大盛日本料理 (已結業)

上星期6男朋友帶我去山林道大盛吃壽司,2:00到達,已經頗多人,但我不喜歡這裏的座位,太迫,好不自然.order了兩碟三文魚壽司/炸辣吞拿魚手卷/炸物/壽司set.三文魚壽司-----真係很大條..三文魚很新鮮,很甜.炸辣吞拿魚手卷-----非常特別,手卷炸過,外邊脆脆地(但又不會炸得太多粉,剛剛好),入面的吞拿魚切成正方形,兩者加在一起又脆又軟真係好好味.其他壽司同炸物都有水準,我們吃了很多,好滿足.因而令我覺得這店的師傅是有用心去做食物的.

上次食完, 覺得唔錯, 今次又去食.食物quality 唔穩定, 今次叫了三文魚壽司, 但係成條都係脂肪.叫佢換左件壽司, 佢地竟然將件魚生反轉放返上件飯上面....搏我地見唔到!?明明menu寫住北寄背刺身係$30 八件, 點知上菜時得五件. 問佢地點解啦, 佢地話, 因為今日d 北寄背大件d, 所以少d...咁都得?!

雖然上次等位事件十分不快, 但友人話都係試下這間如此名氣的店子.可能是平日, 又book 左位, 所以唔駛等.不過其實7:30 去到係有好多吉枱.今次一行四人, 叫了幾碟壽司, 海鮮鍋, 天婦羅, 牛肉飯等.大部分食物的味道和賣相都不錯.最後每人share 返$90, 已經食到好飽.service, 上菜都算快, 不過環境比較嘈...部分credit card 有九折.

其實見到咁多人俾喊面,我覺得唔係太FAIR 囉,因為佢咁既價錢,食到咁既野,都算係咁啦...你唔可以俾一個一粒星既錢去食十粒星既野,尤其係日本野,永遠都係一分錢一分貨啦....上次去食什錦天婦羅,三文魚刺身,蟹籽沙律,都算係咁啦..

其實這裡的壽司當然唔算得名貴，但都幾抵食夾大件丫！我同男朋友最欣賞造裏的三文魚壽司，十分新鮮，又抵吃！不過實在太多人排隊了，相信我們仍然會支持的！

妹妹同事請食飯,訂左七點鐘,一入去有位,仲俾左間房,計埋我們只有兩客,所以都幾靜,好過坐出面.四個人點了三文魚壽司四客,一去到叫的兩碟麻麻,後黎追加的唔錯芒果沙律:用料唔係太新鮮,勁多蟹籽,好似唔洗錢海膽一板:唔知點解總覺得用的青瓜唔新鮮,紫菜都係脆的,味道唔差雞軟骨:唔差的,又唔覺特別好味雞菇:28元唔抵,辣辣地, 但道唔覺特別炸蝦天婦羅:有6隻,都幾好味的,蝦仔彈牙,係油左少少炸蟹薯餅:麻麻,可以不叫牛油果軟殼蟹卷,最難食呢味,最好唔好叫海鮮拉麵:最好味呢個,麵質彈牙,送有三文魚,北寄背,青口,蟹柳一條四個人食了398,甜品是黑芝麻雪米一粒服務原本一路覺得唔算差的,只是後黎海膽搞錯左,落單個女待應態度好差,扣左點分,其他人都係唔錯,見下面前評話有限時,昨晚我們四個人食左兩小時,也沒有俾人趕走,可能昨晚唔太多人,有時也有吉出現,所以可以好安落地食飯

今晚同左個朋友去尖沙咀山林道<大盛>食日本野﹗嘩，好幾年無見過咁大件o既拖鞋壽司啦﹗我記得以前有個朋友帶我去元朗食拖鞋壽司，一見到已經\"嘩\"，估唔到咁多年後都食得返﹗而且價錢仲好實惠，真係好抵食，食一件等於平時食兩件。其他野食都好好食，如果嫌平時o既壽司唔夠喉，一定要去試下。去之前記得打電話去訂位，因為真係好多人~~~~~~~~~~

真係好唔明點解要等齊人先可以入到, 都幾離譜, 如果3,4個人就話者, 8個人黎食都話要等齊人, 7個人戇居居o係門口等, 遲放工o個個無端端變左罪人...其實過半數應該入到啦, 最多限住食一個半鐘囉. 佢就話可以入, 但係限時一個鐘, 大佬呀, 變通下啦, 2個又係限一個鐘, 8個又係一個鐘.佢d野食都係十年如一日架喇, 但係我真係想同老板講, 如果d服務仲係咁既話, 我真係寧願去排板前喇!

不知道為什麼有人會喜歡這間日本野。食物不好吃, 什麼也不推介地方座得不舒服服務極之差, 沒有侍應會理會你我從來都沒有遇見一間這麼差D食野,之緊要係食得舒服D 野唔好食唔緊要唔駛成百蚊既日本野唔會有期望但係service 真係要俾0分走單唔出奇計錯數都算數但係個個侍應都係唔理你要人未入座先叫野都ok但係坐左成45分鐘d野未黎就唔ok希望大家唔會俾佢\既笑瞼呃左...

