大瀛喜日本料理 (已結業)

好耐無食放題 大瀛喜果然無令我失望！今日12點黎到，已經好多人好旺場，好彩係用QR code 掃描落單，Order好快送到幾方便，唔使等人黎落單。先叫刺身，有我最黎既甜蝦同帶子，一如以往咁新鮮鮮甜 no question，有三文魚油甘魚鮑片D 大路野，種類都算多。創作壽司有驚喜，試左一口鵝肝壽司，睇落迷你，食落先知咁先係最完美唔會漏！好享受：）仲有估唔到既係，碗蟲草花膠烏雞湯，誠意之作，即時飲多2 碗補補佢。其他熱食仲有窩物，串燒，天婦羅，樣樣都即叫即整，私心推介燒菠蘿，大件又甜，食左4 件消消滯，岩晒。總結今日食好滿意，臨走時見到疫情快閃優惠 第二位半價，即刻想約朋友搵日2PM後再 Encore！：）

話說今日同朋友約左去旺角行街買新衫，我哋去買新衫過年之前緊係醫下個肚仔先，我地大家都話想食放題，所以前幾日已經打電話去提早book餐廳😆當日十二點鐘左右去到餐廳門口，講左個booking no.後說有職員帶我地去個座位，仲有係窗邊😍😍真係好舒服👍🏻仲要估唔到lunch time時間都仲要咁多人😆😆好似張張枱都坐滿人咁😝😝之後我地就掃QR code落單，真係好方便，而且一落單大概10分鐘左右就有食物到達係我地面前，真係超級無敵方便🤪而我地落完單之後就岀去自助拎野食，真係好多野食，例如有小丸子，沙律材料，螺肉，熱食😆😆都好吸引，如果大家唔想食出邊嘅嘢，都可以簡飲品，真係任君選擇，總有一樣啱你🤪🤪🤪講到食物，呢間餐廳任食來講真係好高質，例如刺身，真係好新鮮，而且大大嚿😍😍真係好正，炸物都好正，全部脆口唔會凍👍🏻👍🏻👍🏻

而家冇左晚市，想見朋友唯有揀係午午時間。諗唔到食咩既時候，有時放題都係個好選擇，貪佢乜都有，想食乜就叫乜，而且唔怕唔夠食，今次同朋友就揀左呢間你旺角大瀛喜放題，貪佢地點方便之餘，價錢又唔貴，岩哂我呢d食極唔飽既大胃理，而且仲可以同朋友邊食邊傾。一入門口已經經過熟食、飲品同甜品區，仲會見到自助雪糕機。埋位之後店員會放低一張印有QR Code既單，只需要用手機掃一掃就可以開始落單，非常方便，食物大大話話都有過百種，包括刺身、壽司、炸物、燒物、煮物同主食。刺身・壽司通常都係放題既主角，呢度既刺身種類好多，樣樣都好新鮮，而且仲有冰鎮住，慢慢食都唔怕炸物・燒物即叫即做，炸物外皮脆口，入面熱焫焫，尤其係芝麻雞翼，炸得好香口。燒物方面大力推薦燒羊架同牛舌幾特別既係呢度竟然有鮑汁花膠食，岩哂女仔補充骨膠原～食到咁上下梗係出去部雪糕機度玩下，今日既雪糕係海鹽同雲呢拿，味道都幾特別～

想同同事lunch食個靚靚放題當收爐飯，見到大瀛喜做緊兩點後入座第二位半價嘅優惠，旺角分店新裝修環境舒適，於是就揀咗佢啦！首先自助沙律區比想像中選擇多，仲有冷盤海鮮，有蝦同埋大大隻蜆肉。除咗冷盤，熱嘅熟食方面都有三四款小菜，同炸雞粒、章魚燒等小食！刺身拼盤非常新鮮，魚生當然唔少得三文魚、吞拿魚同鯛魚等，北寄貝，螺片同八爪魚片都好爽口，虎蝦同俄羅斯甜蝦刺身都好鮮美~ 炸物同天婦羅都基本嘅應有盡有，唔會厚粉炸得脆口又唔油膩; 燒物方面我就最鍾意嘅牛舌，青魚，西京燒，燒菠蘿等都好好味😋壽司都係一口精緻size，啱晒我哋可以試多啲唔同嘅特色口味; 熟食試咗一口牛柳粒、黃金醬燒開邊蝦同酸菜魚水準都唔錯，黑蒜油豬軟骨烏冬好惹味。跟住嘢飲方面選擇都一應俱全，有多種茶飲、果汁、碳酸飲品同埋啤酒，另外比較驚喜嘅就係仲有熱嘅奶類紙包飲品，同埋日式梅酒同清酒。最後甜品自助區多達10款中西式甜品例如豆腐花、泡芙、朱古力大福同朱古力撻等。雪糕選擇就相對較少只有四款， 有紅豆雪條雀巢雪糕等。總括而言同同事食咗一餐開心且性價比高的放題收爐飯🥰

