大榮華圍村菜 (已結業)

這家圍村菜相信大家都唔會唔識，元朗店及九龍灣店都食過晚飯，甚有特色，就是未食過點心。這酒家特色菜比較多人談論，但點心就無咩咁特別，所以亦都無甚期望。釀茄子多油實屬一般水準，魚肉調味夠但唔彈牙。中式叉燒包包皮香甜，餡料叉料不多但粒粒分明，唔會得叉燒醬及肥肉，如餡料再多一點就好了！叉燒餐包皮做得未夠香甜，包底唔夠香口，又係唔夠餡，失望！古怪在這裏沒有我喜愛的古法馬拉榚，換的卻是奶黃馬拉榚，不是我杯茶。而且得個甜字，吉士唔夠香！鯪魚球同釀茄子相信用同一個鯪魚餡，做得唔夠彈牙，但味道不錯！甜品點了芝麻糊及紅豆沙，其實芝麻糊都不敢寄望了，不過還是口痕，果然疑似開粉口感…食到一半就要停手。紅豆沙不過不失，沒有起沙亦不香陳皮味。其實現在很多中式酒樓的紅豆沙也做得頗為出色呢。咁既價錢，食左咁多野…雖然無值得推介既地方，但都無咩投訴，畢竟一分錢一分貨，今次飲茶為主，唔係食佢既拿手菜色呢！

11月10号晚食完肥滔嘅震撼價好味蛇蟹宴之後，第二朝已經馬上吹雞，早上只係打左兩個電話，講左噚晚食左啲乜東東，想訂番兩圍食下咁，諗住試下水温(睇睇反應)點知第二日佢地已經覆番嚟話13位確認出席，本來仲諗住問下自己親戚，睇下仲有冇人出席，馬上要笠水！大佬，如果再叫咁多人去，容乜易又好似上次Wilson兄咁，諗住訂一圍屋企人一齊食，變左六圍人食，所以後尾我只係再打多兩個電話俾兩個從小相識嘅朋友，兩個家庭一齊撐場，再加埋媽子、二妹同埋佢男友，已經湊夠兩圍。蛇宴日期敲定11月24号，兩圍需要俾訂金HK$1,500，可以入星展銀行或者親身繳交，由於上次嘅糯米飯同埋個手打麵都出左事，所以親身去九龍灣落訂，特別叫佢地注意一下果兩味菜，經理就話飯會叫廚房唔好浸咁耐啲米，麵就同我轉做乾燒伊麵。二十四号到，大概七點鐘到現場，𠵱！原來間左間大房過我地喎，坐得舒服啲，講野又大聲啲。睇下張菜單先，同上次嘅一模一樣，只係薑蔥撈手打麵，改左做乾燒伊麵。今日相熟朋友坐埋，相可以映靚啲多啲，以下篇幅主要係補充番一啲相片同埋短評一下每道菜係咪保持水準等等。清蒸大閘蟹公二十隻上回評語：蟹並唔係我特別喜歡嘅食材，自己點菜唔會

11月頭收倒朋友Wilson WhatsApp ，話會搞個蛇蟹宴，問有問興趣參與？一睇食飯地方係九龍灣嘅大榮華圍村菜，即刻興趣大減，原因係我食過元朗大榮華老店好幾次，點心同埋小菜都覺得平平無奇，不過既然Wilson 叫到，而果晚亦冇乜野做，決定赴約！當晚延開六席，我問Wilson 呢個會唔會係佢商會搞嘅event ，點知佢話本來係屋企人生日叫左一圍，諗住一家人食飯，點知講開左好多商會嘅會員都有興趣，搞搞下變左六圍！當晚菜單每圍HK$3,300，以上菜單包括五酲十年老花雕，唔包其他酒水，需加一。就咁睇菜單真係超抵，每位只係HK$300 ，淨係大閘蟹每隻四兩嗰啲，喺大閘蟹專門店都賣成7-80 蚊隻，呢圍菜每人有兩隻，蟹成本如果自己買都舊半水，自己去食野，食物性價比永遠係我選擇食肆嘅第一位，呢個亦係我決定參與呢個蟹蛇宴嘅重要因素！要同睇我呢段食評嘅朋友講聲唔好意思，因為同枱嘅朋友係唔識嘅，所以唔係幾好意思相機食先，隨左大閘蟹外，都冇影食物相。以下係每道菜評語清蒸大閘蟹(24隻公)蟹並唔係我特別喜歡嘅食材，自己點菜唔會叫，同埋以前食親蟹都會整損個嘴，所以自己好少點！呢個蟹賣相好靚，蟹身飽滿，金

