大瀛喜日本料理 (已結業)

雖然而家冇咗晚市想食放題唯有中午嘅時間唯一嘅好處可能就係價錢會比以前平咗好多飲品種類都非常多另外仲會有唔同嘅甜品同埋熟食供應感覺上都非常之乾淨企理舖頭用QR code落單分類得整整齊齊當然唔少得有我最鍾意嘅油甘魚刺身刺身相當之新鮮同厚切特別係油甘魚同埋吞拿魚另外佢嘅牡丹蝦亦都非常之大隻一定要食多幾隻佢嘅壽司亦都相當之唔錯飯唔會太大舊之餘上面嘅魚生配搭得非常之好佢嘅創意壽司亦都非常之好食例如呢個玉子鰻魚芝士燒同松露醬吞拿魚飯卷海膽手卷味道亦都非常之唔錯，海膽都幾鮮甜而熟食方面個人亦都極度推薦串燒牛舌同埋西京燒牛舌都叫咗十幾串上菜嘅速度亦都非常之快店員亦都好主動過嚟收碟枱與枱之間嘅都有足夠嘅空間，同埋會夾好晒膠板感覺食嘢就乾淨同衛生

星期四 2點後 有 88折 埋單走人 係198刺身 油甘魚 最好食 吞拿魚 解凍未夠 有少少冰 但本身魚肉質數都唔錯 大蝦刺身都係解冰未夠 壽司我覺得最好係帶子，仲好食過帶子刺身 因為刺身 切開左 不是原粒，口感麻麻 芝麻雞翼 正常 炸蠔咬落去爆汁 羊架好嫩 正 可惜太飽 食唔落第二件 疫情下 仍有8成客人 勁 下次一定會再去過

近排疫情大增，心情難免有小小唔舒服…所以放假約咗朋友食午餐放題輕鬆一下心情，有朋友提過而家午市好抵食，加埋一都係二百元，而且食物仲多到比想中多，仲係任飲任食，食足三小時嘅放題，真係抵食。泰式鳳爪：好耐無食過，先來一個餐前小食，酸酸甜甜味道適中又惹味⋯⋯燒鰻魚：烤香了的鰻魚😋燒牛舌：牛舌軟熟嫩滑又燒得香蒜香牛柳粒：蒜香肉質又軟熟羊架：香滑軟熟肉質嫩炒帶子：配上西芹洋蔥🧅炒得夠香，帶子軟熟好味燒菠蘿🍍：又甜又香海鮮烏冬：食得夠滿足蜆：每粒都肥美的肉甜甜的刺身：八爪魚🐙、北寄貝、希霊魚、仿包片、帶子、三文魚🍣⋯⋯各款壽司🍣⋯⋯多款的甜品、多款的食物、盡情的吃喝✌️餐廳座位寛闊、地方夠大一個大滿足的午餐放題

今日同朋友去咗旺角行街 朋友滿載而歸我就兩手空空 不過唔緊要啦為咗聚舊就梗係食埋飯先返屋企啦 行過見到呢間大瀛喜日本放題餐廳 好似質素幾好 最啱我哋兩個大食怪 所以就決定入去食飯飲品甜品同凍嘅海鮮都應有盡有 款式齊備 值得一讚蔥爆鱔 非常惹味 鱔肉可口彈牙花膠雞 非常滋補 膠質好重炸鮮奶 非常香脆可口 奶味濃郁燒鰻魚 同出面食到嘅差唔多西京燒 好脆口 魚肉油脂豐富 而且味道甜甜地 幾開胃魚生 包括三文魚油甘魚赤蝦等等 全部都好新鮮甜美羊架同芝士蝦都非常一流 好滿足

平時好少食日本放題🤣最近喺屋企宅得太耐。。今日終於忍唔住出嚟食好西！！嚟咗呢間係旺角嘅大瀛喜✨佢星期一至五嘅成人放題都係$188！抵食到！二話不說就入咗去食😋staff好Nice，然後入去坐嘅時候見到呢啲配菜都已經流晒口水😋超新鮮而且留意到佢補食材都好及時嘢飲同甜品都多選擇～熱門嘅都會有👌🏻坐低會比張QR code我哋自己落單～佢每樣食物都會用一個細碟裝住🤣全部上晒枱睇落好靚🥰每樣食物都睇得出勁用心整，唔會因為係放題就好隨便，就咁望落去都覺得好滿足✨炸嘢都好新鮮😋咬落係脆嘅！！啲壽司選擇都好多！！每樣嚟一嚿都唔過分🤤🤤出面自助區仲有鹽酥雞同章魚小丸子！點沙律醬一流！我哋仲叫咗壽喜燒牛肉同酸菜魚🤣味道唔錯！！而且份量都唔會好多，唔會食完就食唔落其他嘢～好適合放題～

