大滿喜日本料理 (已結業)

難得day off, 請阿妹去食個 lunch 放題, 等佢係湊仔嘅日子有多D樂趣, haha, 我呢個做阿哥都算係咁啦今次揀去觀塘嘅大滿喜, 諗住無旺角咁多人, 點知... 原來… 我錯了… lunch 都 full 呀, 好在我早去咋.Lunch menu 都勁多嘢食!食肉獸第一時間點左盤刺身, 不得了, 正!正!正!刺身樣樣都好新鮮, 三文魚好滑身, 刺身蝦夠彈牙, 榮螺又好爽口, 帶子鮑魚鮮味重, 完全無得輸.肉嚟講, 我最欣賞佢嘅羊架同埋牛肩肉, 勁正 羊架厚身有啲肥肉, 食落騷味吾重, 好得.沖繩網燒牛肩肉, 好香口, 肉質非常林, 又夠juicy, 好味到要 encore雞軟骨都OK爽脆.帝皇蟹啖啖肉當然吾會輸啦.仲有個蟹粥都好正呀, 吾可以吾提, 真材實料, 味道好, 有鮮味.太多好嘢食, 數吾晒, 哈哈.最開心係俾阿妹讚, 佢呢餐真係食得好開心, 係咪有錢都買吾到先

啱啱過左probation，公司加咗人工 ，放工梗係要慶祝下 ， 慰勞自己。諗下……諗下……食乜好呢? 樣樣都想試，樣樣都想食。要滿足曬所有要求，就只有食放題啦。市面上放題有好多間，都唔知揀邊間 。之前聽朋友講大滿喜放題水準高，款式多，所以，今次咪試下囉。近近哋，揀咗觀塘大滿喜，電梯上去一開門，全層都係佢㗎！一坐低即刻點魚生食。樣樣有啲，見到都豐富. 我平時唔食黃色果種魚嘅，因為間間都超難食。但今次食過之後， 又覺得唔錯喎！下次都可以試下。之後就叫咗個火鍋，花膠火鍋湯底。仲以為放題，一定俾個齋湯就算，點知超足料，而且一大兜，一個人真係食唔曬。兩個人就先至好叫呀！唔可以唔提，生蠔真係好大隻，食完真係超滿足。肥牛，帶子都新鮮，花膠又厚身， 勁滋補。嚟到大滿喜，你一定要點壽司，雖然每件壽司細細件，但係好精緻，見到廚師都好畀心機整，擺位好靚。好味。要俾“讚”。下次應該要先專供壽司。食咗火鍋同魚生，太飽喇，唔抵呀，食唔到太多添。紫薯球都好正，口感一流煙煙靭靭 ，必選。一般放題只有雪糕同雪條呢類甜品，選擇唔多。但大滿喜放題呢……就好似酒店咁樣，有好多精緻嘅甜品，啫喱，蛋糕仔。畀你揀，超開心呀除咗雪

這晚跟朋友到大滿喜吃晚市日式放題和火鍋，碰巧我們都比原定時間更早有空，所以可以在 19:15 前離座付了優惠價，盛惠每位 $188 外加加一。到座時未到 18:00，餐廳內約半滿席，環境尚算寬敞明亮。喜歡生食的我們倆先嚐各種刺身，整體上的新鮮程度算是達標，只是少許吞拿魚刺身帶筋。至於火鍋方面，我們選了花膠蟲草湯底，外點了些許青口、帆立貝、蠔及蜆。湯底調味濃淡適中，材料份量十足。我們吃的時候，花膠可能要煮久一點才夠軟，但不至少沒有腥味。基於光吃刺身和火鍋已經半飽以上，我們另外只點了一些壽司手卷和串燒，而我則試了大部份的炸物和天婦羅。炸皮不會過厚或油膩，餡料味道也不俗，有點吃完再想吃的感覺。甜品雖然沒有昂貴的雪糕任食，但是都選擇不乏，不過我們實在太飽，肚子連多一顆雪米糍也不能容納。整餐較不濟的就是那碗小的鰻魚飯。飯約有半碗，但鰻魚的份量跟五元硬幣差不多。魚不鮮味，帶少許骨之餘，也加了太多照燒汁。可是以放題的情況來話，不應諸多要求。總體而言，光吃刺身海鮮也值回本價，以此價錢吃放題乃合理之上。若要追求更高質素的可能要付多一點。t

