大滿喜日本料理 (已結業)

好朋友搬咗嚟將軍澳，咁就更容易約到時間出嚟一齊食好西啦，今日難得平日放假，一齊去觀塘食放題！呢間大滿喜好近觀塘地鐵站， A2出口行2分鐘就到，地點方便。沙律吧除了豐富多元化，特別係有甜紫薯仔，迷你炸雲吞，仲有麻辣海帶，不過作為刺身粉絲，梗係留返個胃盡食其他野啦。唔客氣啦，一嚟就叫咗一大盤刺身！放題焦點始終在於三文魚刺身，呢度嘅三文魚脂肪比例極佳，紋理分明，真係勁有鮮味，啖啖三文魚甘香！希靈魚唔好睇佢細細件，但魚籽脆卜卜，好有口感。係雪花吞拿魚刺身～難得一見嘅雪花❄️入口淡淡魚油香，又冇腥味，食落好新鮮。甜蝦都好新鮮有口感，鮮味十足。蒜香一口牛意外地高質喎，牛肉粒用蒜片煎過後，再加入蜜汁烤過，成功鎖住肉汁，味道更有層次，真心推薦🔥留胃食甜品是常識吧，自家製甜品雖然冇乜，但食高質雀巢雪條、雪米糍都已經回本。

試過大喜屋、極上大灜喜，今次嘗試在大滿喜（大瀛喜的同一集團），坐位設計上大瀛喜比較好！Order 紙放在一個坐枱上，不像大喜屋、大瀛喜般放在一個booklet 裏，從index 上看到喜歡的分類再取出，有些只需要半張order 紙，而且選擇比較多！幸好大滿喜的食物質素都很好，而且賣相也好得，尢其是很有心思放了一杯似由乾冰，令全碟刺生立即升格壽司🍣、花之卷、XO醬帆立貝等非常好味及新鲜👍燒羊架就有些遜色！鹽燒青花魚，肉質鮮美好吃！松葉蟹腳牛乳海洋碢，甜道特別清甜（可能是牛乳加松葉蟹腳）😅甜品及飲料選擇缺乏最潮及最受歡迎的品牌😅

觀塘不嬲都好多野食，放題店都有吾小選擇，今日就黎到大滿喜試下，係我第一次黎啊！ 喱度既景觀好靚，望得好高，好有空間感，中午上到去已經人山人海，多人到不得了，好多都係幫小朋友慶祝生日同一家人聚餐既必去地方！我地兩個人點左吾係好多野食，不過都好飽，食物質素都好高，好滿足啊！😋😋😋刺身不嬲都係既重頭戲，喱間仲有好多其他選擇，有卷物，鍋物，壽司，沙律小食，串燒，燒焗料理，天婦羅，甜品等等！我地一坐低，即刻拎哂d紙出黎，真係多選擇到吾知食咩好，最正就係每件細細件，可以試吾同款！刺身一上碟已經吸哂精，好搶眼，噴哂氣咁，五顏六色，岩哂打卡呃like! 個帶子超新鮮，我暴風吸食左好多粒！一定要推介佢個芝士年糕！熱度岩岩好，外脆內軟，超香既芝士味！黏黏地，食一粒已經好滿足🤟🤟😍😍熱食叫左個通菜都超好味😍🤟辣辣地， 好入味！ 開胃！牛柳粒都好肥美，超香牛味同彈牙，真係熟食同熱食都好正！佢仲可以自己出去拎甜品 雪糕 冰棒同埋野飲 應有盡有！

約左朋友一起去食lunch放題，貪多野食揀又可以坐得耐，所以就book左大滿喜。位置都幾近地鐵站係apm隔離就係。 雖然我地係book平日，但平日都幾多人食，個場都差唔多滿晒。一入到去環境都幾乾淨，位置都唔會太逼，幾好坐，而且order都跟得幾好，我地叫左所以野都有黎，無漏單，呢樣真係令人十分滿意。黎到野食，刺身都幾多款，而且都幾新鮮，甜蝦同帶子果然無令人失望。最令人驚喜係泰式生蝦，味道無會太濃同太辣，可以encoure幾次，因為每碟只有兩隻。壽司都有好多唔同款，每款都好吸引，平日放題唔會點食壽司嘅我都食左唔少。炸物、天婦羅同串燒都做得唔差，唔會燒到好乾或者炸到燶晒，好似翠肉瓜咁，咬開面仲有汁，所以都好好食。仲有就係呢度竟然有人參雞湯同魚翅燉湯飲，味道都無差，唔會淡到無味咁，重點入面真係有翅同參，誠意十足。除左平時畫嘅放題紙之外，呢度仲有個拎雪糕/甜品/生果同飲品嘅地方。 雪糕都有幾多款：有崔巢脆皮、韓國雪條、雪米糍... 而飲品我覺得都比其他放題多，除左平時都有嘅汽水、茶類飲品，呢度仲有自家製清酒，可惜我唔飲酒，大家下次黎可以試試。

