大快活 (沙田廣場)

营业中

休息中

今天入沙田, 順便在這邊晚餐. 本來想食<偽-法國菜>, 但小米想食大快活酸菜魚, 所以全家到此快餐店晚餐. 星期六晚上, 客人不算太多, 容易找到座位.   付款後, 慢慢等待職員送上食物.  泡椒酸菜魚片煲    没有綠色泡椒, 只有紅色的辣椒還有白蘿蔔&麵筋. 炸過又帶皮的魚片, 外層啡色炸皮很厚, 再配上同色系的麵筋, 真是首次遇上這種做法.  不過魚肉肉質又尚算OK, 總比長期雪藏鯰魚柳美味囉!    一般酸菜魚會配薯粉/寬粉之類, 但這鍋酸菜魚用粉絲... 都是同樣有掛汁吸味的功能!    如斯變奏版本, 真係由心笑左出來!    不過, 看到小米食得津津有味, 還將湯底來撈飯, 總算安心!   柱侯牛腩煲    牛腩細細件, 肥瘦皆有, 肉質纖維夠短, 所以夠鬆化, 容易咀嚼. 牛味一般, 但柱侯味欠奉.     白蘿蔔比較硬, 而且唔入味. 應該是廚房烚好一大盤蘿蔔, 然後客人點菜後, 白蘿蔔才跟牛腩相遇而變成 ~ 柱侯牛腩煲.    本以為柱侯牛腩, 至少有柱侯汁來撈飯. 但無奈柱侯醬唔夠濃, 不能撈飯. 而墊底的青菜和炸枝竹變成柱侯牛腩煲裡最美味的食

2021-4-12 與四位好友相約到道風山一遊，出發前，好友們一齊到「大快活」吃早餐。我蠻喜歡吃粥，所以點選皮蛋瘦肉粥配蘿蔔糕，熱咖啡。皮蛋瘦肉粥~綿密粥底好棒，聰明的廚師將熟瘦肉拆絲，瘦肉絲成本不多，顧客不用進食多肉，真的一舉兩得。$30一份早餐，不能要求太多了！吃埋三件香煎蘿蔔糕，我當午餐了，蘿蔔糕頗不錯，沒有太油膩口感，還吃到蘿蔔絲與少許臘肉碎，味道不會太濃。熱咖啡，料不到快餐店都享受到心型咖啡，很美妙喔！

同事介紹話好食既焗飯，中午時段次次經過都賣晒，今日終於俾我食到。「三重芝士焗葡汁雞皇飯」好多汁，好濃芝士味，而且價錢抵食又飽肚。飯係蛋炒飯黎，雞肉無雪藏味，不過個汁有少少流。

菠蘿咕嚕肉有一半係豆卜，有一半係用肉， 蝦仁韭黃炒蛋，啲蛋老得可憐， 滑蛋粟米魚塊 ， 唔係魚塊係魚粒。 本來食快餐都沒有要求，但這間實在太差了。 沙田其他分店 ，好得多。 希望能夠改善。

#大快活 #打邊爐 #平靚正 #cp值高今次仲有#皮蛋芫荽湯底 同#喇沙湯底 揀，皮蛋芫荽打邊爐必備，仲有好多芫荽，皮蛋，滿滿芫荽味喇沙湯底就唔算好喇沙，係惹味啲咁，又唔算好椰同好辣我仲揀咗#金邊粉 同#公仔麵 金邊粉不錯，唔會話好易斷，好快就烚得腍。公仔麵就有啲失望囉，因為唔係出前一丁，仲要唔係包裝上嘅，唔知係咩牌子肉就可以揀雞或者牛，分量有1磅(8安士) 或者4安士，最後揀咗兩份8安士嘅，先$154，兩個人食到飽到呢其他配料有貢丸，札肉，芝士腸，芝士魚棒，春卷，南瓜，生菜，油麥菜#貢丸 有啲酸酸地嘅味，唔掂#芝士魚棒 一般，唔夠芝，魚棒都搶咗啲芝士味，當佢普通魚棒會食得開心啲，因為都彈牙嘅其他配料就正正常常，係啲菜烚之前要睇清楚啲，因為未必洗得好乾淨味道: 7/10味精: 6/10價錢: 8/10環境: 7/10服務: 7/10#vinainshatin #vinafood #hotpot #一人邊爐 #fairwood #芫荽 #singlehotpot #foodporn #foodie #hkfoodie #f4follow #f4f #likesforlike #l4l

天氣凍，又是吃煲仔飯的時候了！～臘腸豉汁排骨煲仔飯打開煲盍，一股熱氣升上，頓時已感溫暖。豉汁惹味，排骨有咬口又不會韌。臘腸肥瘦適中，臘腸油和白飯混在一起，再配合煲仔飯的甜豉油，真是味美。煲底微焦的飯既脆口又清香～臘腸沙羌雞脾煲仔飯沙羌味濃郁，雞脾肉啖啖肉。再配上一條肥瘦分明以臘腸，真教人滿足。不要小看煲內的那兩條青菜，頓時給這煲飯增添了纖維，平衡了肉的膩。淋上了煲仔飯醬油的白飯變得較吸引，香味十足，不期然又吃掉整個飯了。

