大瀛喜日本料理 (已結業)

旺角真的是日式放題一級戰區走路5分鐘的距離就有十間八間今次去了最近新開的大瀛喜就在地鐵站E出口不同時段不同收費 6點半入座 238加一環境寬敞 有很多卡位 坐得舒適外面熟食自助區都有很多選擇 乾淨企理QR code落單 簡單易用必食刺身 選了幾款都非常新鮮三文魚和油甘魚都很厚切幾款卷物壽司都有花心思芒果蟹子卷 炙燒鰻魚卷都值得推介鵝肝壽司滿口油香 蝦沙律多士很有特式另外點了多款熟食 質素都不錯 花膠夠厚身 女士最愛每人送一杯haagen-dazs或movenpick雪糕除此之外 自取區都有大大個甜品櫃任君選擇

大瀛喜日本料理旺角九龍旺角彌敦道655號5樓臨近聖誕又係同朋友聚會既好時機，今日約左朋友出黎旺角食放題，因為呢到位置夠晒方便，一出地鐵站已經到啦，唸住放題款式夠晒多，大家都一定岩食，而且知道呢間放題餐廳岩岩新裝修完，所以就決定黎試下首先一定要叫返盤刺身先啦，呢到既選擇都幾多而且好新鮮，我地第一轉已經叫左好多，分別有三文魚，吞拿魚，油甘魚，北寄背，鮑片，八爪魚，帶子，螺片，甜蝦，虎蝦同埋大赤蝦，餐廳仲係以冰底上保持刺身新鮮，仲要擺得好靚打咭一流呀，睇見都流晒口水。。。 另外呢到嘅壽司製作都好精美， 最欣賞就係呢度嘅壽司嚿飯全部都係細細件，可以試多幾款都唔怕，哈哈除左用QR Code落單之外，係外面都有好多食物係自取既，分別有凍蝦，青口，蜆肉，炸物，沙律吧，仲有我最鐘意食既芝麻八爪魚，螺肉同埋中華沙律，真係好吸引，飲品方面，除左擺滿晒幾個大型雪櫃之外，仲會有咖啡機同熱飲提供，非常細心

平時好少食日式放題，一嚟唔食得多，二嚟質素參差不齊，都令我有點卻步。臨近聖誕，約埋朋友出嚟輕鬆食個dinner，朋友極力推介呢間日式放題 - 大瀛喜。餐廳位於旺角E1出口隔離，一出就係，非常方便！一開lift門，人頭湧湧，當堂嚇咗一跳！令我對呢間大瀛喜產生咗期待⋯餐廳食物種類選擇非常多，除咗電話落單嗰啲食物之外，出面仲設有自助區，自助區有冷盤海鮮、日式小食、熱葷、甜品⋯刺身首先嚟嘅係刺身拼盤，所有刺身都好新鮮！令我最驚喜嘅係吞拿魚唔係俾赤身我哋，吞拿魚油脂滿滿，食落甘香無比！劍魚腩都唔錯，帶子亦鮮甜⋯壽司壽司我唔係試咗好多款，畢竟容易食飽嘛，炙燒左口魚裙邊真係冇得頂，口感既肥美又爽口，食落濃郁甘香，入口即溶，真係無得頂⋯串燒牛舌同菠蘿都好好食！牛舌厚薄適中，柔嫩脆韌，非常滋味；菠蘿酸酸甜甜， 十分juicy，可以一解油膩。熱食不得不推介吉品鮑汁扣花膠，花膠既大件又厚身，咬落好Q彈！麻辣小龍蝦都唔錯㗎，夠麻夠辣，非常滋味。甜品自助區嗰邊蜜瓜雪條同椰汁香芋雪條都好好食！另外仲可以order榴槤炸彈，榴槤炸彈外脆內軟，內餡香濃軟滑，非常好味！總之仲有好多正嘢食不能盡錄！以呢個價錢嚟講，絕對係

