大瀛喜日本料理 (已結業)

いただきます!!🙏🏼🥢放假梗係要擦餐好架喇！呢間大瀛喜放題係旺角地鐵站E1出口一出上五樓就已經係，地點非常方便！入座之後都急不及待scan QR code 落單😋😋😋頭炮當然係點刺身，每樣種類都有，三文魚超級肥美，大虎蝦亦都好鮮味😋🍣🦐之後仲點左牛舌，煮蜆，羊架，榴連炸彈，黃金蝦，牛柳粒，天婦羅同比目魚……….等等呢啲野食只係冰山一角咋😋😋仲有好多，每樣水準都唔錯，有幾樣都要encore 添😂😂出面都設有自助區，包括有一大個飲品凍櫃，連我最愛嘅三隻道地解茶都有細版樽裝😍 仲有熟食區同甜品區！雪糕都好多款🍦埋單每人$218蚊，食到捧住個肚，又可以食到唔同嘅野，都算物有所值😋😋

找住復活節假期的尾巴，食餐勁嘅埋個靚尾。仲未有晚市堂食，咪午市去食囉🤗見平平哋咪試吓囉，又近旺角地鐵站，又唔洗預約。好在早嚟，原來都幾旺場下，要排隊入坐食物款式算係咁，有齊刺身、壽司、卷物、串燒、炸物、鍋物、甜品。唔係頂級貨，不過抵食食得開心就好。 上菜速度都算正常，唔好一次過叫大多款，會放唔落所有食物。出面仲有好多野食可以拎，可以分批食最尾想食埋大福同軟雪糕，但係已經食唔落喇。埋單一個人$200鬆啲，食足兩個鐘，正😋

🍣大瀛喜日本料理🍣📍:旺角九龍旺角彌敦道655號5樓⏰:12:00pm-5:00pm(禁晚市時間)💰:假日午市放題-任食兩小時 $208(設加一)難得今日放假 去咗旺角行街 行到肚餓 見到呢間位於朗豪坊對面嘅放題店 好多人排隊 一於去試吓佢🥰 呢到既價錢唔貴 選擇好多元化 性價比高👍🏻店內用QR code落單📲 方便快捷 仲可以睇返之前叫咗啲咩🙈雖然有用QR code落單 但係店員都非常忙碌上菜收碟 效率好快 真係辛苦晒佢哋🙈🔸刺身、壽司方面🔸刺身款式選擇都好多 除左有常見嘅三文魚、希靈魚、吞拿魚、北寄貝、虎蝦、甜蝦等 亦都有我最鍾意嘅大赤蝦 足足有我手掌咁長 所有刺身都好新鮮 上枱嗰陣會有冰底 咁就唔怕刺身變質👍🏻而且叫幾多泥幾多 咁就唔怕食唔晒啦😋壽司方面都有好多創意壽司 有我最鍾意嘅鵝肝壽司、花之戀 亦都有好少見嘅龍蝦沙律蝦多士、芝士鰻魚玉子燒 味道都唔錯！🔸熱食、炸物方面🔸熱食嘅選擇都非常多 煮蜆嘅方法都有兩款😋令我最驚喜嘅係 佢有唔同做法嘅蝦款式 有黃金炒蝦、虎蝦天婦羅、鹽燒海蝦、黃金醬燒開邊蝦 每款蝦都好新鮮 黃金醬燒開邊蝦令到我最有驚喜！食完再encore 熱辣辣上枱 亦

好耐冇食放題啦，前兩日約咗朋友一齊去旺角食放題，好滿足！我地去咗旺角店，就算唔係假期都超多人，大家記得去之前要book啊！如果唔係就要等好耐。前菜：前菜有好多選擇，有沙律都有熟食，特別推介滷水雞翼同埋炸餃子！主食：主食選擇都非常多，尤其是係魚生。雖然我同朋友都冇食到，但見到隔離檯叫咗好多，感覺好好味，好抵食！我最鍾意食佢嘅芝麻雞翼同天婦羅，芝麻雞翼非常入味，天婦羅十分香脆。牛舌都非常唔錯，厚得嚟有嚼勁！牛油燒翠肉瓜勁juicy，有少少bbq嘅炭燒味，超香！甜品：甜品除咗有唔同雪條同布丁等，仲有得自己擠軟雪糕，好食又好玩！

