大瀛喜日本料理 (已結業)

好友聚餐當然選擇放題， 經朋友介紹決定去試大瀛喜，果然冇介紹錯。先去取飲品果汁先生、氣水、 啤酒果汁應有盡有 ，而第一次下單炸物天婦羅一口牛等等先到刺身需要等20分鐘，虎蝦配泰式醬一絕， 三文魚件件魚腩甜蝦 。而熟食比較欣賞一口牛、 芝麻雞翼、 鹽燒海蝦、 黃金炒海蝦，另外時令滋補湯都好好飲 臨尾幾個人食咗一個瑤柱海鮮粥 到甜品如果喜歡榴槤勿錯過貓山王糯米糍及 超級榴槤炸彈我比100分 4轉刺身蝦係必食榮螺爽甜，北寄貝劍魚腩 亦不容錯過辣酒花螺可食可唔食

朋友同個熟客簽大單，今鋪佣金超勁，話請我食放題都無咩所謂。朋友office近呢度，我咪book囉，上網睇過呢間食評，好評多，大家目標都係D野好食姐。一入座，女侍應都好友善帶位，招呼周到呀。D食物都好多選擇，整得幾好味，二佰頭一餐放題，唔貴有埋甜品食都算係咁。我印象中有幾款真唔錯，好似個雪花牛肉鍋，湯底清清地，D娃娃菜清甜，牛肉都好正，我個朋友話D燒烤野好食，我同意，如燒雞軟骨，雞中翼，菠羅，羊架，海蝦，都重覆叫咗好多次，好食Bo。我少食刺身的，但朋友就勁叫，話好新鮮，但我真唔識食。火灸壽司我食架，個盬燒三文魚，有魚油香，㸃少少豉油，超正。炸物同天婦羅我好的，炸蠔，雞翼同榴蓮炸蛋，特別係榴蓮炸蛋，爆D榴蓮醬出嚟，巧香呀。虎蝦天婦羅同炸鮮奶都好吃。甜品OK啦，因我唔係好食，但我愛榴蓮，那款貓山王糯米糍正，個糯米糍超軟糯，入面榴蓮激香。

星期二放工， 約左fd 旺角聚下，放工出到去攰攰地，又唸吾到食咩，飄過雅蘭中心，見到幾間放題，咁就吾如食放題啦，又吾洗唸又多選擇。上到MPM 商場，唸住食大瀛喜，發現個商場都幾棧鬼，要搭幾條𨋢先上到去， 仲要響2樓攞飛等有位再搭𨋢上去。攞左飛等左陣，終於入到去啦，超多人，好爆場😮 好彩我地都吾算等左好耐，如果係星期五或者周未就難講...一坐低，嗱嗱聲點野食，我主要order 熱食，fd 就order 壽司刺身類，menu 大致上同其他放題差不多，中規中距。由於我地兩個都吾算超肚餓，就吾敢點太多野，免得浪費食物。落完單野吾洗等幾耐就黎啦，以咁多人流黎講，速度都算快。蒲燒鰻魚，其實lunch 先食完蒲燒鰻魚飯，夜晚又忍吾住叫鰻魚😜呢度鰻魚吾算厚身，味道ok.蜜糖醬燒雞中翼，上枱仲係熱辣辣既，蜜糖夠多夠入味，甜甜地幾好食。燒有機菠蘿，真係放題必點，又甜又開胃鐵板蒜香一口牛，蒜夠多，牛都嫩口，吾會太老，但略嫌吾夠熱...鐵板翠肉瓜炒野菜，呢碟野純粹係為左菊花而叫🤣黑豚響玲辣酒鍋，平時放題成日叫肥牛鍋，今次試佢既豚肉鍋，熱辣辣上枱加埋辣湯底，食落特別醒神，豚肉份量都吾少。平均兩人每人分到兩小碗。