韓燒放題就食得多，日本料理放題我都係第一次食🤤今次就同朋友去試佢哋嘅放題～一入到去就有職員帶位，地方都幾大， 全場座位都唔少，都有好多客人😗自助區仲有一啲刺身、老火湯、炸物、冷盤沙律區同甜品區。如果怕落完order，冇咁快有嘢食都可以食少少嘢，但其實完全唔需要擔心等好耐，因為佢哋嘅上菜速度好快，食慢少少張枱可能都冇位放嘢食🤣去食日本料理放題竟然都比我食到酸菜魚，而且佢哋嘅魚竟然口感十分滑嫩。壽喜燒份量唔少，味道濃郁，相當滿足。我自己最鍾意就係佢哋嘅卷物同火炙壽司，唔會因為係放題而求求其其，每一件都落足料，味道好，外貌亦好精緻。燒烤嘅味道都值得一提，最令我印象深刻嘅就係牛舌同埋羊架！羊架唔會有羊羶味，肥瘦適中，烤嘅時間啱啱好，又香口。牛舌唔會韌到好似香口膠咁，入口好香油脂味。自助區有好幾個雪櫃放住唔同飲品，而且有自家冷泡茶，飲汽水飲到厭咗一定要飲返啲茶嚟解膩消濟！講番價錢先，$188/一位，加埋服務費，都係一人200多少少，有咁多類型同埋咁嘅食物質素真係好抵食！！！而且環境算大，位置舒適，值得推薦。

放假行開旺角,很多店舖都關門了有點掃興唯有找點好吃的安撫一下~地鐵出口附近有姐姐派單張,反正沒主意就去了這間大瀛喜吧以此價錢還算比較滿意,完全沒有其他舖頭漏單的情況.吃得太多都想不起了,只提幾款印象比較深的比目魚煎得很香,甜甜的可吃幾份~牛舌很入味,軟軟嫰嫰的魚生大部份都新鮮,唯獨吞拿比較一般天婦羅推介炸薯和蠔,薯又香又甜, 蠔的炸粉不厚, 不像我在其他地方吃到炸粉像盔甲盤厚羊肋骨有點乾,烤太久了吧魚蓉sushi,有已經很開心了花之戀, 算很肥美喇, 又不會太大件好滯芒果出乎意料地好食, 原本以為是懲罰遊戲煮蜆,忘了拍, 算了~ 有點像冬陰公的辣, 很輕微

而家夜晚冇得出街食飯，唯有中午出動啦，今日就去左旺角食日式放題啦。食足三個鐘都係$188/位，嘢食種類又多，餐廳夠晒光猛又闊落，食飯最緊要坐得舒服呀嘛😆而家大部份放題都係用QR code落單，但係值得一讚👍🏼呢度落單個介面真係簡單又清晰，非常易用。完全冇漏單上菜收碟都好快手。刺身選擇非常之多，叫咗甜蝦、赤海蝦、泰國虎蝦，仲有榮螺、北寄貝、帶子、吞拿魚三文魚同埋蜜汁飽片😍😍又有海膽手卷、鵝肝壽司、火炙壽司等等，壽司飯又夠實淨，唔會一夾就散，壽司細細件唔會太飽肚，可以食多啲嘢😝熟食方面都好正，推薦黃金少開邊蝦，羊架燒得岩岩好，芝麻雞翼夠晒香脆，炸榴槤球香芋球都好正，燒比目魚又香又滑，點埋沙律醬食仲正，仲有燒菠蘿醒下胃😄比較驚喜嘅係吉品飽汁扣花膠，冇諗過真係超大塊，又林又滑嘟嘟咁😋我都食咗三四塊，女士們千祈唔好錯過啊❤️外面仲有飲品區，自助沙律吧， 冷熱飲都有齊好貼心最後食埋甜品就大滿足啦😁

放題唔一定夜晚食，今次就嚟到旺角大瀛喜食中午放題，都幾抵食下呀，一至五都係$188/位，我哋12點就黎到食足三個鐘😊坐低梗係口罩都唔除攞返兩罐嘢飲先啦，跟手坐低掃QR code落單，簡單易用👍🏼首先梗係食刺身先啦🤩選擇都好多有三文魚、甜蝦、赤海蝦、北寄貝、吞拿魚、榮螺、帶子等等，全部都新鮮又好味，刺身選擇又多😋我就幾欣賞呢度d壽司，細細件唔使咁飽肚又可以試多幾款，火灸壽司款款都好食，仲有迷你海膽手卷😍仲唔使出去排隊就有得食啦😂熟食方面選擇都好多，我自己就比較推介比目魚扒，燒得啱啱好，魚肉又滑嫩，連續食咗三件，另外燒鰻魚都encore左好多次，當然唔少得羊架啦，唔會太蘇又保持到肉汁，蒜蓉牛油白酒煮顯竟然好食到唔記得咗影相😅冇沙之餘個白酒汁又好味😋辣辣地幾惹味。除咗order食物以外，外面仲有個自助區，有沙律、凍蝦、小丸子等等飲品方面選擇都好多，啤酒種類都有幾款，仲有果汁、茶類，另外有個暖櫃有麥精維他奶，甜品方面有朱古力大福、豆腐花、芒果布甸、雪糕🍦等等總括嚟講用餐時間好充足，座位又寬躺，最啱三五知己哩一路食一路吹水，最後要大大力讚下呢度啲服務員，因為我唔小心倒瀉罐嘢飲，即刻有人嚟幫手，又

