大榮華圍村菜 (已結業)

公眾假期，五點半來到，食頭圍都仲有位，不過七點半要交枱。點菜是自己劃紙的，但枱上竟然冇筆提供。咁冇筆當然就叫伙記寫啦，佢反話：你填好張紙先落柯打啦。我話:冇筆喎… 伙記才不情不願的將佢果支好寶貴的筆借比我地。 其實連市井的車仔麵店子都大大方方每張枱放幾支筆方便客人，點解咁大間菜館都吝嗇支筆呢… 選了名字頗特別的麥芽桂花雞。其實同白切雞吃不出很大得分別。没有想像中有麥芽糖的甜味和桂花的香味… 可幸雞的肉質是不錯的。另外一味是煎釀鮻魚，炸得香脆上枱，賣相是很讚的。可是一咬落口感覺就很不對板… 竟然是粉粉的。没有鮻魚肉應有的彈牙感，也没有平常釀鮻魚的基本配料例如臘腸，蝦米等等… 失望。當然也要叫豬油撈飯，今趟的砵仔飯已没有像以前的一樣粒粒飯都豎起來的質數了。但混了豬油跟頭抽，也不可能不可口的。其實很久没來了，今次由伙記的服務到食物的質數都令人感覺退步了的…

今晚去九展睇魔術, 睇之前去大榮華醫肚先。好彩早去, 唔洗等位。乳豬併海哲：份量都幾多, 乳豬好味, 唔太肥, 都幾適中。海哲都幾爽口。五味雞：肉好滑, 好嫩。魚唇鴨掌煲：份量多, 好入味。魚肉涼瓜：個人就對呢個唔多有興趣。2個飯送紅豆沙

想食大榮華好耐，元朗又嚴遠。 終於有朋友約老公同我去食。 一星期前已預訂位，此店分兩段時間，六點半同八點半。 原本想食八點半，點之滿咗，唯有食六點半喇!六點半去到，已「全院滿座」，非常多人。 說明遲到五分鐘唔留位。 而且只收現金。 服務不錯，其中服務我們的姐姐好有禮貌，亦很健談。 推介既餸菜全部都好好味道。 此酒家有六人和十二人全包套餐(除加一)，非常底吃。 我們四人唯有散叫。盆菜豬肉，味濃而香滑，用來形容此腩肉絕對無誇張。 底部既芋頭，入味非常。圍頭五味雞，雞滑多汁，沒有雪味，好好味道。頭抽蝦和烏頭魚亦不錯。豬油撈飯，一砵飯加一湯匙頭抽和一湯匙豬油，撈撈撈，超香，無諗過味道咁得，不過由於太唔健康，只吃一次，下不違例。奶王馬拉糕超正，熱烘烘上枱，蛋香而不甜，推介推介!下次一定集齊人數再去食過!!!

同朋友食飯..話想食"個隻雞"就黎左大榮華!4個人, 話要等11張枱..點知一叫就到, 前十張枱既人都走洒!!WAHAHHAHA食左五味雞, 梅子魚, 雜菜煲, 馬拉糕**個雞好大碗...其實塊皮係最好味既但係又驚肥又想食...好矛盾之下都係食!HAHA魚...個人好鍾意梅子啊....所以覺得好好味! d汁黎撈飯又係好正!!!雜菜煲,,我們好健康HAHAH食到呢度都好飽了!!! 又叫左jar菊花茶!!!呢個正喎因為好鍾意呢d"清甜"野!!!!再食馬拉糕, 又送糖水!馬拉糕非常軟滑的!!!!好唔錯!!不過的確好飽...hahhahha

輪到部門同事為我慶祝生日, 午餐去了公司附近的大榮華。訂了12:30pm, 好快有位 (如果無訂, 就唔知幾時先有得食了)。食物：山竹牛肉：牛肉內唔夠馬啼, 不過都ok。土魷：好味, 不過份量唔多 (好多芋頭放在一起)叉燒包：多叉燒, 叉燒唔太瘦or肥, 好味。饅頭：一般。蝦餃：皮比較厚, 但ok。燒賣：ok。鳳”找”：份量唔多, 味道ok。馬拉糕：都ok鬆化。牛肉腸粉：ok。雞札：ok, 不過雞肉都幾多肥膏。茶果：我麻麻地, 所以無食。糯米雞：ok。大榮華炒飯：其實即係福建炒飯, 味道ok, 都幾多配料。仍然係多人食大榮華, 可能係平靚正的關係。

