大滿喜日本料理 (已結業)

成日都心思思想再食多次放題，每次行過創興都見到樓下人頭湧湧，今次嚟到大滿喜，真係全場滿座，不得了！有好多韓國嘅飲品選擇，我就要咗樂天嘅蘆薈汁，無飲汽水咁濟，清清地，而且又幾解到渴。首先梗係第一時間叫刺身，珍寶赤蝦夠哂大隻，新鮮鮮甜，蝦頭又多汁，三文魚厚切亦都肥美。有多款嘅刺身選擇，味道鮮甜唔會係雪魚味道。蟹粥係每次都會食的，落足料有好多蟹件加落粥入面。粥底煲得又綿又鮮甜，放題食咁多生冷野，食翻碗粥暖下肚幾好！建議幾個人一齊分享就最好不過，唔會太飽麻食得！串燒同樣係必食之選，5會燒得過乾過耐，燒蝦不錯，蝦肉彈牙。雞肉同牛肉串表面燒得焦香，又保持到有肉汁，十分香口。天婦羅種類亦多，我最雞炸蝦。炸漿均勻而且薄，5會蓋過蝦嘅味道。食得出蝦嘅原味，新鮮熱辣炸出嚟，特別好食。大滿喜食物出品質素不錯，而且種類繁多，正！

位於旺角創興廣場既大満喜，位置方便，地鐵站行大約十分鐘就到，所以呢一間放題有唔少捧場客，經常都要等位，𨋢口大堂經常都擠滿人，所以食放題最好book定位先！放題分兩部份，你可以係餐紙上任點，又或者出去好似自助餐形式咁夾食物，有沙律吧、前菜、甜品部、湯飲、軟雪糕等等，尤其沙律吧可以任選沙律菜，沙律菜都非常新鮮，最好嘅就係可以自己揀沙律醬，有日式柚子豉油、日式芝麻醬、沙律醬等等，隨自己喜好選擇，淨係沙律都咁多款式！前菜有芝麻八爪魚、蒜味螺肉、中華沙律等等，芝麻八爪魚好香芝麻味，八爪魚亦都好彈牙，蒜味螺肉嘅蒜味好香濃，螺肉都好彈牙煙靱，所有前都夠晒凍，不俗。日式牛肉鍋牛肉篇好薄好滑，入口即溶，而且個湯底清甜，加上其他配菜，娃娃菜好清甜，金菇好爽口，鳴門卷好彈牙，豆腐亦都非常之滑，整體不錯燒羊架非常之香嘅羊騷味，而且好滑，肉質實淨，燒得好香，火喉控制得幾好串燒雞軟骨粒粒都非常爽口，加左少少鹽調味，味道非常啱，而且燒得好香脆，非常香口芝麻雞翼芝麻味好香，雞翼亦都炸得好脆，而且即叫即炸，上菜嘅時候仲係好熱，好味芝士焗扇貝鍾意食芝士嘅人一定要點呢一個，芝士厚厚一層鋪滿扇貝之上，芝士味好濃，而且扇貝好彈

“ 大滿喜日本料理“ 旺角彌敦道創興廣場8樓........... ........... ...一間高質放題食肆！自選刺身拼盤，刺身魚生選擇多！這間大滿喜刺身的確新鮮，有圖有真相，拍個近鏡給大家看！經典的日本料理，玉子燒，一層層，每層均甜甜的,滑滑嫩嫩的，吃起來就跟蛋糕一樣，讓人吃了又想再吃！北海道牛乳海鮮鍋，奶白色的湯底，淡淡鮮甜！店内設有自助區，內設沙律吧及林林總總熟食菜式，還有雪糕機，有得玩又有得食！乾冰制造出來的煙霧效果很美！刺身螺在放題中比較小見！夠新鮮連蝦頭的膏都吮光！羊架肉質不韌相當鬆軟！章魚蓮藕老火湯，天呀，怎麼跟我自己煲的還要好味，“既香又濃！一口氣喝了三碗！炸海蝦，有點乾身！辣酒煮花螺，鮮甜彈牙，選用花螺比東風螺更高檔次，還有些十分入味的蘿白。