好耐冇食過放題於是今日同男朋友米色曾經瘋魔一時嘅大瀛喜，估唔到而家都仲勁多人食，幾乎滿座禁仔。比起舊店，整體嘅裝修新淨好多，有種高級放題感覺，仲有高枱，好有格調。自助區雖然唔係好大但係嘢食都幾多，冷盤有蝦、青口同埋蜆，仲有好多餐前開胃小食，包括螺肉沙律、中華沙律等等。而熱食方面，有羊腩酸菜魚、辣酒煮螺、娃娃菜，仲有蟲草花螺頭湯，超好飲！另外仲有幾款炸物，竟然有葡撻，係我最愛！首先當然係食咗刺身先，刺身嘅款式都幾多，而且全部都好新鮮，同埋好厚切，一啲都唔慳皮。之後就到壽司同埋軍艦，唔係一般貨仔，全部都係我好鍾意食，特別係XO醬燒牛肉壽司，同埋芝士鰻魚、吉列蝦壽司等等，好高質！另外仲有啲中式嘅小食，有豉汁蒸鱔球、蒜片牛柳粒、燒羊架、沙律蝦、燒牛舌串等等，記得有一個好好食嘅係蟹粥，同埋花膠，放題竟然有蟹同埋花膠食，真係覺得好抵！雖然食到好飽但係仲有第二個胃，出面有好多甜品，同埋軟雪糕機，隔離仲有好多德國軟糖做配料，另外每人仲有一盒Häagen-Dazs雪糕，今次放題覺得幾滿意 唔使價錢都唔貴，258蚊位。

放題俾人一種感覺好似每一個地方差唔多。所以我認為新裝修真係一個吸引之處，至少入門口打卡嗰陣都覺得已經好靚，美食已經滿足左視覺嘅滿足。食物質素來講，可以話宗宗婷婷啦，唔係好出色，但係不過不失，畢竟午餐呢個價錢，你都咁多嘢我哋食，已經算係咁㗎啦。都唔會奢求太多。我都係叫啲好大路嘅食物，我會話佢唔係最好，但係滿足到日本午餐所需要嘅就好好啦。反而我覺得最重要嘅係，同朋友傾偈，唔想好似某啲放題咁得90分鐘，其實真係好趕急。食完一轉趕住落單食第二轉，都未有得休息冇得傾偈就要趕頭趕命。我覺得食嘢最緊要係啱到自己嘅速度，呢度有三個鐘比我慢慢傾偈食嘢，我覺得呢個先係賣點。

好耐冇食放題勒！今晚約咗朋友食飯，朋友提議食放題，可以食到多啲唔同款式嘅嘢任食兩個鐘3佰蚊有找，刺身壽司種類又多又新鮮熟食燒物飲品都好多款，淨係魚都有幾款，連酸菜魚都有，勁呀！真係估你唔到🤪就連飲品都特別多，多到好似7-11咁😆甜品都好吸引架，有MovenPick ,Haagen Dazs,芒果布甸,楊枝甘露…..呢個價錢食到咁多款式又好味嘅嘢，真係好抵食，唔怪得一入去爆曬場，勁多人😲⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯全程用QR code 落單，好方便，完全冇漏過單，讚👍🏻

今日約左同事去食午餐放題, 因為比佢既價錢吸引左, 加埋一都只係二百零蚊去到餐廳發覺地方好大, 但都已經差唔多坐滿晒人同同事安排左坐卡位, 坐得好舒服!自助吧有炸物、雪糕、甜品、水果、飲品都有超多選擇! 真係勁豐富!呢度係用QR CODE落單既, 落單好快食物就送到, 仲要冇漏單, 抵讚!刺身全部好新鮮, 仲好高質, 劍魚腩, 三文魚都好肥美, 連蝦都有三款比你揀! 其中我最鍾意赤蝦, 夠大隻, 啖啖肉壽司方面, 佢既飯細細舊, 唔會想用個飯整飽你, 超抵讚!其他料埋, 款色都好多! 例如黑椒炒牛柳薯仔粒, 一品花膠盛宴, 燒鰻魚, 天婦羅 榴槤炸彈, 呢D 都好出色!總括黎講188加一可以食到呢個質素既食物同服務, 真係冇得彈!!!

朋友話想食放題 所以就簡左今日呢間餐廳.餐廳裝修好靚, 靠窗一邊做左梳化 坐落一d都唔迫 加上行人通道寬闊 出去拎野食都易d.餐廳落單係掃QR CODE 十分之方便! 又可以睇睇自已落左D咩 唔怕落左又唔記得落 重覆左ORDER. 之前食放題好多時落左ORDER都要等一段時間D野食先會到, 但係今次呢間 上菜真係好快! 成件事好流暢食得好舒服.出面有個自助區, 有飲品、雪糕櫃、甜品櫃、生果、炸物、湯、沙津、海解同酒類(有清酒梅酒同熱清酒), 另外仲有少火熟食., 真係咩都有任君選擇!熟食拎左蛋撻同章魚燒, 我想講 真係估唔到熟食都唔錯, 章魚燒一D都唔淋 好似岩岩整起咁咁好食! 魚生不得不提 好鮮甜!! 因為以往食放題既刺生都係一般唔會話好好食, 但今次呢間真係好好食! 另外仲叫左壽司壽喜燒煲 天婦羅等等, 樣樣野都好好食!食完埋單每位只係$260左右 CP值真係極高! 真心推介今次真係令我對放題改觀左, 以往食放題都係以量取勝,食物質素一般, 但今日呢間無論係餐廳環境定係食物質素都十分之好!下次想食放題會在黎過!!