以前既大榮華門口一定係塞滿黎等位既人, 但今晚唔知係因為Halloween既關係定真係不及以前門口完全無人..  今日即日打黎訂位都訂到, 有6點8點兩個時段 限食2小時不過入面都有唔少食客已經食緊飯~好記得好多年前第一次去元朗大榮華 個陣每道菜都仲係五十幾蚊之後每次黎 都會幾蚊幾蚊甘加, 到今日 已經要每個小菜$82喇...叫返我地每次黎到必點既香茜燒米鴨(例) $82以前係半隻 而家已經改左係例牌, 所以份量細碟左好多不過味道不變~ 皮夠薄 肉夠香夠入味 仍然係好好味!大榮華出名既砵仔飯 $11/個可以按自己喜好加豬油/頭抽~ 個人只落頭抽已經好好味頭抽蒜片煎生蝦 $82 呢個其實係一個唔會唔好味既菜式 ;P每隻蝦都充滿蒜香味~ 不過好似唔係好食到有頭抽味... 蝦都偏細隻鳳凰蟹肉炒長遠 $82 每次黎都會點呢個比較特別既菜式鐘意佢有淡淡既蛋香同啖啖蟹肉~ 加埋都幾多蔥絲同芽菜絲, 感覺健康d最後一定要叫呢度最最最出名既 奶王馬拉糕(半份) $41 (全份: $82) 以前一直唔知道可以叫半份… 其實就算幾飽 都會食得晒呢個既全份 ;D因為比起平時既馬拉糕 呢個真係好味好多 淨係聞

今天跟一幫朋友去了九龍灣慶生，所以再去這圍村菜吃晚飯。由於有人生日，當然要吃壽包，但除了壽包外，當然還點了不少餸菜。// 圍頭五味雞：必食之選，雞肉嫩滑入味//雞蛋焗蜆肉：比焗魚腸少了一份油膩感，但又有那種砵仔焗雞蛋的香氣，不錯//梅子醬蒸烏頭：反而酸酸地幾易入口，魚都是滑溜之選//雪裡紅蒸冬瓜：清新的選擇，不會太鹹//當然都有食豬油撈飯：水準仍可維持//整餐飯都不錯，最緊要「壽星公」滿意，不錯的一餐。但由於當天店家洗地氈，比平時早收，食得有點趕，整體算不錯了。

好耐無一家人出去食飯喇，難得大家可以夾到平日出去食。於是帶父母一嘗九龍灣的大榮華😊元朗個間好耐以前食過，好好食又抵，九龍灣今次真係第一次地點唔算難搵，一落天橋，向左邊行好快就會見到，連我里個路痴都搵到，大家一定無問題👍🏻一早已經訂左桌，去到就可以馬上坐低，七點半里個時間無咩人，點知坐下坐下，到八點左右，竟然全場爆滿😱😱（大家下次去建議一定要訂位）我地一行八個人，叫左十個菜，因為每碟都唔係好大碟。記得以前係元朗本店食的時候碟碟都好大碟嫁，價錢又平，宜家價錢加左但係碟野食細左😓😓所以一開始叫左八樣咋，後來上菜見禁細碟，即刻再加多兩個菜雞蛋焗魚腸整得幾好，一啲都唔聲。👍🏻👍🏻煎藕餅夠乾身，加左咸魚落去啲豬肉到好香👍🏻👍🏻👍🏻梅子醬蒸烏頭幾特別，酸甜酸甜，魚肉亦唔會蒸得過熟，依然好滑👍🏻👍🏻👍🏻重點當然係個蒸鬆糕同豬油拌飯，里兩樣野禁耐都keep到水準👍🏻👍🏻👍🏻👍🏻👍🏻無得輸其餘的胡椒豬肚湯，米鴨，五味雞，九肚魚都係一般貨色，同其他大排檔無分別總括以言，食物還可以，都會有下次的