昨晚和家人一同到這間大榮華晚飯，七時到，五個人用餐(三大兩細)，拿白色票等位，那時只有三四人坐在外面等位，我估很快會到我。我拿票時問門口戴黑色眼鏡架的姐姐仔，仲有幾多張到我，佢答我訂位的都已入去，有人賣單就到我，我當時拿14號票。之後慢慢有多些人來，都是拿綠色票，到七點三四，終於叫白色票啦，竟然是12號！我心想，有冇搞錯，又話有人埋單就到我，又唔話我知前面有兩個！！！！其實我之前，前後問左佢兩次，佢都係話有人賣單就到我。之後又叫十三號票....我想快啦....叫十四號啦！但那位姐姐仔話張枱細，只夠坐四人，我地五個人唔夠坐，張枱畀左十五號票！！！有冇搞錯！！！之後綠色的色票叫左成七八張，但一張白色票都無叫，我個仔四歲，由七點三話等得耐，係咁喊，喊到成七點十，我奶奶成八十歲，係咁嘆氣，我終於忍唔住，走入去問下D侍應，究竟成個場有幾多張五人枱，佢竟然話我知好少，只有四五張！門口姐姐仔，你有冇搞錯！！！！你唔話我知！1.如果我早知我唔係白色票第一個，我可能已經唔係度等，去左第二間，等係我等左成四個字至知，唔係好忿氣至繼續等！2.究竟個黑色眼鏡架姐姐仔明唔明咩叫"仲有幾張枱到我" 呢句咁簡單既廣

我們結賬時其中一位女服務員 (當日束馬尾，穿粉紅色制服，中等身材) 態度表現非常惡劣，作為食客，我們事前不知道 貴店只收現金而不接受簽卡，但讓服務員使用粗鄙的語氣向我們表示只接受現金付款，即時令人反感及氣憤。及後，我們亦相當合作並以禮相代的以現金付款，該服務員的樣子表現非常不滿並立即回頭離開，我們對此感到非常不滿。最後，我們於離開前向當席男經理善意地表達意見時，讓經理不但沒有接受，反而利用膚衍了事的語氣趕走我們，請問這又是怎樣的服務態度呢? 是本港食肆應有的代客之道嗎?我認為是次經驗令我們感到不滿及氣憤，我永遠都不會再幫襯以及會告知友人都不要幫襯。

林小姐6位到咗未?知客姐姐 : 未到 (我亦見無刪我個名同電話)咁有另一位知客姐姐，帶我同餅餅入去坐一張8人枱順便叫埋茶，就打電話比妹妹妹妹一聽我把聲，就話直入，一直行到最入咁我就周圍望，見到佢地坐咗係斜對面張枱我望住佢地，佢地又望住我我同經理講 : 我屋企人到咗喇，唔知點解出面位小姐話我屋企人未到一分鐘都無，出面嗰位知客姐姐打比我問我係咪坐咗係35號枱，我話 : 轉咗啦，我屋企人到咗你又話未到知客姐姐仲要死撐 : 因為有兩位姓林嘅訂枱，可能我地攪亂咗發神經，兩位姓林嘅，一位係林小姐，另一位係林先生況且，林小姐同林先生電話號碼都唔一樣啫**************************************************************大榮華無餐牌提供，有幾張A4size嘅影印紙比你點菜其中有個好抵食嘅套餐10個餸五百幾蚊，不過套餐嘅菜式無set定嘅總之就自由配搭，係張A4紙搵得到就得喇唔經唔覺，點咗16個餸媽咪話，張枱唔夠位放呀，減6個先啦乳豬拼海蜇乳豬有少少肥好香，海蜇彈下彈下好爽口圍頭五味雞究竟邊五味呢?我好似食梗豉油雞咁囉雞夠鮮嫩，雞胸唔嚡口咸檸蒸烏頭我無

