大滾友火鍋

营业中

休息中

呢排日日落雨，唯有靠打邊爐，提升吓心情！而且呢間舖頭都好有氣氛，唔止裝修，呢啲碗碟都係夾返主題！豬肚藏雞 胡椒豬肚雞湯鍋出去打邊爐，最鐘意就係叫啲特別啲，自己屋企難啲整到嘅！呢個湯底好濃郁，而豬肚、雞嘅份量都好足，而唔係淨湯，係真材實料！而且大讚嘅係加湯嘅係雞湯，食到尾都仲係咁濃 手切頂級安格斯牛肉牛肉油脂分佈均勻，而且因為係安格斯牛肉，所以入口濃濃嘅牛肉味道，岩哂我呢啲食肉獸！鳳尾鮮蝦雲吞，大蜆另外呢兩樣食物都推薦，雲吞入面嘅鮮蝦好多又彈口，好足料！大蜆無沙，夠新鮮！

大滾友！🍲豬肚藏雞—胡椒豬肚雞湯鍋（$298）湯底超濃郁帶有好香嘅胡椒味！湯底豬肚同雞肉都好多，足料！另外加湯係加雞湯，越食越正呀！🐂手切頂級安格斯牛肉（$398）超級推介安格斯牛肉，數量絕對唔少，每一塊都唔係薄切，有一定嘅厚度，有咬口而唔韌，絕對對得住呢個價錢！🐏羊肉片（$98）厚薄啱啱好，有羊味，唔會好羶，怕食羊朋友都可以試吓！🥜即炸黃金響鈴（$68）打邊爐點可以少得響鈴！黃金響鈴即係鹹蛋黃，原本嘅響鈴口感加上淡蛋黃嘅鹹香，比一般響鈴更加惹味！

今晚去咗元朗大滾友打邊爐。好在🐽🐽醒目訂定位，如果唔係有排等😆見到門口呢個花膠雞湯鍋好吸引。一於今次食呢個湯底先。花膠雞湯鍋嘩勁大塊花膠我哋要咗半隻雞飲啖花膠雞湯先嘩好鮮味花膠厚身好好味😋雞肉好新鮮嫩滑正呀大滾友海鮮拼盤呢個拼盤真係好抵食有6款時令海鮮新鮮海蝦4隻新鮮大蜆4隻新鮮扇貝4隻新鮮蟶子4隻新鮮南非鮑魚4隻新鮮白鱔片6片新鮮南非鮑魚大隻彈牙爽口😋😋😋新鮮蟶子我覺得灼佢分半鐘就岩岩好唔會好韌。勁鮮甜😍新鮮大蜆大隻又鮮甜又有口感👍三重芝士腐乳牛丸粒牛丸爆哂芝士食落有啲腐乳味感覺好特別😆足料竹蔗茅根飲多兩杯就唔怕熱氣😆

行完街肚餓餓地，一於就去打邊爐啦。呢度近西鐵站附近，交通方便又就腳，裝修風格行中國風。入座嘅時候，職員會幫我哋煲滾水洗碗碟，食得安心又放心。 醬介 $22（2位）九宮格嘅醬料任揀，有蔥、芫荽、熟芝麻、辣椒🌶️、涼拌青瓜，仲有餐廳自製嘅乾蔥油，未食已經聞到香味。玲瓏浮凸·花膠雞湯鍋（半隻）$298招牌湯底，雞湯濃郁鮮美，餐廳採用三黃雞，肉質嫩滑，花膠又軟又糯，滿滿嘅膠原蛋白。日本九州A4和牛拼盤（特價食品）$698今次食豪啲，嗌咗平時唔捨得食嘅和牛拼盤，賣相已經好吸引，仲有乾冰噴霧好適合打卡，仲有標籤識別每個部位啲肉，有腹心肉、腹協肉、封門柳被⋯⋯脂肪分布均勻，入口即溶，一次過試曬唔同部位嘅肉，真係大滿足，果然係一分錢一分貨。新鮮蟶子（4隻）$198係來自蘇格蘭嘅蟶子皇，濃厚鮮甜，質滑柔嫩卻帶點爽脆。羊肉片 $138厚薄適中大大片，份量唔少，唔會太膻。職員態度好，不時過嚟加湯，可以用QR code落單方便快捷，仲有好多其他湯底、菜式選擇，值得同家人朋友一齊嚟。