今日同朋友慶祝生日，朋友話之前食過呢間放題好抵食，於是黎encore。一入到餐廳就見到兩個飲品柜，飲品選擇都好多，果汁汽水啤酒有超過二十款，鍾意飲酒嘅仲可以加錢飲清酒。由於我地成八點幾九點先入座，已經勁肚餓，一坐低就瘋狂咁叫野食。好彩呢度嘅上菜速度好快，入左紙仔唔夠五分鐘就有野食喇。第一round梗係叫刺身先啦，有成十幾款選擇，最正係三文魚，夠厚切又肥美，甜蝦都好大隻又好鮮甜，同朋友每人起碼食左十隻。另一抵食之選係海膽手卷，有甜味唔會腥，而且細細件可以一啖一件都得，飯量少食多幾件都仲得。蒜香一口牛好夠淋，好惹味好香口。豉椒炒蜆又係值得推介，d肉夠大粒又無沙，唔會淨係得d殼。天婦羅就叫左炸蝦，蟹柳同甜薯，上碟時仲熱辣辣，證明係即炸。蝦肉夠彈牙，炸粉都唔算太厚。芝麻雞翼又係新鮮炸起熱辣辣，夠晒香口，外脆內軟。最後仲試左個黑豚響鈴辣酒鍋，食落有d似泡菜鍋，酸酸辣辣幾開胃。值得一讚係侍應見到我地摵蝦殻隻手污糟左，好細心咁俾左包濕紙巾我地抺手。

一家人出動去食好野，家人提議食日式放題，一行十幾人來這裡拼命，一句講哂：只要食，不要問！不用走來走去，只要填一下點餐紙交給店員，心水食物便送上，輕鬆舒服。食物款色應有盡有，必食魚生，壽司，炸物，熱食，串燒，多不勝數。食物很有質數，絕對可以再anchor！飲品任飲，仲有雪糕，超正！唯獨用餐時間只張兩小時，大家有咩要傾就最好留返食飽後再慢慢講啦，哈哈😄！炸蠔，香口！花之戀壽司，炸蝦🍤卷壽司，好味！鰻魚，一食再食！燒菠蘿，冇得輸！最愛的泡芙點品。

話晒香港都係放題任食既始祖，行過條街有大大小小既放題鋪頭，而呢間算係我食過咁多間放題入面性價比算高既一間啦！一入到門口已經接近7成入座，我地坐好之後即刻去左門口既飲品櫃到拎野飲，普通既啤酒汽水一應俱全，而令我最出奇既係有一支支既果汁先生仲要包裝係最新既Incredibles 2-Jackjack，令人想飲完一支又一支到左最開心既嗌野食環節，寫完一張又一張，最先到既竟然唔係刺生而係壽司🍣佢既北海道鮮帶子壽司絕對唔止係放題既質素，大粒得黎好新鮮，唔會有冰鮮同雪藏嘅味道，而火灸壽司不嬲都係我既鍾愛，火灸三文魚同火灸左口魚群邊，一入口既時候仲有岩岩燒完既微溫同味道，比起市面上好多鋪頭都燒完放左好耐先上台，呢個位佢做得好好而佢既熟食亦都無令我失望，有香脆入口既芝麻雞翼，等候時間比較長但都證明佢係新鮮炸起，食完真係飲返幾廿杯涼茶都唔夠。而當中我最為欣賞既係佢既鹽燒牛舌同埋蒲燒鰻塊。佢既牛舌唔會燒得太過老火唔會燒到硬塊咁完全入唔到口，而且亦都食得出佢即叫即燒既味道。講真我就好少係其他放題店鋪有燒鰻魚食，所以我地淺嚐左一客之後決定瘋狂encall再encall，每人起碼都食左3,4串先停手。佢既燒鰻魚

今日約左個fd出旺角行街，行到8點幾，然後大家一致想食放題，一於去大瀛喜啦。去到reception位都幾多人等緊，見到佢寫住9點食有85折，咁就緊係等多陣啦一黎即刻落單，第一round咩都叫d刺生拼盤，由於我唔食生野，唔知好無食，不過個fd話d刺生好新鮮我自己就食火炙壽司同卷物醬燒珍寶蟹棒/鹽燒三文魚/香蒜牛油燒大蝦/香燒鵝肝帶子蟹棒同帶子都好好味，另外兩款不過不失吉列炸蝦卷/忌廉芝士鰻魚卷蝦卷麻麻地，鰻魚卷幾好味炸物叫左生蠔同埋雞翼兩樣都炸得唔錯，好脆身，第二round再encore多次炸蠔芝士焗帶子帶子略嫌細咗少少，不過芝士都幾入味羊架好大件，食完好飽肚，好彩佢都幾juicy 牛舌野飲選擇都幾多雪糕櫃由於今日唔係好肚餓，所以唔係食咗好多野，不過每次食放題都好滿足😋

