佢地生意好可能都會好D。

1月4號我同幾個朋友去觀塘大盛喇!!!一去到d侍應好似岩岩訓醒咁...不過都好有禮貌!我地去到都係食串燒,,但係d味就好似差左好多,係咪轉左師父呢??因為我都係成日黎依間日本料理,d魚生都重係咁新鮮,但係好大舊~~

三間大盛我都有試過而觀塘呢一間我平均一個月都來2次o既(都係星期日)而三間大盛中以呢間水準最飄忽亦有唔少樓面全程發夢午餐o既前菜類(set A/B果o的呢...)質素嘛嘛地而o的"主菜"都勉強合格o既什錦魚生飯就係其中一個ok o既選擇如果o的魚生可以切薄o的就好喇~

星期五同班同學去呢度食lunch。1. 個魚生飯，得好少好少，一半都無。2. 前菜個d 食完個飯仲要摧下佢先有得食。3. 個魚生飯至少等咗半個鐘，仲要d 魚生唔多。4. 落單個位小姐態度奇差，我地去到已經唔多人，唔明點解可以咁差。5. 摧咗3次先有得食個飯。6. 個價錢根本唔低食，食和民好過。結果，成班同學都back list呢間野，檢討下啦。如果service有得俾0分我一定會俾。

終於等到放大假啦~今日last day~梗係去食餐好啦^^嘻嘻.....今日去左大盛~食左個飽飽既午餐~我地13個人~佢俾左間房我地坐~一坐底~我已經叫左佢超長既三文魚同曼魚壽司~我地人數咁多~到台既時候~場面真係極度壯觀~除左呢樣~我地仲叫左條黑鐵立煞刺身$68~因為佢做緊特價~我地梗係唔輸蝕啦~個魚都幾好~最緊要新鮮嘛~上條魚個時~條魚仲識郁架~之後仲有個8件壽司既餐~雖然冇散叫咁大件~但係咁既價錢~都好好架啦~仲有埋麵豉湯同汽水送添!熟食方面~個蒜香雞軟骨好好味~又叫左個燒魷魚筒~好香~好煙x其他既都ok丫~係呢幾樣比較特別d~加上一人一個飯餐($35)~食到飽晒~^^到走個時~仲送左張卡仔俾我地~原來張卡仔係食一個餐吸一個~吸夠數目~有8件壽司個個餐餐送添~最衰我放大假~唔係一定拎左張野~等下次去食唔使錢~哈哈.....

琴晚同5個朋友一齊去咗大盛食飯.入去前都係門口睇過下有D乜特別野食當我見到人地枱面上的壽司嘩....好吸引ar!好長好大件ar d壽司我地一坐底就急不及待咁叫左壽司sin(三文魚,鰻魚,吞拿魚,油金魚......)之後我地再叫左個活魚刺身,海鮮拼盤,辣酒煮蠔三文魚頭火鍋,炒雞軟骨同牛柳粒timd壽司一次過上枱ga時候真係好壯觀ar我覺得真係我低食ar同一般壽司店價錢一樣但係壽司上面既刺身長二,三倍個活魚刺身好新鮮,上枱個陣重識郁gad牛柳四四方方又幾"林"喎重好有蒜香味個鍋湯低好鮮甜ar d菜吸收晒魚ga味,好正!!食完野重有雪糕"羅"米滋送ar,不過就硬左小小low~~

今日有同事請吃飯，咁知道近近地有間壽司店，就來吃，之前冇幫襯過，午餐都有好多選擇，有8件壽司餐+飲品+小吃或一些套餐，我叫了一個碎三文魚碎飯有飲，$38蚊，寫住限量，初頭諗住都係d三文魚細細粒冇其望，點知到，果d簡直係厚切三文魚粒，堆到坐山咁高，賣相都吸引，吃落都好新鮮，實在冇傳聞中咁差，而環境實在是大茶餐廳feel，睇落嘛嘛地乾淨，待應d態度一般，整體都ok。

尋晚訂左7:15~一去到就有位~正~記得上次去到既時候~連帶位個個去左邊都唔知~但係今次就好好多啦~有個侍應stay係門口~我地今次4個人~食左都好多野~壽司冇左一夾就散既情況~d魚生一樣係咁大件~同咁新鮮呀!!!個蟹子沙律好大碟~好多蟹子係上面~今次叫左條叫黑鐵立($128)既活魚,條魚落台既時候仲(發發)下~好得意^^之後講講d熟食~d串燒依舊咁香口~而天婦羅就冇左我地上次黎~因為個order凍左而變硬既情況~其他野食就冇咩特別~成間公司都有進步~唯獨唔知點解有某d侍應都仲係發緊夢~未訓醒咁~明明見到都好似唔知叫緊佢咁~幸好唔係成個場都係咁~都仲有d識笑同埋會識應下人者~