一班人最近除左打邊爐，我覺得食放題都幾好，坐得舒服，傾計又得，又食得耐，今次來觀塘食放題，食左呢間大滿喜日本料理 ，大家都覺得吾錯，食得好開心。食物新鮮，個人喜歡鮑魚片，爽口鮮甜，另外三文魚同帶子都好食，鮮味，又冇乜雪味，三文魚係厚切，食落口感滿足，而且我覺得最好嘅係佢係寫幾多俾幾多，吾會等完嚟又扣減左吾夠食又再等，所以刺身都合格嘅，幾好。其他例如燒三文魚，多春魚，芝士焗帶子等都幾正，仲有一向食開嘅雞翼同天婦羅都好食，佢粉都吾算多，食落都好鬆軟，幾好食，飲品係自助嘅，都幾多野飲，refill都快。上菜時間合理，服務態度好，問野都會回應，甜品選擇亦多，下午或宵夜時間食更加超值抵食，下次晏少少或早少少再嚟食先。

今日約咗個朋友食飯，朋友住觀塘介紹咗我食一間放題，自己又未食過，咁就姑且同朋友食下喇！一出升降機之後見到鋪面都幾大，有好多位。 好好彩我哋安排咗可以坐喺窗邊，仲要喺卡位黎，枱面都算幾整潔！可以揀嘅嘢食都算幾多，整體而言算唔錯，我哋唔算太肚餓，所以好多都係叫小食為主，飯麵果啲就不了！首先一嚟到就係刺身拼盤，各款刺身都有齊，賣相非常吸引。我自己比較鍾意食帆立貝，呢度既帆立貝算幾大隻同新鮮，加埋豉油食，正呀！ 三文魚腩刺身油脂感好豐富，咬落啖啖肉，成個口都有魚油味，不過甜蝦就細隻咗少少。有一個估唔到嘅位置係，呢間放題竟然有提供打邊爐，有得食牛肉鍋壽喜燒！ 配料仲可以自己揀，有超過幾十種。牛肉都冇令人失望，同燒物表上既牛肉質素一樣， 咬落軟身，冇筋，亦都唔覺韌！ 有個小建議係，食配料之前，先食咗牛肉，因為壽喜燒湯底煮得耐，配菜可以吸收牛肉味，咁會更加好食！燒物炸物都冇令我失望！菠蘿燒得夠脆口，做到外脆內軟嘅感覺。吉列蠔亦都炸得啱啱好，咬落仲有少少水份，入面唔會太乾身。芝麻雞翼係我最吃驚嘅一款小食，因為佢係熱辣辣，咬開仲出煙！ 鐵板牛肩肉非常入味，面頭嘅燒汁同牛肉好夾，牛肉唔會炸得太硬，咬落軟腍

呢晚約左個朋友食飯，我不知不覺間原來已經有成半年無食過放題了，突然有d想食，咁就直接同朋友搵下觀塘呢邊有咩放題好食，跟住就搵到呢間，黎呢間主要係有個特別既原因 (一陣下面再講)，我地七點前已經到左，都仲有位淨，無預訂都有得即刻入座。餐廳環境:餐廳環境其實幾唔錯，裝修睇得出有落過心思，另外連枱都係雲石枱，成件事幾靚，另外餐廳提供埋free wifi，呢件事係幾貼心既。餐廳食物選擇:大滿喜同其他放題差唔多，都係有好多張食物紙比大家叫，出面有野飲、甜品同雪糕，全部都係任食，雪糕有韓國幾出名既牌子，都唔錯。刺身盛:雖然我朋友麻麻地食刺身，但我實在太鍾意食刺身啦，仲要咁耐無食過放題，所以我都照叫左好多款，仲要叫左好多件，今晚決定放題開戰哈哈，三文魚同三文魚腩都好好味，三文魚腩既油脂係好正好好味，希靈魚絕對唔腥，係必食之選。另外玉子同帶子我都覺得幾值得食。牛肉壽喜燒:頭先仲講緊有個特別既原因黎食大滿喜，主要係因為我朋友話大滿喜有壽喜燒呀，我個人係超級鍾意食壽喜燒，但無奈平時日常生活太小機會食到壽喜燒啦，既然大滿喜有，所以就黎左大滿喜食，牛既份量一黎就勁多，肉質仲要係高質架，超級好味，高度推介。蛋黃