依排好少出街食嘢，臨完sem就決定食餐放題滿足吓自己！食放題就可以試好多唔同嘅嘢食，性價比高～今日去咗旺角嘅大瀛喜，地理位置好方便，一出地鐵站就係。平日餐廳都好滿，大家要記得book位。鍋物：壽喜燒牛肉鍋牛肉鍋入面有娃娃菜、金菇同埋牛肉。湯底偏甜，蔬菜會吸滿壽喜燒汁，好滋味。牛肉亦都唔會太過韌。小食：芝麻雞翼雞翼應該係即叫即炸，隻隻都脹卜卜。雞翼外表酥脆，內裏亂畫，有肉汁。榴槤炸彈次次食放題我都一定會嗌榴槤炸彈！榴槤炸彈非常香脆，外皮就好似麻薯咁樣，煙煙韌韌，入邊榴槤醬好流心，味道香濃！鍾意食榴槤嘅一定唔可以錯過！鐵板京蔥燒汁牛柳粒牛柳粒面頭鋪滿旋蒜片，有鑊氣。蘆筍燒汁炒帆立貝帆立貝超級香，醬汁好惹味，一份有五粒，份量足夠。串燒：鹽燒牛舌牛舌有燒過嘅味，肉質爽口，仲可以加檸檬汁。牛油燒翠玉瓜翠玉瓜都燒得好香，咬落非常多汁。燒有機新鮮菠蘿菠蘿大大嚿，好Juicy，我覺得燒菠蘿別有一番風味！天婦羅：虎蝦天婦羅炸蝦天婦羅新鮮熱辣辣，粉漿薄，蝦肉彈牙。蕃薯仔天婦羅番薯仔雖然揸過，但唔會好油，番薯仔好甜，推薦！除咗用QR code落單，出面仲有一啲小食、飲品、甜品任攞，選擇好豐富，CP值高！

大瀛喜係我比較鍾意嘅一間放題，因為佢上菜快，甚少漏單，所以消費券一出，立即要去享受下。近期除左鍾意食刺身、左口魚和蟹子棒壽司外，都愛上和鴨肝壽司，口感豐富之餘，味道也較香濃，食一啖再食一件帶子刺身，夾到不得了。好耐無食過黃金蝦，今次有得食當然唔會放過，蛋黃味夠香濃，蝦肉非常新鮮，雖然好邪惡，但最後都係要叫多轉。估唔到依度有燒三文魚，經燒過嘅三文魚，魚油香更濃，肉質非常嫰滑，加幾滴檸檬汁將鮮味再提昇。天婦羅點左南瓜和蕃薯仔，兩樣入口熱辣辣，南瓜夠淋都好鮮甜。放題甚少有熱飲俾大家去揀，通常都係熱茶多，但依度重有熱維他奶，飲一包配韓國密瓜雪條，真係無敵滿足。

最近WFH, 好長時間係屋企，好苦悶，每日都諗中午食咩好西放鬆下🧐，諗諗下，去食放題都好，食物款式又多，午餐放餐都好抵食，又可以任食，性價比高🤤即刻Walk in旺角大瀛喜，新裝修後第二次去，環境光猛，座位舒服，全部都係卡位或者吧枱，近入口位置仲有自助bar 有湯，海鮮，小食，飲品同甜品而其他食物就Scan QR code 電子落單，比起之前要填紙仔落單，更加環保👍三文魚，油甘魚，吞拿魚，帶子，北寄貝刺身刺身每塊都好大件，厚切😁花之戀點左好多我最愛的花之戀，上面仲有好多魚子😚海膽手卷，三文魚籽手卷好中意個手卷細細個，咁啲飯量就少好多，唔會咁快爭飽個肚仔，可以食到其他款式既食物👍🏻鹽燒三文魚腩，醬燒帝皇蟹棒壽司火灸手握壽司，調味味道剛剛好🤩壽喜燒牛肉鍋食咁多凍嘢想，食返啲熱野暖胃，就叫左個壽喜燒牛肉鍋，中等分量，好大塊牛肉☺️特濃朱古力撻，忌廉泡芙食咁多嘢已經飽左，但係又想試吓啲甜品，就攞咗呢二款甜品朱古力撻朱古力味濃，可可濃度不算高，係唔苦的忌廉泡芙內充滿忌廉，一咬入面啲泡芙唧晒出嚟，外脆內軟自家製飲品 瑰荔堂煌味道很好，無糖冷泡茶，茶味帶有淡淡的玫瑰花香