講到旺角區嘅🇯🇵日式放題一定係呢一間趁住今日做冬，唔好煮飯出嚟食。冇諗過場地咁大咁多座位，全場爆滿，好彩一早book定位。自助落單實在太方便，上菜速度仲要好快。完全無漏單刺身壽司夠新鮮，食咗好多唔同種類嘅款式，樣樣都好味。有d菜式配搭好創新，仲好夾好好食。二百零蚊可以一次過食咁多款，抵呀甜品同飲品都好多款，仲有MovenPick / Haagen Dazs,燒物都好正，菠蘿同翠玉瓜都Encore咗幾次，又甜又多汁

心血來潮想食日式放題，於是相約朋友，去旺角彌敦道655號5樓大瀛喜,以前我都嚟過依度，但係名字叫吉壽，講到日式放題我都係大瀛喜粉絲，多數去銅鑼灣二期嗰度，上到去見到新裝修，場地環境好整齊乾淨，客人好多全埸滿座，肚子有點餓，馬上去自助區攞啲青口、蝦、沙律食住先，跟住掃曲落單，飲品區有啤酒氣水各式飲品好多選擇，我攞咗梅酒酸酸甜甜好醒胃，可以增加食慾，刺身到咗肥美的三文魚好新鮮好油脂香,甜蝦鮮甜無比，燒羊架送啤酒，肉質鮮嫩多汁師傅燒得啱啱好正合我心意，燒鰻魚吾會燒得太霖還有啲咬口我鍾意咁樣口感，蟲草花煲烏雞湯，出乎意料之外咁好飲，我就隊咗兩碗，西京燒比目魚肉質鮮嫩油脂好香，個肚已經九乘飽，要食燒菠蘿幫助消化，果然大瀛喜不但保持還再進一步，我一定推薦朋友嚟試一試。

由於友人突然提出想去吃放題，所以這次和友人來到了位於旺角的大瀛喜享用我們的晚餐。正好今日的胃口比較好，所以也嘗試了很多食物可以向大家分享，首先我想分享的是刺身，相信大家吃放題也一定會吃刺身，而這間也不例外。不得不說，這間餐廳的刺身相當新鮮，不論是魚類還是貝類，也能吃得出來貨是新鮮的。接著我想向大家推介的是該餐廳的燒物，燒羊架和燒菠蘿！羊架燒得剛剛好而且沒有羶味。燒菠蘿的味道也不錯，適當的燒烤時間，成功逼出菠蘿的甜味，也成功地減少了酸味。除此之外，還有甜品也很不錯，我當天也吃了相當多😍😍。最後我還想向各位推介一下該餐廳的糖水，真的是相當高質素，CP值真的非常高。誠意推介大家來這間餐廳享用放題！

冬至飯梗係食好啲啦，於是同同事決定食午市放題❤️呢間放題餐廳勁大，坐得舒服，食物質素又高，又無漏單，員工又好禮貌，食得我好心花怒放🥰一入門口有個centre位有好多即食食物，有齊前菜小食，炸物，湯品，甜品，雪糕，最正係有碗仔翅，夠晒特別🙈刺身多多選擇👍🏻三文魚，吞拿魚，希靈魚，劍魚腩，北寄貝，油甘魚，虎蝦。。仲有幾款數唔晒🤣樣樣刺身都好新鮮，特別推薦劍魚腩😂彈牙魚油又勁正，擺盤仲好靚添🥰壽司都一樣掂👍🏻大推鹽燒三文魚腩同鵝肝壽司，我前後食咗3轉😂😂😂真係食唔停口！燒物就叫左牛舌同鹽燒海蝦😋😋😋牛舌不得了，厚度剛好，啖啖肉又爽彈😍天婦羅又係選擇多多，我哋就叫左炸蝦同蟹柳棒，食到舔舔脷😋😋😋熱食啲選擇又係勁正，除咗平時啲一品鍋、烏冬之外，竟然仲有酸菜魚，真係好正，真係食到捧住個大肚腩走🤣🤣🤣重點係午市放題嘅價錢勁相宜，計埋加一都係$207，咁抵食邊到搵呀☺️☺️☺️☺️