之前已介紹過這間屬於"滔哥"的大榮華圍村菜, 不過先前沒有帶備相機, 今次適逢朋友宴客, 再次光臨, 當然要拍一些照片給大家看看啦!我們一行六人共點了八碟餸菜:圍頭五味雞: 抵食, 好味之選。燒米鴨: 跟圍頭五味雞一樣, 同樣是飽肚之選, 而且味道也不壞。焗砵蠔: 水準一般, 蛋煮得過老(over咗)。雜菜煲: 份量少得可憐! 每人分得少少, 都唔明白點解啲菜咁少?五柳石斑球: 另一好味之選, 五柳汁酸酸甜甜, 幾開胃, 石斑亦不會太乾。茄子斑腩煲: 水準一般, 跟其他酒家沒有什麼兩樣。涼瓜排骨煲: 份量亦是不太多, 而且味道亦不怎麼突出。馬拉糕: 必吃之選! 熱騰騰, 香嘖嘖, 軟棉棉, 好好味!飯後有甜品贈送: 是日可選擇紅色沙或麥米粥, 我選了前者。味道可以, 用料也算充足。

跟朋友們吃生日飯﹐選址九龍灣大榮華﹐好o丫... 夠方便。見佢Menu上面有好多款式﹐唔一定order 套餐﹐仲List 晒出黎叫幾多款餸就幾錢又優惠在幾錢之類。咁我地自己劃想食o既o野啦﹐有五味雞、魚腸砵、北菇莧菜、燒腩仔、炒飯之類﹐當然仲有豬油撈飯啦!最吊鬼o既情況係第一碟餸就出現喇﹐竟然第一碟上檯o既係落在單唔夠五分鐘就上桌o既焗魚腸﹐朋友開始食﹐發現只係微暖﹐就算一早整定都唔好咁明顯o丫... 焗熱D先o丫嘛~ 然後五味雞呀... 莧菜北菇哩D都逐碟到﹐以時間黎計真係Super! 咁總好過催極都無餸到o既。哩一餐OOKK 啦﹐不過都有D餸唔多Ok... 例如...焗魚腸只係微暖...有碟唔知咩蝦醬雞脾菇炒豬青... D豬青好鞋... 同埋一D蝦醬味都無﹐要講個味道咪... 好似豉油味咁囉...咁都有好o既.... 個雞好味、炸鯪魚球都好味!個水晶飽﹐我地大部份人覺得奶黃比較讚!個馬拉糕... 我就覺得無想像中咁好味o勒。結帳時有點好笑﹐因為佢張單Show 得唔清楚﹐我地 total order在11樣o野﹐但佢地o既價錢Show得好亂﹐又二碟係$106又一碟係$58﹐其實我地

是日, 慶祝父親節, 一家去左食晚飯, 懶人冇book 位, wa~~~等左成個幾鐘, 假日想食,醒水啦,book 位 book 位 book 位 ,我家姐的本色, 想食就order~~~~~~點左好多~~~ 睇下人地台, 好大對比 3 個人食8個菜, 仲加馬拉糕~~~飽到住個肚 馬拉糕好好味ar!!! 不愧為招牌點心

吃中菜,起碼要五六個人才吃得滿足。是晚到朋友家探訪,正好一棚人去聞名已久的大榮華!胡椒枝竹豬肚、當歸雞腳,兩者也沒吃,只飲過它們浸著的湯,非常好味!尤其奶白色的豬肚湯!雞腳看去也很腍腍。圍頭五味雞,「圍頭五味」其實味道咪又係玫瑰豉油雞!不過他做得夠味,而且雞肉很滑!其他餸菜亦極快地,陸續上枱。咸水檸蒸烏頭,上枱時不太熱,沒咸水檸味,豉汁好味,魚蒸得嚡口。子薑菠蘿炒雞片,味道不錯的,但子薑、菠蘿粒切得很零碎,攪到成碟連獻汁,一pet pet。花生雞腳湯,很creamy,正!乾隆一品豆腐(味道普普通通)、麵醬油麥菜、金蒜銀魚仔蒸勝瓜,都好好味,而勝瓜中的銀魚,不會太乾,”慘”口,夾著勝瓜,好夾味。黑椒牛鬆炆鴛鴦米,是粉絲+米粉。有點辣,同埋很油,炆米預左油。味道正!奶皇馬拉糕,實話實說,而家那些「馬拉糕」跟本不是馬拉糕,只是奶皇味的蛋糕罷!不過它非常非常軟,一夾即溶化咁滯!我諗好食在,軟~麥米粥,極好味!完全有細心研究過,淨麥米太齋,還加了眉豆、芋頭,口感更完美,而且甜味比啱啱好甜些少。「麥米粥」原來可以造得咁唔寡。紅豆沙,色水望去好似有朕油。的而且確,味道怪怪地。傳說中的大榮華,整體沒令