放題雖然成日食 但質數好參次。今次食到呢間食物質素高之餘，款式仲要好多既大滿喜，所以一定要寫個食評讚下佢！一入門口就見到自助小食區，食物款式多，而且特別。好似呢個芝士玉子燒，味道同日本食到既差唔多！！玉子身夠滑，蛋味重，同中間既芝士夾心一絕。蛋卷仲係暖笠笠，芝士咬落去仲會流出黎，真係好香好好味！葡撻，雞槌，春卷，餃子等炸物，唔油膩，好香口。最開心見到呢個中湯～～花生眉豆雞腳。無味精味，聞得出係老火湯，而且夠熱，正。必點清新炒雜菜煎釀豆腐，加左甜醬，特別有街頭風味。湯烏冬，煙韌彈牙。生蝦刺身幾甜，肉夠實，無雪藏味。顏色又靚，一定係新鮮貨。炸雞軟骨，食到淮鹽味，更香脆可口。燒菠蘿，原汁原味，又甜又多汁！大愛～～～～放題既好處，除左非常飽肚，有限價錢可以吃個夠外；最開心係可以係一個晚上試盡多款式美食！中，西，日，泰，甜品等等。偶然放任食一番 心情都輕鬆d 哈。

農曆新年放假放到初十，有一個悠長假期，梗係搵機會同一班老友聚一聚，搞手約去放題，大家都贊成，因為大家都比較鍾意食放題，而且旺角地點非常方便，又唔係好貴，全部人支持底下，就揀咗呢一間放題！刺身拼盤一行六人，每人點一啲刺身，就形成呢一個刺身拼盤，有甜蝦、帶子、三文魚刺身、油甘魚、劍魚腩、北寄貝等等，我就比較鍾意食油金魚、劍蠆腩同三文魚刺身，因為又鮮味又爽滑，質地亦都好新鮮，呢間放題嘅刺身質素唔錯。天婦羅日本番薯／天婦羅鮮冬菇天婦羅好脆口，而且日本番薯好甜，而且細細粒唔會好飽；鮮冬菇味好香，而且好多汁，又爽口。燒牛舌燒牛舌好多汁，而且牛肉味好濃，亦都非常爽口，有少少鹽味提升牛舌嘅味道， 一定要點牛肉鍋湯底用日本醬油製成，帶少少咸同甜，牛肉片好滑，好有牛味，配料都好粥，有娃娃菜、豆腐、金菇等等，呢個牛肉鍋非常豐富，點一個一齊食，so warm 各式各樣飲品非常多飲品選擇，又有檸檬茶、菊花茶、烏龍茶、提子汁、蘆薈汁，真係好多好多選擇，總有一樣啱你大家一致認為呢一間放題非常多選擇，食物又好食，而且服務幾好，上菜又好快捷，亦都非常齊，冇漏單，座位亦都好好坐，真係非常合適一班人來食。

平時最鍾意一大班人去食放題，因為而家嘅放題質素越嚟越好，而且食物選擇好多，價錢相宜， 餐廳地點又方便，所以係一大班人去食嘅必食之選！刺身刺身選擇非常之多，有三文魚、鮮帶子、甜蝦、海膽、希靈魚等等，全部刺身都非常鮮味，尤其是帶子同甜蝦，都係我個人比較喜歡的，甜蝦係零舍鮮甜，口感又特別，所以每次食放題我都一定會點好多甜蝦！沙律吧出面有一個沙律吧，可以任夾沙律菜，同埋自己選擇鍾意嘅沙律醬，有d菜食下非常健康，而且所有沙律菜都幾新鮮，又爽口，而且可以DIY，自己選擇配搭，好貼心泰式鳳爪呢個泰式鳳爪酸咪咪，又辣辣地，同埋我都比較鍾意食無骨鳳爪，又方便又好食，而且非常開胃，非常適合做前菜天婦羅蝦即叫即炸，所以等候嘅時間比較耐，建議一開頭就先點天婦羅，天婦羅蝦好彈牙，外脆內熱，又彈牙，影真唔錯炸餃子餃子餡料非常豐富，酟上餃子汁，味道更加好食其實呢一間放題，都嚟過好幾次，每一次每一個人都大滿足，因為食物味道又好食，選擇有好多，價錢又好抵食，真係大満喜