疫情下，外出吃飯次數大減，自助餐、放題等更是接近清零，不過凡事總有例外，這一天，興之所至，就獨個兒在這間高質日式放題店裡享用了一頓豐富好味的放題午餐。說這間放題店高質，原因在於這店地方大而寬敞，食物水準高，上菜又快，而且完全沒有漏單，加上價錢只是二百元左右，性價比實在甚高。日式放題的食物萬變不離其宗，主打的無非都是刺身、壽司、天婦羅、燒物、一品料理等，但這裡有兩款其實不算日式的食物，我覺得相當不錯，要是你來這裡吃放題的話，絕對不應放過。第一樣是「吉品鮑汁扣花膠」，這應該算是中菜的菜式，雖然只是以小碗奉上，但花膠軟滑得很，而且份量不少，也十分入味，加上配角的冬菇和少許的江瑤柱絲，讓我不禁一點再點，一吃再吃。第二樣應該一試的是「酸菜魚」，這道四川名菜竟然會在日式放題店中出現，著實令人感到意外。其實這酸菜魚我是在第二次下單時才點的，到它被送上來時，我已差不多要結帳離開，不過這酸菜魚實在做得甚有水準，魚肉多而嫩滑，口感甚佳，配以酸菜，味道比真正川菜館的水準有過之而無不及。在日式食品方面，我印象最深的是「黃金醬燒開邊蝦」，美味的醬汁，讓這燒物的分數大大提高。其他燒物和串燒還有「西京燒比目魚」、「

疫情下冇咗晚市唯有食午市啦！！$188食足三個鐘都唔貴喎！！而家要兩個人一枱所以我哋好舒服好鬆動坐咗四人卡位🤣🤣仲可以放到成枱都係嘢食😚佢都係掃QR code落單！叫咗好多野食！正！呀！！！！好快刺身船就嚟啦😚三文魚好肥美，油甘魚真係有回甘味道☺️空運吞拿魚就略嫌有啲渣，但都肥美嘅！！帆立貝好新鮮😍大赤蝦同甜蝦就，大赤蝦鮮甜好多😘希靈鮮我就冇食到，不過我朋友話唔錯！！鹽燒牛舌都唔錯！唔會好un!!!食落有咬口！板燒牛柳粒正咼！好惹味，而且牛柳粒大細適中，啱啱好一啖一粒😆加埋啲乾蒜就好正！！！佢嘅西京燒都好好食！！！！比目魚好滑，而且Juicy!!!我地encore 咗一次添🤣🤣🤣開邊蝦 好正好肥仔🤣🤣下上面鋪有沙律醬芝士，一啖一啖，感覺會食上癮🤣🤣我都食咗幾隻，而且外面好少有！另外一樣放題都好少見就係芝士鰻魚玉子燒！！Best foood ever!!!!!真係好好！！尤其是熱辣辣食嘅時候仲正！！！highly recommend 最後梗係要食榴槤炸彈，原來佢仲有炸鮮奶添！！見到佢嘅雪糕係好靚嘅色，就試吓啦！！原來係海鹽，不過我覺得甜咗啲！！但係影相一流！！！外面都有啲小食俾你食住等🤣🤣

今日黎到旺角呢間大瀛喜，一入到黎都見到好多人食緊，近門口既位置會有唔同既熟食可以拎，我最中意係佢個中湯，飲落冇味精，好好飲，我都飲左兩碗，而其他既野飲同一般放題一樣都係係雪櫃度自己拎！ 落單方面就用qr code 落單，落完之後大約5分鐘D野食都開始上枱，速度真係幾快，係串燒要等一陣，但都其實好快！　佢既刺身都有好多款，仲有我最愛既油甘魚，每件都夠哂肥美，充滿油香，真係好好食！同埋真係叫幾多黎幾多，唔會話叫十件黎得3件咁～另外佢想鰻魚都好肥美，燒得好香好好食！連埋D鰻魚汁真係食到好多件！芝麻雞翼都真係必叫！佢炸到勁香脆，真係食到停唔到口！ 仲有一D鍋物其實都幾特別，佢既蟹粥都出奇地好食，放題食粥好似好蠢咁，但係放題既好處就係叫自己中意同想食既野！

