大榮華酒樓

营业中

休息中

週五再因公事入咗元朗，朝早去完第一個倉後，因要等待第二個倉準備好先入得去，所以就搵咗元朗通T哥帶路去區內一家老字號「大榮華酒樓」度飲茶。門外貼紙式餐牌所示，閒日早茶、下午茶時間，所有點心一律$19。行上多級樓梯後終於抵達酒樓o既大堂，雖然早茶時段已過，但擠得密麻麻o既散座仍坐滿食客，真係好旺。等位o既時間細佬就走咗去周圍八吓；喺牆上先見到車胎人連續七年推介o既銀碟奬賞。暗角位則掛出香港名食家韜哥o既相片及卡通畫像，細問下先知原來佢就係酒樓o既大老闆，失覺哂！午市茶錢每位$8、小點$19、中點$23、大點$27、特點$31、頂點$37，另收加一服務費。除咗有點心飯麵之外，餐店前方仲設有個大排檔區，食客可以直接點選燒味、餃子、油菜等食品。咖哩魚蛋豬皮：豬皮過腍，魚蛋尚算彈牙，兩者均唔夠入味，不吃也吧！陳皮牛肉飯（$35）：盅頭飯面o既菜心偏老難咬，陳皮牛肉同白飯底雖然都幾乾吓，幸好點上甜豉油食都補救得到，總算勉強合格。芝士蝦春卷（$27）：金黃色o既春卷層炸皮又薄又脆，芝士蝦餡爽脆美味，係咁多味點心中最正o既一款。切肉燒賣皇（$27）：燒賣大隻就夠大隻，不過其外觀好似被漂白過咁，個人覺得不

大榮華酒樓是我家人聚餐，公公婆婆飲茶的地方。今晚一家人又聚首一堂，一齊食下嘢。乳豬拼盤：燒腩仔好得，皮脆肉嫩又juicy;叉燒雖有肉味但比較瘦，味道正常；燒骨反而唔錯，肥瘦相間，咬落有汁。翡翠花枝桂花蚌：西蘭花爽脆，魷魚同桂花蚌肉質爽口鮮味，炒到剛剛熟。脆金果鳳味蝦：即 炸南瓜同蝦多士： 這南瓜普普通通，蝦多士的蝦肉彈牙但蝦味欠奉，食落好油。鮑汁雞柳珍寶茹： 雞柳非常嫩滑，有鮑汁鮮味；雞肶茹炒到軟稔入味，唔錯。紅燒竹笙雞𢇁翅： 好稀，無乜鮮味，無乜翅又無乜配料，當湯飲還可以。蒸海班：條魚好大條，抵食！魚肉蒸得好滑，香蔥鼓油味道剛剛好。脆皮燒鳮：燒鳮的皮好脆好薄，雞肉十分嫩滑有雞味，不錯！炒飯粒粒分明但口感偏硬，味道中規中舉。伊麵：一如傳統，比較油，食落有甜豉油味。紅豆沙：紅豆是軟稔但未見起沙，陳皮也是欠奉。奶黃馬拉糕：旦味好香，質地輕盈軟熟，奶黃少少的點綴，幾好食；但個人還是喜歡以前古法黃糖馬拉糕又有風味。整體食味ok, 餸的份量唔少，尤以燒鳮，小炒同馬拉糕比較出色。偶意一聚，一嚐何妨。

今日去左元朗行山。行到2點就黎3點出返返元朗！一行6人決定去食元朗大榮華！我唔少朋友都食過！我就第一次嘗試新野！由於已經係2點幾過左午市時間！所以我地都唔洗等位但係就要搭台！下午茶都全場爆滿！證明有幾咁受歡迎！我地好似唔洗錢咁勁叫！有好多出面茶樓都好少見既點心！除左叫燒賣蝦餃呢d必食點心之外。我地仲叫左白蓮包。馬蹄糕，茶果等等出面冇少見既點心！上點心都上得算快！大家都好肚餓勁快清曬～傳統野我覺得燒賣最好食！夠咬口，有鮮味！奶黃馬拉糕都好特別！唔知係咪因為肚餓既關係！覺得d菜心都好好味！我地都冇睇價錢係到狂叫點心。我未黎過心諗買單應該都貴架啦。點知買單個陣6個人先食左500蚊！！真係覺得又大件又抵食！Total 17個點心！一人先80蚊！仲要個個飽到飛起！值得推薦！