今日特登早d收工同屋企人一齊黎食個放題～大滿喜就係apm 隔離既亞太中心10樓，好近我地屋企，見網上評論都唔錯就決定黎食～入到去個環境幾靚用曬大理石既檯面，好光猛，佢有一排位係可以靠窗既，落地玻璃可以望到觀塘出面景色～可惜我地到個陣已經大半個場都坐滿曬。有各式各樣既嘢飲，雪糕同西式甜品，水果就有哈密瓜同西瓜～三文魚同油甘魚刺身好厚，甜蝦大大隻，唔錯唔錯花之戀壽司同炸蝦卷物幾好食，細細件一啖入口，又唔會好飽可以繼續食其他嘢✌️炸嘢真係即落單即炸，上到黎仲熱辣辣，炸得幾脆幾好食炸虎蝦，表面係用左鹹蛋黃，別有一番風味我地叫左2碗人嵾燉雞湯同鮑魚翅燉湯，佢係用杯裝住，幾好飲～燒海蝦幾好食，表面撒左d椒鹽，試左兩隻之後再叫多轉

今日行左成日街，好肚餓，朋友就話去食放題啦😋好耐無食放題，今次要食返夠本先😂一入到去，d裝修都叫幾高檔既感覺，坐得都幾舒服😬刺身當然係放題中既主角啦！必叫，喪食系列！d三文魚大大舊，甜蝦都幾鮮甜，而呢度都有帶子可以食！最鍾意食帶子！而北極貝都係一個驚喜，感覺都幾新鮮可以食多幾轉😋花之戀真係好味既，炸蝦卷如果可以再脆d同埋再熱d既話就更加好啦😊羊架有重羊騷味，如果鍾意食羊騷味既人就一定要食啦，我就食左兩舊，大大舊😂呢個好似叫牛肩肉，都幾有咬口燒蝦係個d新鮮蝦燒出來既感覺，再加上出面一層椒鹽，好食既！呢個牛肉真心幾嫩口，可以食多幾轉都得😋芝麻雞翼同埋炸蠔真係必食系列，炸得脆之餘，入面都係成隻蠔都幾大隻既

一早約左朋友慶祝 就自然會諗起放題接完朋友之後上去大滿喜果然門口已有好多人等緊 好彩我地有訂位一入去一定係食魚生見到都有十款既刺身 都係嗌哂全部試食d帆立貝大大粒 蝦好爽口 鮑片都無欺場 都係厚厚咁端上 之後陸續上我地係食物紙上既食物 因為我係好鍾意食蝦 所以串燒都係嗌左蝦一黎到真係夠哂大隻 啖啖都係肉佢表面仲係落足鹽 令人不斷想再食依個湯係魚翅螺湯 本來以為佢咁細實無乜料 結果碗湯都有d螺肉粒同時黎既花膠鵝掌 好入味 同埋炆得好腍 花膠可以保持爽口 海膽都係每次放題必嗌 手卷飯少海膽多 放題中比較難得依間放題有泰國生蝦 辣得黎酸酸地 唔會令人咁易食濟 同埋份量上都係2 3隻 點到即止黎食放題一定會食甜品 推介燉蛋 焦糖燒得脆脆的 而且蛋仲可以保持微暖 果然食放題都係最扺食 多野食又可以食到咁高質食物 而且價錢又扺食 下次食可以食9點果場 因為會仲平啲

同朋友係觀塘行開街，心血來潮想食放題，就打算係附近搵下有無，點知就比我地搵到呢間大滿喜。門口好多人排隊啊，我地都等左一陣。入面個裝修好豪華，好有氣派啊。兩人都可以坐卡位，好舒服！一黎當然食左刺身先啦，我地兩個女生食，想試多d野，咁唔嗌咁多先。底下擺左出氣既乾冰，影響左影相，真實既賣相好靚，超級新鮮，種類都算多，三文魚好鮮甜啊。然後叫左d冷盤前菜，泰式生蝦，好正好新鮮，個汁好正宗。個沙律幾多蟹籽鋪係上面，份量岩岩好。土匪雞翼好好味啊，放題都有得食，平時去譚仔都要30蚊先得5隻，呢到任食真係好正！個辣螺又係好入味，個汁好正好惹味。海膽手卷好新鮮啊，係入口即溶，完全無腥味！我地叫左好多round!呢個湯好正啊，入面好足料，又有花膠，又有鴨腳，個湯仲好好飲，有花膠係到抵番哂！榴連炸單上到枱面熱辣辣，外皮炸得好香脆，一咬落去，榴槤必哂出嚟，太好食啦！甜口種類都算係幾多下，試左咁多種，每種都無伏，大家食得落可以都試下。