好耐都冇食放題！但而家又冇得食晚市！唯有轉戰午市時段去！好彩友人醒目book咗位！因為去到已經見到全場滿座好多人！. 自助區有凍海鮮(蜆＆蝦) , 熟食, 甜品(糕點, 豆腐花...)汽水茶飲啤酒連梅酒都有任斟！用q r code落完單出去橫掃一輪食住先！.落單可以點嘅刺身(三文魚, 吞拿魚, 油甘魚, 帶子, 赤蝦, 榮螺等等等)都鮮甜！壽司( 花之戀, 鹽燒三文魚腩, 鹽燒左口魚裙邊, 鰻魚芝士卷, 海苔鵝肝, 黑松露吞拿魚蓉...) 特別之餘又多選擇！一品料理(芝士鰻魚玉子燒, 花菇雞粥, 酸菜魚, 炸鮮奶...)花款都好多！烤物(燒菠蘿, 蒲燒鰻魚…)質素都唔錯！想每款試曬都唔係咁容易！. 雖然唔算得上係超級好食…但係計埋咁嘅價錢…午市人均都係二百蚊左右…其實真係幾抵食🤓🤓

帶小朋友去食放題，最注重嘅唔係刺身有幾新鮮，而係環境，同埋熟食嘅質素。今次去到旺角大型喜，帶住兩個小朋友，環境寬敞小朋友唔怕俾人拎住熱野撞到，抵讚！而且座位都非常寬闊，小朋友唔覺得侷促，成餐飯都好合作。熟食，小朋友最鍾意食嘅蟹粥必定叫㗎啦，出邊自助區仲有各款嘅菜式，包括四季豆、娃娃菜，健康人士之選。雞翼尖小朋友最愛，揸得香脆，外脆內Juicy。小朋友最鍾意食嘅沙律吧，有好多選擇。最後甜品同雪糕就梗係食唔停啦，雪糕甜品加埋有10幾款選擇，我哋仲未試晒所有味道 XD

依家冇咗晚市堂食咁就唯有晏晝去食返個靚靚放題，咁啱去完朗豪坊shopping，就喺度搵到呢一間超抵食放題！依家佢哋午市做緊第二位半價，所以兩人平均起上嚟係非常之抵食！尤其呢間佢而家啱啱新裝修完，上到嚟個用餐環境好舒適，好乾淨闊落，座位都好舒適，岩曬一家大曬嚟！一開始我哋實唔少得放題必點嘅刺身，呢度嘅刺身全部都睇得出係好新鮮，鮑片同北寄貝都好爽口，三文魚同其他刺身都好肥美。呢度嘅壽司種類都唔少，每一件嘅飯量都好適中，配料新鮮，食落完全唔輸平時啲壽司店！最令我驚喜嘅係佢哋嘅炸物同燒物，天婦羅件件都揸到好薄身而且一啲都唔油，燒青魚同西京燒都燒得好岩火候！同時間呢度都有唔少其他嘅熟食，味道都唔差，絕對唔輸其他放題店！呢度仲有一個自助吧可以自己拎嘢食，有小丸子同呢個鹽酥雞，兩樣都係新鮮出爐同埋會keep住添加，隔離仲有個沙律伯可以自己配得返想食嘅沙律，喺大食之前開一開胃，嘢飲嘅種類都好多而且仲有湯可以俾你揀，記得食完之後再嚟甜品吧食返幾件甜品或者雪糕！記得趁有二人同行第二位半價嘅優惠快啲去試吓！