重陽假，飲完茶一家人去錦上路跳蚤市場行完，直入元朗開餐。見時間尚早（6:00pm)，去大榮華踫踫運氣。果然早起的鳥兒有蟲吃，唔洗等位直接坐低。大榮華由肥滔主理，主要食圍頭菜。即係香港本土農家菜。香港新界仍有不少圍村，保留了很多傳統、極富風味的菜式，由於圍村居民以前過著耕種、自給自足的生活，所以這些圍村菜特別著重新鮮的食材，堅持「原汁原味」的原則。今次當然都有食豬油撈飯，另外叫咗4個餸。1）炸大腸---夠脆，夠淋，夠肥2）黑椒雜菌炒牛肉---黑椒味濃，牛肉夠淋，好餸飯。3）家鄉蒸蠔缽---即係蠔仔肉碎粉絲蒸蛋，鮮！滑！推介4）韮菜花煎魚腸---魚腸唔腥，加入韮菜花/韮菜煎成蛋餅，比起焗魚腸好食得多。必試仲有飯後甜品，麥米粥/紅豆沙食餐滿意，保持一貫水準！

元朗大榮華洒樓真係好有性格，侍應/ 知客服務態度差差差，派籌知客不會即時比籌你等候，叫你等知客做好自己工作先比籌，計而你有你停位，空枱繼續留座，幾時放行要睇心情，這樣的食店有心去吃，自己衡量。

十幾年都冇試過同屋企人飲茶，今日同老公同佢堂細佬一家三口去大榮華飲茶，好耐未試過等位飲茶，好有愛回家feel煎腸粉，唔油膩馬拉糕好鬆軟雜燴麵，個麵底好好食，好足料啖啖肉嘅蝦餃識食一定係加埋辣油😍流沙水晶包，唔會好甜，都ok好入味唔夠分，我冇食到

這天到元朗本想到某新開麵店吃late lunch的，不過去到居然沒有營業，實在晴天霹靂!!! 一時間想不到吃甚麼，就沿着大馬路行走，想起很久沒到過大榮華吃點心，雖然記憶中點心水準不算突出，不過已經身水身汗，就不作它想了. 到達時已經14:30，完全不用等位，不過全場都需要搭枱的! 但幸運在到離開時也沒人與我們同坐，可能是坐位就在通道旁，不是一個好位置!閒日下午二時後，大、中、小點劃一售$19，以出名的老牌酒家來說，定價合理. 不過如果你慣常去裝修華麗且乾淨的酒家，這裡就不太舒適! 點餐期間，見到牆上有曱甴(靠牆的餐桌)，是大強而非小強，幸好我不是坐在附近，否則應該會大叫!!! 部長則敏捷地把大強消滅了，遺憾沒有拍下一張相片!!錦繡煎蝦餅 (大點)沒期望之下，這蝦餅居然是熱辣辣的，香脆亦不油膩，愛吃香口炸物的我很滿意.鮮竹牛肉球 (大點)牛肉球size大得驚人，而且相當有咬口亦有果皮香，不是軟稔稔溝粉的那種，值得一食!切肉燒賣王 (大點)燒賣juicy很多肉汁，再加上甘香的肥肉，雖然明知不健康，但實在好好味!四寶滑雞札 (大點)雞肉嫩滑，再加上粉糯的芋頭，雖然較油膩，但也照單全收. 百花

Recommended - five spice chicken, siu mai, sliced pork bean sprout noodles are perfect (yuk si chau min), egg custard dumpling for dessert, chicken sprill rolls, beef balls. English menus provided upon request. best meal in Hong Kong

今晚阿姨話請食飯，佢話好耐無入元朗想食ｄ好野，一家四口就好唔客氣咁帶左佢去元朗大榮華啦，哈哈，有大食大，多謝晒。睇番個菜牌，ｄ野真係唔平，一如概往豬油撈飯，一上枱就一個細水樽，老婆未食過以為係特飲，我話豬油黎嫁，你唔怕肥就飲啦，佢後來怕肥連豬油都無撈到飯，真係大晒。奶皇馬拉糕：入口鬆軟，遠遠都聞到奶香，未食都流晒口水，每次都必點，有細路仔一定滿足到佢地。鴛鴦水晶包：賣相好好，第一次點，食落。。。覺得個皮太厚，食完馬拉糕就真係唔咁食得落，唔計個皮厚，奶黃包好香就好好食，另一個就麻麻地，下次食飽飯真係唔好叫呢個，始終當甜品食太飽啦，朝早黎當點心就差唔多。

難得入元朗就去返兒時經常去既大榮華飲啖茶食個飽先，點左雞球大包、奶皇馬拉糕、鴨腳扎、粉卷，個雞球大包超難食，個包好實好厚好乾，d雞肉好爛溶溶咁，食左小小已經放棄，奶皇馬拉糕質感又係好乾，其他野食都係超難食，點解會差左咁多架，究竟係細個時唔識食抑或是真係越來越差呢?