好耐冇打邊爐啦，於是約咗屋企人夜晚去呢間豪食一餐。呢度嘅裝修古色古香，一入座老闆就幫我哋開爐煲滾水洗碗碟，非常衛生👍🏻 同埋係用QR code落單，選擇好多，可以落咗個湯底先～日本九州A4和牛拼盤（特價食品）$698啱晒我呢啲牛魔王😈 擺盤幾靚，仲有乾冰出煙可以打卡📸 有特上牛小排、腹心肉、腹協肉、封門柳背、牛肋肉、牛空腹，每樣都有個牌仔標記住，方便識別。全部嘅牛味都好濃郁，油脂分佈均勻、好香口。其中我最鍾意嘅係腹協肉，肉質軟腍，真心回味無窮🤤玲瓏浮凸·花膠雞湯鍋（半隻）$298招牌湯底，好鮮甜香濃，所以我飲咗好幾碗😂 餐廳採用三黃雞，煮三分鐘就食得，新鮮嘅雞味濃郁，肉質嫩滑，而家半隻雞嘅份量都好多；花膠好厚身，口感一流，老闆會幫手剪成細塊。大力推薦💯新鮮蟶子（4隻）$198係來自蘇格蘭嘅蟶子皇，味道清甜，鮮嫩彈牙夠爽口。一分錢一分貨👍🏻羊肉片 $138份量唔少，冇乜肥膏我鍾意，羊味啱啱好唔會太難接受❤️ 基本上每次打邊爐都一定要食羊肉🙌🏻醬介 $22（2位）九宮格嘅醬料任攞，其中一個係香辣嘅涼拌青瓜，仲有一個醬料比較特別，叫乾蔥油，係餐廳自家製嘅🫶🏻好彩我哋早入座，去到七點幾嘅時候已經

係平台book 好晒位，confirm 晒。點知即日打黎話都係無位。咁我好想知點解仲要開booking 出黎比人book ?! 電話中代表餐廳既人完全無歉意。以後經過一定唔會光顧

小編已經係第二次食呢間邊爐，不過唔同分店😚元朗呢間分店人流非常之多，舖頭就冇荃灣嗰間坐得咁舒服🤣成間舖頭由每一個擺設，到每一套餐具都睇得出好用心去安排，如果鍾意復古風嘅你，呢間會係唔錯嘅選擇🤩.🍲櫻唇半開·特色卜卜蜆鍋 $198湯底選擇十分之多，對於有選擇困難症嘅小編黎講，都真係揀左好耐先決定到邊個湯底😂最後揀嘅呢款絕對係清甜之選，鍾意鮮甜湯底嘅話呢個絕對會有驚喜🥰蜆肉鮮甜而且唔會有沙，而且份量係超級多，好似食極都食唔完😆.🔔即炸黃金響鈴$78外層有濃郁嘅鹹蛋黃味，入面好鬆脆，有少少入口即溶嘅感覺🥹有豐富嘅層次感，即食或者放落湯底淥下都好好食😋.🐮手切本地牛肉(頸脊)$348有好多唔同手切牛肉嘅款式比大家揀，啱曬鍾意食牛嘅朋友仔🤩牛頸脊大大片而且色澤鮮紅，厚度適中、牛味非常濃郁，口感鮮嫩🤪擺盤亦都非常之華麗，啱曬用黎打卡🥳.🦑🦐滑捋捋雙拼$118呢個雙拼組合包括蟹子蝦滑同黑松露墨魚滑😎爽口彈牙，食得出係手打而且好足料，份量足夠兩至三個人食🥳.💰人均消費～$ 450.🍽味道：4/5🏙環境：3/5👨🏼‍🍳服務：3/5💧衛生：4/5💰價錢：3/5