今年年三十無人煮大餐，媽咪話要出街食。我同妹妹話慶祝新年要豐衣足食，盤滿砵滿，所以決定食放題！哈哈 好意頭 長食長有我地去左放題林立既創興大廈，花多眼亂，媽咪揀左大滿喜，又係意頭野 哈哈。店內環境唔錯，幾寬敞好開心 去到發現除左寫放題紙，呢度仲有個小型buffet 比我地夾熟食，例如沙律，涼拌小食，湯，甜品及飲品等。呢個salad bar岩哂我媽咪！！佢大讚d沙律菜夠脆夠新鮮叫左個牛奶海鮮鍋。奶味好香濃，豆腐超滑！元貝熟得好適中，唔會過熟好韌。成個煲都好好味牛油粟米，又香又甜。我必點的好新奇好興奮食放題竟然有得自製雪糕/乳酪～～太開心了吧！我整左個朱古力雲喱拿扭紋，雪糕都幾香滑，唔錯唔錯仲有好多配料可以DIY架～不過我怕太甜，咩都無加。太好了，食到飽飽去行花市散散步。迎接肥雞年2017

同班friend約食飯，最苦惱就係諗食咩?又要迎合大家嘅口味，食放題就最好不過，日、韓、泰、中、西式食物都有，總有一款岩你口味book左7點半，一去到就有位，坐低第一時間肯定點d小食過下嘴癮先，點左:泰式無骨鳳爪，酸酸辣辣，份量唔多，好開胃;涼拌海蜇，非常爽口，拌有芝麻粒同麻油香味，可以再嗌多碟滿足下把口. 食完小食當然要食番轉壽司啦，由相可見魚生非常新鮮，赤蝦壽司外表光亮，色澤分明，北海道帶子壽司肥厚又甜，食到新鮮魚生， 真係令人大快朵頤！食完凍野咁係要食下熱野暖下個胃啦，點左個羊架嚟試下，肉質鬆軟，熟度岩岩好，而且唔“騷”， 一般羊難在溫度的控制，太熟過韌，太生卻血淋淋，比牛更難處理，所以放題可以食到呢個水準，真係唔錯最後飲埋個湯，一切都完滿了

旺角有好多放題，大滿喜呢一間日式放題位置方便，油麻地站行10分鐘，到達創興廣場，搭𨋢即到。刺身刺身種類非常之多，除咗基本嘅三文魚之外，仲有希凌魚、油甘魚、劍魚腩、北寄貝、甜蝦、鮮帶子等等，刺身鮮甜，質感好新鮮，有圖有真相，刺身實屬放題必食之選泰式鳳爪酸酸甜甜，鳳爪已經去晒骨，而且非常爽口彈牙，做前菜一流，非常開胃牛油燒翠玉瓜翠玉瓜燒得好香，因為牛油味入哂翠玉瓜內，而且翠玉瓜有好多汁燒大蝦/串燒雞軟骨/燒牛舌啲蝦好大隻，而且有蝦膏，好鮮甜，好彈牙；串燒雞軟骨好爽口，加左少少海鹽，非常惹味; 一定一定要點呢一個牛舌，呢個牛舌好香牛肉味，而且好爽口彈牙，非常好食！天婦羅蝦/天婦羅蟹棒所有天婦羅即叫即整，啱啱炸起，所以非常熱，而且外脆內熱，炸粉好薄，好好味飲品選擇非常之多，有維他檸檬茶、各式汽水、烏龍茶、柚子茶等等，大部份你喺便利店見到嘅飲品都有，所以選擇非常非常之多，總有一款啱你！放題食物質素非常高，而且員工做事效率一流，所有order都好齊，而且上菜速度好快，埋單每人都係200幾蚊，性價比非常非常之高，絕對屬於高質素放題！