晚飯來試下大榮華既猪油撈飯，但原來佢地嘅燒鵝都超正!!見到隔離柯打個碟例牌，流曬口水一上枱，賣相係冇得輸嘅~幾棵芫茜同香脆可口嘅花生作伴碟,油光閃閃火紅色嘅鵝肶，仲等咩即刻一啖咬落去嘩~鵝皮香脆燒到剩番啲啲脂肪做皮與肉之間既隔心，鵝肉棉軟，肉汁充滿成個口腔~香烤味燶!!唔係講笑!!口感味道一絕，落有幸福嘅感覺希望會好快再來食過

元朗大榮華，唔使多介紹，老字號、靠得住。好耐無黎元朗老店食，今次趁大家都未食過，就揀它懷舊一番。薑汁冰肉燒鳳肝即係雞肝，平時唔好内藏，覺得好難入口，但呢個好鬆軟、入味；加上有塊夾膜一齊食，好似食緊肝包，而且完全無食肝既味道，我忍不住食咗3、4塊。 。瓦罉濃湯雞煲翅雖然今時今日食翅會比人話唔環保，但圍菜必有項目，我地無特地轉，睇住它熱辣辣上枱，而且阿姐夾起一梳梳既翅，真材實料，仲食到雞肉，味道yi chi ban，好足料既雞煲翅。 。蒜香金沙焗生蝦 有少少似平時食既黃金蝦，食到蛋黃，但它仲多一份蒜香，搞到個個舔埋手指。蝦係中size，啖啖肉，正！不過有點熱氣，因為又係熱辣辣上枱，香噴噴大家都忍不住即食。 。梅醬燒一字排 似鎮江骨既一字排，係我至愛，甜甜酸酸、開胃醒味，它入哂味得黎唔會乾爭爭，鞋拾拾咁，比個like它。 。白水浸大烏頭 大烏頭唔係普通既大，係超大條，一上枱個個O哂咀、嘩嘩聲，不約而同問：點解可以咁大條？大大條、滑一滑，好味呀！ 。頭抽浸大米鴨 鼓油雞就食得多，鼓油鴨係第一次，同食雞既感覺好唔同，唔多覺好重鼓油，似滷水多d，隻鴨無乜肥脂肪，啱哂我口味！又忍

每月拍拖紀念日，想不到吃甚麼，便又來這飯堂開餐。蘿蔔炆牛筋肚(小食)雖說是小食，但份量比預期中大份，$20 ~ $30的價錢，絶對抵食。牛筋牛肚爽口入味，蘿蔔同樣惹味，作為其中一個餸也不為過。荔芋油鴨煲入秋季節，芋頭、油鴨是必嚐之選。芋頭夠粉夠厚身，件件有1cm厚，熟透又入味。油鴨啖啖肉有咬口，絕對不是用那種皮包骨的油鴨來敷衍顧客。入口充滿新鮮油鴨香，實在難得。蟹肉魚肚扒西蘭花先說西蘭花，原整一棵棵「樹」的樣子，但完全熟透，沒有菜青味。坊間不少食肆不是煮得太軟身就是一口菜青味，影響食欲。蟹肉魚肚毫不欺場，整碟滿滿的，蓋滿整碟菜。西蘭花混著蟹肉魚肚一起吃，餘下不少蟹肉可以撈飯食。

We planned to have Thai food for our dinner and since we were already in Yuen Long area, my girlfriend insisted on eating at this restaurant before our dinner, famed for their lard rice. We felt weird to just order lard rice so we ordered another small dish to go along with the rice.The lard rice smells really nice. When we poured the oil and soy sauce onto the rice and mix it, we already could not resist and keep munching on it.Since we were going to have our dinner after that, we ordered a dis

每逢佳節倍思親，趁着今天是中秋節假期，專程入元朗與在該區居住嘅胞妹一家大細，在大榮華酒樓飲茶。這家酒樓的抵食圍村出名菜式，我不再多説，今天我只特別提及他們的燒鵝和两道特式㸃心: 當歸豬手和咸菜豬肚。燒鵝是即燒的，需時40分鐘，但絶對值得等候，上枱時香噴噴熱辣辣，皮脆肉嫩，調味恰到好處，色香味全，超正! 據說他們用的鵝是由可靠的大供應商交来的。至於豬手和豬肚，因為用料上乘，甚有口感，味道亦佳，特此推薦。