之前公司舉辦活動, 曾於元朗大榮華設宴款待參加者, 作為工作人員的我亦因此品嚐過它的"九大簋", 坦白講, 我個人認為"九大簋"實在只屬一般, 並非真的十分好吃到不得了。那次見到"肥滔"真人, 真的有個很大的肚腩。一個月前曾和家人來到九龍灣的"大榮華圍村菜"晚飯, 感覺一般，今天亦有朋友約了到這裡晚飯(同樣見到"肥滔"), 於是便再有機會試試有沒有什麼不同/特別。這裡的食品價錢很有趣, 很多都是同一個價錢的(每款約$58元), 不論是燒腩仔, 米鴨, 五味雞, 豆腐, 青菜, 炒飯, 甚至是馬拉糕, 水晶飽等, 一律是一個價錢。有些人可能會覺得樣樣都是一個價錢, 點蔬菜或豆腐等便好像"唔係好抵"。我個人則認為價錢雖然重要, 但品質、味道、份量、環境和服務也同樣影響食客對餐廳的評分。老實講, 以價錢來說, 這裡份量的算是少了點，以六個人來說, 一道菜可能每人只得一件。我曾嚐過數款菜式, 當中五味雞可算是最抵食, 味道也不錯。另外, 五柳魚塊也算不俗。一字梅子骨則份量少而且味道一般, 梅子味不夠突出。這裡不得不提的是"豬油撈飯", 一缽缽的飯幾有特色, 客人可按自己的喜好, 自行加入豬油及

趁著記憶猶新,馬上寫下食評, 第一次來大榮華, 原意是和公公婆婆試新野食, 今次先訂位, 所以不用等位, 當時7PM出面已坐滿等位的人..是否真的這麼好味?杏汁鮮奶白肺湯(預定)本身一聽個名..不愛的杏汁,加上不吃的豬肺以為一定不討好, 但聞一聞,卻沒有杏仁霜那嗆鼻的味, 所以決定豁出去喝一口, 好鮮甜啊, 杏仁味不太濃,渣隔得很清,喝起來很滑, 據爸爸說, 豬肺很乾淨, 廚房的啤水功夫做得十分好咸水檸蒸大烏頭 一條之前已預定的烏頭, 大得嚇人,哈哈, 這一條魚也是考驗師傅的功力和經驗的一味菜, 魚蒸得剛好,真的多一分鐘少一分鐘也不行, 烏頭為了方便食客, 刻意除鱗蒸, 水分亦能鎖在肉裡, 加上烏頭本身就肥美, 加上豉油後, 果然是送飯的好送菜以下的都是$58一碟香茜燒米鴨 皮很香脆,鴨肉亦充滿鴨香, 唯一可批評的是, 汁太咸了, 下次希望店方可以把汁和鴨分開放圍頭五味雞 仍然不知道有那五味, 吃時雞皮甜甜的, 肶位十分嫩滑, 不算入味,但分量很多雞蛋焗魚腸 外皮一點都不脆, 菜涼了後, 表面外皮變得很硬很硬, 剩下了一大半乾隆一品豆腐 豆腐接近'叔'了, 煮得亦比較像平時在家吃到的蠔

百忙之中，抽空和同事吃了個生日飯，地點選了在九龍灣的大榮華圍村菜。因為一班人去吃，可以叫很多很多菜，其中個人覺得，圍頭五味雞和蜆介炸鯪魚球最好吃~還有一定要試的豬油撈飯，很香~ 不過不敢加太多豬油！