今晚難得約了一班好久不見的同學聚舊,當然要選擇一家好吃的酒樓我們對大榮華圍村菜有不少好感,但在未能有足夠時間入元朗之下,不如去吃這家這家值得一讚的地方是可以訂位,不會失望而回我們提早了15分鐘到達,但只等了10分鐘便能入座坐低了當然急不及待點菜,點了雞蛋焗魚腸:濃濃蛋香,加上魚腸好食,沒有腥臭味,加上胡椒粉,正 (極度推介)圍頭五味雞:肥美滑溜有雞味梅醬蒸烏頭:新嘗試,魚夠滑,比檸檬蒸更香更入味椒絲腐乳通菜:一貫水準當然有叫最愛的馬拉糕及豬油撈飯,仲有附送紅豆沙,十分滿足的星期天!一定再來,在市區都可吃到的圍村菜~

由轁哥主理，見店名都估到與榮華餅家有關連， 用的是轁哥的名氣吧!始終拍過很多電視飲食節目有一定名氣，雖近年爆光率少了， 但還是有一定豪招力。不知道轁哥是誰，就是胖胖披住一頭白髮，外貌很友善又平易近人。識 食一定叫豬油撈飯， menu上沒有， 原來只要$11 。一支由轁哥代言的頭抽豉油加豬油， 兩者隨意混入白飯中攪拌，即時香氣大大提升，米飯也像添了魔法， 更軟熟好吃，小時媽媽做菜餸不合口味，只要加數滴豉油就把一碗白飯扒光了！其實為健康已很小機會食到豬油撈飯，而且只有少數茶樓有保留這菜式 ，始終是下欄東西賣不起高價錢。盛器就是俗稱“乞兒兜“的陶碗，甚是懷舊。燒味併盤有燒肉，叉燒， 雞，鵝。叉燒偏肥蜜味一般，肥肉部份難咬。燒肉皮脆， 有在食燒腩仔的味道， 肥瘦以四六比例分佈，肉嫩面肥瘦肉相間，蘸上芥未香口不肥膩。雞鵝亦都肉嫩多汁，香來這裡的燒味部出品都有水準。花膠原來得5，6片， 花膠勉強叫做厚身， 芡汁開得太多太杰， 黏黏的好嘔心，下面則舖滿了生菜。黃金海蝦， 鹹蛋黃壓得夠細碎，殼上平均地沾上了蛋黃碎，放入口即踏到鹹香，很下飯 。蝦殼快速熱油炸過， 但未去到可以連殼吃的酥化程度， 因快炸肉

應邀於九龍灣大榮華出席了一場飲宴。酒樓裝潢稍舊式，舒適整潔度一般喇。是晚菜式如下：大紅乳豬拼盤：乳豬夠脆香，叉燒半肥瘦好吃，其餘雞鴨等無乜特別。西蘭花花姿桂花蚌：花姿桂花蚌皆脆口，調味稍鹹。脆金果拼鳳尾蝦：脆金果即炸南瓜，兩款炸品顏色略深稍老火，幸好口感仍香脆。鳳尾蝦芋蓉多而蝦肉少，有點不滿。鮑汁雞柳珍寶菰：普通。花膠燴瑶柱四寶羹：質感稠身，食味不太欣賞。碧綠玉掌螺片：玉掌肉地不夠飽滿，螺片普通。清蒸大龍虎斑：魚大肉厚，肉質比預期滑溜，不俗。乳香脆皮雞：皮不夠脆，雞肉稍鞋。絲苗砵仔飯：豬油頭抽撈飯香口油潤，少吃滋味。吉祥伊麵：太飽未嚐。百年好運：普通。鴛鴦水晶包：太飽未嚐。

講起榮華，通常我都係諗起雙黃白蓮蓉。今次有機會係朋友介紹之下去到九龍灣既大榮華酒樓到食飯。黎之前聽個FD講話一定要食豬油撈飯，話淨係食呢個都夠飽。去到之後，一食果然好正。豬油好香，加埋佢比既頭抽真係一絕。不過我頭兩碗飯就落得太多頭抽，攪到個飯有D鹹。本身我自己對於肥膩野就唔係好抗拒，但有D女仔FD本身唔係好食都食左兩碗。食得太多肥膩野之後我地叫左個雜菜煲調劑下，菜煲幾足料，不過只限菜，但食完肥膩野但清下D脂肪都唔錯既。其它食物就普通水準，無話特別突出，但各位黎到既記著一定要食豬油撈飯啊。