是晚同O先生既nephew 波仔食生日飯🎂，我地一行9個人，男女老少，個個都係吃貨😋，所以訂左嚟大滿喜食放題，由於一早book定，去到等佢地執完枱已經可以坐低。放題由每位$178起，限時2小時。由壽司刺身到熟食、小食、到中式湯都有，唔駛怕唔食生冷野既老人家冇野唔啱食👵🏻👴🏻高度限制注意⚠️👧🏻小童高過90cm就當一位計架啦！👦🏻大家一坐低第一樣野就係揀刺身拼盤,最回到本又最好味嗰樣嘛～🤗O先生一馬當先預每人每樣食2件底下叫既，店員分做兩大盤加埋d乾冰同液淡氮，一上個效果係幾令人食指大動既🤤到叫壽司🍣就有小小失左預算叫多左，我地都係預每人每樣食兩件咁叫，但三文魚黑松露美味子覺得唔係幾夾，破壞左三文魚既味道；海膽手卷係迷你版，紫菜淋左小小，叫左手卷就唔駛叫太多壽司; 由於d老人家同女仕們唔食太多飯就變得叫太多，所以建議刺身可以叫多但壽司🍣就叫小d，唔夠先再叫以免浪費🤗呢個🔥炙三文魚🍣都ok 既，如果唔落個沙律醬既話😅雞翼應該一早大量整定，所以唔算太熱辣辣亦都冇左一烤焗完嗰種脆皮既感覺，不過食放題，呢個價錢就係咁上下，不過不失。呢個芝士帆立貝都ok gei, 溜左小小咁啦，食唔晒成個最估唔到呢

觀塘的這幢大廈充滿普各間放題，老實說，大部份的放題餐廳都沒有很好吃。但公司聚餐沒有選擇的餘地。這間是第一次吃，價格跟其他幾間沒有差很遠。形式也是差不多，同樣是點一款午餐，然後可以到自助區拿東西吃。味道不錯，而且供應很充足。另一個加分的位置是自助飲品，款式也很多，無需額外加錢。午餐選了烏冬，本來沒有什麼期望。讚岐烏冬是個意外驚喜。上枱時溫度很足，湯底偏濃味，很合我心意。以同類餐廳來說，這家不是最便宜，但是最令人滿意。

而家放題真係好少先會食一次，6點放工就即刻過羅位第一樣嘢就當然係order 刺身喇放題既刺身都唔好唸佢係勁新鮮架喇，但點解三文魚入面會有魚骨既？如果小朋友食到唔識甘點算？黑松露三文魚壽司俾黑松露遮左陣味鰻魚好食泰式生蝦每碟得兩隻，大家睇住來叫燒三魚頭唔係間間放題都有，呢個有驚喜但唸住再 encore 既時候，已經無魚頭既位置lu一轉刺身又點夠候，但都係有魚骨，我黑仔最愛芝麻雞翼牛肉鍋，份量較少海膽手卷，不過不失喇

食物款式少刺身尚可唯獨炒通菜夾雜一條鐵絲（似鋼絲刷）食咩都無心情了。。。價錢亦不便宜,238一位，另收加一員工態度差，倒瀉野落客度 sorry都無句~大家可以揀其他放題

同同事收工去咗觀塘食大滿喜，佢喺商業中心上面嘅，環境裝修都幾靚，有落地大玻璃，望出去個景都好靚，收費方面如果早去嘅話都算10分優惠可以200有找添。刺身老實講每樣野都好新鮮三文魚夠肥甜蝦赤蝦都好好食,其他好新鮮好好食壽司同埋手卷都幾好食，細細件啱啱好，最正就係海膽手卷同埋鰻魚壽司正啊今次最驚喜見到佢多咗好多選擇，好似雞翅湯，人蔘雞湯，連乳鴿都有，真係好驚喜。最好食一定叫就一定係個羊架，起碼食咗三舊，係好肥美一啲都唔會乾身，入口彈牙飲品方面選擇都係嗰啲啦，最正係佢咁嘅價錢竟然可以清酒同梅酒係任飲，真係值得encore

呢間放題雖然環起唔係好大但食物質素都真係唔錯😉揀食物嘅紙都好清楚 擺係哂個架🤓因為通常都係放哂落一本簿到可能有時會睇漏咗首先就係刺身 新鮮厚身特別喜歡玉子同甜蝦😋另外就有各類壽司🍣都好多款式 好正仲有炸物天婦羅等🍤推介炸蠔 好好好食串燒同燒菠蘿都唔錯呀但最特別有燒多春魚😍真係好少放題有呢款自己好喜歡食 超正甜品方面就有雪條同埋小甜點🍮芝士餅 朱古力糯米糍 泡芙等細細個幾好食 又可以食多幾款服務質素都好好👍🏻食物嚟得快又岩😛

小弟放假就同朋友一齊黎依到食放題 但係就食得唔係太盡興啦。依到刺身唔太新鮮，並唔吸引。唔會想去多一次唯一好食嘅壽司係胡椒袖子吞拿魚依個味付海螺幾好食雞軟骨串燒調味唔錯，帶有少少胡椒香味加上外皮酥脆。必點之選芝麻雞翼炸得啱啱好，十分酥脆又唔會好油膩，但係就冇芝麻香。日本甜薯都幾甜又軟身，口感佳，蕃薯就不了。但小弟就覺得好多壽司啲味度好唔夾，大感失望。依個牛乳蟹煲都唔吸引，牛乳湯夠濃但蟹唔入味失望。普通甜品冇特別自制甜品難食