觀塘返工，呀頭帶頭lunch hour 嚟到亞太中心食放題地點幾就腳，午膳時間唔多人又平啲工作還工作，都真係不忘要抖下氣前菜拎咗好多嘢食，有腎片，鳳爪等等，涼拌嘅味道唔錯，食落幾開胃回本梗係要飲啲清酒同梅酒見呀頭飲先跟住都飲咗一小杯，味道甘醇而且兩隻酒都係有一壺咁上，男同事們真係好happy三文魚刺身好靚，成盤上嘅時候仲有乾冰另外叫咗少量其餘嘅刺身，質素都幾高辣味三文魚手卷好正，細細件，啲紫菜仲係脆嘅香芒卷物好鮮甜，蟹籽沙律好fresh無得輸鹽燒鯖魚幾香，燒到外表焦脆，揭開入面，魚肉雪白結實，好有魚味兩件燒羊架都係用黑椒調味，油份充足沙律吧有番茄仔等等嘅蔬菜自己揀埋醬汁，好多款配搭總會有啱食飲品櫃都幾多嘢揀，又有唔同牌子啤酒雪條櫃嘅款式都多，有韓國新款嘅朱古力批雪條，感覺幾新鮮，味道都有驚喜最後仲食埋飯後果：哈蜜瓜先走人今餐真係豐富過頹lunch好多啊間唔中一兩次絕對唔過份吖

好耐冇食放題啦 今次揀左大滿喜 九點去到 仲坐滿哂人我兩個人 經理好快就比到位我地一開波點左個刺身 大愛帆立貝同油金魚 甜蝦同北寄貝都正見我地點緊其他野 店員就黎推薦我地叫個鍋黎食 咁有三款既 我地揀左養顏花膠雞鍋 補身呀嘛佢有得再加配料打邊爐既 好大鍋架 入面好足料 有花膠 魚肚 雞 粟米等等 個湯都幾入味 幾好飲叫左份泰式生蝦 幾新鮮 有泰國菜既質素！叫左兩個手卷 小巧既 手掌咁大 食完唔會太over 海膽鮮甜 三文魚籽亦唔錯見佢有燒帆立貝 好芝士味既 略為多左油 芝麻雞翼 炸紫薯波波 魚餅都好香口 紫薯波波唔會太甜 再encall左燒菠蘿係每次必叫既 好食又開胃 唔會太酸炸物 就叫左炸蟹柳同冬菇 怕熱氣既我 覺得個粉多左少少 味道不過不失 雞軟骨都燒得岩岩好 好脆 唔會硬 推介！少見有三文魚頭 幾特別 亦好入味 加埋檸檬好perfect兩個人食刺身又個大鍋 係超級飽 整體上 d野食新鮮 都好合理值得讚既係野飲款式好多 店員都好好服務 又有禮貌

嚟觀塘食放題，一坐底就開始點嘢都幾鍾意呢種傳統寫紙仔式嘅放題，可以瘋狂落單，一路寫一路搣，好過癮花之戀壽司細細件但夠肥美，一口食哂三文魚，飛魚籽同沙律醬入口，好滿足刺身種類多，咩都試勻哂，三文魚，油甘魚，吞拿魚，希靈魚，北寄貝，帶子，鮑片，榮螺，赤貝，甜蝦，樣樣都夠新鮮，好掂自助沙律吧規模唔大，但款式都幾多有沙律菜，蓮藕片都幾爽脆有日本蕃薯仔，又有雜豆，就算係vegetarian都唔怕冇嘢啱食冰鎮秋葵係熱門菜，好多人食，另外仲有啲菜苗拎完飲品返埋位，羊架上枱味道唔會太騷，食落滿口肉汁，燒得好香吉列炸物熱辣質素高，唔會油益味香芋波外脆內軟，甜糯香脆，係must eat itemmelona雪條係回本位，蜜瓜味真係幾好食維記雪米糍由細食到大，薄薄嘅糯米皮包住雪到硬嘅雪糕水果拎咗菠蘿，仲有拎咗藍莓乳酪，自己diy水果yogurt甜品櫃嘅形式似食自助餐，有好多mousse，jelly，同cake最好食係藍莓芝士蛋糕，芝士味濃，用料足

