大盛日本料理 (已結業)

四人飯局，三個朋友都投日本菜。心想，對於食滯的我都是好事，而且同事又推介，就揀在大盛食飯。店不算大，人都幾多，其實應該要book位。是晚我們walk-in，居然只等5分鐘就有檯，都幾好彩!　原本餐廳有四人前套餐，不過內容似乎太豐富，大家決定散叫。由於食物選擇良多，最後卻竟叫了很多食物，豐盛程度無異了：　蜜桃蟹籽沙律-原本想點芒果蟹籽沙律，但是日芒果沽清。替代品都ok!三文魚壽司-長長的三文魚壽司，味道不錯，令我想起元朗的金田~燒三文魚腩-微脆的魚皮加上大層魚脂肪，非常肥美可口三文魚蔥卷-一句話：四人都對三文魚情有獨鍾!雜錦手卷-想點的卷物沽清，改點雜錦手卷。原來不是各樣餡料都有，只不過是四款不同的手卷，我試的蟹籽手卷一般啦!雜錦天婦羅-每人分到一隻海老及一件野菜，味道ok，只稍嫌多油些少清酒煮蜆-很大的一煲，蜆肉新鮮彈牙，清酒加上適當調味，清濃度適中而美味，朋友激讚的一道菜!海鮮烏冬-海鮮料很多很足，烏冬都算彈牙，不錯　總共八樣菜，每均每人兩樣，水準又不低，大家食得好滿足。餐廳還送了甜品雪米磁，加上九折咭，真的幾抵食。　呃.. 怎麼我不覺得滯了?就這樣，胃口又神速的復元了~~~　聖誕倒

花之戀係好抵三文魚好好但係由於太大件, 好易散開同埋超飽肚.... 三文魚都係好長,帶子新鮮又甜但係d服務態度真係好差。我地叫個阿姐，唔該埋單佢睥住我話下次唔好叫阿姐呀，叫小姐呀，有禮貌d，嘩，激到我爆火，等佢以為自己咁巴閉我就唔信無第二間好食過佢~~ but also have a welldone girl <<long hair and have litter bit fat and cute>>好有禮貌好快the service is the best but another 叫極都無咩人理

兩個人食左五碟壽司+泡菜牛肉煱= $170d 大件壽司望落好似好正... 但唔好味... d 魚生或帶子唔係咁新鮮...正如之前個位留言... d 三文魚無味的...但d 服務都算OK...不過都應該唔會有下次

好耐無幫趁過喇... 今日去左呢度lunch, order左三文魚刺生x2, 天婦羅, 炸軟殼蟹&炒烏冬... total around $170 for 3 persons, 同以前一樣都係走實惠路線. 食物雖然冇乜特色, lunch因為有學生幫趁, 所以會較嘈.但以呢個price黎睇, 當同family食一個普通既lunch 也算ok同食得飽飽.Service方面, 佢地既staff都係d young既"lan仔" staff... 不過當中有個較高既staff 都好polite & hard working... others就渾渾噩噩甘lor... 所以佢地既service都唔係一面倒甘差... 好視乎個staff 自己本身...

之前聽朋友講過lee間壽司都係大件低食, 唔使專程入元朗排隊, 尋日同朋友仔行開尖沙咀不如就去試試, 點知就噤出事喇! ~.~我地叫左三文魚, 帶子, 熟蝦沙律, 蟹子, 軟殼蟹卷, 蝦天婦羅同海鮮煲等....先黎一個空降壽司, 結果.......蝦沙律同蟹子壽司各有一半降落木台面. 奇怪在侍應哥哥依然睇你唔到, 聽你唔見, 完全無理過我地, 點都唔望返轉頭. 好! 我就食下佢地D野食, 睇下有乜特別, 噤既服務態度仲有人黎! 先食蝦沙律壽司...酸? 好能沙律醬酸. 再試三文魚壽司...飯一夾散晒,味道勁酸,三文魚無味---差! 再o黎蟹子壽司, 飯一樣勁酸, 蟹子=咸+腥=怪--- 劣! 從未食過噤難食既壽司! 低處未算低再o黎海鮮煲, 嘩好大煲呀! 但入面全部都係大大舊既三文魚, 同唔知係乜既白色魚. 成煲野乜味都無只有"腥"味, 難食得很! >_< 總結: 難食+ 服務差+ 價錢唔平