去開元朗搵朋友，佢話有好嘢食帶我去🍲我都係第一次嚟呢間火鍋店，平時好少去元朗，lunch特登食少啲留肚！呢度賣靚料靚湯底，見到menu即刻揀花膠雞湯唔洗諗！先$298，有半份雞同好大碟花膠。飲落好鮮甜，冇揀錯😛😛😛我唔好牛肉，朋友係咁讚，見佢食得好滿足，我反而對配料好滿意😝有蜂巢豆腐、手打丸、手包餃、墨丸蝦滑，仲有我最鍾意嘅油炸鬼蝦膠，呢款唔係度度有，真係必點！！油炸鬼吸哂湯精華，蝦膠彈牙🤩🤩🤩手包餃我哋揀鳳尾雲吞，真係連埋蝦尾包住，好有誠意🥰埋單人均500-700，食到捧住肚走。如果細食嘅可以叫少幾款，但質素絕對對得住價錢。

之前行過幾次都好似同女朋友黎試下呢個大滾友，今晚端午節一於就黎試試入面環境私隱度高，同朋友傾偈完全唔會有阻礙，而且店員服務好好☺️今次我哋叫左木瓜片龍躉湯底，香味非常濃郁，仲有龍躉好厚肉，好入味🤤另外我哋叫咗一個大嘅海鮮拼盤同埋一個大牛肉拼盤，影相睇落已經非常靚😍超推薦海鮮拼盤，海鮮鮮味十足，包括蟶子皇，鮑魚，大海蝦等等，建議一定要點呢個另外牛肉方面，牛小排個牛味好足，唔洗淥太耐，啱啱變色就食得😍

住喺大西北都知邊爐選擇唔多，每次邊爐都會約喺九龍或港島，今次朋友推薦左大滾友，啱晒兩個住大西北的人🤣我地大概8點入座，呢個鐘數比較少人，但去到9點幾10點就坐滿晒！環境乾淨同闊落真係好重要，整體黎講坐得舒服，又夠位擺袋。湯底：龍躉片木瓜魚湯🐟▪️好清甜嘅選擇！好似係屋企煲嘅湯水咁，唔油！清甜！▪️裡面配料：龍躉片、木瓜、豆腐、金菇（每樣都有好多，去到最後都未食晒啲木瓜🤣）▪️龍躉片好味，而且份量多海鮮拼盤（大）▪️超豐富的拼盤，每樣海鮮都有4件，2個人食就好滿足▪️海產只要新鮮就好好味，令個湯底更鮮甜牛肉拼盤（大）▪️有齊晒咁多種牛，可以一次過品嚐晒！▪️有厚有薄人你選擇，前面方形嘅和牛最有質感，推薦！蟹子蝦丸 + 萵荀▪️蝦丸係手打的，俾其他都彈牙▪️唔會好鹹，調味幾好，出返蝦味！我覺得大滾友無論2人定多人邊爐都好適合，位置近地鐵站，環境闊落，食物好味😊

今日心血來潮想打邊爐，發現元朗有一間高級火鍋店，環境裝修是中式的，別具一格。玲瓏浮凸•花膠雞湯鍋(半隻）$298花膠大大片，又厚又滑，每一片都吸收了雞湯的精華🤩湯底淆得非常之濃郁清甜，一開始就飲咗幾碗。半隻雞厚肉滑身，啖啖肉手切本地牛肉(頸脊）$348牛頸脊肥瘦均勻，氣勢磅礡，用冰底座住，保持牛肉的新鮮。基本上焯幾秒就可以食用。牛肉味濃郁，食過返尋味。大滾友雜菜拼盤$88食咁多肉當然要食啲蔬菜中和一下，唔想諗一於揀一個蔬菜拼盤😝分別有金菇、只淮山、萵筍、生菜、油麥菜、娃娃菜等，非常新鮮，完全吸收了雞湯的精華醬介$11/位一嚟到就有九宮格醬料，分別有芫荽、香蔥、辣椒碎、薑蓉、炸蒜等，可以調校出自己喜愛的醬料呢🤪店員服務周到，幫我們洗乾淨碗筷，細心地把花膠剪開，值得一讚。