一家人去食飯，有人提議食放題，有人推介食旺角大滿喜，因為位置方便，而且食物選擇好多，質素又唔錯，味道有幾好食，所以一致贊成去旺角大滿喜。餐廳地方好大，畫左一個地方放沙律前菜，雪糕甜品等等，亦有好多飲品櫃，飲品選擇非常多，有烏龍茶、檸檬茶、韓式飲料⋯飲品仲有暖櫃，天氣凍就岩晒啦，餐廳好貼心夠sweet.前菜: 芝麻八爪魚/泰式鳳爪/蒜味螺肉芝麻八爪魚好香芝麻味，八爪魚亦都好彈牙最鍾意食泰式鳳爪，貪佢冇骨，食得方便，而且泰式好惹味，又酸又辣，好開胃蒜味螺肉嘅蒜味好香濃，螺肉亦都好彈牙，個醬汁好濃天婦羅日本番薯仔/南瓜食天婦羅最緊要層炸皮，要夠薄同夠脆，而且要熱辣辣先好味，呢間餐廳既天婦羅完全合乎呢d要求，而且日本蕃薯仔出名甜，咁樣整法，好味！串燒牛舌牛舌好多汁，好夠味，而且爽口，咬落有質感，呢串牛舌好出色芝麻雞翼雞翼好香芝麻味，皮脆多汁，好味花之戀壽司三文魚新鮮，味道鮮甜，蟹籽咬落卜卜聲，呢個花之戀壽司真係幾好味日式牛乳海鮮鍋日式牛乳海鮮鍋非常足料，有蝦、蜆、帶子、青口等等，湯底非常鮮甜，而且海鮮都新鮮，配菜亦都非常足，有好多蔬菜喺鍋入面，非常健康。平時好少食放題，今次呢間大滿喜令我對放題

好耐無食無題啦！今日約幾個朋友食放題，問佢地有無好介紹，佢地話呢間唔錯多食物揀，旺角創興8樓，夠晒方便，價錢每位都只係2佰幾，OK啦！我地班大食怪入到去，就係咁點野，D野食都幾快到，服務唔錯。講到飲品，係食過咁多間放題中，呢度最好，幾個雪櫃飲品任你揀，道地柑桔檸檬、烏龍茶、巨峰提子，重有果汁先生、百事可樂、冰紅茶，Lotte 飲品等，還有乳酪食呢！食物選擇亦多、刺身、燒物、炸物、卷物、壽司、一品料理、沙律…令我地揀到眼花瞭亂。咁多野食中，我地好鐘意北海道牛乳海鮮鍋，入面蝦、八爪魚、蜆肉、豆腐，娃娃菜等，好鐘意飲呢款海鮮湯，有淡淡牛乳味和鮮味，配料又多。另外刺身食叫左幾轉，三文魚、有頭甜蝦、油甘魚、劍魚腩、鮑片、貝柱、希靈魚、等刺身都好新鮮，另外D沙律夠多選擇，如蟹籽沙律和大蝦沙律都好味道，大蝦沙律，加左芝士同晒上腰果，令沙律更香更濃郁。炸物愛死芝麻雞翼，香口又Juicy。壽司推介芝士漢堡扒卷，表面有焦香芝士，飯內有漢堡牛肉，味道特別又有創意。其他壽司質素也算合乎水準。海膽手卷是Size 較少，唔會太飽，但係海脆夠多又鮮甜，這才是重點。我們還是覺得甜品最吸引，3.6牛乳布甸，雀巢杯裝雪糕

年三十晚團年飯，一家人想食放題，其中阿嫂提議去旺角大滿喜，因為佢之前食過，話食物味道好好，而且食物材料不錯，選擇又多，坐得又舒服，所以提議我哋去呢一間。好在我哋今日提早食飯，六點鐘就到，所以唔使等位可以入去，遲少少出面都排晒隊，認真好彩！ 入到去有好多沙發椅卡位，所以坐得好舒服，而且服務員態度細心，而且好有耐性，做事效率好高，值得一讚天婦羅蝦/天婦羅蟹棒呢個天婦羅好正，熱辣辣同好脆，而且嗰層炸粉好薄，天婦羅蝦好甜，而且又彈牙；而天婦羅蟹棒好甜，有口感，呢間放題嘅天婦羅真係唔錯日式炸餃子餃子餡料好足，而且都係即叫即整，所以都係熱辣辣日式牛肉鍋用日式燒汁做湯底嘅牛肉鍋，牛肉特別鮮甜，而且牛肉好滑，豆腐亦都非常軟滑，入口即溶，而且有好多其他配菜，有金菇、娃娃菜、鮮冬菇等等，有多款蔬菜，非常健康，配搭亦都非常好蟹棒壽司/燒汁帶子壽司特別一讚個燒汁帶子壽司，帶子好鮮味同彈牙，加上燒汁，唔需要點豉油，味道剛剛好。燒羊鞍燒到好香，羊味亦都好香濃，而且好多肉，每一啖都有肉芝士焗帶子芝士味好香，帶子亦都好鮮甜，而且有一層口口嘅芝士鋪喺面，令到帶子嘅汁可以保留係入面，令到個帶子特別好食阿嫂果然冇介紹錯，呢