今晚開餐唔知食乜好兩口子就入去試下佢d壽司掂唔掂啦~叫左帶子,鰻魚,三文魚子, 三文魚, "立"魚壽司三文魚同鰻魚係就係好大件, 但係d飯一夾就散, 魚肉算係新鮮,但係"立"魚有怪味唔好食~另外, 再叫左燒秋刀魚, 都ok啦..只係魚身有點硬啦~overall,食物一般,服務都ok加荼好快手, 但係我地坐bar位的關係, 睇住d所謂壽司師傅三幾個一邊做野, 一邊傾計, 但係句句都係粗口..講真..好disgusting喎..d野幾好食都無用..感覺唔好..仲有.我好懷疑佢地的衛生問題..手套又無, 洗手睇住佢地都係是是但但咁.. >_<俾vip card都無用..無下次..!!

尋日同女朋友仔去左大盛食飯其實service都唔係冇.....d staff好自然會幫你fill water....又唔會冇人理你wow....不過係個環境嘈d 咁la~講返d野食先......傻ga.....個八爪魚仔..... 數量等於出面的兩倍....而且..好好好好好大件~5色刺身.... 好食.... 新鮮... 大件.. 唔會薄切...d蝦仲要有膏ga wow蟹籽sushi...多!!!北寄貝sushi...出面的是這裡的一開二.....3文魚生飯.... d 3文魚好大件...炸雞軟骨..... 好多多食!!!其實只要兩個人係埋一齊... 食mud都好食ga la埋單有9折

係呢間餐廳都食左有5,6次,食品既質素係唔錯,新鮮,比食品既評級我比5分但係服務質素我比1分經常漏單,成班服務生自己顧住玩,都無埋過d客,上次同女朋友去食,主菜到左,前菜遲遲未到,但已經叫我地埋左單先,我堅持個set到晒我先比錢,個前菜先黎...

本身睇到大家的評語有d 怯...話d野污糟服務態度衰食左4人套餐+什錦刺身勁飽食唔晒4人套餐有:沙律(擺到明係唔正宗不過OK啦)/清酒煮蜆/雞烏冬/魷筒/什錦天婦羅/什錦壽司/泡菜牛肉鍋/軟殼蟹壽司....好豐富什錦刺身:全部都好味除左吞拿魚,唔新鮮"梅"身唔好食個姐姐俾左8粒糯米糍我地哈哈~環境一般啦,略嫌沒椅背,地方淺窄

啲侍應服務真係勁不知所謂!好似唔想/唔休做咁款。男朋友舉起右手時首個男侍應係側邊照掂行掂過,自己扮做隱形人定當我哋透明?問清楚個午餐定食啲「什錦刺身」同「味付小食」分別有邊種刺身、有幾多件同啲小食係乜之後落單,唔知係個次侍應定係廚房同壽司吧啲人手腳慢又抑或佢哋溝通有問題,等咗五分鐘,男朋友再舉起右手,個首男侍應喱次扮忙,催另一個至上鰻魚飯先,飯同三截鰻魚分開上,兩樣睇落都好靚。嘩...啲日本米究竟係有飯焦定係未熟晒?而男朋友食魚生飯配麵豉湯,三文魚、吞拿魚、八爪魚各兩件,佢啲味付小食中華沙律就咁一小撮擺係啲魚生側邊咋!到我同男朋友幾乎食完主菜發覺我啲前菜仍未見蹤影,男朋友唯有再舉起右手,今次召來一女侍應,催完邊等邊食埋個主菜都未送嚟,齋等同一個女侍應行過再催多次至送嚟,居然有兩件白吞拿魚腩,但點解唔見「味付小食」一齊送嚟,男朋友話放係啲刺身側邊嘅一小撮中華沙律咪係囉...埋單俾錢時有一蚊特登用晒神沙(真痛快!),個次男侍應話公司唔收亳子,我就答我只係得亳子咋,所以佢點都要接受啦!如果啲服務咁超唔掂,啲嘢點好食都係假,最開心係唔駛俾貼士呀!