今晚約了一班中學同學聚舊，幾個大胃王聚餐，放題係不二之選，任飲任食先至夠暢快，決定試一試位於市中心的大瀛喜日本料理夜晚九點後入座有八五折，一黎到就見到人山人海，就知道幾受歡迎慶幸店員都好快就安排入座，抵讚幾個大胃王一坐低，當然就要叫刺身啦，如果唔係點回本？雜錦刺身拼盤生魚片睇落都好新鮮，食得放心北海道鮮帶子壽司，個人認為必食，帶子大大隻，好新鮮好好味，我好貪心咁encore了很多次~火炙三文魚壽司燒牛舌冷烏冬鐵板蒜香一口牛諗住放題應該都係主打刺身，最初都期望不大點知食落有驚喜，牛肉很嫩口很有牛味，蒜粒完全帶出牛肉的野味!迷你版海膽手卷，海膽很甜很新鮮，拍得住係北海道函館朝市的水準芝麻雞翼外脆內軟，上菜時仲係熱辣辣，證明即叫即整，夠誠意炸蠔，好香口燒羊架雖然飲品任點，都唔好咁貪心每人都只係飲咗三罐座無虛席，很多捧場客埋單每人都係二百蚊左右，性價比超高

好耐無食過放題啦，今次一早就book左位帶埋屋企人一齊來食啦，哩間位置係朗豪坊對出既商場，店鋪幾大下噶，坐得都OK舒服，野食選擇都好多我地一開始就先叫左刺身拼盤，有三文魚，甜蝦，鮑魚片，海蝦之類！野食都幾新鮮噶，又爽又話，仲好鮮甜噶燒物最愛鹽燒海蝦啦梗係、大大隻又好鮮味，D肉仲好爽口添。雞軟骨都好鍾意食，擠D檸檬汁落去，好味。燒菠蘿都好甜，好開胃，炒蜆夠辣夠惹味。辣酒炒花螺都夠入味。焦糖燉蛋一定唔可以錯過啦！羊架都好正啊！

好耐冇食過放題，難得女朋友搵到份新工，同佢慶祝下，於是就黎食下放題。呢間大瀛喜都幾多人嚟食，我book咗九點鐘食，未夠九點去到已經好多人排緊隊，仲有好多係walk in，不過好彩我book咗位， 9:010就已經有得入去。飲品款式都幾多，同埋職員都會好快refill返啲飲品。黎到第一轉梗係要食刺身啦，啲三文魚好肥美呀，啲蝦好鮮甜。我食親放題都一定會食佢哋嘅火炙壽司，個三文魚腩火炙壽司好好味，嚿飯細細舊，唔好話食兩啖就已經飽晒。是朝炒蜆，佢一啲都唔吝嗇，一人份量唔係好多姐，不過啲肉都幾大隻，同埋炒得好入味。炸物必試芝麻雞翼，啲雞翼好香，雞翼嘅喊度適中。大部份食物嘅質素都唔錯，不過真係實在太多人，如果要食嘅話一定要卜位。

魚生唔新鮮，炸野相對好食啲，衛生一般。半年前在這間放題食飯，四個女仔，我地食唔曬，剩低兩舊壽司飯，被個侍應指住我塊面鬧話：「你食唔曬，唔！好！再！叫！壽司！」乜服務行業依家可以咁的咩？我當下震驚到完全備唔到反應，佢仲要講多次，仲指住我問：「你聽唔聽的明啊？！叫你唔好再埃啊！」。後尾我搵左經理講返件事，個女經理竟然幫佢話：「咁同事都係因為睇唔過眼，實在太多人剩飯了」。。。你好野。食完後我問經理，你有咩補救措施？經理竟然回應：「唔係已經調開左佢了咩」我真係笑左出來。尼啲無質素，服務態度奇差的放題，我唔會再去第二次囉。