同事升職，所以我地同佢一齊去慶祝，咁就搵間係公司附近既餐廳,因為有男仔所以想揾間可以食多一點點的，我地上OPEN RICE 搵，見到大滿喜既野食幾吸引,就簡咗佢啦!!!!!去到環境好大,完全無迫既感覺，有好多卡位,多人既話都有容納到多人專位,都吾會怕迫,避黎避去咁辛苦,地真係好怕好迫既放題,因為行都行吾到真係好辛苦刺身好多選擇,我地咁為食，緊係咩都要叫啲啦，有男仔係到吾怕食吾曬呀，待應上刺身既時候，盤刺身好壯觀，睇得出師博好有心機咁把刺身排得靚靚仔仔同埋盤刺身側面好多煙噴出黎，拎黎呃LIKE 一流呀！食日本菜，刺身係好重要，刺身係好重要，刺身係好重要，重要野係要講三次既，刺身有吾少得既三文魚,子,北寄貝, 玉子, 甜蝦啦，油甘魚啦,希靈魚啦，螺啦等等等等,多好多.三文魚好肥美，咬洛去啲魚油呀，我到宜家仲回味緊，你都咪話，宜家講起又想再食，另外特別介紹：油甘魚,好爽口，賣相都好吸引, 刺身都放在碎冰塊上，大家吾洗擔心會響新鮮度。刺身之外我地仲有叫泰式生蝦，連泰式醬汁，辣辣地咁，真係好正，好少放題見到有生蝦，滿足！熟食款式真的很多， 應有盡有,只要諗到都有咁制，有特別要提好食既野就係蟹棒天

今天，同朋友行街，突然心血來潮想食放題，同朋友左選擇右選擇最後選擇了大滿喜日本料理，入到去剛好有2人位，我們立即下決定坐下來了。地方大夠寬闊也，侍應很用心介紹所有食物.我地一坐下來就柯打了卷物，點了海膽手卷,啲海膽已經佔了飯團一大半了。不吃海膽的我，都覺得好味,一點都不腥,我已經忍不住再柯打多兩次。重頭戲來了 ，就係花膠冬菇，平時屋企好少機會食到, 大滿喜竟然有食得,緊係要點一份啦, 花膠夠林, 夠入味,同埋骨膠原「張」住個咀,對美顔正好呀,女仔記得食叫一份.另外我地叫咗匪雞翼呀⋯⋯您無睇錯，係土匪雞翼。最愛呀。好多汁，吾會乾曾曾，岩曬我重口味既人.刺生盤嚟啦。全部都好新鮮，北寄貝食落去鮮甜，份量比到好足。鐘意食甜蝦的我,眼見甜蝦大大隻，就忍吾住大啖大啖咁食洛肚。忍吾住柯打左3次，覺得有小小誇張. 另外直得一提，如果有朋友吾食得生冷野，餐廳亦有火鍋比您選擇㗎！仲有不同湯底比你選擇,岩晒吾食生冷野的朋友們啊.炸物方面， 炸榴連 不得不提，當我食佢d榴連蓉，個陣榴連蓉既味都幾濃郁，鐘意食榴連ga您一定要柯打,再點了蒜片牛柳粒,好重蒜味,肉質滑.飲品方面，有茶有汽水。我選了飲茶類方便消化，可

今日同朋友放工一齊去觀搪做運動,因為未食野我地運完動已經好肚餓,所以就同朋係樓下就簡咗間放題黎食.我地簡咗大滿喜日本料理,一入到去待應既服務好好,由入門口到帶位,都做到好足,吾會好似其他放題咁要自己入去搵位行餐死都未搵到.由於放工完做運動都未食過野.肚餓到升天所以一坐底我地就叫咗好多刺身食先,有三文魚,甜蝦,北海道鮮帶子,北寄貝,千島玉子,油甘魚,希靈魚,白鳥貝,鮑片,赤蝦仲有螺.我想講,完全無漏單情況,點幾多份量比足咁多份量,要加分!!我先講下三文魚超大件超厚淡淡肉，仲要非常新鮮鮮甜, 甜蝦又係大大隻. 甜蝦係連埋蝦頭既.鐘意食蝦頭既就岩曬你啦. 千島玉子又係另一大愛,食玉子最重要係咩呀?係厚呀, 大滿喜就做到呢一點,洛完一次單,我地又洛多一次,哈哈!除咗刺身之外,我地叫咗一點炸物,叫咗炸鮮奶卷,吉烈蠔 ,炸蝦餅,我見到炸鮮奶卷就即刻叫黎食.食過咁多放題都未見過有炸鮮奶卷,因為由細到大都好鐘意食.今次果然無令我失望…外脆內軟.所有炸物都吾會好厚粉.讚另外,我地仲要叫咗鹽青花魚,師傅燒到完全吾乾身,好有肉汁.配埋檸檬汁好開胃,食咗咁多肉..我地都叫番些少菜黎中和下,叫咗個凱撒沙拉, 菜