在山林道覓食, 走著走著來了這兒.朋友叫了個set, 有一個普通拉麵, 刺身和天婦羅. 刺身我不吃, 天婦羅份量很多, 有兩只蝦, 青椒, 蕃薯. 炸得不算過份油膩.單叫一個野菜拉麵, 配料有不少的海帶, 金菰, 冬菰, 粟米, 日本魚蛋, 椰菜. 拉麵不太彈牙但叫okay.鹽燒雞翼, 很焦, 肉黏著竹纖很難扯出來, 吃得很論盡. 味道還可以.一班男生侍應initiative頗底, 不加水的, 有一個戇居居的, 但也算有禮貌.環境麻麻地, 但washroom好neat, 加分.

前晚同幾個朋友食飯, 等了好一陣子先有位!! 因為之前都同朋友食過, 食物同服務都OK !! 所以就來了呢度!!今晚order 左幾樣之前食過既食物!! 點知今次食物勁差!! D 魚生冇以前咁新鮮呀. 而家.....唉, 大不如前!! 三文魚刺身好難食, 明顯係好唔新鮮!! D 壽司等左好耐都未到, 反而廚房既野就好快. 其他食物都幾好,包括蟹粥同炒飯!!服務方面依然唔錯, 好快有人應, 態度亦非常有善!! 侍應仲不停加茶添!!勁好招呼, 經常微笑, 好!!服務都唔係D 人講到咁差姐, 我都會繼續支持!!

嘩! 今日排隊等咗勁耐位... 終於可以任到山林道O個間大盛度食嘢啦! 因為個個朋友入去食過都話好好食.. 又抵喎! 你話唔試過點得呀!!!跟住睇MENU.. 好多個CHOICE囉! 都唔知簡咩好.. 跟住咪周圍望吓隔離枱食咩啦.... 嘩!! 見到有隻蝦.. 上面勁多芝士喎, 咁咪問個小二係咩啦呢個.. 點知原來叫做芝士焗車蝦, 好得意個名.. .車蝦?? 點解呢.. 個唔理! 食咗先算!!點知出到嚟碟嘢... 熱哄哄的.. 又香芝士味... 但唔滯喎! 因為仲有D沙律醬的汁加O係入面! 所以味道勁超好味.. 一定要介紹其他人去食呀! 唔係係咪咁多間大盛都咁好味架呢?! 仲有個咩SPICY酒炒蜆都好好味.. 好SPICY呢.. 好好味呀!! 個個都食到攬住個肚走咁.. 價錢又合理喎!! 唔錯唔錯! 下次一定再嚟幫襯!!

both service & good are badmust check the bill, because the price of one dish in the bill is higher than the in the menu. And I told the waiter, then they tell me the price in the menu is not updated, after I and my bf insist to pay the price in the menu, they finally admit lor. bad service!!! Good are not freash at all, price not cheap and 1 hour limit. No point to visit again.

本來諗住去附近既春天食, 但係吳知點解冇開, 見倒呢間都ok wor, 野食又多, 就走入去試下啦要左個set lunch, 係雜錦鍋+飯+沙津+面豉湯鍋既用料都好豐富, 有三文魚, 八爪魚, 蝦, 元貝, 豆腐等等。鮮而不膩, 冇諗過會咁多料, 雖然食味方面講不上話好好食, 但係都冇壞既中華沙津亦都不差, 不過吳知點解好耐先上得呢度個廚房出野比較慢waiter既服務幾好, 你問佢野佢真係答倒你, 試過去其他地方食野, 你問佢野, 佢居然叫你自己睇menu