唔講咁多，農曆新年之前，一齊食返個放題啦！花之戀：沙律醬太多，完全掩蓋晒三文魚嘅味道，三文魚子份量較多，令到整道菜唔夠精緻，略嫌失色。天婦羅：粉漿太厚，但係都crispy, 蝦夠爽口，蝦味充足。但係南瓜太腍，略嫌失色。至於蟹柳，當然唔係真架啦，所以不作評論。刺身：整體上而言，刺身係夠新鮮嘅，但係三文魚唔夠味，應該係話無咩嘢未。北寄貝，希靈魚同埋劍魚等等都好新鮮，色澤鮮艷。但值得一提嘅係呢度嘅象拔蚌好鮮甜，必試！！好可惜嘅係，呢度嘅刺身選擇唔夠多，但係整體而言係好食嘅。炸廣島蠔：啲蠔係唔係來自廣島就唔知啦，但係真係炸得好脆，其實係好似咬緊多士一樣。咬落去果下，蠔汁爆晒出嚟，熱度同埋鮮味都有，值得一讚。芝麻雞翼：普普通通，但係就好香，芝麻味滲入晒成隻雞翼入面。芝士焗元貝：芝士味香濃，元貝嘅鮮味就冇乜啦。但係勝在夠香口，好食。沙律嘅種類好多，可惜我無食到。飲品：種類好多，仲有啤酒添。

一大班人食咩好?成班食肉獸最岩去既地方就梗係放題啦我地一黎就寫好左刺身，所以都好快手上到刺身船裝滿左三文魚、虎蝦、鮑片，三文魚色澤新鮮，食落都有油甘香，算唔錯而虎蝦亦爽口、SIZE都唔算細，鮑片就有咬口、淡淡甜味海膽手卷真係好正，睇圖就見到海膽份量比得好足入面都塞滿左海膽架、無呃人鰻魚、芝士壽司就不過不失，主角都比得好足可以見到一大塊鰻魚、芝士係面，而飯係正常SIZE另一重點就係炸物，炸雞翼，我真心鍾意食，皮脆肉嫩！芝士年糕都好好，芝心味濃，外面煙UN，炸物永遠都係要EOCORE再ENCORE

旺角開左好多放題, 經朋友介紹下, 建議黎呢度食既時候注意有三個攻擊去拎到至抵優惠!而今晚我就同媽咪採取左第一個攻略, 就係10:00後入座, 其中一人就半價!真係抵啊!! 先黎一盤刺身, 以冰墊底, 很有氣勢整齊咁排列, 裝飾上更花左點心思, 有一個樽仔放上少量乾冰, 當送上檯時, 整盤刺身都充滿著仙氣, 增加視覺效果!每款刺身都好新鮮, 厚切三文魚非常肥美, 蝦亦很爽口...只係單單呢盤刺身都幾乎回本了! 跟住order左個羊架, 肉質好林, 冇羊羶味...,更冇太多既肥油連住, 唔錯!! 雖然呢個扇貝油份比較多, 但芝士味好重, 加上沙律醬再烤焗, 面層芝士更為香口...芝士混上青椒碎, 滿足豐富既口感.... 天婦羅蝦炸完後唔太油, 炸皮亦算薄, 入面隻蝦都幾爽 軍艦壽司即叫即整, 送上既時候, 紫菜都仲係好脆 芝麻雞翼 炸得非常香脆, 表面有芝麻更加香口....炸過後, 雞翼依然keep到juicy...不錯!! 花之戀 size比較細, 可以一啖一舊 火灸壽司 既飯唔會太大件, 可以食多幾款都唔會咁易飽.... 串燒中我就order左 蝦同埋雞軟骨, 水準不過不失~ 冷盤,