講起榮華，通常我都係諗起雙黃白蓮蓉。今次有機會係朋友介紹之下去到九龍灣既大榮華酒樓到食飯。黎之前聽個FD講話一定要食豬油撈飯，話淨係食呢個都夠飽。去到之後，一食果然好正。豬油好香，加埋佢比既頭抽真係一絕。不過我頭兩碗飯就落得太多頭抽，攪到個飯有D鹹。本身我自己對於肥膩野就唔係好抗拒，但有D女仔FD本身唔係好食都食左兩碗。食得太多肥膩野之後我地叫左個雜菜煲調劑下，菜煲幾足料，不過只限菜，但食完肥膩野但清下D脂肪都唔錯既。其它食物就普通水準，無話特別突出，但各位黎到既記著一定要食豬油撈飯啊。

嚟過大榮華好多次了，茶市和晚市都試過，食品質素都好好。今次4位去點了5款餸，最突出係圍頭五味雞，豉油味適中，不會太鹹，雞肉夠嫩。椒鹽羊架沒有羶味，值得一讚。另外鹵水豬腳仔也是搶手之選。

味道：食了4樣野1）叉燒包：餡可以見到條狀叉燒，叉燒醬不太甜2）糯米卷：糯米較其他酒樓干身，粒粒飯分明，不是黏在一起那種3）鴨腳扎：無咩特別4）當歸豬手：有當歸味，豬手皮爽，但汁有點過咸環境：檯與檯之間非常近，櫈與隔離檯的櫈之間幾乎背靠背。如果不是坐靠近通道位置很難走出來去廁所。服務：首先問知客拿位，那種面口，語氣和態度，只可以概嘆服務業跟本無服務可言。我們2人被安排到一張四人檯搭檯，下雨又有傘又有購物袋想找多張櫈放下野都沒。剛好隔離有人埋單， 問知客可否調去果張檯。她首先是詐看不到聽不到，然後友人又再問一次，帶有懇求的語氣，她才給我們調位。衛生：新的骨碟有兩粒飯附送抵食程度：食了4樣野埋單＄210幾，覺得唔值。

我今日突然好想吃肥豬肉,趁著閒日唔駛人迫迫地吃豬油撈飯.我同貓爸爸八點左右到酒樓,果然即刻有位,而場內大部份係自由行食客(這是題外話)......我哋點咗"四月份平靚正"菜式 雞蛋焗魚腸($80) 薑蔥枝竹燜豬肚煲($80)另加滷水大雞腳($23) 豬油撈飯($11)雞蛋焗魚腸--焗得金黃夠香唔乾身,面層有油炸鬼夠香口,雞蛋結實但唔會老,魚腸夠肥又唔腥,唔加胡椒粉都好食,正!薑蔥枝竹燜豬肚煲--豬肚夠新鮮並非雪藏貨色,件件充滿彈性冇異味,雖然只係簡單地用鼓油,糖,蠔油燜,但煮得夠腍又入味,而煲底嘅枝竹同料頭薑蔥亦好食,讚!滷水大雞腳--新鮮雞腳大大隻幾好食豬油撈飯--睇落細細砵但撈咗豬油後好飽肚,蝦仔米粒粒分明有飯香,兩個人share一砵啱啱好,加上頭抽充滿豆香,少食多滋味!另一驚喜係附送嘅糖水,並不馬虎,紅豆沙煲到起沙,有芋頭粒,麥米咬落清香,又一個讚!

再度encore啊!第二次去哩度飲茶因為我覺得哩度的點心真係好味.好早之前已經book左位不過佢都話就算book左可能都要等等所以當天就早到左點知一去到已經有唔洗等位 所以超級開心^^今次飲茶一次過叫左好多點心當然有最出名的豬潤燒賣同埋馬拉糕 馬拉糕好鬆軟好香啊豬潤超大塊的 好味仲有百花釀魚肚都要讚下整得好靚 同埋都好好味 材料都好夠整體來講今次的飲茶回憶都幾開心唔錯唔錯^^