旺角新開左間刺身放題店🤤🤤平日自選價錢先$238/位😋😋真係抵到爆，簡8:30後先入座就平多少少，$218/位☺️ 同朋友諗住新開同平日時間應該冇咁多人，點知都爆哂場😆😆全場坐滿哂，好彩我地有提早訂座，真係勁抵而且食物水準都超高質👍🏻👍🏻👍🏻呢到地方都好大，可以容納到不少食客，地方都好寬闊😝😝真係唔怕聽到隔離位講野😽自助區方面，有不同既前菜同小食比客人自取，中華沙律、芝麻八爪魚呢啲就係好好食😝任拎唔嬲😌😌仲有三款新鮮煮熟左既海鮮，等食物出既同時已經可以食住呢啲先，唔洗浪費每分每秒😆😆熱湯碗仔翅小食全部都仲係熱辣辣，廚房真係不停會refill🤤🤤 飲品區仲有大量既港式同韓式飲品，仲有啤酒、清酒、梅酒等等👍🏻好難得呢啲唔洗加錢🤩🤩真係抵返哂個價錢😚落單會用QR code落單，超級方便，又唔怕寫漏野，又可以知自己落過咩😋 以為上菜都要等好耐，點知落完冇耐已經不斷逐一上菜🥺🥺好快已經擺滿哂成張枱😝😝😝 全部壽司同手卷都好精緻，件件都好香口🥰全部一口size，直接放入口好方便😝刺身方面，種類真係多不勝數😍😍而且全部都好新鮮，溫度岩岩好，真係保存都好好😋每一塊都好足料好厚😜食完我地再encore左幾

同朋友去食日式放題，餐廳啱啱新裝修，環境舒適。上到餐廳，人山人海真係被佢嚇親。安排就座於卡位，座位寬落，可以舒服咁享受美食。任飲任食2個鐘，價錢唔貴，食物種類選擇多，而且質素都唔錯！用QR code落單後，可以趁食物未送到之前出去自助區拎唔同嘅預製食物；冷盤、沙律、炸物、飲品、日式小食同幾款熱葷。刺身必點，為咗令刺身保持新鮮，餐廳都花盡心思用冰鎮方式奉上，三文魚、油甘魚、吞拿魚、北海道帆立貝、北寄貝、酒煮榮螺片、蜜汁鮑片、虎蝦、甜蝦、大赤蝦！全部都新鮮肥美，味道鮮甜，食到我哋要encore！壽司叫咗；帆立貝壽司、赤貝壽司同鹽燒左口魚裙邊壽司，鹽燒左口魚裙邊壽司入口即溶，好肥美, 推介！唔想食咁多生冷嘢嘅話都有唔少選擇，極力推介；黃金炒大蝦、蘆筍燒汁炒帆立貝、鹽燒三文魚鰭、吉品鮑汁扣花膠、蒜香牛油白酒煮蜆、麻辣小龍蝦、燒菠蘿等等...每樣嘢都各有特色，好味道！臨尾記得留肚食埋甜品，炸榴槤球；外層炸得脆口，內里卻係香濃軟滑嘅榴槤cream。食完未够喉，仲可以食杯Haagen-dazs雪糕，仲未够？自助區雪糕櫃里面有各式各樣嘅雪糕、雪條，包你滿足。對比之前食過嘅日式放題，今次好滿意，性價比高

大瀛喜，位於旺角彌敦道655號5樓，鄰近旺角地鐵站，餐廳以超值日式放題聞名，人流極多，閒日晚上8點半時段亦全場爆滿。日式放題食物種類多少固然重要，但食物質素及味道亦無一不可，大瀛喜可以是兩者俱備。餐廳以手機QR code 點餐，餐牌清晰操作簡單，數量亦容易控制不會浪費食物。壽司刺身新鮮，選擇亦多，更有餐廳特色壽司，白松露蟹棒壽司，鵝肝壽司入口即溶。天氣轉冷必點牛肉壽喜燒鍋，半熟牛肉上枱，牛肉不會過老，味道屬正宗壽喜燒。甜品飲品非常多，飲品更有apple cider，確實回本之選。