香港人真係好鍾意火鍋，熱愛程度係就算夏天開冷氣都要食！一早聽朋友介紹元朗呢間火鍋店，佢哋話湯底好正，咁一於訂位試吓。就算係平日夜晚都幾full booking店員好似澳牛啲員工咁搞笑，佢哋最推薦花膠雞湯，望落價錢唔貴，一於試吓，一上枱好有驚喜，成個湯金黃色，半隻雞原隻上，同埋花膠都係分開上，咁就睇到有幾足料！一嚟就放花膠落去，落配料前先飲湯。雞湯香濃鮮甜，就咁飲都抵。雞肉都好嫩滑，花膠軟腍。因為唔想煩揀咩肉，叫咗份牛肉拼盤。有牛舌有肥牛又有牛粒，啱哂貪心嘅我。雪花牛睇厚薄一切，唔會太薄搞到冇口感，三秒食得，肉香濃郁其餘叫咗手打丸、餃都好出色。最鍾意蟹肉餃，入面真係有蟹粉，好香鮮味，出面都好少見，正！

今日放工餓餓地咪諗住去揾間正啲嘅餐廳打邊爐，竟然俾我發現新大陸。餐廳內裡充滿懷舊風味的裝修, 環境新凈又企理, 感覺上有啲似回到民初時期, 令我即時諗起大台啲劇集。 終於有返晚市 出動去覓食！今次去元朗，發現呢間超正邊爐！環境舒適 乾淨服務好食物質素高價錢合理 唔貴邊到有咁筍？真係有！QR code落單。我地叫左個招牌花膠雞湯鍋。湯味道濃郁 雞肉嫩滑 花膠大大舊又爽口 超正食物方面 我地叫左蟹黃餃！真材實料 真係有蟹粉 超濃味丸方面就叫左三重芝士腐乳牛丸 重芝士味 連埋腐乳 味道好夾仲有個手打鵝肝墨汁墨魚丸同手打黑松露墨魚滑 非常彈牙 我地都叫左炸黃金響鈴新鮮炸 熱辣辣 好多鹹蛋黃 就咁食好味 點下個花膠雞湯食都好食！打邊爐點可以冇牛肉！我哋叫咗一個日本黑毛和牛牛胸腹。和牛嘅油脂分佈非常均勻，一食就feel 到油脂喺個口到 非常推薦。牛舌亦係厚切，好重牛肉味，咁嘅價位 咁高質素 冇得彈！其他食物包括菜，鯇魚片，金菇，稻庭烏冬，都係正常水準。唔錯！食物以外 呢度員工服務超好 時不時都會行過嚟使唔使加湯 服務周到今次體驗很好 10滿分 下次一定再嚟！

同朋友行完山就梗係要食餐好喇 元朗國真係超多嘢食 今日我哋就去咗大滾友度打邊爐 夜晚時間嚟到已經超級多人 幾乎全場爆滿 建議要食嘅就預先book位啦 餐廳嘅裝飾非常特別 用嚟影相打卡一流呀湯底叫咗招牌嘅花膠雞湯 花膠份量超多 片片都厚身 質感滑溜食落口非常養顏 啖啖骨膠原啊 湯底味道濃沃一啲味精都冇 原隻新鮮三黃雞已經預先煮到半熟 放落雞湯度淥幾分鐘已經食得 雞肉嫩滑有雞味爽脆豬潤 分量都幾多 預先已經醃製好 口感爽脆一啲騷味都冇大滾友牛肉拼盤 入面已經有牛頸脊 封門柳 牛黃喉 牛肉粒 等等 一次過食曬唔同部位 全部都非常夠牛肉味 最好食就梗係牛頸脊啦肥瘦均勻 一啲都唔韌

同朋友行完山就梗係要食餐好喇 元朗國真係超多嘢食 今日我哋就去咗大滾友度打邊爐 夜晚時間嚟到已經超級多人 幾乎全場爆滿 建議要食嘅就預先book位啦 餐廳嘅裝飾非常特別 用嚟影相打卡一流呀湯底叫咗招牌嘅花膠雞湯 花膠份量超多 片片都厚身 質感滑溜食落口非常養顏 啖啖骨膠原啊 湯底味道濃沃一啲味精都冇 原隻新鮮三黃雞已經預先煮到半熟 放落雞湯度淥幾分鐘已經食得 雞肉嫩滑有雞味爽脆豬潤 分量都幾多 預先已經醃製好 口感爽脆一啲騷味都冇大滾友牛肉拼盤 入面已經有牛頸脊 封門柳 牛黃喉 牛肉粒 等等 一次過食曬唔同部位 全部都非常夠牛肉味 最好食就梗係牛頸脊啦肥瘦均勻 一啲都唔韌