消費券的第一天，魔力真係非常大未夠12點餐廳門口已經水洩不通，幸好有提前訂位由於人太多，安排左2人高枱，放題黎講真係好迫，而且張枱好細，食得有點辛苦幸好食物質素都唔錯，漏單情況也不太嚴重外面有自助前菜/小食區，甜品櫃，凍熱飲品區好多選擇剌身，壽司，燒物，炸物，用電話落單，方便快捷👍🏻先叫剌身，赤蝦，甜蝦，北寄貝，鮑片赤蝦大大隻，整體都唔錯炸物必叫芝麻雞翼，熱辣辣又juicy串燒牛舌，三文魚旗，翠肉瓜都好好味特式壽司，鵝肝壽司叫得最多壽司細細件，可以試多幾款平均220一個人，可食三個鐘三五知己一齊聚餐，的確係一個不錯的選擇

終於有得再食放題啦，今日同朋友去旺角大瀛喜刷返餐勁既，好多野食呀。餐廳好大，坐卡位幾舒服。QR code 落單環保又方便，又準確。刺身好新鮮有光澤。天婦羅都唔錯，皮薄饀靚。呢度好多款的骰壽司都好好味，例如左口魚群邊、三文魚腩、黑松露吞拿魚同鰻魚芝士卷，重點係舊飯細細舊，唔會質到好飽。我好鐘意食魚，西京燒又咁好味，我叫左3轉，以為比目魚都幾貴會甩單，又無wo，3轉都黎足哂，開心。仲有三文魚鮫食添。羊架都係回本位，羊架好腍呀。點既熱食自助熟食區自助飲品區琳瑯滿目，有一款自家制冷泡茶我好鐘意，另外仲有梅酒清酒任斟添。自助甜品區而家仲有疫情優惠，2pm 入座仲有88折，真係抵食。

今年到而家，因為疫情，限聚令各樣野，都已經令到我絕小出現放題店，，，我諗唔止我，，而係香港市民都一樣。一般平時食放題都選擇夜晚多，，，今次都算係第一次，食午市，而且旺角地鐵站一出就係，，，一分鐘都唔駛就已經到電梯大堂。當你入到去門口，都已經坐滿一半枱，，枱與枱之間都幾寬敞，，疫情期間都會食得比較安心，但諗都冇諗過午市都這麼爆，現在還是疫情中。價格雖然沒大變化，依然188一位，，相信食物應該有返甘上下，，呢度用q r code落單，，除q r code落單之外，店面仲有一個海鮮區，沙律區，飲品區甜品區，同埋有即食嘅炸雞同埋章魚燒同前菜。一開始當然係刺身先啦，而且呢度上菜速度快，同埋數量會跟足你落單分量，刺身整體不錯還很新鮮，初頭還怕會因為疫情關係刺身會不太新鮮，而且選擇還很多，還有很多特別嘅壽司，熟食整體都很不錯。始終現在都冇晚市食個午市也不錯

朋友話好耐冇食過日式放題，趁星期日就約佢去旺角嘅💕💕大瀛喜日本料理😋😋食番夠本。原價每位$208 ，下午兩點後仲有88折，計埋加一，平均每人200蚊ok😊😁Qr code落單， 上菜幾快，冇漏單。出面仲有自助區有沙律，小食，熱食，飲品任飲， 仲有清酒同梅酒👍👍。刺身試咗油甘魚，赤蝦，帆立貝等等，好新鮮。壽司種類超多，款式有創意， 例如有鰻魚芝士卷，黑松露吞拿魚，鵝肝壽司。熟食試咗壽喜燒牛肉鍋，天氣凍食啱曬。最後甜品我試咗軟雪糕，同埋迷你雪糕批，超飽👍