今天我到了旺角嘅大瀛喜食日本放題，因為太耐冇對日本的關係，所以就要到放題店食餐好嘅，所以就去咗旺角大瀛喜食放題。呢度嘅食物非常新鮮，例如刺身，有三文魚刺身、海蝦刺身、帶子刺身、八爪魚刺身等等，都非常新鮮好味，食得出好有鮮甜嘅感覺，絕對沒有雪藏嘅味道。非常新鮮。呢度嘅食物種類好多，有燒蝦，燒汁非常好食，食物好有質感，好新鮮，又好大件。而且上菜嘅速度非常快，呢頭點完，隔左唔係好耐，就已經有得食啦。呢個係燒牛舌，入口即溶，燒得好香好脆，好有肉汁，肉好新鮮。呢度嘅刺身，真係好好味，所以忍唔住再叫多一串刺身，今次係叫多咗，擺盤擺得好靚，上菜速度又好快。咁冬天時，梗係要飲返碗麵豉湯，好友日本嘅感覺，有海大，豆腐乾。好值得再食！

🟥夜晚無堂食，中午食餐飽補數😝假期可以做D乜…就係食食食食足三個鐘嘅放題⋯188元加一，大約二百元一個人…真係又平又抵食食物款式又夠多，又多又好食，真的不知從何開始食好😂飲品款式多到飲唔晒·雪糕🍦雪條、甜品🍮咖啡☕️⋯⋯包羅萬有…多不勝數—————————🟧🐟🦐🦑🐙🦀🦪各款剌身：食熱嘢要夠熱、食剌身要夠凍，刺身質素唔錯 ，愛吃榮鏍夠爽口、希靈魚卜卜脆的口感，幾款蝦刺身，我朋友最愛吃，可能佢成日蝦人，所以咁鍾意食蝦🦐⋯⋯😂食完又叫食完又叫的刺身⋯北寄貝、帶子、仿鮑片、榮鏍、希靈魚，我比較喜歡吃這幾款，最鐘意蝦人嘅朋友就最愛吃蝦刺身🤣🤣🤣🤣🤣—————————-🟨繼續不停吃我的悠長三小時任飲任食😂蜆又是我最愛吃：🦪蒜茸牛油白酒煮蜆：味道調較得好好食，面頭鋪滿的芫茜又是我的至愛，食落去有啲似泰式嘅味道、小小辣又夠惹味，咁好食嘅嘢，當然係不停Encore😂—————————-🟩🍣三文魚籽手卷：一口細細件就啱哂，新鮮即包嘅紫菜咬落脆卜卜、加埋魚子又係脆卜卜嗰種口感……正😋✌️—————————-🟫🐟酸菜魚：魚當然又係我最愛吃，咁就梗係嗌反個酸菜魚食吓啦，竟然喺呢度都可以食到酸菜魚、而且味道都整得唔錯

之前見到呢間日式放題店前排啱啱裝修完，今日放假就同朋友去試下裝修完後餐廳用餐環境好左，座位都幾舒適，卡座都幾多，職員都安排得幾好，唔會同其他食客太近，座位與座位間有足夠空間。飲品種類幾算多，除冷熱飲品外，仲有埋啤酒👍🏻前菜有日式（中華沙律，味付螺肉，枝豆），韓式泡菜），西式沙律菜，蕃茄。仲有兩款水果（哈蜜瓜，柑）仲有兩款湯品，包括蟲草花膠烏雞湯及碗仔翅雖然無試，但睇得出都足料嘅刺身選擇不算多，我自己最鍾意係帶子及虎蝦，鮮甜可口。手卷嘅紫菜淋左少少，不過三文魚子不錯，吞拿魚蓉小卷上面加左黑松露，有少少搶左吞拿魚嘅鮮味三文魚鰭燒得幾香口，肉質軟嫩，仲有魚油香清酒煮蜆味道軟清淡，但勝在無咩沙燒汁帆立貝份量剛好，每人兩至三粒，味道都唔錯，仲食到有鮮味芝麻雞翼炸得香脆，內𥚃仲保有肉汁。焦糖玉子幾特別，玉子上有薄薄脆焦糖加埋玉子嘅軟腍，層次豐富。燒物最喜愛就係燒菠蘿，全部都好甜🤗天婦羅比較遜色，炸粉過厚。炸榴槤幾好味，榴槤味好香濃。炸鮮奶就外脆內軟，不錯。甜品選擇亦不少，質素都不差，再食埋雪糕就完滿結束🤗每人$188加一，整體都性價比高嘅，值得一試