大瀛喜日本料理 (已結業)

好耐冇食過放題，難得女朋友搵到份新工，同佢慶祝下，於是就黎食下放題。呢間大瀛喜都幾多人嚟食，我book咗九點鐘食，未夠九點去到已經好多人排緊隊，仲有好多係walk in，不過好彩我book咗位， 9:010就已經有得入去。飲品款式都幾多，同埋職員都會好快refill返啲飲品。黎到第一轉梗係要食刺身啦，啲三文魚好肥美呀，啲蝦好鮮甜。我食親放題都一定會食佢哋嘅火炙壽司，個三文魚腩火炙壽司好好味，嚿飯細細舊，唔好話食兩啖就已經飽晒。是朝炒蜆，佢一啲都唔吝嗇，一人份量唔係好多姐，不過啲肉都幾大隻，同埋炒得好入味。炸物必試芝麻雞翼，啲雞翼好香，雞翼嘅喊度適中。大部份食物嘅質素都唔錯，不過真係實在太多人，如果要食嘅話一定要卜位。