每次食放題都要去到油尖旺區而家近近地係觀塘區都有得食放題喇每次經過都見到大排長龍 一定好好食啦😋今次早少少去到 排左一陣隊就入得啦一入座個職員就介紹我地食新出嘅鍋物鍋物選擇有三款 除咗有牛肉壽喜燒仲有川味龍躉鍋同埋花膠雞鍋 除此之外仲有超過三十款鍋物無限任加火鍋料估唔到日式放題都有得打邊爐😂最後同行嘅朋友仔都係揀咗牛肉壽喜燒d牛肉雪花分布均勻一啲都唔係平時街市擺到嘅普通肥牛，個刺身拼盤刺身非常新鮮，三文魚好好味個擺設仲要好靚添。我哋仲點左啲壽司卷物，個花之戀都好好食飲品方面值得一讚 平時食放題都係得汽水呢到有熱柑桔！啱晒呢排天氣凍既時候甜品都好多選擇 我試左益力多奶凍 清清地幾好食 最後點少得燒菠蘿 菠蘿新鮮熱辣燒出嚟好好味好juice

每次放工時間經過One Pacific Centre都見到大排長龍，原來個個都係排隊去食大滿喜放題😳難得今日放假一於試下早小小去食呢間放題啦5點幾黎到果然唔洗點排就入得😍一入到去見到空間幾大，仲要有卡位坐平時係油尖旺區食放題最怕就係迫 轉個身都撞到人咁呢到有卡位坐十分舒適😆坐得舒服自然食得開心食物方面好多選擇，有刺身，壽司，串燒，天婦羅等等⋯多選擇到試唔哂🤣值得一讚既係刺身非常新鮮，甜蝦冇出面食果d咁會有苦味，我最鐘意係帶子刺身😋好甜好新鮮跟住發現新出既鍋物，一於試下牛肉壽喜燒鍋，一黎到⋯嘩！好大鍋，好抵食，牛肉質素非常好，唔太un又好有牛味😋最正係有得加火鍋料，火鍋料都好多選擇，仲有海蝦生蠔呢類海鮮可以叫，都係包埋，唔洗加錢架！飲品櫃好多選擇，有汽水又有無糖茶甜品有各款奶凍亦都有唔同口味既雪糕雪條😋因為今次早入座，8點前離座都係每人$218真係非常抵食😍

今日難得放假約咗朋友出嚟一齊食好嘢，揀咗觀塘好近地鐵站嘅一間大滿喜，最鍾意放題咩都有得食，各自都可以食到最喜愛的菜式。午市有唔少人幫襯，但座位闊落，坐得幾舒服，事不宜遲即刻食個沙律作為頭盤，成個沙律吧都有唔少蔬菜選擇，最特別嘅係有紫薯仔，仲有好多款唔同醬料選擇。作為刺身迷，一坐低就好唔客氣咁叫咗一大盤刺身，要讚下呢度嘅三文魚，厚肉之餘脂肪分布均勻，一咬落去滿口魚香，幾有三文魚鮮味，其他刺身都食得出好新鮮，帶子有冇鮮味就一見高下啦。之後叫咗個沙嗲豬肉,雖然味道幾好，的確己有咖喱香料味，但係整體口感略嫌太乾，唔夠醬汁...另一個值得推介嘅係榴槤炸彈，真係新鮮熱辣辣炸出嚟好香口，外面脆卜卜，粉團厚度適中，裏面真係有流心嘅榴槤肉，真心推介俾大家。整體來講包埋甜品質素幾好，性價比極高，特別係刺身已經回晒本，值得推介。