影片
更多
2022-01-30
52 浏览
想同同事lunch食個靚靚放題當收爐飯，見到大瀛喜做緊兩點後入座第二位半價嘅優惠，旺角分店新裝修環境舒適，於是就揀咗佢啦！首先自助沙律區比想像中選擇多，仲有冷盤海鮮，有蝦同埋大大隻蜆肉。除咗冷盤，熱嘅熟食方面都有三四款小菜，同炸雞粒、章魚燒等小食！刺身拼盤非常新鮮，魚生當然唔少得三文魚、吞拿魚同鯛魚等，北寄貝，螺片同八爪魚片都好爽口，虎蝦同俄羅斯甜蝦刺身都好鮮美~ 炸物同天婦羅都基本嘅應有盡有，唔會厚粉炸得脆口又唔油膩; 燒物方面我就最鍾意嘅牛舌，青魚，西京燒，燒菠蘿等都好好味😋壽司都係一口精緻size，啱晒我哋可以試多啲唔同嘅特色口味; 熟食試咗一口牛柳粒、黃金醬燒開邊蝦同酸菜魚水準都唔錯，黑蒜油豬軟骨烏冬好惹味。跟住嘢飲方面選擇都一應俱全，有多種茶飲、果汁、碳酸飲品同埋啤酒，另外比較驚喜嘅就係仲有熱嘅奶類紙包飲品，同埋日式梅酒同清酒。最後甜品自助區多達10款中西式甜品例如豆腐花、泡芙、朱古力大福同朱古力撻等。雪糕選擇就相對較少只有四款， 有紅豆雪條雀巢雪糕等。總括而言同同事食咗一餐開心且性價比高的放題收爐飯🥰
想同同事lunch食個靚靚放題當收爐飯，見到大瀛喜做緊兩點後入座第二位半價嘅優惠，旺角分店新裝修環境舒適，於是就揀咗佢啦！
首先自助沙律區比想像中選擇多，仲有冷盤海鮮，有蝦同埋大大隻蜆肉。除咗冷盤，熱嘅熟食方面都有三四款小菜，同炸雞粒、章魚燒等小食！
刺身拼盤非常新鮮，魚生當然唔少得三文魚、吞拿魚同鯛魚等，北寄貝，螺片同八爪魚片都好爽口，虎蝦同俄羅斯甜蝦刺身都好鮮美~
炸物同天婦羅都基本嘅應有盡有，唔會厚粉炸得脆口又唔油膩; 燒物方面我就最鍾意嘅牛舌，青魚，西京燒，燒菠蘿等都好好味😋
壽司都係一口精緻size，啱晒我哋可以試多啲唔同嘅特色口味; 熟食試咗一口牛柳粒、黃金醬燒開邊蝦同酸菜魚水準都唔錯，黑蒜油豬軟骨烏冬好惹味。
跟住嘢飲方面選擇都一應俱全，有多種茶飲、果汁、碳酸飲品同埋啤酒，另外比較驚喜嘅就係仲有熱嘅奶類紙包飲品，同埋日式梅酒同清酒。
最後甜品自助區多達10款中西式甜品例如豆腐花、泡芙、朱古力大福同朱古力撻等。雪糕選擇就相對較少只有四款， 有紅豆雪條雀巢雪糕等。
總括而言同同事食咗一餐開心且性價比高的放題收爐飯🥰
张贴