美好的生活從豐富的早餐開始，第一次吃大快活的早餐，推出精選早餐，我和友人都一起點來吃。我就吃香滑奶茶、牛油厚多士、栗米粒、香腸、雞扒、雪菜肉絲湯米粉配午餐肉超豐富的早餐，吃到飽，吃完有充滿力量的一天，可是健康美味又便宜的早餐。

早餐經濟$30有炒蛋：炒蛋算滑溜、有多士：多士扒好大塊，麵包皮太晏，不過中心位置軟熟、厚身塗上牛奶都幾好味，火腿通粉：兩片火腿都算多，通粉好味，還配熱飲一杯，小孩喜愛。我另加$7.5配牛奶麥皮或鮮茄腸仔通粉，選擇頗多，價錢公道！

星期六日，有時都不想訓得太晏，有時早起去食個早餐，一整天的假期變精神百倍。香港的平民式早餐，除了茶餐廳，另一選擇有大快活，真係梗有一間係附近， 其實大快活早餐的選擇真係十分十分多呀！有時我企係餐牌面前，想了又想，因為選擇太多，選擇困難證都出來了，哈哈！不算太早，10點鐘到達都已經滿座了，可能大家假日都比較遲起身，等了一陣位子。同老公一人一個餐，份量好足夠！我地2個最喜歡叫有配多士的餐。點解？！因為係可以拎向大快活姐姐煉奶，多士加煉奶係絕配呀！

咁多間快餐店入面，大快活一向都係我既首選，今日如常咁係大快活買個早餐外賣返公司嘆下。雙蛋餐肉蘿蔔糕（$28.5）大快活既大陽蛋絕對係最出色，蛋黃生，蛋白有dd燶邊，講真茶記都未必間間有呢個效果蘿蔔糕，本人唔係咁鐘意食多士，所以有得免費轉蘿蔔糕就最啱我心水。不過成日都賣哂，要早先有午餐肉，呢個就相對弱d，一黎偏鹹左少少，二黎太薄，食落唔夠滿足。如果厚d就prefect la。總括黎講，$30內食到呢份早餐係而家香港黎講都叫抵食

今朝一早去朋友屋企聚舊， 順便買埋個早餐上去。叫咗個吉列豬扒，配兩隻煎熟蛋同多士轉蘿蔔糕但係賣曬。 我仲加配咗鮮茄腸通。吉列豬扒好大塊都煎得好好食， 鮮茄通番茄味好濃，唔錯。 加埋杯熱奶茶真係一個好滿足嘅早餐。不過價錢都唔平，直逼午餐價。

今日早收工見有少少肚餓，就入了去大快活下午茶食下午茶，都有不同選擇，因為想食公仔麵就叫了這個餐($30)，價錢都不太平，但坐得都舒服又吾多人，可以即時買，因為不多人所以勁快就可以有得取首先是份量都不少的午餐肉蛋公仔麵，見到蛋即整好新鮮，但午餐肉就好似沒有煎過，口感好淋身但都叫厚切，公仔麵幼身而口感都不錯，但湯底勁咸，食完勁口乾。而一枝的燒雞翼，勁燶又咸又冇肉，好失望的脽翼。飲品就叫了熱奶茶，茶底都不錯又夠奶香，加了鍊奶都幾滑，而待應都不錯仲有熱水，食完坐下都不錯，但食物質素就真是一般而已。

今天中午又來吃個健怡套餐，一份野菌西蘭花🥦紅米飯$41，野菌有冬菇，草菇，雲耳，另有豆腐，粟米，紅蘿蔔，附送一份餐湯，餐湯內有兩粒蜜棗，整個餐健康美味又滋潤。男友則點了雞扒腸仔飯。

好多人以為快餐店嘅食物質素就一定差，但係你試過大快活節後，我相信你依個諗法就會有所改變因為入面佢好多美食都質素唔差。例如係佢阿活焗肉醬意粉價廉物美，肉醬都相當多。另外， 佢個豚肉糯米飯 淨係晚市得有得食係非常好味其他地方食唔到。

今天又是到呀活吃早餐, 似乎愛上了呀活. 上次點了炒蛋, 這次就試一試脆皮腸. 雞扒質素很穩定, 外脆, 內多汁. 大型連鎖餐廳就好在質素夠穩定, 很少令人失望. 多士很脆, 配上牛油添上香滑. 有需要的可要求花生醬或鍊奶. 脆皮腸確實爽口, 肉嫩. 辣肉醬泡麵惹味可口, 有點嗆但很享受那種刺激.  即磨咖啡香濃. 其實價錢是比一般茶記貴7-8元, 但它就有一塊扒同時又有一碗麵, 所以想要一個豐富的早餐就最合心意了.