今日友人特意提早為我慶祝生日，唔想朋友就住荷包，而又唔想太貴，所以選定食放題啦, 盡情食都係一個價錢~ 啱晒~~旺角呢間放題好就腳，大家放工去都好方便呢~先去飲品櫃拎下飲品先，有勁多選擇最後揀左呢2款, 出面天氣熱, 飲完好解渴推介海膽手卷細細件竟然係多海膽少飯最好唔會太多飯食得太飽海膽鮮味唔腥，好想encore 不過要留肚呢刺身係食放題回本必點呢最喜愛的三文魚、油甘魚、甜蝦、池魚是必點呢, 全部都好新鮮，三文魚及油甘魚夠厚切特別推介池魚- 池魚在日本堪稱「魚中王者」，由於魚身肥大飽滿，魚脂的比例很高的。池魚會切成透明的魚肉和閃亮的銀邊，池魚是時令刺身, 所以夏天便一定要吃了，今天在這裡也可品嚐池魚刺身真是值回票價了, 超級鮮味鮮甜,  魚肉質感很嫩，口感又豐潤，特別喜愛那油脂香在口徘徊，非常回味呢三文魚花之戀size 是一口咬的，非常精緻鐵板蒜香一口牛牛肉很腍, 蒜味好入味~雞軟骨串好香口白汁青口好creamy 的汁好好味, 而青口又好肥美 以下2款係榴槤迷必點呢~超級榴槤炸彈外層炸得香脆又熱辣辣, 咬落去好creamy好香濃又滿滿的榴槤蓉漿流出, 口感非常軟滑，榴槤味道濃郁貓山王榴

日日忙忙到不停,要慰勞下自己,放縱一下食多D,就相約朋友食下日式放題。大瀛喜位於旺角,就近旺角港鐵站, 十分方便。點來刺身刺, 款款都新鮮,尤其三文魚好肥美, 另外劍魚腩咬落口清甜,而蝦入口鮮甜新鮮, 其他也不錯, 完全新鮮好味,回味無窮。點來兩款壽司味道也不錯,好有水準。這兩款手卷, 我特別愛食海膽手卷,入口豐腴甘甜。熟食點來, 白汁青口十分夠味,而青口好肥美; 辣花螺好入味及惹味  ;鰻魚淋上獨特醬汁帶甜甜地,有濃濃日式風味,肉質軟嫩。這蝦天婦全都入口外酥脆,完全沒有厚厚粉, 可沾上醬汁有助減低油膩感!燒羊鞍羊入口沒羶味,非常惹味,肉質嫩滑多汁; 雞軟骨串燒,咬上去非常爽口外脆。燒菠蘿~燒後更甜,可幫助消化。飲品要出外自取這甜品細細份, 可食多幾件,味道不錯。另外, 有部份甜品是到外自取。有乳酪,雪條等, 十分豐富。

有一段時間都沒有寫評語啦。眼見近排有空，咁啱又有親朋好友生友，就尋找好食處慶祝啦。於是就不斷行不斷找，終於搵到一間啦。為什麼會找這間呢？這就是因為它的名字叫大瀛喜。感覺大瀛喜名字很棒，又有喜字。適合生日嘅飯局。打電話去book位時，話生日就有嘢送，分別梅酒、清酒、haagen daz、海膽或生蠔。見未飲過梅酒，就揀咗梅酒作送嘅物品。一去到時，見到門口已經要排隊等入座，再到入座時，見到滿座。如果walk in嘅話，我諗有排等等等。。。。。。坐定後就order食物啦，一如既往咁，先叫刺身，不過刺身要等15-20分鐘，而且也有甩單情況。咁刺身未到就叫啲燒物，炸物啦先試燒羊鞍，估唔到咁好味，又舊冧亦唔騷。之後order 3 round。之後試燒雞翼及芝麻雞翼。2者都好好味，亦有好味order咗 3 round。咁天婦羅到後，就覺得炸得很好，又唔膩。不過掛住食，冇影到相。食食下期間，刺身終於到。很新鮮，不過選擇就比較少，如果有更多選擇就更好。食到咁相下就叫甜品啦。估到都係滴骰戈，不過好味，一口過。最後，掛住食，好多相都冇影到。最終俾個評語就係呢餐覺得物有所值。

為賀友人轉新工，近近地book左呢間放題準備大食一餐，同時獎勵自己辛勞一星期的工作。呢間放題地點就腳，非常易搵，地方亦十分舒適，比想像大同闊落，兩個人有個四人位，一啲都唔逼，仲可以方便我地放肆咁叫食物放滿成枱呢！開頭習慣叫左熟食先，打定個底，所以叫左雞中翼，落左蜜汁去燒，味道十分juicy，濃度剛剛好，而且熱辣辣，令人食完一隻又一隻。另一碟叫左壽司，值得一讚嘅飯量偏少，細細件，唔會食幾件就飽，又可滿足口癮。打好底之後到重頭戲：魚生！厚薄剛剛好，而且好鮮甜，係即叫即切新鮮既感覺！啲蝦啖啖肉好正！甜品亦有好多選擇，叫左tiramisu同焦糖燉蛋，細細件包保唔會肥。同場加映，飲品同雪糕吧有好多野揀，十分唔錯！