依家年紀大左真係好少食放題, 冇以前咁涮得🤭 但係呢間旺角翻新裝修既日式lunch 放題, 真係性價比高. 食物選擇多. 如果喜歡食放題既你不妨可以考慮下😎 依家逢星期一至五 lunch buffet 都係$188位. 由於新裝修既關係, 無論係環境, 或是食物方面, 都比以前更加高質. 而且又坐得舒服, 絕對值得大家去食.食物方面有刺身, 壽司, 連海膽手卷都可以俾你揀. 美味鮮甜, 絕對可以再encore. 另外亦有唔同種類既串燒, 一品料理, 鍋物等... 連酸菜魚都可以揀. 😎除左可以Scan QR code既menu 落單外, 外面仲有個小食區, 有凍盤 & 其他熱食. 仲有大量既飲品甜品俾你揀. 🤩真心正!🍗餐廳 : 大喜🌯地址 : 旺角彌敦道655號5樓

由長洲出到市區，非常肚餓，去到旺角就食咗大瀛喜😻 平日成人放題係$207 （包埋加一）整體：以咁多款式來講，食物水準都保持得幾穩定，九成九入口嘅嘢都唔會有失望嘅感覺之餘，基本上每件食物都係一口料理，份量夠細，可以嘗試到唔同款式同埋味道。我覺得呢幾樣食物都值得encore 食過返層味：1 西京燒比目魚醬汁燒得非常之香口惹味😝2 鹽燒牛舌QQ彈牙之餘，份量都算夠大塊3松露類壽司有兩種壽司都有松露～一黑一白，兩種都非常之香味撲鼻！增添唔少食慾。油甘魚嘅嗰種我特別鍾意！本人好鍾意佢每碟壽司或者刺身都有一塊新鮮鮮綠的紫蘇葉托底，其實都食得㗎 ！係可以驅寒濕㗎～ 唯一有少少失望嘅感覺，就係炸蝦天婦羅🍤 雖然係太過厚粉，但係入口就係所有食物之中最有溫度嘅！

好少午市時間去食放題 既然行開旺角食晏就平平地試吓呢間大瀛喜明明係閒日又唔係peak hour 呢間午市放題竟然都幾full吓，證明應該都有一定質素先試吓個刺身，其實整體質素係有既 特別推薦吞拿魚，口感紮實又唔膩 其他三文魚 甜蝦 不過不失啦牛舌係驚喜，食得出係即叫即燒既，點埋檸檬汁寧舍開胃 可以俾高分，燒鰻魚都算係放題例牌 唔會太差值得一提既仲有呢個芝士龍蝦沙律多士，真係特色小食黎，味道仲要唔差，係番叫阿單之內食到濟果時叫呢個芒果加洲卷就岩岩好啦，絕對唔係明將果啲伏野黎，芒果個陣酸甜可以解膩兼開胃 又可以食多少少最後食埋呢個鹽燒鯖花魚，都飽到7788，好驚佢燒到啲肉太老同埋散曬，事實證明係無既，仲幾好食添整體而言 埋單人頭都係二百鬆啲，性價比算高，而且可以坐好耐，食物質素都係有既

話說早日同靚靚友人行完街街見肚餓😆😆二話不說上咗去新裝修完嘅呢間放題店食番個豐富午餐！. 例牌叫一round刺身先😋點咗挪威三文魚,酒煮榮螺片, 俄羅斯甜蝦, 鯛魚,蜜汁鮑片……當中Be最愛✨大赤蝦刺身同✨北海道帶子刺身！尤其超爽甜味鮮！另外壽司都好多特別嘅選擇！我哋最鍾意嘅有滋味嘅✨鰻魚芝士卷！油香豐富嘅✨鹽燒左口魚裙邊壽司！香氣撲鼻嘅✨黑松露吞拿魚蓉壽司！邪惡組合嘅✨海苔鵝肝壽司！😛😛仲有唔好錯過✨芝士龍蝦沙律多士！打完一輪卡再食依然卜卜脆！✨芝士鰻魚玉子燒！口感紮實又有層次感！. 之後嘅一品料理都好正哦😍😍🙌🏼當中必叫嘅有✨3.6牛乳炸鮮奶！外層脆且內層香濃滑溜！熱辣辣炸好嘅✨虎蝦天婦羅！超香甜美味嘅✨紫心香芋丸！夠哂特別嘅✨黃金醬燒開邊蝦！非常綿密嘅✨花菇雞粥！同埋出乎意料竟然有得叫✨風味酸菜魚！同場加映外面嘅自助區！有汽水, 自家製茶飲, 日本梅酒任飲！凍海鮮/炸小食/甜品任拎添！. 既然而家無得食晚市…發現食午市仲抵喎！人均兩嚿水左右就食到捧住個肚走😉約埋fd子一邊食一邊傾！諗吓都想像到係幾開心嘅一回事啦❤️