已經好耐無食放題喇，同朋友突然好想食放題，一上到去環境空間真係好大！坐得好舒服。然後我地即刻出去自助區揀食物，見到凍食蝦同蜆好吸引，蝦都好大隻，啖啖肉。另外蜆都好好食，蜆肉都好肥同鮮甜。之後即刻叫野食，我地都即刻點刺身，刺身種類都有好多款，我地點左有三文魚，油甘魚，劍魚腩，北寄貝，燊螺片，虎蝦，大赤蝦，每件都好大件好鮮甜。我地重叫左其他壽司，火炙壽司都好好食。每件都好足料口感好札實。另外飲品有好多好多可以選擇，甜品都一樣有好多款，而且重有軟雪糕機。真係好滿足！

【窩蛋牛柳粒定食】$60溫度不夠，有些牛柳粒咬開仲係生 😥 調味OK。.【壽喜燒定食】$60Serve半生熟肉片，但溫度非常不足，要頻繁攪動，才勉強浸到全部肉片變色——極勉強 😞 蛋就完全熟唔到，停留係蛋漿狀態。💔 雖然變左色，部分肉片可能未夠熟，口感好似咬生肉，好噁心。🤮 湯底有芝士粉味，我都唔知點解。🤧.【雪糕】+$8抵食，好味。.兩個定食都包括前菜、沙律、湯、飲品。見遲遲都唔黎，詢問店員，先話係自助區自取。飲品都係罐裝，冇問題。其他就出事，湯唔係味增湯，而係中式老火湯？🥵 前菜都唔係日式小菜，係啲垃垃雜雜嘅野，見到都唔開胃 😪 最後一樣都冇食。.環境方面：1. 枱無抹，很多醬油跡 💔2. 店內空氣非常差！唔係油煙味，似車內噏味，聞到好難受。☹️ 呢部消毒機應該是一大原因，企係旁邊真係好難頂，好似坐係一架十年無洗嘅車入面。🤢🤢🤢.Overall：非常糟糕，唔好幫襯 💔

我同朋友兩個出嚟食嘢梗係要食餐好啲㗎啦 有間超近地鐵站嘅餐廳 主要係食日式放題 但冇諗過而家日式放題都變到咁多元化 仲有好多錢菜同熟食選擇 尤其係未嗌餐單上嘅食物之前 餐廳出面已經提供左唔少嘅飲品同食物 例如佢嘅雞軟骨同雞翼等等 即使放咗一段時間都唔會覺得唔好食 再講下佢啲刺身同壽司先 刺身每一塊都切得好厚身而且都幾新鮮 食落去唔會有未解凍嘅情況 而我自己亦都好欣賞佢出面有唔同嘅酒精類飲品 呢度嘅上菜速度亦都幾快 落完單之後大概3分鐘之內都會送到 個人覺得佢嘅羊架同牛脷都幾好食

好耐冇食過放題 而家疫情嚴重但係都冇諗過咁多人會來食lunch 呢一間超近旺角地鐵站嘅日式放題餐廳 之前有聽過朋友講話呢一間嘅水準都幾高 就算係lunch時間嚟食 其實佢嘅款式都一樣咁多 刺身種類好多款個人覺得佢嘅油甘魚同帶子幾好食 而且大蝦同甜蝦到清洗得好乾淨亦都好甜壽司方面佢亦都有唔同嘅卷物 飯粒唔會好多 唔會令到你覺得好飽食唔到其他嘢 個人覺得佢嘅鰻魚卷物幾好食再講下佢呢度唔同嘅熱食 自己最鍾意食佢嘅花膠 唔會有其他額外嘅蔬菜 一黎 唔會造成浪費 二來亦都可以有胃口食其他食物 而呢度嘅飲品亦都唔少 最令我驚喜嘅係呢度亦都有平時火鍋店見到嘅自家製洛神花茶同烏龍茶！食完咁多嘢飲番杯洛神花消下滯！