這間"日本茶餐廳"服務質素差已是眾所周知的事實, 想不到食物質素都一樣差. 我們所點菜單如下:海膽一板-- 有苦味, 不新鮮三文魚寿司兩客--大大件三文魚, 味道都尚可, 寿司飯一夾即散, 唔惦.芥辣牛柳粒-- 一上台已經凍xx金龍卷(正確名稱忘了) 寿司上的蟹子, 連唔咀刁的男友都食得出是下價貨.可樂一罐-- 本地可樂, 成餐飯最正常埋單200多元, 平, 不等於抵食. 大件, 也不等於好吃...不好吃就算再大件也只會是大而無當.

呢度環境同服務就真係麻麻啦，但又真係幾抵食。壽司、手卷同其他食品都好大份。我地四個人叫左8碟壽司、1個蟹籽沙律、1個湯麵同3個手卷都係每人約$70元。但係味道呢.... 我唔覺得都係一般喔。

上星期六夜晚六點幾同個friend行過,見門口個餐牌d野食都幾平,就諗住要試下呢間野,好啦!入去,個侍應問有冇訂位,我話冇,佢就話冇訂位只可以食一個鐘,心諗有冇搞錯?唔通夜晚好生意到咁?不過果陣時好鬼死肚餓,唔諗得咁多,算,唯有食啦!行入去時,個場冇乜食客,但d枱咁鬼死迫嘅?枱與枱之間真係超窄,個侍應安排左我地坐到入一入,隔離已經坐左一對人,好似搭枱咁.入左黎食野算把啦!叫左壽司併盤(大),蝦天婦羅,墨魚咀串...個蝦天婦羅黎先,食落去,個d粉厚到丫!又唔熱,又多油,d蝦又冇乜味,食左兩隻成口都油膩膩,冇食到;墨魚咀串都ok嘅...最後主角壽司黎喇!齋睇個樣都唔係話好吸引,係就係大件,d魚生長過隻手掌,但見到d肉唔係新鮮果隻,食左件大路d嘅三文魚先,哇~~d飯勁酸!一夾就散~魚又唔得,我都未試過食到d咁嘅壽司的,d飯真係酸到冇人有,百佳吉島果d都好過佢.最後強迫自己咁食左幾件就埋單閃人.之後行街仲有d肚痛...永不幫襯...

之前睇依度比左咁多笑面,所以今日專程黎一試.....誰知我同個fd...都係失望而回.先講食物..我地order左以下食物...三文魚壽司$15 ~ 份量幾多,係抵食.不過d飯一夾就散.甜蝦壽司$20 ~ d飯一樣係一夾就散..好馬虎,有待改善炸軟殼蟹卷$45 (8件) ~ 味道好一般什錦天婦羅$38 ~ 好難食呀..個炸蝦就大條,不過蝦就得一半,炸粉就超厚,仲要唔熱tim..牛肉火鍋$45 除牛肉之外..其他配菜都好馬虎,牛肉勁熟,湯唔熱...( 我食左小小已經唔想食..)菊正宗$50 ...因為係sake..所以冇問題..好彩...前菜$10 ~~ 一坐低就已經有,唔知依d就係咪叫做最低消費呢?? (我同個fd都冇食到) 環境方面..好嘈,似街市.枱與枱之間好近.好似同枱食咁服務方面..冇加茶,冇主動收野,仲要有同事落錯枱,d食物送左3次黎我張枱到..個waiter仲要唔出聲...攞住碟食物係空中等候..(可能係想等我地幫佢落枱)..我就同佢講:隔離枱ka !...(錯枱冇即時跟進,有問題)要我講3次.... 成晚我見唔到有經理...但我眼見d.員工個個做野d手門好差..真係要加以

2005年7月4日不知是否衰開有條路的,今夜的晚餐又是吃得不愜意.首先叫了四款壽司,打算好吃才再叫,慶幸只是叫了少許,不然就受罪了,先來的是三文魚和金龍,刺身方面還可以,但飯本身就十分不行了,飯粒很糊口,喝了數啖茶也好像不能吞掉似的,那刻很害怕食壽司哽死呀.後來的是「魚尋」龍和水母,這兩款更加厲害,醋飯酸得可怕,入口還像倒了一杯水進去似的,濕漉漉的,勁恐怖......本來還叫了土佐豆腐的,但幸好是漏了單,否則很難想像它會以什麼的"形象"呈現在我們的面前啊!吃罷那幾件精彩絕倫的出品後,我們立刻埋單,逃了夭夭了!

昨天同fd 一行三人去食, Book 0左位, 唔駛點等。叫0左三文魚sushi($15) x 2, 鰻魚sushi, 油甘魚sushi, 辣酒煮蜆($40), 象拔蚌刺身($50), 炸軟殼蟹卷...。sushi 上面0既刺身好大件, 三文魚好抵食, 都新鮮。蜆我覺得麻麻, 但係fd 話正~埋單$225(有九折卡),抵食!! 有機會會再去....當中有一段小插曲, 有個waitress幫我地收dishes 時倒瀉0左我杯茶,搞到成table 濕哂。佢有抺, 但係抺得都幾求其, 抺完都仲係一塘水, 可能佢地真係太忙gua....