依家想出街食大餐都唔容易😂下午約咗朋友出旺角買野就順便上嚟啱啱裝修好嘅大瀛喜依家嘅用餐環境好舒適 地方都好闊落🥰而且晏就嚟食 價錢超抵 嘢食高質 性價比超高🤪首先佢外面嘅自助區有凍海鮮、冷盤沙律同一啲熱食飲品除咗有多款罐裝飲品選擇 仲有清酒、果汁熱飲櫃內有包裝飲品🤗刺身高質👍🏻日本油甘魚刺身肉厚肥嫩 鯛魚刺身魚肉細膩 北海道帶子刺身肉厚甘甜鹽燒左口魚裙邊壽司入口溶化 有豐富油香有幾款食物係我嘅必食推介😋芝士龍蝦沙律多士 多士就算擺耐咗都可以keep住香脆芝士鰻魚玉子燒 軟滑鰻魚配上厚實玉子燒雙重口感🤤無可抵抗海苔鵝肝壽司肥美軟糯超邪惡每次食日本菜 卷物都係我嘅至愛😆呢度嘅芒果沙律加洲卷、鰻魚芝士卷、同埋龍蝦沙律大蝦卷都超正😋而且味道清新唔會滯膩而講到熱食 每款上枱都係熱辣辣😆風味酸菜魚嘅魚肉滑嫩 微酸口味好開胃紫心香芋丸外脆內軟 甜蜜美味令人想追住食3.6牛乳炸鮮奶 奶芯嫩滑 食落奶香味濃郁虎蝦天婦羅 外皮唔會太厚粉蝦肉脆爽 香而不膩黃金醬燒開邊蝦 唔洗剝殼最啱我😂蝦肉爽彈 加上醬汁超惹味😚最後花菇雞粥雞肉鮮嫩紮實 粥底稠密綿滑想搵個地方同朋友一邊食一邊傾下計呢度啱曬🤭

襯正苦宣布最後的晚餐日子，即刻同老婆去食翻個放題啦。今次食咗大瀛喜集團既最平果間旺角大瀛喜。一上到去超大個飲品櫃！所有飲品應有盡有，周年啤酒都唔需要額外加錢！魚生方面都超過10款，最高CP值一定係有三文魚釣魚同埋赤蝦刺身！赤蝦非常之大隻又鮮甜，三文魚有時會出到腩位，夠哂油香！天婦羅個人覺得可以嘗試，天婦羅炸蝦雖然炸皮爭少少，但都高質串燒方面必食牛舌，西京燒比目魚，呢兩個我都各自食咗四串熟悉方面極力推介鰻魚玉子燒，一口一件，食完一件之後再一次過嗌多咗六件另外自己覺得蒜蓉牛油煮蜆都係唔錯嘅推介

今日又同同事去旺角食放題，呢間大瀛喜未試過，所以就去呢間食啦！刺身雖然都係嗰幾種，但係勝在夠新鮮、味道好好！同事鍾意食呢款壽，司味道都不俗！蟹腳天婦羅一流，建議要試吓！另外呢個帶酸味嘅魚煲好有風味！

喺最後買晚市堂食嘅一日，緊係要book翻個放題盡情大吃大喝番一餐！刺身係我主攻嘅一項，三文魚同赤海蝦係好誠意，肥肉魚油香又有口感，絕對係回本encore之選！ 另外壽司都好出色，特別係黑松露吞拿魚蓉壽司、芝士鰻魚燒玉子，飯少之餘又料多👍🏻 炸物嘅炸芋泥圓和炸蠔都係必食，新鮮熱辣炸起，外脆內香軟。 煮物嘅帆立貝和燒物嘅牛舌和菠蘿都多汁好美味，可惜嘅係無雞軟骨同雞腎。 食到最尾仲有每人一杯Häagen-Dazs /movenpick雪糕😊 其餘甜品、沙律、飲品、熟食都可以自行出去拎，選擇都好多元化👍🏻只係座位有點窄， 唔可以一次過叫太多食物🤣